(مذكرات زوجين) سلسله قصصيه من كتاباتي

[.-. ذوق .-.]

روعـه ..

هلا والله بالمواضيع الفلــه :clap: ..

يه يه ،،
شهالأسلوب الحلو ،،
وهالأفكار الجهنميه :1eye: !
دشيت على الموضوع وصج صج اندمجت ..
ماشاءالله عليج ،،
أفكارج واايـد حلوه ،،
ونهايات غير متوقعه لول :nosweat: !

بالنسبه حق سالفة يوم الزواج ،،
فـ هذا طبيعي ..
مع الأيام مصيره الريال يقول هالكلمه ..
صج شي يقهر لول ،،
المرا تنطر والريال ولا فباله !
تخطط حق هاليوم من لما يخلص يوم زواجها السنه اللي طافت ،،
لي السنه اليديده ..
( كلش ما أبالغ :shiny: ! )
والريال متجاهل !
طبعاً مو الكل ،، البعض ..

أما الزواج من أجنبيه ،،
فـ دهنا فـ مكبتنا ..
وبلا ما يدورون يمين ويسار والزين كله عندنا :blush-anim-cl: !

والصداقة وبطيخ ،،
هذي خرابيـــــــط ..
شنو صداقة ؟
شنو اهو مو متزوج ؟
ليش الصداقات والأمراض النفسيه ؟
شاللي مو لاقيه عند مرته ؟
نقاش .. حوار ؟
مسكينه والله اهو يقول لها انه هذا اللي قاصرها ،،
ومن باجر يلاقيها تحوس بالمكتبات تدور كتب تثقيفيه ..
بلا ما يتفلسفون الرياييل وايد :dunno: !
عاد ياليــــــــــــــــــت اهما كاملين عشان يدورون الكمال عندنا !

شكلي بديت هجومي عليهم ههههههه ..
أقول غروب ،،
خل أقوم أنام أحسن هههه ..
تصبحين على خير :shutup: ..​

 

[عاشقة الضباب]

هذه مشكلة العصر الماسنجر والشات والصداقات الي يقولون عنها شريفه وبعض النهايات في هذه العلاقات قد تكون غير شريفه الله المستعان
في انتظار المزيد من المذكرات الواقعيه

 

[ام سمسمه]

ماشالله سلوى تطلقت عشان زوجها يكلم بنت قدامها ومهند يشوف انها ما ترجعله عاد وهو يكلم سلوى قدام العنود وش تسوي فيه !!!!!!!!!!!!!!!!!!!!!!!!!!!!!!!!!!!!!!
غريب امر الرجال

 

[تاج الحياة]

صح الله لسانك يا أم سمسمة وماتهون غروب والباقين.

 

[بلقيس14]

ماشالله سلوى تطلقت عشان زوجها يكلم بنت قدامها ومهند يشوف انها ما ترجعله عاد وهو يكلم سلوى قدام العنود وش تسوي فيه !!!!!!!!!!!!!!!!!!!!!!!!!!!!!!!!!!!!!!
غريب امر الرجال

حرام علينا وحلال عليهم
من شاف عيب الناس ماشاف عيبه يامهندووووووووووووه :crazyحاقده بقوه)

لا وبعد صداقه شريفه

 

[غروب*الشمس]

كلامكم عين العقل

ولو كل وحده تلعب ببيوت الناس تحط نفسها بمكانهم بالتأكيد ما راح تتصرف كذا

الله يرحم بحالهم و بحالنا ويهدي ازواجهم وأزواجنا​

 

[غروب*الشمس]

(اللي ماله خير في أهله ...)

مذكرات زوجين....

