مدري وش اسميها يازوجي العزيز حيرتني

ياغيابه اختي اذا رجعتي للموضوع بتشوفين اني ماقلت مشكله بالعكس مهيب مشكله بس احب اشوف ردة فعلكم لو صار لكم زي كذا لاني ابي استفيد وافيدكم انا بردة فعلي على الموضوع

وابي اقولتس لو عندي مشكله ابد ماحطيتها هنا ومافيه بيت يخلا من المشاكل يقلبي وصدقيني مشاكلنا ماراح يحلها احد احسن منا لانا حنا نعرف بعض اكثر من غيرنا

ياليت كل مشاكلنا على كذا كان كنا بالف خيييييييييييييييير

وقولي ماشاءالله يقلبي مثل ماقلت لتس مافيه بيت بدون مشاكل
واطلب من رب كريم ان يبسط كل مشاكلتس الزوجيه وتكون مشاكلتس ولا شي واذا عندتس مشاكل يقلبي بسطيها ولا تكبرينها وصدقيني ماتشوفينها شي ومثل موضوعي هذا انا ماشوفه مشكله ابد ابي فيه وجهة نظر فقط لاغير
 
عادي ألبلعها واسكت ولو أني هالفتره من كثر المشاكل والضغوط قلتها لزوجي بالفم المليان ماراح اصغر الامو ولاراه اسكت عن حقي ولا راح اطنش لأن خلاص سبع سنين سكوت وتطنيش ما جاني الا النفسيه صرة اكلم نفسي الله المستعان
 
طالما تقولي أنك أتفاجاءتي من ردت فعله وكانت صدمة لك معناته هذا ماهو أسلوبه في التعامل بس ممكن يكون متأثر بـ المحاضرة اللي سمعها بالسيارة أو يكون عنده مشكلة ومتوتر

أنا لو كنت مكانك راح أقلب وجهي وقتها وأرمي كلمة عليه ممكن مثلاً أقول مشكلة لما ما يكون فيه ذوق وأسلوب راقي في التعامل وأقوم أشغل نفسي بشيل السفره وخلاص ما طول الزعل شوي وأماشيها وأنسى اللي حصل
يعني موقف بايخ وعدا بس من وقتها أنا قلت شي برد قلبي
 
بسم الله ماشاء الله


انا ماقصدي احسدكـ او الفت النظر على حياتكـ الهاديه بس قصدي اهون بعينكـ اللي صار وابين لكـ ان مافيه يستاهل تتعبي نفسكـ ؛



انا احتاج تدعين لي ربي يعطيني ما اتمنى والله والله والله اني بحاجتها

والله يفرج لكـ كل هم يالغاليه
​
 
يارب ياكريم يامنان ياحليم ارزق اختي ياغيابه ماتتمنى عاجل غير اجل آآآآآآآآمين
 
عدي حبيبتي الحياة مهما طالت قصيرة وزوجك تعرفين ان هذا ماهو اسلوبة كبريها تكبر صغريها تصغر وممكن يتعرض لضغوط في عمله مين يعلم
 
خلوني اكمل لكم وش صار انا طبعن عديت السالفه لاني اعتبرها عاديه بس لاني ماتوقعته يوصف اهتمام كذا

الرجال طلع بعدها رجع العشا ولقى القهوه والشاي وخربيطها مجهزه وانا جالسه اتقهوى انا وعيالي جلس معنا طبعن مابينت له اي شي بالعكس اخذ وعطي معه
بس مدري ليش سئلني كان جالس بعيد قرب جنبي بعد ماقوم ولدي وقال زعلانه حبيبتي قلت ليش زعلانه لا
مدري انا مبين علي ولا هو حاس بندم
طبعن انا مانقشته ولا حاولت اقوله ولا كلمه هو اللي فتح السالفه قال الا زعلانه عشاني رفعت صوتي وقلت الكلام هذا على االغداء ووانا ولله مش قصدي ومدري ايش قلت لايعمري مو زعلانه من حقك تبلغني انك ترفض الاسلوب هذا وبلاها التلزيم عليك بالاكل وبتوصلي انك خلاص مجرد ماخلص صحنك اكتفيت بس انت خانك التعبير بتوصيل اللي تبغاه

تدرون يبنات دورو وجهه ماتلقونه قال انا اسف قلت ماسويت شي تتاسف قال الا انت ماتدرين انا مسوي تحاليل عن الكبد وطلعت نسبة التشحم زايده وهذا سببه اني اثقل بالاكل وانا معاد اتحمل وانتي كنتي مهتمه فيني اكل زياده

تدرون بيتعذر المسكين بس مايدري انه بيطلع من مطب طاح بدحديره
لان اليومين هذي تعبانه وتجيني اعراض غريبه ومدري وش سبب تعبي وقال لازم تاخذين تحاليل وبين الاهتمام بصحتي والحرص وقال من بكره يقصد الاربعاء اخذ موعد وبدال مايهتم ويروح ياخذي موعد لي نساني ونس تعبي واللي يجيني وخذله هو
بس انا ماعديتها له من دون ماحرجه تدرون وش سويت بعد نصف ساعه سئلته ابوفلان خذيت لي موعد تحاليل طير عيونه وجلس يفكر شوي والتفت علي وقال نسيت
بعدين جلس شوي سائلني وشلونتس الحين قلت الحمدالله
ثم بعد مده قال انا مانسيتس كلمت واحد ياخذلتس موعد بس نسيت ادق عليه اسئل ثم قال بعد فتره انا خذت موعد السبت
يعني مفتشل وقام يتخبط انا ماصار مني ولا شي بس قلت يصير خير ان شاءالله والله لايحوجني للمستشفيات ويطمن قلبي ان شاءالله قال آمين وبس كملنا سوالفنا عادي وهو حاس بالاحراج والندم وعينه كل شوي علي ويسئل حاسه بشي
يعني نسى الرجال سالفة النفخه والكلام اللي قاله وانشغل بموضوع نسيانه لي وعدم سوئله عني وحجز الموعد ان شاءالله افدتكم وانا استفت من كلامكم مشكورين خواتي
 
انا عن نفسى لو سوا هالحركه بسكت وببلعها ولا جنه صار شى

بس لويموت ما بيشوف هالحركه مره ثانيه وبطنش ولا جني شايفته
 
بصراحه اسمحيلي ما اشوف ان في مشكله اساسا

اذا قال أنا مابجامل وباكل الي أباه مارح أزعل براااايه بقوله طبعا اهم شي صحة الانسان وبمدح فكرته لانها صح.

ماله داعي تزعلين أنا والله احيانا اطبخ وأتعب فالنهاية يقول مو حلو ووو مااارد وأقعد اكل ويحاول يستفز اكثر برضو أبين انك لو كنت مضايق من شي ما ترده فطباخي

بعد ساعه يجئ يعتذر باسلوب اخر ويمزح

وخلاص اهنيه اعطيه كلمتين عالخفيف ولا اكبر السالفه واحط بخاطري المهم أني أنا اكلت وشبعت ههههه
 
اختي برائه الموضوع مهوب مشكله ابد وانا ترا ذكرتها كم مره مجرد فضفضه وكنت ابي رايكم بالموضوع وحطيت انا تصرفي اللي سويته عشان افيد واستفيد اشف انتو وشلون يكون ردكم وانا عطيتكم ردي والمشاكل يعمري عارفه انها مهيب كذا الله يمتعنا بالاستقرار وراحة البال كلنا مرة علينا اشياء تشيب الراس بس واجب علينا تحكيم العقل فيها قبل العاطفه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل