مدري وش اكتب الموضوع بس امانه تدخلون

تبين الكلام الاكيد
هذي ثمرةالفلم اللي بتعصون الله بمشاهدتكم له
لاتغالطين نفسك الافلام معااااااصي واعراض
وبعدها انت الغلطانة100%
مستحيييييل تشكلين زوجك بقالب مثل ماتبين
لابد فيه عيوب ومحاسن
مثلك تماما ومثلي ومثل اي بشر
دور الشريك يتحمل الاساءة وينصف من نفسه
بدون مايتجرع الاهانة اويجرعها الشريك الثاني
يعني الاموربميزان عادل
هذاهوطلع وخيرك مورافض
ولوكان تأخر اوفيه برود
فهوزيماقلت لابدنتحمل ونمشي السفينة
الكمال لله وحده
انت بدأتي بالسخريةوالمراددة بقرف واسلوب ناشف
وبالضرب
وشوهتي وجهه
وتتحدينه وجها لوجه
يا اختي انت مسحتي فيه البلاط وربي
وبعدتبين تأدبينه!!!
لا اله الا الله
ماينلام لو انجلط او انجن
انااحترمت فيك مصداقيتك بوصف كل اللي سويتيه
ولايغرونك اللي يقولون هو الغلطان
والله مابيعزك بعدطاعةالله غيربيت زوجك
وصراحة انه طييييييييييييب
وسلس
خافي الله فيه
وهدي
هديييييييي
لاتعتذرين بشكل مباشر
حاولي يكون يومك عادي كأي يوم كانه ماصارشي
ولوشفتي منه جفا استحملي لانك الغلطانة
تقبلي مروري
​
 
اختي انا مع كلام الاخت روحي عندك وذكرتيني بنفسي اول الزواج كان الشيطان دايم يلعب على بها الامور ويجي زوجي وانا مولعه ومعصبه وتطلع مشكله من لاشيئ والحين لما اتذكر مواقفي اول اضحك واقول الله يهديني كان لاعب علي ابليس يوسوس لي ويحوس يومي مشاكل الحين خليت نفسي عادي عرفت طبع زوجي الحمدالله وتغلبت على ابليس بكثرة الاستغفار اذا اتأخر علي زوجي وجلست انتظره اجلس استغفر لما يجي زوجي من عند اهله واكون هاديه الحمدالله
تعلمي من اخطأنا ولا تعيدينها ترى ماكان فيه احد يعلمنا الله يخلي منتدي بلقيس ماقصر اهو والبنات اللي فيه
 
لاتزعلي مني لكن حسيت انك رجال مو حرمه اجل هذا اسلوب وحده مع زوجها خليه يسب ويشتم واسكتي خذي حسناته بكل سهوله واذا هدا الوضع تكلمي معه بكل هدؤ و تقولي لو عدوه ماقاله كذا وانتي لو عدوك ماضربتيه على رجل مكسوره واذا تاخر بكره المشغل يتعوض كان سهرتي وروقتي معاه بدل هالزعل واذا نام وهو زعلان عليك تلعنك ملائكة ربك يا اختي فاني شوفي مصلحتك فين
 
كلام الاخوات روعه انتي عملتي من الحبه قبه ياحبيبتي شكلك توك عروس
الرجل ماينهان وماراح ينسى الاهانه بسرعه غيرنا نحن النساء قلوبنا رقيقه
ياعسل هدي شوي من شخصيتك حتى لايهرب عنك وتندمين
ديننا نهى عن الترع والغضب مع الناس كيف بحبيبك وتاج راسك تمدي يدك على رجااال كبيييييره السالفه اصمتي لفتره حتى ينسى
 
انتي صنعتي مشكله من لامشكله
احيانا الزوجه لو شافت زوجها متهاون معها شوي
تتفرعن وتضطر الزوج يتجرا عليها ويجرحها بالقول او الفعل ثم لاشافت القوه منه تسكت وتهجد
وهو ينتبه لنقطه مهمه كان غافل عنها وهي انها ماتهجدها الا القوه لاتضطري زوجك ينتبه لهذا الحركه ويمارسها معك على طول يعني لاتشدي عليه حتى ينفجر

