محتاره مع حماي

[العفو يالله]

السلام عليكم

بدخل في الموضوع على طول حماتي متقدم لها واحد هي عمرها 24 سنه
وهي رافضه بحجت انها ماتبي تتزوج قبل مايتزوجون اخوانها لانه ام زوجي متوفيه وهي لي قايمه بخوانها
خواتها كلهم تزوجو الا هي حتى وحده من حمواتي مطلقه وعندها ولد وقالت انها ماعلي من احد وتزوجت ثانيه اما هذي رافضه تقولا شلون اخواني من لهم

انا حيييييييل في بالي اني اقول لها خلاص تزوجي وحماي يجي يسكن عنديطبعا عمره13 وفي نفس الوقت اقول بس كذا مراح اخذ حريتي في بيتي ولبسي وكذا
بس الاكثر لي الفكر فيه انه حماتي تتزوج واخوها يسكن عندي وقوم فيه لين يتزوج
حرام يطوفها الزواج اذا الحين جاها نصيب بعدين ماندري شنو يصير

شوووورو علي طبعا عندي 3 اخوان زوجي مو متزوجين وصغار تتراوح عمرها من 13 الى 23
22 و23 ذيلو يشتغلون مايجيون الا بين فتره وفتره


سلامي

 

[** آهات طفله **]

خلاص كلميها وحماك حده الدوانيه حتى مايجسر وتتندمين ومنها تاخذين حريتك

 

[مالي غنى عنك]

والله انا براي انج تكسبين فيه اجر اليتيم اجره عظيم عند رب العالمين وخليلخ الدوانيه او المقلط والله بيجزاج خير فيه وتكسبين اجره واجر اخته بس قبل استخيري والي الله كاتبه يصير

زوجج ما عنده اخوان متزوجين؟؟؟

 

[الوردوالياسمن]

والله انا براي انج تكسبين فيه اجر اليتيم اجره عظيم عند رب العالمين وخليلخ الدوانيه او المقلط والله بيجزاج خير فيه وتكسبين اجره واجر اخته بس قبل استخيري والي الله كاتبه يصير

زوجج ما عنده اخوان متزوجين؟؟؟

نفس الراي

 

[العفو يالله]

عنده اخوان بس عارفه مراح يبونه لانه وحده تمشى وراء كلام امها والثانيه مو حيل علاقتهم فيها
وسمعها دايم بمناسبه ودون مناسبه انها عيالها ماتتحملهم بتتحمل احد غيرهم

 

[ايام غربه]

تدرين لو سويتيها بتكسبين اجرها وربي بيرزقك من واسع فضله

 

[دمعةشوق]

.



بصراااحه دعيتلك من كل قلبي وانتي فعلاا عمله ناادره ماشاء الله
وين الحماه اللي مثلك تنشرىا ماتنبااع اسال الله ان يحفظك من كل مكروووووووه
وازيدك من الشعر بيت ترىا اولد مو مثل البنت يعني لو حمواانك درزن ماايضر لان طبيعة الولد تختلف عن البنت تلقينه ماتهمه الا الاساسياات بالحيااه يعني راحه واكل وثوب نظيف غيره ابد ماراح يطالبك بشي ولارااح ينسىا معرووفك لوحطو التراب عليك < عسىا عمرك طويل
وماتدرين يمكن يفتح لك ابواب البركه والرزق بمعروفك
بس اهم شي ماتنسن نفسك ولاتظلمين ولا تُظلمين
وحااولي بحمااتك لان العمر موباليد
وصنائع المعروف تقي مصارع السؤ

بارك الله فيك واعانك علىا تحمل المسؤليه


.​

 

[كنوز عابره]

الله يجزاك خير والي تسوي خير
تلقاه وتقبلي تحياتي

 

[m.t]

حبيبتي اهنئك على الرووح الطيبه والله يعطيك على قد نياتك يارب
عمري وربي حاسه فيك وحاسه بحماتك لاني تقريبا مريت بنفس ضروفها
عمري انت جربتي حياتك وعندك زواج وان شاء الله اطفال
قلبي اكسبي فيها اجر لو امها موجوده تلقينها زمان تزوجت صح
خوذي من مهرها وابنو ملحق لاخوانها وجيبي خدامه لك ولهم اكيييد ماراح تمنع لانها تبيغى لاخوانها يعني هي ان شاء الله مسهله الامووور
وبالتوفيق ​

 

[الزوجه الاولى]

حبيبتي اسأل الله العضيم رب العرش العضيم ان يعطيك الله على قد نيتك وان شاء الله ربي راح يفتح عليك في جميع امورك دنيا وآخره الحمد الله ان الدنيا لسه فيها خير والله يكثر من امثالك

 

[نور القمرررر]

