مخنوقه ... ربي أعلم بحالي

[الحائره2007]

السلام عليكم ورحمة الله

مشكلتي حطيتها بمنتدى ثاني وحبيت احطها في منتدانا الغالي لاراء أكثر واستفاده اكثر ... أدري ما بتبخلون علي .... ربي يوفق كل بنت بتدعيلي او بتساعدني

اسمحولي الموضوع طويل شوي ... استحملوني
بغيت أطرح مشكلتي بعد 5 أشهر من المعاناة والتفكير اللي ما ينتهي ...
بنات أنا متزوجه من 7 سنوات ... وعندي 3 أطفال والحمد لله ...
المهم ... زوجي كان سابقا معذبني بوايد أشياء ...و أهمها الخيانات المتكرره .. لكن الحين والحمد لله تحسن وايد وايد ... لكن
في شي واحد انخسف فيه بدرجه كبييييييييييره
اللي هو العلاقه الحميمه ( مثل ما يسمونها) ...
حريم تخيلوا ... كان قبل عادي 3 أو 4 مرات في اليوم ... والحين خلال 5 أشهر 3 مرات تقريبا وبالعافيه ومبين من غير نفس
المشكله أني ماقدر أوقف من التفكير ... الشيطان اييبلي 1000 سبب وسبب
غير الاحلام المزعجه
صارحته كذا مره وسألته عن السبب ... يقول أنا ما أفكر في هالشي ... وكذا مره حلف لي أن ماشي سبب بس جيه طبيعي
حاولت أتقربله ... أغير ... كل اللي يتمناه أي ريال طبيعي ... ماشي فايده
وغير هذا يقول أن مافيني عيب ولا قصرت بشي وانه مستانس مني ودوم يمدح فيني (شكيت بعمري والله)
توضيح : هو دوم يبتعد عني شهرين ل 3 شهور بعد كل ولاده... بس مب لهالدرجه ووايد زودها هالمره ..

على حسب كلامه ومادريبه صادق او كاذب ... سار للدكتور .. وعطاه مقوي
بس يا بنات المقوي شو سوى فيه؟؟ حطه زينه في الحجره ولا يا صوبه
المهم
الجديد في الموضوع اني فاتحته بالموضوع مره اخيره ... وطلبت منه يحلف انه ما يرمس بنات من وراي ... تخيلوا شو قال
تبيني احلف عشان اموت؟؟؟
يعني من الاخير ماقدر احلف
قلتله ما يدش مخي ان فيك ضعف ... الضعيف ما يروح يغازل ويكلم بنات
وانا تعبت من هالحاله ... وبسير بيت اهلي
تم يعتذر وسامحيني واخر مره ...
ماقدرت اسامحه يا بنات 7 سنين خيانه ... وهالمره شكلها اكبر عن قبل .. دام شهوته عندهن ... الله يعلم شو يصير من ورى ظهري
المهم
ماسمحلي اطلع اروح بيت اهلي الا يوم قلتله ما بفظحك ... ومب قايله لحد السالفه
بنات شو اسوي؟؟؟
تعبت ... مليت ... ينيت
ماريد احرم بناتي من ابوهم
ومابا اردله ...صار وايد يستهين فيني
وماروم اخبر اهلي ... بيقلبون السالفه علي.... بيطنزون علي مثل المره الأوليه يوم خبرتهم قبل ... كأنه الحرمه مالها قلب ولا لها مشاعر

تعبت تعبت حدي... خايفه على بناتي ... خايفه اتهور
ادعولي ... انصحوني قبل لا اجن

​

 

[فوفو القمر]

الله يساعدك ويفرج همك يارب

 

[um hazzaa]

ما اقول غير الله يعينك ويساعدك

 

[الليدي ميشو]

حبيبتي انتي متاكده انه يغازل بنات او مجرد شكوك وبعدين هو يغيب عن نظرك وين يروح؟ وبعدين حبيبتي لاتزعلين مني بس ابقولك شغله شيكي على نفسك يمكن تكونين متوسعه او عندك رطوبه زايده او عندك جفاف زايد مثلن ماحبيت اخوفك انا كانت وحده من رفيقاتي كذا فجأه ابتعد عنها زوجها من بعد نفاسها وشكت فيه انه متزوج وبعدين هو صارحها وقالها انتي متوسعه وراحت عالجت ورجع زوجها مثل اول والله يبعد زوجك عن بنات الحرام ويخليه لكم اعذريني كلامي مو مرتب بس حبيت افيدك

 

[أم المشائخ]

الله يعينك حبيبتي ويهدي زوجك ويجعلك قرة عينة آمين

 

[ام معمر]

الله يفرج همك يااارب

 

[فروع الياسمينه]

الله يفرج همك وييسر أمرك

 

[السندرله]

طيب اتركي زوجك وخلينا نتتناقش فيك انتي في اسباب كثيره يمكن يكون واحد منها هو السبب1_كيف تدينك وحرصك على صلاتك2_كيف التزامك بحجابك3_كيف ابتعادك عن الاغاني والمسلسلات والافلام السيئه.كيف وكيف وكيف ياخواتي ترى احنا ننسى نحاسب انفسنا ونكتفي فقط بالبكى والعويل والسب في الرجل لاتزعلين من كلامي اختي احلى مافي منتدانا الحبيب انا نجد فيه الخت الناصحه اللي ماتدور من ورى النصح غير الاجر فخلونا دائما نذكر بعضنا اسال الله ان يفرج عنك​

 

[hadifa]

زوجك اذا خانك ما يضرك هو يضر نفسه لأنه يعصي الله وأنت مظلومة ادعي الله يهديه

أنصحك لا تروحي بيت أهلك اجلسي في بيتك واهتمي بنفسك وبناتك

واعلمي أن الكثيرات يعانين مثلك أواكثر

اصبري وما بعد الصبر الا الفرج​

 

[هجوسة]

كان الله في عونك غاليتي
وفرج همك
حبيبتي حاولي تغيرين في روتينج اليومي
لاتسمحي له يبعد عنج
حاولي تخلينه شغله الشاغل انتي وعياله
أنا ما أقدر أقول لج كيف لأني ما أعرف تفصيل حياتكم
أما انتي تقدرين تراجعين نفسج وحطي الأسباب والاحتمالات والحلول

وعليكي بالدعاء وربي يهديه لك ويصلح باله

 

[صمت الزهور]

.....................

انا رأيي من راي اختي السندرله وانا من اكثر المهتمين بهالجانب وسبق طرحت موضوع بخصوصه !!

بعد ماتشوفي علاقتك مع ربك اولا اكشفي عن علاقتك مع زوجك من لبس و طبخ و تعامل و احترام ... الخ

بعدين الجأي بعد الله لذوي الخبره و الحكمه و العقل من اقاربك و يفضل يكون رجل كبير و ناضج و فاهم يتكلم معاه بسريه تامه ويشوف شو قصة الرجال وشو هدفه من حركاته ... ويخبره ان السالفه بينهم بس و اذا ماتأدب بتفضحونه ف الدنيا لان ربي بيفضحه لو ماتاب قدام الملا يوم العرض ,, الله يعفو عننا و يصلح ذات بيننا و بينكم ..​

 

[هجوسة]

اللهم اني استودعتك قلب زوجي وسمعه بصره ولسانه وفرجه في ودائعك فاحفظها لي يامن لاتضيع ودائعه اللهم اجعله لي قرة عيني الوحيده واجعلني له قرة عينه الوحيد اللهم حببه فيه وحببني فيه اللهم اطمس على قلب زوجي وسمعه وبصره ان لا يرى من نساء الدنيا غيري اللهم سخره لي في سمعه وبصره وقلبه وماله اللهم استر عيوبي عنه واقنعه فيه وجملني في عينيه واجعلني اجمل من الحور العين في عيني زوجي اللهم اره الحق حقا واره الباطل باطلا يارب العالمين ............ادعوا وانتم موقنين بالاجابه

 

[الحائره2007]

مب قادره أرد عليكم
بس مابراجع نفسي ... نفسي راجعتها ولمتها وطورتها 7 سنين
ما بعذبها أكثر
أما بالنسبه للي دعت لي أقول لها اميييييييييين وربي يوفقج ويرزقج من خيره
أما اللي قالت اتأكدي عن التوسع ... أشكرها على التنبيه وفعلا أنا تأكدت أن مافي توسع
أما علاقتي بربي ما بقول اني 100% كلنا عندنا ذنوب
ولو كنا نرزق على حسب أعمالنا ... ما كان حد عايش في الدنيا
والسموحه منكن