صبااح الخر عليكم جميعا
زي ماانتو عارفين اليوم الاربعاء
وجاء موعدي المنتظرطبعا كان الساعه 6 والنصف مساء
رحت وانا في قمه توتري وخوفي مو عارفه وش السبب
يعني باقي تونا بالبدايه ومافيه شئ مجرد كلام
وامي ماكانت معاي لان كان راح يجينا ضيوف
فقلت سبحان الله خيره اقابل الدكتور وبعدها اقرر اذا تروح معي مره ثانيه او لا
المهم وصلت العياده وقالوا لي انتظري جلست بالانتظار وكان فيه امراه كبيره في السن
يعني عجوز زي ما يقولون طبعا سلمت وجلست وردت علي السلام وسكتنا
طبعا حريم ويجلسون ساكتين من عاشر المستحيلات قالت انتي عند الدكتور فهد
قلت لها ايوه قالت وش فيك عسى مشر قلت ابدا الشر مايجيك ماودي اقولها عشان خايفه من رده فعلها
مو ناقصني تحبيط وتخويف قالت لا يكون تدبيس وماتدبيس ضحكت له قلت الا قالت يابنتي استخيري وش تبين بها
سوي رياضه ورجيم وتنحفين وش لك بهالعمليات قلت قلت سويت بس مانفع معي قالت الا ينفع
ترى كثيرين ماتوا وفيه ناس عدو منها استخيري ربك قلت ان شاء الله
انا كنت خايفه وبعد كلامها مت خووف اكثر وصل فيني الشعور لدرجه ان بطني صار يألمني
والحمد لله نادوا عليهاوقامت وجلست افكر بكلامها لحد مانادوا علي قمت وانا ميته خووف ابي ادخل ومابي ادخل
توكلت على ربي ودخلت وانا خلاص اعصابي تلفت ابي ابببببببكي مدري من ايش او عشان ايش
يمكن عشان انضغطت الفتره الي راحت كثير بس عشان اخذ موعد معاه او اوصل لهالشئ ولما وصلت له كانت هاذي ردة فعلي
او يمكن من كلام هاذي الحرمه ماادري والله وش السبب المهم جاء بنفسي ابكي زي لما اكون في بيتنا وخلاص عيني بدت تصير حره يعني قربت تدمع دخلت قبل اخوي وسكر هو الباب الا ويدق جوال الدكتور ويرد وانا استغليت الفرصه وجلست وبديت اذكر ربي واكلم نفسي انه مافي شئ يبكي واني اقوى من كذا وكلام كثير المفاد اني ارتحت شوي واخذت نفس خلص الدكتور مكالمته سلم علي وجلس على كرسيه سائلني وش فيك وش اقدر اساعدك فيه ومن هالكلام قلت ابي اسوي تكميم معده وجلس يسالني عن عادتي الذائيه قالي قومي نشوف وزنك انا قايمه وعلى بالي وزني زي ماهو وان زاد 2 الى 3 كيلو
اطلع على الميزان واثريني مخببببببصه ام السالفه وزني وصل 133 مو مصدقه مستحيل يكون كذا صحيح مايفرق عن اللي في بالي كثير بس برضوا مو هذا الي انا متوقعته كان احد سطرني كف على وجهي حسيت اني فيله مو انسانه رجعت للواقع وبسرعه نزلت خفت يبكي الميزان وانا جالسه عليه ويفضح فيني المهم حسب الدكتور وطلع ان كتله جسمي 50 يعني يفوووق الطبيعي بكثيييييييييير بداء يشرع العمليه وسلبياته وشارطني اذا عندي اراده اسوي كذا وكذا وكذا ابداء الموضوع اذا ماعندي اقوم اطلع قلت اوكي موافقه على شروطك وكمل معاي النقاش حول العمليه واتفقنا على ان العمليه راح تكون الاسبوع القادم يوم السبت الساعه 8 صباحا وطلب مني اباشر بموضوع الفحوصات واقابل المسؤل عن التخدير وباقي الاستاف
الى هنا الموضوع تمام والحمد لله التوتر الي كنت احس فيه لما تكلمت مع الدكتور بداء يخف كثييير واخوي استرسل معه بالكلامواقتنع بكلامه مع انه داخل معي كامحرم ومعااارض وبشده الفكره بس الدكتور اقنعه بكلامه المنطقي طبعا وصلت لقسم الفحوصات وللاسف المبلغ الي معي مايغطي كنسلت الموضوع وقلت لهم بكره بجي قالوا الصباح رجعت البيت وكان عندنا ضيوف وصعبه اتكلم مع امي قدامهم وجمعتنا الصدفه ان امي كانت تصلي العشاء بمجلس الحريم وانا كنت داخله باخذ شئ فتكلمنا بالموضوع وقلت لها بكره بسوي تحاليل والخ وقالت كم تكلفه العمليه قلت 40 الف قلت نعم انهبلتي انتي وبدت تهاوش فيني انا اول رافضه عشان خوف عليك والحين بعد خوف عليك وصرف فلوس اقول اعقل وخلي الهبل عنك طبعا صعب جدا اناقشها بهالوقت سكت وخليت الامور تمشي قلت لها راح ادبر نفسي لا تشيلين هم قالت خير وش تدبرين نفسك وبدء الموال طلعت عند الضيوف وكملنا السهره على خير بعدها طلعت لغرفتي لاني كنت تعبااااانه من كثر التفكير وابي انام امس مانمت الا 3 ساعات بس للاسف ماقدرت انام بالي مشغوووول يعني الحمد لله قطعت شوط وسويت شئ كبير وحلو بس خايفه ينهدم
خايفه امي ترفض واجلس انا بحسرتي قلت مالي الا بلقيساتي اقولهم وش صار معي وافضفض لهم عن الي بداخلي
هههههههه