يالله خلاص اطرحي الفكره على زوجك ...
والله بتكبرين فعيونهم كلهم ...
وربي بيجزيكي خير الجزاء باذن الله ...
والله يجعله في ميزان حسناتك ويدفع بهالشي عنك كل بلاء
يااااارب جملها بعين زوجها واجعل سعادتها فالدنيا والاخره يارب ​

 

[يادنيا اعذرينا]

الله يرزقك من حيث لاتحتسبي -كقول الرسول صلى الله عليه وسلم (انا وكافل اليتيم كاهاتين في الجنه )بعدين تكسبين اجر في المسكينه لايطوفه الزواج وبعدين سوي شي لاخرتك ترى دنيا فانيه والله اني استقبل حمواني عندي واهلهم على قيد الحياه واحد عندي له ثلاث سنين موظف لان اهلهم بعيدين عنه واقول حرام واحط مكان اخواني واقول مارضى على خواني ماحد يستقبلهم اخوي عندهم بعدين ترى خمس سنوات ويتخرج من الثانوي وراح يتوظف ويتزوج ويذكرك بالخير وراح يكون عندك ولد يوديك ويجيبك

 

[قلائد الدرر]

اوكي حبيبتي انا معك بس انتبهي مو لمايبلغ تقولين لا هذا مثل ولدي لا انتبهي هو مهما يكون اخو زوجك يعني مو من محارمك ومو تاخذين راحتك بالبس وتراء الاولاد مهما كانوا
صغااار عيونهم زايغه وبس حبيت انبهك وارجو اني افدتكك:10:

 

[مصدومه من الناس]

الله يرزقك وين ماتروحين والله صابتني قشعريره واهنئك على طيبة اصلك وترا فرحة اليتيم بتوصلك للجنه انشاءالله واكسبي اجر في هالمسكينه ولا تضيع فرصة الزواج اهم شي تستخييروالله يعينك على ويكتب لك الاجر هذول ايتام والواحد مايدري ايش مخبياله الدنيا زي ماتسوين تلاقي والله ادعي لك من قلبي

 

[خجلے]

بجد فرحتيني بـآآقي الدنيا فيها خير
الله يوفقك ونعم التربيه
اييدك الرأي
وكلها كم سنه وبيتوظف ويرووح​

 

[نورأيامي]

بارك الله فيكي وجعله في ميزان حسناتك

يااختي انتي انسانة أصلية ما شاء الله عليكي الله يقدرك على معاملته بالحسنى

 

[حين ميسرة]

بجد انك اصيلة وراح تكبري بعيون الكل
الله يرزقك على قد نيتك

 

[الناصحه الامينه]

احسنى اليها واليهم وبتشوفين كل خير فى حياتك مادام نيتك طيبه ابناء زوجى كنت اخدمهم وانا مجبوره وقال لى ابوى يابنتى احسنى نيتك واخدميهم لله وبتشوفين خير ...طبعا لظروف معينه كنت اخدمهم واقوم بهم ..يوم غيرت تفكيرى حبيتهم وحبونى والحين ما استغنى عنهم ولا يستغنون عنى ...كبروا وصاروا رجال وحريم وبعضهم عنده اولاد ويعاملونى احسن مما يعاملون جدتهم ...المعروف مايضيع الله تكفل بجزاءه كلها سنوات قليله ويغتنى ككل واحد وتبقى الذكرى الطيبه وانت بامكانك تقومين بهم وهم فى قسم خاص بهم اوفى االمجلس وتاخذين راحتك فى باقى البيت وتعلمين عيالك يخدمون عمانهم ويحترمونهم ...بعدين زوجك يقدرك وتكبرين بعينه ومع ذلك لا تنتظرين الجزاء منه ..كل اللى ساهموافى تربيه وكفاله من يحتاجهم من اقارب لاحظت انهم ما تعبوا فى تربيه عيالهم وكان الله تكفل بهم وبهمهم وحفظهم من الضياع ...غيرك حريم مايبون تنقص حريتهم فى بيوتهم ويبون يلبسون للزوج وياخذون راحتهم ومع ذلك نزع الله الراحه من بيوتهم..... بعدين ترى الشباب ذولا مساكين ومحتاجين من يحتويهم ويقوم بهم وبعد يشغلون عيالك ويخلونك تفرغين لهواياتك و..وبعد ينوبك اجر فى حماتك وتكسبينها صديقه ..وبكذا يكون عندك اسره كبيره وجميله وتشعرين بقيمتك واهميتك والله يوفقك لما فيه الخير

 

[فوفة الاموره]

الله يجزاك خير
ولايحرمك الاجر
احتسبي الاجر واقنعيها

 

[حلى الورد]

والله رأيي من رأي البنات تكسبين اجر وتلاقيه عند ربي وبر عيالك