(اللي ماله خير في أهله ...)
,,

اليوم حلو كثير والجو ميال للبرودة شعور يخليك تطير
وكأنك مو على الأرض
مزاجي اليوم من أحسن ما يكون ففكرت أروح أشوف الوالدة
لأني صار لي يومين مو شايفها ...وتبغون الحقيقة لو ما
أشوفها يوم أحس إني فاقد شي
مهند" السلام عليكم
شهد" هلااااااا وينك فيه ...أخيرا حسيت فينا
مهند" أبد والله تدرين مشاغل
شهد تمسك يده" اشتقنا لك تدري ما نقدر على فراقك
مهند يبتسم" خلصي وش عندك
شهد " هههه بموت من الملل والرتابة أبغي أغير جو مليت
مهند يشيل يده من يدها ويروح يسلم على أمه
أم فهد" هلا يمه هلا بحبيبي
مهند يبوس يدها" عذريني يا لغالية انشغلت عنك ها ليومين
أم فهد ودموعها بعيونها" أهم شي عندي انك تكون بخير
....لين صرت بخير تأكد إني بخير
مهند" الله يخليك لي ولا يحرمني منك
أم فهد" إلا كيف العنود ؟؟؟ ليه ما جبتها معك؟؟
مهند" والله يمه أنا جاي من الدوام إلى عندك....هااا وش
غداكم؟؟
شهد" والله ما سوينا غدا
منهد معصب " ليه؟؟ انت ما تدرين إن أمي معها السكر
والمفروض إنها تاكل زين
أم فهد" والله اللوم مو عليها ...العتب على وليدي إلي مهملنا
كلش ومو معبرنا صار لنا اسبوعين ما عندنا شي نطبخه
جالسين على النواشف
مهند" طيب دام هو مقصر في مصروف البيت ليه ما دقيتوا
علي؟؟
ام فهد" والله اللي عليك سويته يكفي المصروف اللي تمشيه لنا
كل شهر يكفي ويزيد بس وش أقول
مهند" قوموا رتبوا حالكم وتعالوا معي للبيت نتغدا سوى مع
العنود
بالفعل قامت أمي وشهد يلبسون أنا في هذا الوقت دقيت على
العنود ابلغها إني بجيبهم معي حتى ترتب حالها
العنود"هلا حبيبي
مهند" هلا فيك ...كيفك؟؟
العنود" الحمد لله ...لا تقولي ما بتجي تتغدى
مهند" إلا جاي ومعي أمي وشهد
العنود منصدمه" كيييييف لا مهند لا تحرجني
مهند بحزم" شو أحرجك هم مو أجانب
العنود" إييي عارفه لكني اليوم مسويه ستيك وسلطه بس
مهند" مو مشكله طلعي سمك وسوي رز على السريع
العنود" إييي بس
مهند" مع السلامة
سكرت العنود من عنده وهي موصله حدها متى يمديها
تسوي كل اللي طلبه مهند
صارت تشيل وتحط وترتب وتضيف لمساتها لحد ما دخلوا
عليها
شهد" الله يعطيك العافية
العنود بابتسامه " الله يعافيك حبيبتي
شهد" ودك بمساعده؟؟
العنود" لا والله كل شي تمام ...طلعي انت لا يكون تمسك
فيك ريحة السمك
شهد" اوووه أتمنى إنها تمسك فيني لو تدرين من متى إحنا ما
ذقناه ولا شميناه
العنود" ههههه انت تقولين كذا بس من زود حبك له
شهد" لا والله تفكريني أمزح ؟؟
العنود بذهول " معقولة؟؟
,,
في الصالة ...
مهند" الوو السلام عليكم
فهد" هلا والله فيك ...ها بشرنا عنك
مهند" الحمد لله ...أقول فهد تعال عندي شوي
فهد" ليه ؟؟
مهند" لا بس أبغيك بشغله
فهد" طيب شوي وأنا عندك
سكرت من عنده الخط وأنا خاطري اقتله بسبب إهماله لأمي
وأختي وأنا إلي كنت معتمد عليه بسبب إن راتبي أفضل من
راتبه فقررنا إني أحط ألفين وهو يحط فوقهم ألف ويهتم هو
بشئون البيت
أم فهد" يا يمه ما حاجه كلمته ...لا يكون يقولك شي يضايك
ولا شي
مهند" على فكره انت عليك ثلاث أرباع اللوم ....
انت السبب ليه ما كلمتيني عن سواياه معكم كل ما أكلمك
تقولين لا والله إحنا بخير ومرتاحين ومو قاصرنا شي
أم فهد" وش تبغيني أسوي يا ولدي ؟؟؟
أنا أهم شي عندي راحتكم وأنا عارفه انك بتتضايق
لو عرفت وش يصير
كلامها نرفزني أكثر وفضلت إني اسكت لحد ما يجي فهد
واعرف منه السر ...ما قصرت العنود ضبطت لنا الأكل
وجلسنا على السفرة نضحك ونسولف ومو هامنا وش صار
أو وش راح يصير لما يجي فهد ...
شوي إلا بدخلة فهد علينا طبعا أنا لزمت على العنود إنها
تاخذ شهد ويتركونا لوحدنا
فهد" اوووو سمك ما قلتوا لي أجي اتغدى معكم
مهند" وعليكم السلام ....تفضل
فهد" مع إنها فضله لكن مو مشكله السمك حلو لو شو ما كان
مهند" دام عارف إن السمك حلوا ها لقد ...كيف تحرم أمي
منه؟؟
فهد" هااا أنا ...لا توني ما خذ لهم سمك صحيح يمه ؟؟
ام فهد" اييي يا ولدي من شهر ونص
فهد يطالع في مهند" شفت كيف انا ما اعرف اكذب
مهند" اممم طيب انت متى آخر مره أكلت سمك؟؟
فهد" اسكت هذي عفوره تتنسى على السمك وكل يوم والثاني
اجيب لها سمك
مهند ضايقه كثير كلامه بس يبغي يعرف آخرتها " ما علينا
من ها لكلام ...أنا ليه أعطيك مصروف للبيت؟؟
فهد وهو ياكل" حتى اصرف عليهم
مهند" وانت تصرف؟؟
فهد" شوف يا خوي ....بصراحة التبذير شين وأمك ما
تعرف تتصرف في ها لأمور
أم فهد" أنا أمك بعد يا فهد وبعدين ابغي اعرف وش طالبين
إحنا ؟؟
فهد" كل شي تتشهينه يا لغالية والله اليوم عندك ضيوف
وبكره بنتك أميره جايه وبتشترين هدايا لعيالها وأشياء مالها
داعي
مهند" وانت ست الحسن والجمال زوجتك ما تتطلب أشياء
مو مهمة
فهد" اسمح لي يا اخوي هي ماجات طلبت منك ...الحمد لله
إحنا ممشين أمورنا
مهند" اييي كلامك صحيح لكن الظاهر انك نسيت العشرين
ألف اللي قلت انك مديون فيهم وأنا كنت ناوي أسافر مع
العنود نغير جو لكني فضلتك على نفسي وعلى زوجتي وقلت
إن اخوي أهم ...
بالله وش سويت فيهم ...ما لقيتك إلا أخذت عفراء للكويت
أسبوع ومن مطعم لمطعم وملابس ماركات وغير كذا
بفلوس منو انتوا جالسين تتمتعون
بصراحة أنا اليوم مالي وجه أقول للعنود إن اخوي محتاج
ولازم أساعده طالما هي تشوف زوجتك تلبس وتاكل وتتمشى
أحسن منها
ما تقولي كيف ترضاها على زوجتك وما ترضاها على أمك
\\
//
هذا مثال من أمثلة العقوق وش الحل برايكم ؟؟؟؟؟؟

