محتاره ما اذا كان اخ صديقتي يحبني ام لا

[برمودا]

تاريخ الميلاد ؟1413
مكان الميلاد ؟الرياض
الحاله " مخطوبه – مطلقه – عازبه " ؟عازبه
الدرجه العلميه ؟ثانوي
درجة الإلتزام بالدين ؟الحمدالله
هل انتي مداومه على الصلاة في وقتها ؟الحمدالله

المستوى المادي للأسره ؟تماااام ولله الحمد والمنه ع النعم
الترتيب بين افراد الأسره ؟4
عدد الأخوه والأخوات ؟9
علاقة الوالدين ببعضهم ؟ الوالد متوفي رحمه الله عليه
علاقة صاحبة المشكله ببقية الأسره ؟تمام
هل يوجد زوج ام و زوجة اب ؟لا
علاقتك مع زملاء المدرسه / العمل ؟الحمدالله

هل تعاني من امراض عضويه او نفسيه ؟لا
الحاله النفسيـه حاليا ً عند كتابة الإستشاره ؟متوتره

مدة المشكله منذ بدايتها حتى الآن ؟سسنه
نقاط ضعفك ؟اخواني واخواتي
نقاط قــوتك ؟مأرضى الغلط علي واللي يغلط............

 

[برمودا]

مرحبااا
انا عضوه جديده أعجبني المنتدى وحبيت اطرح مشكلتي فيه..

أنا من فتره خبرتني بنت خالتي بس يجيبون اسمي في البيت أخوهاا ينتبه تقول لازم يلتفت ويشوف عن ايش نتكلم فيكي...تقول يستفسر عنك وبعدها حسيت من كلامها انه كأنه يحبني وأنا كمان حبيتتتته مدري ليش(قلب البنات)
وهي دايم تعطيني تلميحات بس الى الان ماصرحت بس تقول انه يحب وحده تقول اقوله مين يقول لااا ماراح اقول لاني اخاف تتزوج
وانا بعد ماقالتلي عن انه يهتم فيني بعدها ماستفسرت عنه ولا عن الموضوع
بس اذا قالت اسمه يفز قلبي
أنا الان وش المشكله عندي
أنا احبه وهو لسا ماعرفت يحبني ولا لاااا
بس هو اصغر مني بــ8 شهور واناتقدملي خطيب ورفضت لانه مو من نصيبي..
وهو لسا بيكمل الدراسه الجامعيه يعني احس مااااااافي امل نتزوج انا وياه بس انا عطول افكر فيه مليييت والله تكفون ساعدوني وش معنى كلام اخته هل هو يحبني
أنا صراحه احس يحبني لان لواحد يحس بقلبه وكمان من كلام اخته ومن تصرفاته اهو بعد
ع فكره دايم نتصادف انا وياه عند خوالي بس ع طول كل واحد يرجع لمكانه
انتم لو مكاني وشلون تفكرون وكيف تتصرفون؟؟؟
ابغى ردووووووووود الله يوفقكم وابغى حلول تروح هالتفكير ذبحني والله ذبحني

 

[Ms.RoZa]

السلام عليكم

كل الاشياء الي اعتمدتي عليها بإستنتاجك مبهمــه ..
لإن اي شاب لو سمع اهله جابو سيرة اي بنت اكيد راح يجبره الفضول يسمع وش يقولون

وبعدين لو كان حاط عينه عليك صدق وش بلاه ماقال لإخته الي يعرف انها صديقتك عن حبه لك ؟
والأهم من هذا كله انه قال اخاف " ان الحبيبه السريه " تتزوج .. !!
يعني ما بي اقولكم عنها وبعدين تتزوج ويطيح وجهي قدامكم ..

