مرحبا خواتي تعالوا ندردش شوي في موضوع وبسميه شاي الضحى

[غلا الكويت]

حبيباتي انا من الناس اللي احب الجمعات وديوانيات الحريم نستفيد من تجارب بعضنا وحاب انقل لكم هذي التجارب وحاب استفيد بعد مما سمعتي



ترقبونا قريباً

 

[غلا الكويت]

اسمعوا هالسالفه صج لي قالوا ما ورى الخدم الا البلاوي جت وحده من صديقاتي رواد الديوانية وكانت نفسيتها حيل تعبانه من اللي صار لها ضبطت عند شغالتها نقال ومع التحقيق قالت لها شرته خدامت جيرانهم المصيبه ما وقفت لحد هنا لا مع الايام اتضح انه هذا التليفون مسروق من رجل مهم جدا مسؤل كبير خادمه الخاص سرق النقال وباعه على هالشغاله والموضوع كبر حيل لان التليفون مراقب وطلبوهم الشرطة والمشكلة ان صاحبتنا ما قالت لزوجها الله يهداها لانها قالت السالفة ما تسوى يطقها ويهاوشها وانا بحاجاتها


انتظرونا في البقايا

 

[غلا الكويت]

لالاهههههههههههههههه محد تفاعل يعني اسولف لحالي

 

[ليل الشتا]

غلا الكويت
معك الغلا..
هاتي باجي السوالف عاااد الشغالات سوالفهن وبلايهن كثيره لكن إيش بنقول عن بالويهن وايش بنودر..
الله المستعان

 

[السنع كله]

والله انك صادقه

انا الحمد لله ماعندي شغاله

بس حماتي عندها يوم بتسافر فتشتها لقت عندها بلاوي


لقت صور لها وهي لابس ثياب حماتي

وساعاتها واغراضها

بس الي يقهر مين صورها؟؟؟

ومن وين لها الكاميرا؟؟؟


الله يكفينا شرهم

عاد اختي غلا الكويت كملي ايش صاااار!!!!​

 

[غلا الكويت]

مرحبا حبيباتي وشكرا على الردود الحلوه اكمل معكم امس في الديوانية وكانت عند جارتي شفت صاحبت الشغالة وتقول انتهت المشكلة بس المشكلة الثانية ان ما في سفر هالسنه لان عيالها صغار وما يتحملون بدون خادمه وجتكم السالفه الثانية جتنا واحده من جاراتنا وزعلانه حيل تقول اللي صار لها طول فترة غيبتها لانها غابت فترة شهر عنا وكل ما اتصلنا عليها للاطمئنان تقول ظروف ومشغوله بس شنو طلعت هالظروف شي ما تصدقون اقول لكم قريبا انتظرونا ...........................................................................