ومن رائي لاتعتذري له لانكم كلكم غلطانين فلو اعتذرتي هذا يكون اعتراف بانك انتي المخطيئة
وهو تلفظ عليك الفاظ سيئة وتعتذري مو كويس
لكن بعد مايهداء عاتبيه بلطف لو شفتيه متقبل الحوار لو مو متقبله اسكتي حتى يهداء قولي احنا دخل بيننا الشيطان وكلنا غلطنا على بعض انت اهنتني وشتمتني بكلمات توقعت اموت ماسمعها منك وكوني ودوده وهادئيه اثناء الحديث معه وخليتني افقد عقلي وماكنت حاسه بنفسي وباللي سويته من صدمتي فيك واثني على اخلاقه اولا قبل ماتبدي معه الحديث قولي انت حنون وطيب ووووكثري من صفاته الزينه وقولي ماتوقعت اسمع منك هذا صدمتني وكانت صدمتي كبيره افقدتني عقلي وصار اللي صار
وتسامحو من بعض لكن لو سوى نفسه زعلان حتى انتي سوي نفسك زعلانه عشان مايقلب السالفه عليك ويجيه احساس انه انتي المخطيئه قولي تحط فيني شي مو فيني وماودك ازعل وقولي لولا حبي لك ماعاتبتك اذا تقبل كان بها وان اصر على الزعل حتى انتي ازعلي ولا تترجينه حتى مايستهين بعدين بالفاضه الوسخه وانتي الله يهديك من اول ماجاء كنتي مبوزه عليه وماتدري وش صار له برا يمكن احد نرفزه وانتي زدتي عليه وانفجر عليك وترى الرجال في لحظة الغضب يقول كلام مايقصده ولا يدري اصلا وش يقول لو تذكريه باللي قاله لك يمكن ينصدم ومايصدق انه هو قاله لك
ونصيحه مره ثانيه لاتمدي يدك عليه لان الرجال ماينسى وخاصه ضربه واهانته
وهو واضح عليه انه يحبك وماشال عليك مره وبعد ماتتصالحو قولي له انا اعتذر لك عن فعلتي وخليه حتى هو يعتذر عن شتمه لك والباقي عليك
 
ياعزيزتي في اسلوب ارقى للتعامل الله يهديك
وبعدين شلون يجيك قلب تضربينه على رجله المكسوره ....... وتزعلين بعد
والله عجبه
انا لو مكانه كان طلقتك
اذا هو بقوته تسوين فيه كذا ......لو انحط تحت رحمتك ايش بتسوين فيه​
 
الله يهديهك على هذي العملة
 
الله المستعان

الله يهدي النفوس

اللهم أشرح صدرها ويسر أمرها

قال الرسول صلى الله عليه وسلم

ما كان الرفق في شيء إلا زانه و ما نزع من شيء إلا شانه


​
 
أسألك بالله وين الاحترام بين الزوجين والتقدير
الزواج ميثاق غليظ
مو لعب بزران اسمحيلي على هالكلمه
بس والله ماتجي بالعقل تخربشي وجهه وتتعمدي تضربي رجله
علشان ايش (ضربك...قصر معك بشي...خانك...!!!!!!
علشان فلم ومشغل
الحمدلله
ارتقوا باسلوبكم شوي
ولا تقولي انا من النوع اللي ابيه اسويه
اصلا انتي اقنعتي نفسك بهالشي
والا كل شي يمكن يتأجل اذا كان مو ضروري
سبحان الله والله الدنيا غريبه
سوري على بعض الكلمات بس ردت فعلك نرفزتني شوي
 
الله يهديك ويسخركم لبعض<<< صرااااحه >>> ياقوو قلبك تضربيه ع رجله المكسوره
وتقومين الدنيا وتقعدينها عشان سالفه فلم سبحان الله انا لو بكيفي زوجي مايتفرج
ع افلام عيشي الواقع ي قلبي وين غيرتك ع زوجك لما يشوف غيرك في الافلام وكل وحده
احلى من الثانيه الله يصلح حالك بس
 
يابعد عمري انتي

ذكرتيني بنفسي اول الزواج خخخخخخخخخخ كنت دوم معه في حرب وضرب ورمي بالاغراض <<بس الحمدالله تغيرت كثيرررر الحين

اولا شكلك شماليه وهو جنوبي

وانتي عصبيه ودمك حار وتبين كل شي يصير مثل ماترتبون له

بس للاسف انتي متزوجه جنوبي ودامه بارد وثقيل ويجيب الضغط في المماطله عشان كذا مستحيل ثم مستحيل تاخذين اللي تبينه في وقته<<غصب عنه هذي طبيعته وانتي لازم تتحملين شوي

وكمان لازم تحاولين تسايرينه وتسايسينه عشان تاخذين اللي تبين من غير مشاكل

حبيبتي المنتدى هذا غير فيه كثيررررررررررررررر

حاولي تقرين كثير عن الجنوبي وربي تستفيدين وحياتك تصير احلى

وحاولي كمان تخففين من شماليتك

 
حبيتي نسيت اقولك لاتفكرين تادبينه ولا تزيدين الطين بله

اتركيه وطنشيه وهو بيجي اخر الليل وتفاهمووووو بهدوءءءءءءء من غير
رفع صوت والشيطان لايدخل بيكم

