مخطوبــــه

[قلـ وترحساس ـبي]

السلام عليكم ورحمة الله
ابي مشورتكم الله يجزاكم خيـــــــــــــــر
انا بنت عمري 23 انخطبت قبل 9 شهور حللت وشفته وشافني ووافقت عليه قبل مانسال عنه لانه كان يقول مستعجل
لكن يوم سالنا عنه صار انسان عصبي ويدخن وراعي سفرات ورفضته بالاخير

الحين بعد 9 شهور تقدم من جديد ويقول انه تاب
وربي محتاااره محتااااااره وشايله هم مايعلمه الا الله
ماادري هو صادق والا لا
وماادري اذا صادق يمكن يرجع بعد مانتزوج
والمشكله الثانيه انه عصصبي
انا باستخير رب العالمين سبحانه بس ابي مشوووووووره لاتبخلون علي :8:

 

[عرش قلبه]

والله ما ادري يا اختي بس انا اقوول
[ ابعدي عن الشر وغنيلووو ] .. ولكن بعد استخيري
مره ومرتين وثلاث لو شفتي نفسك مب مرتاحه خلاص
ارفضي والله بيعوضج باللي احسن منه

 

[غرام انسانه]

الاستخاااااااااااااااااااره ثم الاستخاااااااااااره
استخيري حبيبتي وربي يكتب لك الي فيه الخير يارب

موفقه...

 

[وجن ~]

شوفي حبيبتي إذا تبين نصيحة لوجه الله بما إن عمرك لسا 23
ارفضي واصبري وان شاء الله يعوضك ربي بأحسن منه يعني لسا
باقي عمرك مرغوووووووب وكويس مو كبيره لسا قدامك سنتين أو ثلاث وان شاء الله يعوضك ربي بخير منه
لأنو مو أكيد إنه تاب ممكن راح ودور ولف وولالقى أحد ورجع لك وغير كذا تقولين عصبي إذا الناس قالوا عنه كذا أجل كيف بيصير عند أهله الأفضل استخيري في رفضه وارفضيه وماراح ربي يضيعك بإذن الله

 

[فراشة طائرة]

كل اللي يقولون تابوا قبل الزواج يكذبون لانهم بس يبغون يتزوجون ويرجعون لعادتهم القديمة والله اعلم
انا رايي اخذ فرصة للتفكير والاستخارة ولو انه تاب فعلا راح يبين على وجهه سيماهم في وجوههم انتبهي قلبي لاتحطين نفسك بزواج ماتدرين ايش بيكون وراه وانتي صغيرة وقدامك العمر لاتستعجلي بالامر
والله يكتب لك الخير

 

[قلـ وترحساس ـبي]

الله يجزاكم الف خير
ياقلبي اللي تقولين 23 لسا
أنا مقتنعه اني بجد لسا صغيره لكن بنظرة مجتمعنا المتخلف عمري 23 ولسا ماتزوجت مسكيييينه يعني ع ابواب العنوسه اللي بعمري جابت لها واحد والا اثنين

 

[مــــرح]

لاتوافقين من رأيي لأنه 99 ونص % يكذب
انا اعرف وحده واحد خطبها ورفضته مع انه حلوووووووووووو جدا ووسيم
حتى اخواتها تخبلو عليه ويطالعة له من الطاقه وهي رفضته لأنه مو ملتزم وهي البنت الوحديه بالبيت ملتزمه والباقيين حتى صلاه مايصلون ويشقون القران اللي هي تقراه
وبعد سنه جاهم وهو بلحيه ومقصر الثوب وقال انه ملتزم الاب اجبرها انها توافق لأنه خلاص التزم مالها حجه
البنت صارت بس تدعي .. والله يوم الملكه جاء امام المسجد ودق باب البيت وقال للأب انت فلان بن فلان الفلاني قال ايه انا قال له انت بنت اسمها فلانه قال ايه ليش .. قال له اليوم ملكتها قال ايه قال انا لي ثلاث ايام احلم احد يقول لي روح قول لفلان الفلاني لايزوج بنته فلان (اللي هو خاطبها )الاب تفاجأ .. وفركش كل شئ وانهاه وبعدها سألو عنه طلع اكبر لوطي بالمملكه ..وتاجر مخدرات وكان مطول لحيته ويدس فيها المخدرات ويبيعه ..
ارفضيه وربي يعوضك ..

 

[goud]

لاتهتمين لكلام الناس واعرفي ايش تبين واللي تحبين واللي ماتحبين وخليك منهم انتي بعمر الزهور ولاتستعجلين عل الهم ولغم والنكد .................انا عمري مثلك ومطلقه وعندي ثلاث اطفال والسبب انا ماتحرينا في السوال تمهلي لانه موشي بسيط ...........
الله يرزقك اللي تتمنين ويوفقك دنيا واخره

 

[3etr el jory]

لطنشي كلام النااااس
واستخيري ربك

وتوكلي عليه حق توكلهوفي شي كمان
ترى الرجال لما ينرفض مرة ويعود مره ثانية
ما بينسى ابدا انو اترفض قبل
وبيحطها بباله
وبعد الزواج بيطلع عليها القديم والجديد
وطبعا موكلهم زي بعض في وفي

ربي يريح بالك وينولك مرادك ويزرقك الزوج الصالح اللي ينور دربك ويسعد عمرك

 

[زوجةاسير]

استخيري ومن رائي لاتستعجلين عليه و ربي يعوضك بااحسن منه

 

[**بحر الأمل**]

توك صغيره لا تستعجلين ونصيحه مني وعن تجربه أهم شي رأيك أنتي اذا مقتنعه وااافقي واذا و مقتنعه لا توااافقي حتى لو ضغطوا عليك أهلك في الاخير انتي رااح تعشين معه مو هم وماالك بكلااااااااااااامهم واولا واخيرا استخيري رب العباااد الله يكتب اللي فيه الخير لكي ياارب

 

[قلـ وترحساس ـبي]

اشكر كل من ردت علي والله يجعله في ميزان حسناتها يارب

84 مشاهده واللي ردوا يتعدون ع اصابع اليد
لا تبخلون علي شااااااااكره لكم

 

[قلـ وترحساس ـبي]

استغفر الله واتوب اليه

 

[صمت الحنينـ]

واذا 23
يعني عنستي؟؟؟

ماعليكي في احد
انتي بتتزوجي عشان كلام الناس يعني
لاصار الرجال مو تمام انتي الي بتندمي مو هم

اسالوو عنه كمان كمان واستخيري
واذا فيه خير لك توكلي ع الله

 

[الجوهر بنت م]

كل اللي يقولون تابوا قبل الزواج يكذبون لانهم بس يبغون يتزوجون ويرجعون لعادتهم القديمة والله اعلم
انا رايي اخذ فرصة للتفكير والاستخارة ولو انه تاب فعلا راح يبين على وجهه سيماهم في وجوههم انتبهي قلبي لاتحطين نفسك بزواج ماتدرين ايش بيكون وراه وانتي صغيرة وقدامك العمر لاتستعجلي بالامر
والله يكتب لك الخير

 

[ربنا الله]

استخيري ياقلبي وسوي الللي انتي مرتاحه له سواء كان قبول ام رفض

والله يوفقك .... بعدين صفة العصبيه هي اللي تكره المراه في الزواج وتنكد عيشتها

وربي يعوضك بأحسن منه إن شاء الله لاتستعجلي توك صغيره يجيك افضل منه

 

[ضياء القمر]

صعب الارتباط بشخص سوف يتغير بعد الزواج

الله يعينك

 

[تيتاني]

حبيبتي دامك صغيره ارفضيه

 

[awatifa]

استخيري الله و لا توافقين على كلامه بس لانه يمكن يكون كذاب و الانسان العصبي بيخلي حياتج جحيم الله يفقج ان شا الله

 

[خايفه من الدنيا]

استخـيري والله يكتب الي فيه خير