​

 

[بلقيس14]

الحل برأئي ان يسلمو المصروف المتفق من كلا الولدين للام وهي تديره بنفسها كونها تعرف ايه يلزمها
وتحاول توفر منه بطريقتها
أو يتكفل مهند بالقيام والاشراف على مصاريف امه واخته كونه احكم من فهد في تدبير اموره

 

[ms-reem]

هلا والله بالمواضيع الفلــه :clap: ..​

يه يه ،،
شهالأسلوب الحلو ،،
وهالأفكار الجهنميه :1eye: !
دشيت على الموضوع وصج صج اندمجت ..
ماشاءالله عليج ،،
أفكارج واايـد حلوه ،،
ونهايات غير متوقعه لول :nosweat: !​

بالنسبه حق سالفة يوم الزواج ،،
فـ هذا طبيعي ..
مع الأيام مصيره الريال يقول هالكلمه ..
صج شي يقهر لول ،،
المرا تنطر والريال ولا فباله !
تخطط حق هاليوم من لما يخلص يوم زواجها السنه اللي طافت ،،
لي السنه اليديده ..
( كلش ما أبالغ :shiny: ! )
والريال متجاهل !
طبعاً مو الكل ،، البعض ..​

أما الزواج من أجنبيه ،،
فـ دهنا فـ مكبتنا ..
وبلا ما يدورون يمين ويسار والزين كله عندنا :blush-anim-cl: !​

والصداقة وبطيخ ،،
هذي خرابيـــــــط ..
شنو صداقة ؟
شنو اهو مو متزوج ؟
ليش الصداقات والأمراض النفسيه ؟
شاللي مو لاقيه عند مرته ؟
نقاش .. حوار ؟
مسكينه والله اهو يقول لها انه هذا اللي قاصرها ،،
ومن باجر يلاقيها تحوس بالمكتبات تدور كتب تثقيفيه ..
بلا ما يتفلسفون الرياييل وايد :dunno: !
عاد ياليــــــــــــــــــت اهما كاملين عشان يدورون الكمال عندنا !​

شكلي بديت هجومي عليهم ههههههه ..
أقول غروب ،،
خل أقوم أنام أحسن هههه ..

