مذكرات امرأة سمينة: "لذلك قررت عملية ربط المعدة"

صباح الخير جميعا شخباركم شو وين الجماعه لاحس ولا خبر امسافرين ولا تزهبون لرمضان ولا مشغول بجسامكم ماعليه على العموم الغايب عذرة معاه انا اخباري تمام وكل شي ماشي ولله الحمد رحت امس ذوجت 1ونص حق رمضان عسب ما اكل ازياده وانشالله خير وانتو شخباركم اعتقد ان الرابطه صارت اشويه بارد وياها خمول تحتاج لفترة انعاش شدو حيلكم واصلو النحت باجسامكم باي حبيت اسلم على الناتوليه وزين 81
 
انثى الرماد قال:
صباح الخير جميعا شخباركم شو وين الجماعه لاحس ولا خبر امسافرين ولا تزهبون لرمضان ولا مشغول بجسامكم ماعليه على العموم الغايب عذرة معاه انا اخباري تمام وكل شي ماشي ولله الحمد رحت امس ذوجت 1ونص حق رمضان عسب ما اكل ازياده وانشالله خير وانتو شخباركم اعتقد ان الرابطه صارت اشويه بارد وياها خمول تحتاج لفترة انعاش شدو حيلكم واصلو النحت باجسامكم باي حبيت اسلم على الناتوليه وزين 81
أنقر للتوسيع...


اهلا اختي والله ادخل يوميا ومافي ناس مدري عنهم وين ....انتي للان كم مضيقة طيب؟؟ اقدر انا اضيقها كثير من اول مرة؟؟؟انتي لما بديقيها ماتعودي تاكلي كثير بتشبعي بسرعه؟؟؟وانا الان لسه ماديقتها عشان لسه ماوصلت للشهر ولساتي باكل سوائل يعني لو اكلت قطعه خبز مثلا صغير بتمر او برجعها حاشكم ...بتمنى الرد السريع يارب
 
عزيزتي النالوتية..

كم تكلفة العملية ووين سويتيهاأنامن جدة..ممكن تفيديني..
ربي يسعدكِ ويوفقكِ يارب
 
ربي يشفيكِ يازوجة ولكن..
ويردك بالسلامة ويرزقكِ من فضله أكثر مما تطلبين يالغلا..

وشراً للجميع هنا والله إستفدت من تجارب الجميع ربي يسعدكن غالياتي ويوفقكن لكل خير..
 
سلام يا بنات ايش اخباركم
حد سأل عليا والا لا؟
انا يا بنات عملت عمليه قبل شهر وطبعا مو عمليه مثل عملياتكم صار عندي بعيد عنكم حمل خارج الرحم وانفجر الكيس
البويضه زرعت نفسها في قناه فالوب وكبرت شهر ونص وبعدين انفجرت وربنا ما وريكم الالم اللي صار لي المهم حسيت ان ربي مو كاتبلي اعمل عمليه تصغير او تدبيس وفي عز مانا ادور على عمليه تساعدني على التخلص من السمنه صار اللي صار وانا حاسه اللحين انه مالي نصيب المهم بعد العمليه انا رحت بيت اهلي وقعدت عندهم ومافي نت هناك وبعدها سافرت مصر وانا الحين في مصر والحمدلله سويت شوبينج بمقاسي الحالي بعد صدمتي في تغيير المقاس طبعا زاد وزني بعد كم يوم رايحيين على سوريا ويوم ارجع اليمن ان شاء الله برجعلكم من جديد تحياتي للجميع
 
السلام عليكم جميعا
حبيت اهني الاخت امرأه ولكن على نزولها ووصولها لمحطة الامان وعلى اسلوبها الشيق في سرد احداث حياتها

وابارك لاخواتي الدبدوبات على نزولهم

والحين بعرفكم بنفسي
انا اختكم شوشو من السعوديه واعاني من سمنه مفرطه وسويت عملية الحلقه قبل تقريبا ثلاث شهور ونص طولي 159 ووزني قبل العمليه 122 كيلو وعمري 23 سنه

