محلات تفصل غرف أطفال بالرياض او القصيم

[حلى زوزو]

السلام عليكم
الله يجزاكم خير اخواتي ابغى تدلوني على محلات تفصل غرف اطفال بنات وأولاد في القصيم او الرياض وتكون راقيه من زماااااااااااااااان انا واعده عيالي بغرف وودي افصل لهم الحين وياليت تخبروني عن الأسعار والجوده
ومشكووووووووووووووورين مقدما

 

[M!ss GaBBaNa]

والله حبيبتي القصيم ماعرف بوه شي ..
الرياض
تناتل بشارع الملك عبدالله
الفوزان اللي في الرروضة على مخرج 11
البناء والعمار بس مايفصل الاموديلاتهم
غصن البان يفصل

وموفقه يالغلا

 

[M!ss GaBBaNa]

وللامانة ماجربتهم لاني اشتري جاهز ..ولاعمري فصلت بس اشوف اقاربي مفصلين عندهم ولا اادري عن الجودة او السعر بس شكلها حلو

واتمنى احد يفيدك اكثر..

 

[نجمه مضئه]

فعلا اختي اضم صوتي لمس جابانا وازيد مره وانا راجعه من الجامعه شفت محلات تفصيل غرف في الشميسي بس ماادري ولا شئ عنهاا لاكن اتوقع انهاا ارخص بحكم مكانهاا .

 

[حلى زوزو]

أختي مس جبانا ونجمه مضيئه
مشكوووووووووووووووري وماقصرتوا الله يعطيكم العافيه

 

[حلى زوزو]

معليش اختي مس جابانا كتبت اسمك بالغلط
أكررررررررررررررر شكري مره أخرى

 

[M!ss GaBBaNa]

الشكر لله ..
موفقه ياحلوة

 

[فراغ وقهر وظلم]

ايكيا ^_^

 

[ام الاشبال3]

عندك هوم بلازا وتاريم ومحلات الي في العويس ودايل انتي وذوقك اهم شي حطي بالك تصميم ثم ابدي دوري مثلا غرفه الاولاد حطي بالك تصميمها امافضا او اي شي معجبك ترى الجدران والارضيه عليها 80بالميه من الجمال والاشياء التكميليه مثل الارفف والسلال والشبكات هي تعطي المظروتجمل حتى لو كانت الغرفه مالها اصلا منظر
احس الاشياء الي نحطها ثنائيه هي في الاساس الاصل اتمنى وصلت الفكره اختي

 

[اتعبني حبيبي]

حبيبتي انا فصلت سرير لعيالي دورين لان غرفتهم صغيره يجنن ومره نايس
وقالي ممكن تستغلين الدرج اللي يطلع للسرير اللي فوق(درج مو سلم)
قالي ممكن اخليه لك دورج وقالي بعد احط لك تحت السرير اللي تحت سرير ثالث
بس انا خليته درجين كبار
اي وقالي ممكن بدال السرير اللي تحت احط لك دولاب للملابس او مكتب اوسرير بالطول ومكتب
يعني غرفه كااااامله بس زاويه تنفع للغرف الصغيره
وممكن انت تختارين تصميم وهو يفصله لك على حسب طلبك
او ممكن انت تختارين التصميم من الكتالوجات اللي عنده
واللون على حسب طلبك وممكن تدمجين كم لون مع بعض
يعني يفصلك على مزاجك والاهم من هذا كله
خشب مضمون وقوي يضمنه لك 10 سنوات
بس انتظر زوجي علشان اساله عن مكان المحل والله ماادل وين مكانه فيه بس هو في الرياض وارد لك
اي نسيت سرير عيالي فصلته ب 850 ريال

 

[ام اصيل؟؟]

السلام عليكم
الاخت اتعبني حبيبي لو سمحتي وين المكان اللي فصلتي فية غرفة عيالك لاني زيك الغرفة ضيقة وابغى استفيد من المكان ؟؟؟؟؟؟؟؟؟؟ويجزاك خير

 

[AMASY]

وانا بعد أستناك أختي أتعبني حبي لاني ناوية أجهز غرفة أطفال هاليومين