تصبحين على خير :shutup: ..​

يا خطييييييييييييييييييييييييييييييرة انتي
اموووووووووووووووت باللي يعصبون وتعجبيني اذا تكلمتي بحماس وبلهجتك

يا حبي لك وينك لك وحشه وااااااااااااااااااااااااايد ما تنشافين بشرينا عن دراستك واحوالك



غروب يا حلو دراسة الحالات اللي تسوينها كل وحده احسن من الثانيه

 

[*loOoda*]

ياااي بجد الموضوع ماارا حماسي والقصص حلللوه تسلمي غرووب

بالنسبه للقصه الاولى (عيد الزواج)

طبعا مهند غلطان بس اغلب الرجال كدا يشوفو دي الاشياء تفاهات ومالها داعي عاد الله يعيننا عليهم =)

والقصه التانيه (زواج الأجنبيات)

يستاهل اللي جاه وانا مااره ما اايد الزواج من الاجنبيات في مثل يقول اللي يتزوج من غير جنسو يظلم نفسو <<< مني متاكده اذا المثل مزبووط او لا p=

القصه التالته (صداقة شريفه )

مااره قهرني مهند الغبي مافي شي اسمو مجرد صداقه او صداقه شريفه سواء للرجال او الحرمه لكن مجتمعنا هوا اللي يشجع الرجال انهم يسوو اللي يبغوه على قولتهم (الرجال شايل عيبو) <<< ماالت علييهم =@

القصه الرابعه (اللي ماله خير في أهله ...)

الحل انو الفلوس اللي مخصصينها لامهم يعطوها اياها في يدها وهيا تتصرف فيها

وفهد والناس اللي زيو الله يهديهم ويصبر اهاليهم =s

مشكووره غروب ع الموضوع وبانتظار القصه الجديده =)

 

[ورد الأمل]

اعجبتني كثيرا فكرتك
وطرحك رائع
وملامستك للواقع في محلها
معجبة بقلمك الرائع ... وطرحك واسلوبك


بالنسبة ل (( ذكرى الزواج ))

ارى ان العنود كان لابد ان تهيء زوجها من قبل لهذا اليوم
وترسل له رسائل تذكيرية ... عن مدى انتظارها لذلك اليوم ولهفتها له ... واستعدادها

لان الرجل مثل هذه المناسبات قد تشكل له اهمية لكن ليس بقدر اهميتها عند المرأة وهذا لاختلاف طبيعة الرجل عن المرأة ....

(( زواج الأجنبيات )) برأيي لو لم يتم ذكر جنسية معينة افضل لان المنتدى عام وتحديد جنسية معينة قد يثير الحزن والحنق في نفوس اخواتنا ... ونحن هنا اسرة واحدة فلا داعي للتجريح ... وعموما النساء هن النساء ولكنها الخبرات والثقافات ... ومن الممكن ان تمتلك المرأة عدة جنسيات في قالب واحد بدهائها وذكائها وانوثتها ورقتها ومواهبها الفطريه التي وهبها الله اياها ... متى ما ارادت هي ذلك !!!


(( صداقة شريفة ))

ليس بين الرجل والمرأة صداقة شريفة ابدا
ولو كان مهند كما يزعم يخاطب عقلها وثقافتها لما علم عنها انها مطلقة ووو
فهذا يدل على انهما تطرقا لحياتهما الشخصية والعاطفية
وقد قال للعنود ... حين سألته هل يرضى ان تفعل هي ذلك قال نعم ... وانا اتحدى اي رجل عاقل ان يسمح لامرأته ان تقيم صداقة مع رجل ما ... ولكنه متأكد بانها لن تفعل !!!

(( اللي ماله خير في اهله ))
الحل برأيي ان يقوم هو بادارة شئون اهله ... مهما كان مشغولا فذهابه لاصدقائه يعني ان هناك وقتا لديه الاولى ان يصرفه لأهل بيته

فالام كانت ولازالت تهب عمرها كله لابنائها فهل هو كثير عليها ان يضحي بوقت متعته من اجلها

فكم من الامهات امتنعت عن حضور الحفلات والمناسبات بسبب اطفالها وانشغالها بتربيتهم ... وها قد اتى وقت رد الجميل


دمت دوما متألقة
وننتظر جديدك

تحيـــاتــــي