اعاني من السمنه طول حياتي بس ماكنت مهتمه لان جسمي من النوع اللبيس اللي وش ما البس يطلع حلو علي لانه متناسق بس سمينه والحمدلله راضيه عن جمالي مليون بالميه بس من دخلت الجامعه وبديت اسوي رجيم واشوف اني التزم بالرجيم بس مافي نتيجه رحت لدكتورة تغذيه مشهوره عندنا بجده اسمها دكتوره نبيله بمركز الطب الصيني وسويت ابر صينيه ووقتها كان وزني 105 بس انزل ببطئ وعلى كثر مانزلت بس اترك الرجيم ارجع الدبل واعترف اني كسوووووله جدا سجلت بنادي قولدز جيم بجده لمدة سنه ما داومت الا شهر ونص متقطعه بعد يعني اقدر اقول اني غلطانه والغلط مني مو من غيري ما التزمت بشي بس بنفس الوقت اذا التزمت ما انزل واذا ما التزمت بشي ازود يعني دايما مقهوره من نفسي
بالاخير قبل سنه ونص رحت زياره لامي (مع العلم انا غير متزوجه وامي وابوي منفصلين وامي كويتيه)
المهم امي ملت من كثر ما تقولي اضعفي وانا هاذي المره قلت لهها وديني انتي بنفسك وشوفي بعيونك انا اضعف ولا لا ودتني لدكتور تغذيه اسمه طالب الشمري معروف بالكويت وشهرين وانا اراجع عنده بس مافي نزول الا 4 كيلوات يعني شي لا يذكر بالنسبه للحرمان
حولني الدكتور على الغدد قال انتي لازم تسوين تحليل وطلع عندي خمول شديد بالغده الدرقيه ومن وقتها وانا اتعالج
وصارلي سنه وانا ابي اسوي عمليه الحلقه بس محد معبرني لانهم خايفين من مظارها بالذات ان العايله محد سواها قبلي واصلا انا الوحيده من البنات اللي دبه الباقين مقبولين لحد ما
المهم رحت زواج كنا معزومين عليه بجده مع عماتي وشافتني وحده تصير صديقة عمتي قالت لها ليش كذا البنت مره حلوه بس حرام سمنتها تشوفين الوجه ملاك بس جسمها مخرب جمالها
واقنعت عمتي وهي بدورها اثرت على جدتي اللي انا اساسا عايشه عندها وانا دلوعتها بعد
المهم قررت اسوي العمليه وجبت واسطه عشان ادخل بنفس الاسبوع المستشفى لاني بسويها بمستشفى حكومي ب 8600 ريال اوفر من الاهلي اللي يوصل 33000ريال ونفص الدكتور بكل المستشفيين
المهم سويت تحاليل العمليه وكل شي واجلتها الاسبوع اللي بعده عشان كانت جايتني الدوره مع ان الدكتور قال احسن تكون عليك الدوره عشان نضمن انه ما تجيك جلطات من الاثار الجانبيه اللي معروفه لاي عمليه مو شرط هالعمليه بس انا ماحبيت قلت تعب علي
المهم سويت العمليه الساعه 4 العصر دخلت العمليات ماطلعت الا 8 ونص عشان الرئه كانت تعبانه عندي شوي لاني مدخنه المهم تنومت بالمستشفى ثلاث ايام وطلعت والحمدلله كنت متوقعه اني راح اتعب اكثر بس الحمدلله كان عندي اختي وعماتي وجدتي ماقصرو
تحطمت اول شهر ما نزلت الا 6 كيلو وانا كنت حاطه باللي معجزه راح تصير بشهر مع اني عارفه بس كنت اشوف نفسي طول الشهر سوائل عمري ما سويتها توقعت انزل اكثر
المهم الدكتور كان يبي يقنعني بعملية تغيير مسار بس انا دراستي بمجال طبي ففاهمه انو الدكاتره يحبون يرغبون المريض بالعمليات الجديده عشان هم يستفيدون اكثر ويتدربون اكثر على هذي العمليات وغير كذا انا شفت ان الحلقه اسلم من ناحية فايدتها واثارها
المهم كل شهر او شهر ونص اروح اضيق الحلقه عند الدكتور ماكنت احس بشي صح اكلي قل كثير بس من ناحية الم واستفراغ ابدن ماحسيت فيه
وبيوم اكلت مخلل مع العلم اعشششششششششق المخللات اكلت علبه كامله مخلل خيار بحجه ان الخيار مايسمن وانا عارفه انه يفتح الشهيه المهم ذاك اليوم تعبت واستفرغت بعدها وعدت نفسي اني ماراح اضرها
المهم بجده عند دكتوري ضيقت مرتين 5 سي سي والحين ضيقت بالكويت عند دكتور كويس بعد مدحه لي دكتوري اللي بجده قالي اذا بغيتي تضيقين الحلقه روحي له اسمه خالد الشرف بالجابريه المهم الحين صارت كلها 6 ونص سي سي هذا الشهر حسيت بالفرق حسيت اني بديت اتقطع وانا اكل اغص باللقمه وانا اكلها بس كله يهوووون عشان اصير الرشيقه شوشو واليوم قست وزني والحمدلله انا سويت العمليه يوم 2|4|2009وكان وزني وقتها122 كيلوواليوم12|8|2009وزني 101 كيلو وان شاء الله الخير قدام
ونصيحتي لكل متينه لا تترددين بعمليه الحلقه من اسهل العمليات ومافي عمليه الا وفيها اخطاء طبيه بس انتي عليك تختارين دكتور له سمعه طيبه وثقه وان شاء الله خير واي استفسار انا حاضره