الله يسعدكم ويهدي سركم
 
السلام عليكم
اشكر كل الي ردوا علي عطيكم العافيه وجزاكم الله خير

الي يقولون انتي مو انثى وكيف تضربينه انا ما عطيته كف على وجهه ولا رفسته

اذا حسيتي بقدر الاهانه وزوجك قالك يازباله من سبب تافه ساعتها فكري بانوثتك ونعومتك والمشكله الباب مفتوح جنب غرفه اخته
حتى تستحين تنزلين لهم لو اني في بيت لحالي كان قدرت اهرب لغرفه ثانيه بس محشوره بمكان

والسب والشتم يمكن لو اقوله ينحذف موضوعي وزي ماقالت اختي تراب الجنه انها حره بقلبي وبدافع عن نفسي المشكله هذي لو صارت بين اي شخصين ماكان زوجها قالها هالكلام لانه امر تافه يصير في كل بيت يجي الزوج متاخر والزوجه مبوزه وليش تاخرت

والضربه على رجله ماكانت بكل قوتي يادوب حركتها عشان يحس بالالم الي بقلبي
والجرح علي وجهه هذا مو من قصد انا ببعده عني ولا دريت الا يوم شفته مره ثانيه

على العمووم انا سمعت ارائكم وتركته ولا كلمته يومين وجيته امس وهو هادي ومروق قلت بتكلم معك بموضوع قال مابيني وبينك كلام اصريت قلت لازم تسمعني

قال هاه وش عندك وضحت له كيف كانت ضربه رجله وانتي كنت متوتره وانك قلتلي كلام ماتوقعته منك والجرح ماكان قصدي انت ضغطت على ضرسي وببعدك عني وانا مااصبر على طول بديت ابكي
واقوله معقوله هنت عليك ولا حتى فكرت تعتذر على الكلام تشوفني استاهله
وهو زي الصنم ولف ظهره ونام
مستانس يطلع للدوام ويرجع ينام يقوم ويروح للقهوه
يدري اني مااتحمل اجلس لحالي و اتحمل انه يزعل مني

والمشكله انه يبين لاهله انه زعلان علي انا مهما يكون بينا ماطلع شي واول مره اكتب بمنتدى واهله يستانسون اذا زعل علي
اذا نزلت بوجيهم الضحكه اذا شافوه مطنشني

انا بصراحه اقدر اطنشه ولا اكلمه واقدر ايبس راسي لا كن خايفه من شي واحد انه يصير يخوني والا يتزوج علي ويتعمد يسوي اشياء تغثني زي يتاخر ويطول على النت ويسهر لحاله وكذا

قريت عن البوصله الشخصيه واتوقع انه شرقي وانه الحل في ارضائه هو انك ماتكلمينه ولا تناقشينه بشي وتجيبين له هديه شي يحبه وهو يشوفه ويرضى من نفسه وانا فكرت اسكت عنه واجيبله ايفون واحطه له على الطاوله وهو يشوفه امانه وش رايكم والا اطنشه لانه ردني ولا حاول يتناقش معي ويشوف دموعي كاني عدوته :30:
 
انتي شكلك عصبية وهو بــارد جدا
اختي وعزيزتي خليك انثى دائما حتى وانتي معصبة :(ومنرفزة انتي غلطتي كان اخترتي واحد يا مشغل يافيلم وعديتيها ع خير ممكن هوه كمان كان معصب من شي وانتي ماتدري خارج البيت وحط حرتة فيك
حاولي تعتذري لة بخصوص انك ضربتية ع رجلة التعبانة :(
ولازم تهدي اعصابك مع زوجك انصحك كا اخت اتمنى ماتزعلي مني
وتتقبلي نصيحتي بصدر رحب
والله يوفقك ويصلح مابينكم...
 
كل ده عشان فيلم ومشغل مااعتقد بارد احسن لك من حار ويخليك عايشة على طيران

مايحتاج كان قلتيله وديني المشغل ولما نرجع الفليم او يوم تاني تاني مرة قولي اذا بتتاخر شوفي البارد اش عمل لما قلتيلوا خلاص ولا شي هذا مو بارد هذا اتقي شر الحليم اذا غضب

الله يهديكم ويهدي سركم
 
الله يصلحكم يهدي سركم المفروض كان تمالكتي اعصابك
بس صار اللي صار اهم شي فكري هو ليه تصرف كذا
وحكمي عقلك وخوذي وقتك في اتخاذ اي قرار
وثاني شي اختاري العقاب اللي يأثر فيه من دون
ان تقول اني اعاقبك خليه لين هو يحس انك تعاقبينه

"""وعلى فكره ترا الرجال موزينا من يطلع من البيت ينسى
و مايهمه الموضوع واحنا نقعد نفكر بالموضوع الليل والنهار """
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل