مخطوبة وابي رايكم يا استاذات

[Disconnected]

اشكركم يا استاذاتي على هذا الجهد المبذول في هذا الموقع الأكثر من ممتاز والمفيد
ولكم الجر والثواب في ذلك ان شاء الله ويكون من العلم النافع

اريد ان اعرض عليكم مسالة تخص خطبتي .. فتقدم لي شاب من عائلة موافقة لنا اجتماعياً وعمره25
وموظف في احدى الوزارات واهله اناس طيبون جداً وهو كذلك ومتحدث لبق ومتفهم للحياة الزوجية ..
وكل هذه المميزات الممتازة .
1-ولكن مشكلتي معه انه لم ينهي دراسته الثانوية...
2- وانا اذهب واتسوق مع رفيجاتي بروحنا واطلع مع خواتي لكن اهوة مايرضه انه انا اطلع مع رفيجاتي ..
3-وايضا في شي .. بالنسبة لشكله اهوة طولي وضعيف وانا متينة وطويلة.. وانا كنت حاطة في بالي انه الرجل اللي راح اخذه أطول مني وعريض ..:sadwalk:

فهذه ثلاث نقاط سلبية في هذه الرجل .. فهل هذه سلبيات ممكن اني ارفض الرجل بسببها ؟
مع العلم اني انا عمري 22 وجامعية ولي طموح انه اكمل دراستي واشتغل في احدى الوزارات

ولكم جزيل الشكر

 

[مُحبةالطفولة]

حبيبتي ..
الله يتمم لج على خير ..
ولكن اساس القوة يا القوية :showoff:انج تختارين صح :icon30:
واساس الاختيار الصح خاصة في مجال الزواج هي (( الاستخارة))
والاستخارة ماراح تخيب ظنج بإذن الله ..
لانه بكل بساطة اذا تم الموضوع معناه خير وحتى اذا ما صار نصيب هم عرفي انه خير ..
فالاستخارة تخلي الانسان راضي ومقتنع ..:bigsmile:
ول تحكمين على الرجل انه سلبي من شكله وحجمة ..وااايد ناس اجسام بدون عقل :harhar1:,,والعكس ترى صحيح قد يكون من خيرة العقول لكن بدون حسم :santa_1:..
وفي شي ثاني ليش ما تكون السلبية فيج انتي ..حاولي تسوين ريجيم وهذا شي ممتاز ..دام طولكم مناسب لبعض لان يصير تضعفين لكن مايصير تقصرين مثلا :1eye:..
وبعد ترى مب كل شي طلعات ورفيجات ..في واايد اشياء اهم ..
انتي تقدرين تكونين ذكية وترضين كل الاطراف ,,بالاعتدال بكل شي ..وحاولي تشوفين عيوبج قبل لا يعايرج فيهم بعدين:busted_red:
وسامحيني اذا طولت عليج :icon26::icon26::icon26:

 

[زييينا]

الحاااااااااااااااااال من بعضه الله يكون بعووونج
بس حاولي توافقين بين هالاشياء

 

[Disconnected]

مشكورين على الرد والاهتمام ..
وبالنسبة للاستخارة انا جربتها في اشياء وايد وتوكلت على ربي وتوفقت فيها

وبالنسبة للريجيم ان شاء الله راح اضعف


وا استغني عن استشارة الاستاذات:icon31:

 

[Disconnected]

وما استغني عن استشار الاستاذات ..

 

[البرائة]

1-ولكن مشكلتي معه انه لم ينهي دراسته الثانوية...
اختي مو مهم الشهادة ياااما دكاترة ومتعلمين ولكن تفكيرهم صعب والتعامل معاهم ومعاشرتهم اصعععب..


2- وانا اذهب واتسوق مع رفيجاتي بروحنا واطلع مع خواتي لكن اهوة مايرضه انه انا اطلع مع رفيجاتي ..
كثثثيييير من الرجال يعارضون هالشي ..لكنهم (ممكن) يتغيرون بعد الزواج...


3-وايضا في شي .. بالنسبة لشكله اهوة طولي وضعيف وانا متينة وطويلة.. وانا كنت حاطة في بالي انه الرجل اللي راح اخذه أطول مني وعريض ..:sadwalk:
يحليلك والله...مومهم الشكل ايش الفايدة يكون بنفس الشكل اللي تبينه لكن اخلاقه وتعامله لاتطاااق؟؟؟وصدقيييني لو حبيتيييه راح تشوفييينه ملك جمال..
انا اقولك الشكل مو مهم لانه انتوا الاثنين بتعيشون مع بعض عمممررر مو يوم او يومين ومستحييييل اشكالكم تظل مثل ماهي طووول هالمدة ...اكيد بتتغير ...لذلك هي مو مهمة.
المهمم الاخلاق والتفكير والتعامل والدين...
شكلك تهتمين لكلام صديقاتك والناس عن شكل الخاطب وهالاشياء..والله يااختي الناس مالهم الا الكلام ...ارتحتي معاه ولا ماارتحتي راح يتكلمون ...فالافضل انك تطنشيييهم..وصدقيني ماراح تاخذين الا نصيييبك...ومافي انسان كاامل
وانتي بنفسك لاحظي انه مميزاته اكثر من عيوبه..

واهممممم شي اختي الاستخااااااااااااارة...تراها مهمممممة

والله يوفقك وييسر لك امورك..:icon26::icon26:

 

[حياتي*]

اصعب شي انه ماعنده شهاده ثانوية .؟

لييشش ؟؟

وايد تزوجوا وبعدين تحسفوا !!

وانا اقول الاستخاره

 

[Disconnected]

مشكورين على الرد ... وكل الكلام اللي قلتوا انا كنت اقوله حق البنات لما بنخطبون لكن الانسان لما يكون بالمشكله يكون تفكيره غير وما يشوفها من جميع النواحي ...

ساعات يكون الانسان طماع ولكن ..اكيد اكيد الاستخارة

ودعواتكم لي بالتوفيق:icon26:

 

[الحُرّه]

اذا عالضعف...

انتي وشطارتك بعدين

واذا عالطول انتيتقولين انه طولك

عادي مافي مشكله


اهم شي ان اسلوبه زين ...وياك