اختكم |الرشيقه شوشو
 
السلااااااااااااااام عليكم يااحلا البناااااااااااات...
شلووونكم شخباااااااااااركم لكم وحشة بقلبي مايعلمها غير ربي ...((حلو السجع ههههه))
وحشتوني ومبروووك النزوووول للي نزلوووووو ....
انا ولله كنت الاسبوع اللي فات مشغووووله شوي فمن جذي ماقدرت احط لكم مشاركاتي المتواااضعه ...
وغيرها كنت محبطة لأن وزني الميمون ليما نزل ارتفع الحبوب فكنت شويه مالي خلق روحي ....:)
مشكوووورة ياام حمدي عالسؤااااال فديت قلبج ... ولله ماتشووووفين شرررر يالغالللللللليه حزنت عليج والله يعوضج ......... ومن رمضان ابتدي تخفيف ويلله بخليج تسوين ريجيم هههه(( عبالي بعسكريه قاعده|))
امرأة ولكن بعد عمرررري طمنينا عليييييييج وبشرينا وانا متفاااائلة لج بالخير حبيبتي ....
الرشيقه شوشو فديت روحج ولله ماشالله مبروووك21 كيلو في 4 شهور انجاااااز حلوووو تبارك الرحمن ...حلووووه قصتج عجبتني وكيب ات اب :) نبي نسمع اخباااارج وتشجيعج ..اللاي متى اوصل حق101 بسوي حفله بنات ترا وكلكم معزومين ههههه... ولله اللي بتيي البحرين تسوي لي تلفون ونتلاقى عادي ترا ...انا مابوزن الا بإذن الله عقب اسبوع وبقولكم جم نزل ...ينني هالوزن ولله الوحده تغفل عنه شوي يزيد على كيفه ...بس اهم شي ان الوحده ترجع لرشدها ماتنسا روحها ...والله يابنات هالعزاااايم مشكله حتى لوالوحدة تاكل شوي مع السوالف تحبين تاكلين ((جنج ماتدرين )) بس يلله الحمدلله على كل حاااال ....
موعدي مع الطبيب الاسبوع الياي ...اذا مانزلت بأجل الموعد اسبوع لايزفني مافيني شده هههههه ..وطبعااا بسوي التضويق الثاني عشان هالمعده تحترم نفسها شوي والوزن يتحرك ويخجل من نفسه ويقدر هالمسكينه(اللي هي انا محدثتكم ) ويحس بالمعاناة ومودري شنهو اقول بعد ...
يلله حبيباتي نصيحتي الابديه ..الصبـــــــــــــر مفتاـــــــح الفرج ((الرشاقه)) خلنا كلنا صامدين ...ولله ان الكيلو الواحد نعمة نزوله ...لانيأس لانتعب لا نحبط... ورانا هدف تتشعب منه اهداااااااااف كثيرة ...وكلنا قدها وقدود بإذن واحد احد... اي سؤال او استفسار او اي شي مايردكم الا كيبوردكم انا حاااضرة كلكم خواتي :) تحياااااااااتي
 
