معلومات *غاليه*
مخطوبه تعالو استشيركم يا اخواتي...الله يسعدكم انصحوني ولا تبخلون علي
السلام عليكم ورحمة الله
شهر مبارك عليكم يا اخواتي
والله يبارك لكم بالأيام الي بقت من شهر رمضان والله يجعلنا جميعا من صوامه وقوامه ويا الله يارب نفوز بليلة القدر ويحقق لنا ما نتمناه في الدنيا والأخرة
اخواتي اعتبروني اختكم
ودي استشيركم وان شاءالله ما تبخلون علي بالنصيحه الله يسعدكم ولا يحرمكم ماتتمنونه
بختصار عمري 28 سنه تقريبا متخرجه من الجامعه وغير موظفه وجالسه بالبيت من وقت ما تخرجت للأن..كنت احلم بيوم من الأيام اني اتوظف واستقر ماديا ونفسيا لكن الله ما اراد والحمدالله على كل حال
غير متزوجه....وفي وحدة كلمت امي تبيني لولدها من كم شهر <<<ولدها الأصغر مملك على اختي منذ شهور وزواجها بالصيفيه الله يوفقها(اختي هذي اصغر مني)
الولد الكبير اللي خاطبتني له عمره 32 سنه..موظف عسكري في احدى القطاعات...ساكن بمدينه بعيدة عن اهلي...من صفاته حنون وطييييييييييوب مررررررررررة..ولا كمل دراسته..يعني بس درس للمتوسطه فقط
ترك العمل قبل كم سنه ويالله انه راجعهم وحاول معهم وبعد مرمطه سنه كامله وهو يحاول رجع لعمله والحمدالله وله كم شهر من يوم مارجع
ومو متأكدة منه صلاته+التدخين<<<<لأني صراحه لو عرفت انه يدخن او مايحافظ ماراح اوافق عليه
ولو تأكدت انه يصلي ولا يدخن طبعا مافيها كلام راح ارتاح وممكن اوافق
بس يا اخواتي هو ماكمل دراسته ودراسته مهمه عشان ترقيته بعمله...اشلون اوصل للأهل معلومه واقولهم اني ابيه يكمل دراسته؟<<<انا اعرف اهله لكن مستحيه اقول لأخته
وبنفس الوقت مو متخيله يا بنات ابعد عن اهلي...مع ان المدينه اللي هو فيها ممكن يكون راتبه اعلى شوي من المدينه اللي انا فيها بحكم كبر مدينتي وكثرت السكان فيها
وعموما اهلي مستورين والحمدالله صحيح مو اغنياء لكن كل شيء متوفر لي ابوي مو مقصر معانا وهذا وهو مديون وكثير اوقات ما اطلبه واحن عليه وامي الحمدالله مو مقصرة اخرتها شرت لي جهاز لاب توب وفرحتني فيه مع انها تهاوشني كثير على قعدتني قدامه وفوق كذا شرت لي جديد يوم خرب جهازي الأول
بنات وربي خايفه اتزوج واندم يعني مثلا احتاج شيء منه واشوفه ما يقدر يحققها لي
خاصه ان الزواج يبيله فلوس وايجار وفواتير وهذا بحد ذاته يقص الظهر
وبما انه ترك وظيفته مرة ومارجع الا بعد سنوات بعد محاوله سنة كامله ويالله رجع قلت بنفسي اخلي ابوي يشرط عليه مأخر 50 الف عشان اذا ترك من غير سبب يطلقني واخذ المأخر
ومدري تفكيري صح
لأن كثير اعرفهم تزوجو ناس تركو وظايفهم كذا مره قبل الزواج ويوم تزوجو رجعو للوظيفه ومن بعد سنه واقل تركو الوظيفه وشتتو زوجاتهم وعيالهم وهذا الشيء صار يخوفني
مع اني سمعت ان اللي يبيني يوم حاول يرجع كان يقول للناس انا ابي ارجع وظيفتي وبمسكها برجولي ويديني واسناني وان شاءالله ماعاد بتركها ابد وزمن الطيش والنوم راااااح وسمعت من ناس مقربين لي انه يقول خلاص ابي استقر واعيش حياتي واتزوج ومن هالحكي وفوق كذا اخاف من المستقبل
بنات ترى من كبرت وانا عمري ما انخطبت رسمي كله كلام من بعيد...ولا يصير شيء..وهالمرة امه اللي كلمت امي وقالت بعد كم شهر نجيكم..وياكثر ماني مشتاقه للأمومه بحياتي وبنفس الوقت احيان اقول يا زينها حياتي كذا افضل
بنات موضوعي مشتت مدري فهمتو علي ولا لا...ابي نصايحكم حبيباتي
لأن اهل الولد بيجون رسمي بعد كم شهر...
ارجوكم ردو علي رد مفصل...الله يحفظكم ويرزقكم من حيث لا تحتسبون
اسم الموضوع : مخطوبه تعالو استشيركم يا اخواتي...الله يسعدكم انصحوني ولا تبخلون علي
|
المصدر : الزوج والزواج