محتاره ابي الحل الصحيح

[لحن العاصفه]

هلا باخواتي
بستشيركم بشغله
اختي عمرها18سنه تدرس وتعرفت على شاب
المهم وجلست معاه مده
وبعدين في رجال شافها نازله من سيارته ولحقها لحد باب البيت وقالها طيب عند اهلك
ووصل الخبر لامي واخذت منها الجوال
امي وابوي منفصلين
راحت اختي عند ابوي وابوي ماعنده لازوجه ولا شي
ويروح دوامه 4الفجر ويرجع4العصر وهي تكون لحالها
وابوي متساهل معاها حتى لما عرف السالفه
يقول لو نضغط عليها ماهو حل
لازم نجيها بالسياسه ويقولي خليها ترجع عند امك لانها بحالها
تقدر تسوي اي شي
وامي تقول لازم تعتذر عن الخطا ومافي جوال ترجع غير كذا مافي
وامي تقول لازم تتعاقب يعني تنضرب الين تقول امين وتشتغل في البيت
وماتكمل الدراسه هذي السنه
واختي عنيده حاولت فيها تعتذر ماهي راضيه وتقول هو يبي يتزوجني بس يدور وظيفه وواثقه فيه
وانا عجزت فيهم كلهم راسي عورني وانا ادور الحل
هل انا اقول لزوجي يروح يقابل هالرجال
لانه قال لاختي انا ابغى اقول لاهلي انك اخت زوجت صاحبي
عشان يوافقو
وامي مصره تعاقبها حتى عندي ماتجي
وللمعلوميه
اهلي متفككين ونفسيه وكل انواع العقد عندهم
المهم يابنات قولولي ايش هو التصرف الصح
لاني محتاره

 

[لحن العاصفه]

ونسيت اقولكم اختي حاولت تنتحر اكثر من مره
وجرحت ايدها بالموس
واكلت بالحبوب

 

[لحن العاصفه]

وينكم يابنات

 

[أحساس امرأه]

الله يهديها باين انها تعبااانه نفسييا ساعديها وخوذي بيدها بالمعاملة الحلووة
زوجك لايدرررررررررررررررررري ايااااااك ثم ايااااااااااااااااااااااك بيعايرك طول عمرك وبيفضحكم ..
اختك مراهقه هي غلطت اكيد لكن الضغط مواسلووب
ولاالضرب
كلميها بالعقل والكلمة الحلوة ووضحي لها مخاطر هالشي
ابوك يكلمها بحزززم دون ضرب وزوجوها اقرب خاطب يكون مناسب لها قبل تصير فضايح
لاقدر الله ..
​

 

[مـلاك الصغيرة]

الله يهديها باين انها تعبااانه نفسييا ساعديها وخوذي بيدها بالمعاملة الحلووة
زوجك لايدرررررررررررررررررري ايااااااك ثم ايااااااااااااااااااااااك بيعايرك طول عمرك وبيفضحكم ..
اختك مراهقه هي غلطت اكيد لكن الضغط مواسلووب
ولاالضرب
كلميها بالعقل والكلمة الحلوة ووضحي لها مخاطر هالشي
ابوك يكلمها بحزززم دون ضرب وزوجوها اقرب خاطب يكون مناسب لها قبل تصير فضايح
لاقدر الله ..

كلام عين العقل
​

 

[دفاا سنيني]

ربــــي يهـــون عليــــك
بس لاتخلوها عند ابوك دامه مو سائل فيها او مهتم
هناك بتاخذ راحتها وبتطلع وتشوف براحتها
انتبهي عليها
لا يلعب بعقلها وقولي لها كل الشبااااب سوا...واذا كانت نية صادقة يجي يخطب والزواج بعد ما يلاقي وظيفة
انتبهي لاختك وتقررربي منها ولاتخلوها وحدها انتبه عليها لاتسوي في نفسها شئ
ربي يخليها لكم ويعقلها
وخليها تعتذر من امها هي جنتها ورضاها من رضى ربها
وامك فهميها ان الضرب مو حل ويمكن تتمادى معاه او تهرب حتى
خذوها بالسياسة والاقناع وكلموها على انها وحدة كبيرة وتفهم الصح والخطأ

 

[نقااء الثلج]

الله يهديها شكلها صغيره ما تعرف الحياه بعدها هذا اول حب لها بس انتي وقفي معاها لاتتركيها بروحها ولا تجيبي طاري لزوجك ابد مثل ما قالت الاخت

 

[لحن العاصفه]

امي مصره على الضرب تقول لازم تتعاقب
واختي عنيده ماهي راضيه تفهم ابدا
ومصره الا تكمل معاه وامي ماتبغى السياسه
تقول البنت اذا ماتعاقبت ماتخاف
ايش اسوي
والله اني الحين قفلت جوالي من كثر اتصالاتهم علي
حتى زوجي صار يقول انتو ايش عندكم

 

[لحن العاصفه]

وامي تقول ماابغاها تجي عندك خليها تحس بالطفش
والوحده
هل هذا حل

 

[توتونجد]

الله يهديها

شوفي مالك الا تروحيلها وتكلمها قوليلها خلاص خليني انا اكلمه اقله يجي يخطبك من ابوي وانتي كلميه

علميه انها انفضحت اختك وقوليله تعال اخطبها حتى لو ما توضفت احنا راضين اذا انت تحبها تعال انت واهلك

رح يكون رده برفض واكيد
بعد كذا رح تعرف انه نصاب ولعاب
لحي عليه بالكلام وخليها تسمع رفضه اما اذا وافق خير وبرك
اقنعيها انا امها تخاف عليها وتحبها وجودها عند ابوها يزيد الطين بله

مهما يكون عنادها رح تلين

زوجك لا يعرف وقسم بلله رح يسبك طول حياتك

الله يسهل امورك​

 

[نونه المزيونة]

لا حول ولا قوة الا بالله ...
لابد من مناصحتها ...
انتي كلمي ابوك وقولي له يتكلم معها بلين ويبين لها ان سكوتة مو معناته رضاه ..
لا ابدا" ...
بس يبين لها ان الامور ماتنحل بهالطريقة..
ومن حبه وخوفه عليها استقبلها عنده مو لأن امك غلطانه لا ...
بس لحد ماتهدأ الامور وتعرف خطأها..
ولازم ترجع تعتذر من امك..

وانتي بعد كلميها وبيني لها ان اللي يحبك هو اللي يقسى عليك مو يضحك عليك
الله يصلحها ويهديها...


او بلغو عن الولد خذي رقمه من الجوال وبلغي الهيئة
يراقبوه واكيد راح يمسكوه مع 1000 وحدة غيرها
بعدها بلغي اختك ان الذئب البشري مسكته الهيئة طبعا" بعد ماتتأكدي ان الهيئة بالفعل تحققت منه..

 

[مزوح وتروح]

كلمي المرشدة الطلابية اللي في مدرستها وفهميها الموضوع
وبإذن الله حتحلها بعد ماتتكلم مع اختك وتتفاهم معاها !!!>> كثير من المرشدات قدروا يغيروا من حال الطالبات وكانوا اقرب لهم من اهلهم كلميها ولاتتردي أو لو اضطريتي روحي لها المدرسة بدون ما أختك تعرف !!
لحقوا على أختك قبل ما تسوي شي يضركم >> الله لا يقول

 

[لحن العاصفه]

للرفع

 

[قمر بعيونه]

الله يهديها باين انها تعبااانه نفسييا ساعديها وخوذي بيدها بالمعاملة الحلووة

زوجك لايدرررررررررررررررررري ايااااااك ثم ايااااااااااااااااااااااك بيعايرك طول عمرك وبيفضحكم ..
اختك مراهقه هي غلطت اكيد لكن الضغط مواسلووب
ولاالضرب
كلميها بالعقل والكلمة الحلوة ووضحي لها مخاطر هالشي
ابوك يكلمها بحزززم دون ضرب وزوجوها اقرب خاطب يكون مناسب لها قبل تصير فضايح
لاقدر الله ..​

عين العقل

 

[لحن العاصفه]

للرفع
ابغى اراء اكثر
وكيف اخليها تقرب لله
لانها بعيده عن الله

 

[الناصحه الامينه]

بلغي الهيئه
بكل مادار
واخبريهم انكم تواجهون ازمه مع اختك وانه لاعب بعقلها ومقنعها انه بيتزوجها

اياك ثم ايااك ان يعلم زوجك
مررره لايدري

مالووم امك والله
الله يعينها
المصيبه كبيره ولو تتورط البنت
كل اللوم بيلقى عليها

 

[لحن العاصفه]

للرفع

 

[أحلى ماما]

انا والله مدري وش الحل الانسب بس المهم والاهم زوجك ماييييييييييييييييدري نهائي

 

[مييسو]

احساس امرأة كلامها لامس الصواب

 

[نضوج أنثى]

اختك تعاني من التفكك الأسري وكلام الوالده صح لازم تتعاقب ولا ماراح تحس بغلطها وتتمادى أكثر المهم انتي قولي لأبوك يدق عليه طالما عرف بالسالفه وساكت يعني يقدر يتفاهم معاه وقدامها عشان تتأكد إنه بس يلعب ولا امك تكلمه المهم احد يكلمه ويشوف وس سالفته عشان تقتنع هي في مرحلة مراهقه ومافي شده عليها فراح تعاند للأخير انتوا حاصروها من كل مكان ولا تخلوا لها مجال ولازم رقابه عليها والله يفرج همكم ويبعد عنها عيال السوء