حياكم الله اخواتي الحبيبات ما شاء الله اخباركم حلوة يارب دائما

وكل عام وانتم بخير
 
سؤال للرشيقة شوشو وان شاء الله لك من اسمك نصيب انا من السعوديه وحابه اعرف باي مستشفى حكومي

(اي منطقه) سويتيها واسم الدكتور لاني محتاجه اسويها ومو قادره على تكلفة العملية

ضروري ردي والله يوفقك وتوصلي للرشاقة والوزن المثالي
 
السلام عليكم
الله يسهل علي وان شاء الله اسويها
يا بنات عملية تحوير المعدة غير عملية تدبيس او ربط المعدة
واعتقد والله أعلم عملية التحوير اخطر بكثير من الربط.. لان الربط مؤقت بينما التحوير دائمي.
واعرف اخت عملت عملية التحوير والان بدأت بالرجوع بوزنها وهي تعاني من مشاكل صحية
 
الله ياكون في عونك وخبرين عن العمليه هل تنصحين بها ودمت سالمة
وارجو ان لايكون فيها خطر على الانسان........
 
يا الله يا صبايا والله انكم حكيتو الحكي الي بدي احكيه لحدا \
بس هاد الحدا لازم يكون يحص فيا متلكم
انا بدي اساوي تدبيس للمعده
وخايفه كتير جد خايفه كتير
والله قلبي مع كل بنت حكت مشكلتها
الله يوفقنا وينحفنا
ويجعل كل انسان اتمسخر علينا يشوفنا ويعرف انو نحنا احسن منهم
جد انا واختي بنحلم انو نشوف حالنا مره واحده بعمرنا نحاف وبعديها نموت
لان انا واختي محرومين من الملابس نروح مع صديقتنا يشترو ملابس لو احنا نحاف تلبق علينا اكتر
بس والله انو انا بتقطع
والنفسيه اساسا ما ضل نفسيه
غير انهزام
حتى بطلت اطلع من البيت عشان ما اسمع كلمه تجرحني
وعمري ما رحت عرس صاحبه او حفله الا وانا لابسه العباي
يعني عمر ما واحده صاحبتي شافتني لابسه ملابس ملونه
انا بكتب وعشرات الددموع
وسمنتي سبب تركت الانسان الي انا بحبو بسببها
لانو هلئ بيتحملني بكرا ما بيتحملني
يا الله حسيت جبل انزاح عن قلبي​
 