مش المفروض انها لو كانت انتي ..
قال لأختك عشان توصلك مشاعره وماتتزوجين ؟

على كل حال ..
سواء كان حاط عينه او لا .. انتي مابتستفيدين من هالمعلومه بشي
وانا انصحك تشيلين هالفكره من راسك تماما لإنه واضح انه مش مناسب لك

انتي تعلقتي فيه من تلميحات سطحيه سمعتيها عنه ..
مع اني اشوفها حركات طبيعيه من الشباب يعني مافيه شي ملفت

نصيحتي لك شيليه من راسك وكنسلي هالفكره ..
وشو الي تحبين واحد اصغر منك ؟؟
ولا بعد توه طالب بالجامعه .. !!
بتتعبين عمرك على شي لا هو مضمون ولا حتى يسوى التعب

رزقك بيجيك لكن تذكري انه مو بديك .. هو بيدين رب العالمين ..
الي وعدك وعد حق وقالك " ادعوني استجب لكم "

 

[برمودا]

مشكوووره اختي مع اني حاسسسه كلامك قوي علي شوي
وبعدين شفيها اذا الوحده تزوجت واحد اضغر منهاااا الرسول صلى الله عليه وسلم تزوج خديجه وهي اصغر منه بعشرين سنه او اكثر
وعندنا بالعايله كذا واحد متزوج اصغر منه بسنتين او اكثر عااادي
ومو اي شاب اذ شافوا اهله يتكلمون عن بنت انتبه انا عندي شباااب مايهتمون لهسوالف
طيب لو اقولك اني متأكده انه يحبني
مو بس تلميحات سطحيه هي قالت كذا تلميح اكبر بكثير من اللي قلته بس مأحب اذكره هينااا...
بعدين انتي ع اي اساس قلتي انه مش مناسب لي؟؟؟
بس كل واحد له وجه نظره .....

 

[}وردة{]

حبيبتي..
أدعي: "يا رب إذا كان هذا الإنسان خيراً لي فجعله من نصيبي"

وخلااااص إنسي السالفة
لأنه بتتعبين من التفكير...صدقيني
وهو للآن ما قام بأي خطوة ولا حتى خطبة ولا أفصح عن مشاعره..وانت ممكن تطيرين منه!!
وتخيلي أنه بعد التخرج..يكابر وما يفصح عن مشاعره مثل ما هو يسوي الحين!!
ويقول: "أختارولي اللي تشوفونها مناسبة!!"
وبعدين يختارون وحدة غيرج
أكيد بتتحطمين؟...صح ولا لا؟؟ :33:

أنا أمر بنفس تجربتج..بس أدعي أنه الله يكتب لي الأفضل!
لأننا نحنا في النهاية بشر وما نعرف وين الأفضل..صح؟
والله يوفقج حبيبتي ويرزقج بأفضل الناس :39:

 

[برمودا]

أمين الله يكت الافضل ياااارب لي ولك ولجميع المسلمييييييييين
مشكوره اختي..اللله يوفقك يااارب

 

[Ms.RoZa]

سبحان الله العظيم !!

عنوان الموضوع تقولين / محتاره ما اذا كان اخ صديقتي يحبني ام لا
وفي ردك كتبتي / طيب لو اقولك اني متأكده انه يحبني

وش المطلوب الحين .. ؟!
خلاص دامك متأكده الله يجعلك ام لعياله ويجعله ابو لعيالك

 

[صمت الحنينـ]

مو عيب تتزوجي واحد اصغر منك بكم شهر
بس المشكله انه لسه يدرس
يعني مطوول لسه
وانتي ماتضمني نفسك يمكن تنخطبي واهلك يجبروك على انك توافقي
ومايكون من نصيبك
كمان لو يحبك كان خطبك
عاالاقل حجزك بس

الله يووفقك

 

[برمودا]

MS.RoZa الموضوع محتاااره مو انا اللي كاتبته معدل انا ماحطيب موضوع اساسا انا حاطه رمز بس عدلوه اهم
بعدين وشلون شالمطلوب الحين
انا ماحطيت الموضوع بس انتي اللي تردين يعني مو مطلوب منك ششششي

 

[خالة الجمان]

حبيبتي لاتعيشين نفسك بأوهام على اساس تلميحات

ومثل ماقالو البنات طبيعي انه راح يفز اذا سمع اسم بنت وغير كذا ماتدرين بعد كم سنه راح يتقدم لك او لا

ممكن يكبر ويغير رايه

وبعدين دخلتو بسالفه الزواج على اساس تلميح فقط ؟

لاتغرقين وتشغلين نفسك بأوهام واحلام اذا طق بابكم حياه الله والله يكتب لك الخير معاه

ثاني شي حبيبتي لازم تتحملين ردود الاخوات لك لانهم ردو واعطو رايهم لمصلحتك


​