مدرسة بنتي وزوجي

[lavleygirl]

السلام عليكم يابلقيسيات
ابى مشورتكم وقولولي شو اسوي وكيف اتصرف
ادخل في الموضوع ،،،،،،،،،
بالمختصر عندي مدرسة بنتي وفي نفس الوقت صديقتي هي مش متزوجه وعمرها تقريبا 45 سنه من دوله عربيه اعرفها من 3 سنوات تقريبا
المهم انا شاكة في ان ها المدرسة هي ع علاقة بزوجي مع العلم انها ماشفته غير مره وحده والي هو خطافي مش لفتره طويله
بس عندي احساس قوي انها ظايفتنه ع البلاك بيري مالها
والي ياكد شوكوكي انه كم من مره يصادف زوجي ييي البيت في الوقت الي تكون في هي عند بينتي مع العلم اني حريصة جدا ومن النوع االي ما خلي حد يي البيت وزوجي موجود حت لو المدرسة مال بينتي
لدرجة اني في مره قلتلها انتي بتخليني اشك فيج اشمعن يوم انتي هني زوجي ييي ومن بعدها ماتكرر ها الموقف + الاشياء الثانية وايد تسال عن اشياء تخصة واحاول اني مااعطيها معلومات + لين اخر مره البارحه انا مظاربة ويا زوجي فكنت اتكلم وياها بس طبعا مااعطيها تفاصيل قليقيتها تقولي نفس كلمه هو قالي اياها
استغريت وحاولت المحلها انه زوجي مرده لي وان كل الي يكلمهم هم مجرد تضيع وقت ومش مربيات فكان ردها ان لو زوج يكلم بس مجرد كلام فهذه مش خيانه فرديت عليها يعني الخيانة بس زنى بالنسبالج قالت لا المهم انه الزوج مايتغير ع زوجته
حسيت من كلامها انها تتبر لنفسها الغلط الي هي تسويه
سااااااااااااااااعدوني ابى طريقه امسك فونها واتاكد من الرقم او اذا هي ظايفتنه عندها او لا
انا محتاااااااااااااااااااااااارة مب عارفة شو اسوي
على فكرة نسيت اقولكم ترى انا وزوجي اصغر منها تقريبا ب 12 سنه

 

[أرقى إحساس]

الله يكفيك شرها
مثلا كرهيه بها
قولي ووووووع ياهي وصخه وريحتها ماتنطاق ماأقدر أقرب منها
واتفقي مع بنتك تقوله نفس الكلام نغيرها بيتنا يصير قرف

 

[مرت ولد الحموله]

انتي اشتري جوال بلاك بيري وخليها تضيفك عندها بدون مايدرى زوجك يعني (جوال مؤقت) واذ زوجك كان ضايفها عنده راح تعرفين او قولي هذا رقم الببي حق اختى تبغى تتواصل معك علشان الاجازه وتبغى حد يدرس عيالها ((جيبي اي عذر )) علشان تعرفين اذ صدق زوجك ضايفها عنده ولا لا

 

[رازيا]

شوفي عندج حلين اما تقطعين علاقتج فيها نهائيا خير شر وتعبدين عن الشر وتغنيلو يعني لا تدخليها بيتج ولا تعزمينها ولا تخلينها تدرس بنتج وتغيرين المدرسة لبنتك
او اذا مصرة انه لها علاقة بزوجك ممكن تعزميها عندج بالبيت وتتحججين انه موبايلك ما فيه رصيد وخذي موبايلها وروحي المطبخ اعملي شاي وشيكي على رقم زوجك ولو اني احسج انك انت شكاكة يعني مكبرة الموضوع والبنت هذي بريئة من الموضوع
وبعدين يا بنت الحلال اعقلي يعني زوجك لو يبغي يصاحب ويكلم يكلم بنت صغيرة بالعمر مو وحدة كبر امه تعوذي من الشيطان ولا تنكدين على روحج وروحي توضي وصلي ركعتين واستهدي بالرحمن

 

[hadifa]

مجرد شكوك ما عندك دليل ​

 

[دانة الشام]

مجرد شكوك ما عندك دليل ​

تمام مجرد شكوك ..والغريب أنك قلتي لها أنك بدأت تشكين بها لأن زوجك يأتي البيت عندما تكون هي موجودة ومع ذلك بقيت تأتي لعندك!!!!!!!! يبدو لأن الموضوع ليس ببالها.. بما أنها مسببة لك ازعاج استغني عن خدماتها واقطعي علاقتك بها.. واستودعي زوجك عند رب العالمين.. لاتكبّري الوهم في رأسك أكثر ..لأن ماقلتيه لايثبت حقا أن لها علاقة بزوجك.. ربي يطمّن بالك.

 

[داريين]

اطلبي منها جوالها
وشوفي اذا ضايفه زوجك أو لا
والله يخيب ظنونك و ما تكون على علاقه معاه ​

 

[ref8150]

استتغني عنها

 

[رازيا]

انصحك بالحل الاول

 

[روعه بذوقي]

يمكن شكوك لاتتسرعي يمكن صدفه ان كلامه اوتواجدها ولاتنسي كبر سنها عنكم طيب زوجك تغير عليك
او مايرتبك عند تواجدها تأكدي اختي الله يبعد عنك شرها وشر الخيانه
وممكن تقطعي الشك بليقين وتسوي للي قالت عنه الاخت رازيا

 

[lavleygirl]

الله يعطيكم الف عافية كلكم
فعلا انا خذيت جوالها على اساس اني ماعندي رصيد وشيكت ع كل المكالمات الي عندها وشيكت في البي بي ام مالها وماحصلت شي ويمكن انه كان صح شكي مب في محله
بس والله الي خلاني اشك التصرفات بس
الله يسامحني

 

[رازيا]

يالله شوفتي كيف ظلمتيها قلت لك انت شكاكة الله يبعد الشيطان عنك امين