السلااااااام عليكم يابنات
شلونكم شخبااااركم وشحال الدنيا معاكم ....
الكوكب المشع شخبارج طمنينا عليج ...
ام عبدالله صاجه ..التحوير فعلا خطرة لن فيها تغيير بخلقة الله عكس الربط اي شي سيء الله لايقوله يصير تنشال الحلقة ...والمتحورين صج بسرعه ينزلون ويتطنزون علينا احنا المتربطين ههههه لان ماننزل بسرعه بس بالنهايه احنا الحمدلله مايرجع الوزن وان رجع بشكل جزئي مو كلي ...الله يوفق المتحورين والمتدبسين والمتربطين والمتكممين والمترجمين "الي مسويين ريجيم يعني ههههه"... تحيااااتي لج ام عبدالله
الحمامة الجريحه ...فديتج من اسمج يبين انج جداااا مسالمة وطيوبه ...انشاء الله تسوينها وانتي كتبتي جروحنا بعد ... انا ايضا كنت وحدة من الناس في الاعراس مستحيل اشيل العباية اقعد مع النسوان ماقوم ارقص او اشارك في الزواج ...ولااحب اشتري ثيااااب ابداااا اعتبرها قبيحه علي حتى لوكانت مرتبه اعتبرها مبهدله ...وماالبس غير الاسووووود ...وماعندي ثقه بنفسي ودايما اقول خاطري اعيش عمري واحس اني بنت مثل كل هالبنات ... البنت لما تكون جميلة وناعمة وخلوقه وبنت ناس لكن تكون سمينه...للأسف تصير معيوبه عند البشر اذا موكلهم اغلبهم ..لكن لووحده لاجمال ولااخلاق بس رشيقه تصير الكل بالكل وهي التوب!!! ؟؟؟؟ ماعليه حنا هني عشان نتساعد...نشجعكم وتشجعونا اذا مو عمليه ريجيم واذا موريجيم برنامج غذائي واذا مو هالكلام كله لوكلمة وحدده تبرد الخااااطر...احنا مشكلتنا وحده ومعاناتنا وحده ونحس لبعض ... وحاضرة لكم
تحياااااااااااااتي للكل ...موفقين ان شاء الله :)
 
هلا فيك اختي ضربة حظ
تسلمين وان شاء الله كلنا نوصل للوزن المطلوب
انا ساكنه بجده وبحثت عن احسن دكتور بالمملكه واللي يجونه من كل مناطق المملكه وكنت مستعده اسويها لو باي مدينه بس المهم يكون الدكتور زين وماعنده اخطاء طبيه خطيره ولقيت ان احسن دكاتره لعمليات السمنه عندنا بجده واولهم المعروف على مستوى الخليج او المنطقه العربيه كلها الدكتور وليد بخاري بس على حظي طلع من المستشفى الحكومي وصار بمستشفى الطب الدولي وتكلفة العمليه تتعدى 33000 ريال ولقيت دكتور اسمه محمود حمو وهو اللي درب وليد بخاري وسويت عنده بمستشفى الملك فهد الحكومي العام وبس شريت الحلقه ب 8600ريال يعني ربع السعر عن المستشفيات الاهليه بس مشكلتهم المواعيد تتطول شوي بس الدكتور مره كويس وفاااااهم لشغله وبالنسبه لي وثقت فيه لانه رجال كبير وعنده خبره بهالمجال وغير كذا اخلاق و يتعاطف مع مرضاه
والله يوفقك ويكتب لك اللي فيه الخير ويارب تسوينها وتوصلين للوزن اللي تبينه
 
اخواتي انا بدي اسئلكم انا خايفه كتير من تدبيس المعده
بتعرفو حدا سواها وشو النتائج
وهل فيها اضرار ونحفو وصارو رشيقات
 
تسلمي ياشوشو يالرشيقه بأقرب وقت ان شاء الله ومشكوووووره ويعطيك العافيه
احاول اقنع زوجي وان شاء الله ربي يسهل امري وكل مسلم
الى الاماااااااااااام والنحف من غير شر ان شاء الله
 
مساء الخير جميعا كيف احوالكم ام حمدي سلامات ماتشوفين شر والله يعوضج انشالله ابحمل احسن ومشكوره على السؤال الناتوليه اشحالج بالنسبه لسؤالج انا للحين امضوجه 6ونص والحمدالله وزني ينقص اذا ما كلت ككاو وخصوصا اهلي يايين من الهند ويايبين حلويات هنديه لذيذة وانا طايحه عليها بس كل يوم اروح اسوي رياضه بالجيم ساعه صار وزني 82 وكان 90 والحمدالله وناويه انزل من الثمانينات انشالله برمضان الله يسهل انا مشكلتي ما احرم عمري اكل الي ياكلونه لو لقمتين يعني امس متعشيه قطعة بيتزا مثلثه واليوم اتغديت عيش ابيض وسبانخ ودياي مقلي صح اربع لقمات بس الحمدالله احسن من اكل الريجيم واشرب ماي وعصاير واكثر شي عصير برتقال احمر وبس.
ضربه حظ الله يوفقج ويسخر ريلج وتسوينها وتنظمين لنا .
الحمامه الجريحه لا تخافين الصراحه ريلي امسوي تصغير معدة ووايد مرتاح ونقص وزن وايد كان 136 وصار ا108 ابربع اشهور لا تخافين عادي مع انه ما كان حاب بس الدكتو رقاله الافضل لك وسواها والحمد الله كله خير كل الطرق تؤدي الى الرشاقه .
الرشيقه شوشو انا متأكدة ان الحين شكلج روعه وتغير وايد الله يتمم وتصيرين موديل ومونكان عاد بعدين الخطاطيب طابور عند الباب الي تبيه عطيه مو عد بعدة 6 شهور وال ماتبيه عطيه فنقر ههههههههه نبي نسمع منج اخبار حلو لا تقطعينا .
نهاوند حبيبتي اشلونج شخبارج طالت الغيبه ضعفتي ولا بعدج دبدوبه مثلي لا تضعفين عني اترييني خبرينا عنج شو سويتي اكيد اهلج ردو وانشغلتي فيهم وخليتينا من لقا احبابه نسا اصحابه قالوها ههههههه .
 
فديتكم شلونكم شخباااااااااركم بنات
انثى الرماد فديتج للحين ماردوا اهلي جان زين الي لقا احبابه نسا اصحابه ... ههههه
انا ولله متملله مع هالثباااات الي مقاومة جسمي...ماتوقعت هللون يقاوم النزول صاير بايخ هالوزن ماينزل حاله حال الأوادم ههههه بس يلله الحمدلله ننطر شورانا ... والف مبرووووووووك على نزووولج فدددديتج ولله استانسيت لج واااااااايد ..بس ديري بالج من حلويات الهند ها ههههه ادري عنج تحبينها بس ماشاء الله محاااسبه ..ياربي نوصل كلنا لرقم اللي ببالنا ..واحنا بصحه وسلامة
سلمي على بنوووتج فديتها :)

تحيااااااااااااتي للكل ...ونبي نسمع اخبااار حلوة :)
 
شو اخباركم يا بنات ..والله ما شا الله المتحمسات زادو وان شا الله كلهم يصيرو رشيقات ....اسلم عليكم كلكم وحده وحده....(مابدي اذكر اسماء لانو السلام واصل للجميع ان شا اللله....اخباركم كلها حلوه الحمد لله ومشجعه...وان شا الله كلنا وزنا ينزل بصحه وعافيه...انا الحمد لله اخباري تمااام...لهلا صرت مضيقه 6 سي سي ...طبعا في فرق كبيييير بالاكل..بس برضه في ايام احس انو ئادره اكل وايام لا....بس بشكل عام كتيييييييييييييييييييييير احسن من اول....وزني صار 101.3 وانا هلا الي عاملاهاشهرين ونص ....يوم العمليه وزني كان 115......يعني لهلا نازله تئريبا 14 كيلو.....نعمه الحمد لله...والله ولا بالاحلام كنت احلم انزل هالوزن بهالفتره.....دعواتكم بنات انزل عن ال100 واودع الرقم ذو التلات خانات لانو عن جد خناني خلص مو طايئه اشوفه على الميزان....ياللله ان شا االله هانت ...المهم العزيمه والصبر زي ما بتئول اختنا دايما......يالله بدي اشوف الردود والتشجيع .......اللله معانا ويوفئنا جميعا
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل