مدرسة اللغة الانجليزية.. تفضلي هنا

[moon171]

السلاام عليكم ورحمة الله وبركاته

حبيت ف ها الموضوع ادعو خواتي مدرسات اللغة الانجليزية المشاركه في تبادل خبرتهم في تدريس اللغة
المنتدى ما شاء الله يشمل دول الخليج كلها

الامارات
عمان
البحرين
وقطر
والسعودية
الكويت


اختي انتي كيف اتشوفين المادة وكيف ادرسيها وصفج كيف اترتبينه ممكن تكتبين افكارج وياليت محد بيخل علينا ..............

وحتى الامهات يقدروو يشاركوو ف افكارهم مالنا غنى عنهم طبعا
كيف اتشوفين اللغة وشو تحبي من المدرسه اتركز عليه

دمتم بود

​

 

[الفتاة ألم وأمل]

فكره حلوه ولنا عوده بإذن الله

 

[moon171]

تسلمي اختي ع مرورج الطيب​

 

[ليلكيه]

الماادة طبعا انا اشوفها سهلة وتدريسها ممتع جدا

ولكن خوف الطالبات منها.....وعدم تقبل البعض منهن لها

يسبب للمعلمة شيئا من الاحباااط

وبالنسبة لطرق التدريس

انا اشوف انه استخداام البور بوينت.........واستراتيجيات التدريس الحديثة....

يسها العملية ويجعلها ممتعة للطالبات والمعلمة في نفس الوقت


فكرة الموضوع رائعة..........اتمنى ان تجد التفاعل الذي تستحقه

 

[اسيرة الخياال]

بصراحة فكرة رائعة وخطيرة واناكنت ودي بتخصص انجليزي بس ربي ماكتب كانت مادتي المفضلة وكانت درجاتي امتياز والحين تخرجت من الجامعة تخصص خدمة اجتماعية بس بصراحة تدريسها سهل بس الطالبات مايستوعبون المادة لان اغلب الاستاذات يتعبون ويشرحون بس مايعرفوا وش الطريقة اللي تسهل توصيل المعلومة طبعا كل اخواتي وقريباتي يعانون من هالمادة بس وش يمنع الاستاذة بنهاية الحصة تترجم كل كلمة صعبة اغلبهم كل كلامهم انجلش طيب انت فاهمة غيرك مايفهم وغير كذة ماننسى انها مولغتنا بس ياليت اني معلمة انقلش والله لاطلع طالبات فاهمات ولعلمكم انا اشرح لاخواني بالثانوية وافهمهم بالمادة حتى والله وحدة من قريباتي تقول ليتك معلمتنا بالمدرسة والله مو مدحا في نفسي بس لازم نراعي القدرات العقلية لدى الطالبات ونقدر نقطة الضعف لديهم والعقول تختلف بس نختار الفكرة الصحيحة توصيل المعلومات اسفة اذا احد انزعج من اسلوبي والله يوفق الجميع لمايحب ويرضى​

 

[moon171]

هاي

ليلكيه واسيرة الخيال اشكر لكم مشاركتم

انا استخدمت الباور بوينت فكره حلوه

اختي اسيرة الخيال احنا ندرس الماده عشان الطالب يقدر يستخدمها مستقبلا
مع مراعاة الفروق الفرديه
بس احيانا احسهم ما يبو يطورو من قدراتهم لو شرحت لهم بالعربي او اعطيهم معنى كل كلمه يديده يدرسونها .. بيقولو احنا ليش ندرس دام المعلمه معنى لكل كلمة​

 

[strongheart]

بالنسبة لي أنا أعاني من نفس مشكلة أخواتي وهي عدم تقبل الطالبات للمادة بس أحاول أستخدم البوربوينت ومعظم الدروس أبحث لها عن معلومات خارجية من النت غالبا وهذي الطريقة فادتني وفادت الطالبات جدا وحسيت إني أدخل على الطالبات وأنا ملمة بالموضوع والطالبات يستانسو ويستفيدو فنفس الوقت وينظرولي بنظرة مختلفة عن معلمات نفس المادة الأخريات والحمد لله وأحب أستخدم أسلوب المسابقات والتشجيع والطالبات واايد يستانسو بالحصة.

 

[moon171]

اشكر لج مرورج اخيي strongheart

الطالبات ف كل المراحل الدراسية يحبو المسابقات واللعب
درست طالبات ف المرحلة الثانويه
اهم شي عندهم المسابقات واللعب يحبو التنافس وايد
احاول دايما ادخل لعبه ف الدرس سواء كان ف بداية الدرس او ف نص الدرس لما احس مخهم بدا يتقفل
ويستجبو لها الشي

بس خواتي الي عندها مواقع تعليم او مواقع عمل الورك شيت للماده تتكرم واتحطه لنا
انا كنت مجمعه مواقع حلوه ونقدر نستفيد منها بس للاسف فرمت اللاب توب ونسيت احفظ المواقع الي حفظتها بس بحاول اتذكر وبحطه لكم عشان تستفيدون


دمتم بخير......​

 

[اسيرة الخياال]

هلا اختي قمر اشكر لك ردك على وجهة نظري يااستاذة انا عارفة انكم تشرحون وتتعبون والله اتذكر استاذتنا كانت تفهم وتتعب وتشرح ومااحد يستوعب الا انا ووحدة من الطالبات الله يرحمها ماتت بس كانت اروع حصة الانجلش مرة رهيبة وانتم تبذلون كل جهدكم بس بصراحة الطالبات متعقدات من المادة يقولو صعبة بالرغم انهم لو رجعو لمترجم وحاولو يحضرون الدرس قبل الحصة ويجهزو امثلة للقاعدات والمفردات والله راح يستوعبو اكثر بس العقليات تختلف لو كل معلمة تلزمهم يطلعو على الدرس ويحضرون وكل وحدة تجيب افكار جديدة من البيت مثلا انت قولي لطالباتك انا ابغى كل يوم تجي طالبة واشوف طريقة شرحها للمادة قبل تبدئي تشرحي انت اعطيها 10 دقايق تعطيك وش عندها من فكرة حول الدرس الجديد علشان همايقراؤ ويتثقفوا وصديقيني راح تتغير قدرات الطالبات بس انتم جربوا معاهم وربي ييسرلك امانتك ومسؤليتك يالغاليةامييييييييييين دعوااااااااتك​

 

[خافيه غلاها]

بليييييييييييييييييييييز هييييييييييلب مي انا حكون تربيه عملي الترم الجاي نخيتكم تساعدوني

مرعوبه منه خاصه اني مو مرا فيه بس الاقدار خلتني ادخله

 

[moon171]

مشاركة

هلا بج اختي اسيرة الخيال تدرين افكارج وايد قريبة من افكاري
انا حاولت طريقة احط الشرح كل يوم ع طالبة بس مافي فايدة الي تعاونت معي طالبة وحده بس من بين 11 طالبة
واما الباقي ابد ما يحاولن يبذلن مجهود بسيط مع اني احاول اغريهم بالهدايا والدرجات
ع العموم شاكرة لج فكرتج الطبية بحاول ها السنه اطبق نظام الشرح مع صف ثاني عسى اتكون النتيجه احسن.......​

وهذا موقع بيفيد معلمات الانجلش + اولياء الامور لعمل ال worksheet
ادخلين الكلمات المطلوبة ف المستطيل وبعدها تضغطين enter
وتختارين شكل الوورك شيت الي تحبيه في اشياء حلوه
ان شاء الله يعجبكم​

http://www.magicvocabulary.net/​

ودمتم بوووود​

 

[moon171]

هلاا

بليييييييييييييييييييييز هييييييييييلب مي انا حكون تربيه عملي الترم الجاي نخيتكم تساعدوني

مرعوبه منه خاصه اني مو مرا فيه بس الاقدار خلتني ادخله

هلا بج اختي والله يوفقج ويسهل عليج
بس شو الي مخوفنج بالضبط ترا عادي ما يباله خوووف
واي شي تحتاجينه خبرينا وان شاء الله نساعدج وحتى البنات ما بيقصرووو
بالتوفيييق...........

 

[خافيه غلاها]

هلا بج اختي والله يوفقج ويسهل عليج
بس شو الي مخوفنج بالضبط ترا عادي ما يباله خوووف
واي شي تحتاجينه خبرينا وان شاء الله نساعدج وحتى البنات ما بيقصرووو
بالتوفيييق...........

تسلمين الله يسعدك ياااارب

والله خايفه منه الماده ب 6 ساعات ففكرت ااجل التربيه عملي اكتر شي موترني طريقه تحضير الدفتر ان شاء الله بس يجي شهر عشره امون مسنتره هنا

الله لايحرمك من الاجر ويسعدك انت والبقلقيسيات اللي هنا

 

[moon171]

لا تخافي اختي
وامور التحضير سهله ان شاء الله
اهم شي حطي ف بالك انك تقدري تنجزي المهمه وبسهوله

بالتوفيق للجميع

 

[خافيه غلاها]

ان شاء الله :8: تتسهل

 

[moon171]

english

ان شاء الله :8: تتسهل

لا تتعطي الموضوع اكبر من حجمه

الله بيسر لج امورج ان شاء الله

 

[شيخـ الزينات ـة]

ايه والله وابي طريقه التحضير الجديده في السعوديه انا بانزل قريب مدراس والله متوتره اختار مدرسه واحضر وادوام وعرض وشغل بليييييز هليب مي واللي تعرف ترسلي خاص بليييييز

 

[توته*]

ايه والله وابي طريقه التحضير الجديده في السعوديه انا بانزل قريب مدراس والله متوتره اختار مدرسه واحضر وادوام وعرض وشغل بليييييز هليب مي واللي تعرف ترسلي خاص بليييييز

ادخلي ( سعودي انجلش ) ممتاز تلاقين تحاضير منوعه وشامله لكل المراحل بس المشكله مايحطون الهدف الوجداني على الرغم انه مهم ومطلوب على العموم تقدرين تضيفينه.
موفقه ادعي لي

 

[توته*]

بليييييييييييييييييييييز هييييييييييلب مي انا حكون تربيه عملي الترم الجاي نخيتكم تساعدوني

مرعوبه منه خاصه اني مو مرا فيه بس الاقدار خلتني ادخله

موفقه يالغلا
لا تشيلين هم خاااااااااالص التدريس صدق متعب لكنه فيه متعه
وحنا خواتك اي شي تبغينه ات شا الله ندعمك
تفاءلوا بالخير تجدوه

 

[اللواي]

فكره حلوه..
انا عني احب شى اسمه انجليزي وبعض رفيجاتي احب ان يكونون انجليزيات عن الماده سهله ماااااافي احله من الماده ..!