مرره مقهووره

[mnoriii]

السلام
السالفه ان اهلي واهله ساكنين في منطقه وحده وكل ماجينا نزورهم اجلس اسبوع عند اهلي وزوجي مره عادي ودايم اجلس عند اهلي وعادي عنده حتى لو اغيب شهر ماعمره قالي اجلسي معي ما اقدر على بعدك وغير كذا هو انسان بارد دايم تخرب اشياء في البيت ومايصلحها الا بعد متى واحيانا مايصلحها ,واليوم صار موقف مو حلو قالي انه بيروح لاخوياه وبعدين بنطلع نتعشا برا وانا انتظر وانتظر في الاخير لما جات الساعه وحده وربع ارسلت له تصبح على خير قالي بجيك بس بعد ايش فيني النوم والمهم ماطلعنا . بالعربي انا احس اني بديت اطفش منه واحس بعد كل فتره ببعد عنه وانا ما احب العلاقه الي كذا رسميه بس هو الي خلاني كذا.

ادري ان كلامي مو واضح ومخربط بس لان فيني النوم:dunno:


المهم عطوني حل

 

[عنقود عنب]

عزيزتي

طولي بالك ... انتوا كم سنة لكم متزوجين ؟؟

كم عمرك وكم عمر زوجك ؟؟

هل عندكم اطفال ؟؟؟

 

[قلبي مشتاق لك]

ياحياتي طولي بالك ووسعي صدرك والله الدنيا ماتسوى يالغلا00000000000

 

[طايرتن بوهتي]

ترى بض الرجال مايبينون شوقهم للزوجه

بس اكيد فيه اشياء تقدرين تعرفين انه يحبك من خلالها ,,,

ويما انك تقولين اهلي واهلة بمنطقة وانكم تزورون ..فشئ بديهي يبيك تشبعين من اهلك ومايبي انه ياخذك منهم فترة الزيارة,,

لكن انتي يمكن مقصرة ,,ماتبيني شوقك وحبك له لو افترقتوا عند اهلكم ,,,

انا تعلمت من ككلكة بلقيس ان الزوجه هي اللي تبادر بكل شي

عشان هو يتعود منها ,,ووالصبر زيييييييين في كل شي


,,,وخلي بالك طوييل وارغبي زوجك فيك مو تكرهينه وتبتعدين عنه ,,,

خاطبيه بعواطف كلها حب وشوق ,,حسسيه انه مهم لك وانك تفقدين صوته وريحته ,,وتتشوقين له كل ماراح عنك ...


اتمنى لك التوفيق

..

 

[ليتني احتويك]

هدي نفسك اغلب الرجااااال كذه طنشي ووسعي صدرك زيه

 

[أصداء]

الله يعينك حبيبتي
بس أقول لك لازم تعيدين النظر في حياتك من جديد وتحاولين تكسبيه بقوة وأنا والله مرت علي لحظات مثلك كذا بس صحيت وبديت من جديد ,,إبحثي عما يحب وما يشتهي أشغلي قلبه وفكره وذهنه وإذا كنت تمرين بفتور راح تتعبين شوي بس بترتاحين بعدين ,إنتبهي ياأختي الحبيبة وابحثي في النت عن المواضيع التي تكسبين بها قلب زوجك وجددي في حياتك وكلماتك وتعاملك وإستقبالك له وفي الأمور الخاصة بالذاااااااااات مثل الفراش إهتمي به وجاهدي نفسك ولا تيأسي وبإذن الله سترين خيرا ولاتنسي أولا وآخرا الإستعانة بالله فلن يخيبك الله ....
دعواتي لك

 

[احبس الانفاس]

مكبراها وهي صغيره لازم المرأة تصبر

 

[mnoriii]

انا عمري 25 وزوجي 30 وبنكمل السنتين من زواجنا بعد 4 شهور.
وانا ما اشوفها بسيطه لان هذي مو اول مره تصير دايم اذا راح لاخوياه يوعدني ان بنطلع نتمشى ونتعشى واذا راح نساني ولايجي الا متاخر :icon28:

ودايم وقت اجازته الاسبوعيه نروح لاهلنا هويجلس في بيت اهله وانا في بيت اهلي وهالشي يقهر يعني المفروض وقت الاجازه نبقى مع بعض نصحى مع بعض . ودايم ابين له اني ما احب كذا وابين له شوقي .

وانا عن نفسي ابد مو مقصره لافيه ولا في بيتي .

مشكورييين والله يعطيكم العافيه

 

[تبيه يحبها]

سبحان الله دايم الحياة في بدايتها حوسه مثل السفينه الي الموج يلعب فيها لين ترسي بمرساها

شوفي حاولي تتفاهمين انتي وياه بشويش وبصوت هادي وتبيني له حاجتك له قولي له انا اذا كنت مع اهلي اكون سعيده بس احب اكون معك يعني مثلا روحي عند اهله مثلا نامي معه اسبوع واسبوع عند اهلك المهم يكون وقت الاجازه مع بعض وزوجك توه مانسى اصدقائه ولازال يسعد بالجلسه معه

ثانيا :قولي له حبيبي اتمنى لو وعدتني ماتخلف وعدك لان الرجال على كلمتهم وانا اثق بكلمتك لانك رجال بمعنى الكلمه (انفخيه يعني)لين ينبسط عشان يمكن مره ثانيه لو عطاك كلمه يكون قدها ولايططنشك

ثالثا :احمدي ربك ترى برود الرجال احسن ميه مره من حرارته حتى لو تاخر في التصليح صدق انه ينرفز بس اهون من العصبي الحار حاولي توشفين اجابياته عشان تحسسن نفسك انك سعيده

وربي يوفقك ياحبيبتي

وثقي مستحيل بيت يخلو من المشاكل والحمدلله على كل حال