محتاره أستمر وإلا أتطلق

عزيزتي... نصيحة من إنسانة مجربة ... أتركي زوجك ....مادام مابينكم أطفال أتركيه غير مأسوف عليه...​

أنا عارفة هذا شئ صعب عليكي... بس أنا إنسانة عديت بالتجربة وعدت فيها إنسانة أخرى ...وكلانا لم ​

نستطيع تغيير شئ في رجالنا لأنهم مريضيين بمرض مستعصي...​

حاليا أنا أتمنى لو تعود السنين للوراء وأكون قد طلبت الطلاق من زوجي ...أنا لم أنجب إلا بعد أربع سنين​

ووقتها زوجي لم يكن لديه خيانات كثيرة... في فترة حملي وإنجابي زادت خياناته ... وهذا ماسيفعله زوجك ​

وسيبرر لنفسه ...​

فكري بعقل وأحمدي الله أن أهلك أناس عاقلين ومتفهمين.... ​

الحياة مع شخص متعدد العلاقات شئ مرة صعب وعذاب نفسي... ​

أنا أقول لها لكي بكل ثقة ... تطلقي من زوجك قبل فوات الأوان... مادام إنك متاكدة أنه رجل يزني ... وله ​

عدة علاقات...مهما وعدك ... ومهما بكى أمامك ... ومهما قال لكي ... لاتصدقيه لأنه سوف يعود ويعود
إلا إذا صلح حاله بالقرب من الله ... يعني إذا تدين وتاب توبه نصوحة وتأكدتي أنه أصبح إنسان مختلف ويخاف الله...
هو حاليا مدمن علاقات ... والإدمان علاجه صعب ...
وصدقيني لو إستمريتي معه سوف تتأثر العلاقة الزوجية بينكم وبالذات أن فيه نوع من الشذوذ ...
إلحقي نفسك قبل فوات الأوان..ولا تجعلي العاطفة تغلب عليكي
وصدقيني من ترك شيئا لله أبدله الله بخيرا منه...
تمنياتي لكي بحياة سعيدة​
 
غاليتى ............

أدعوا الله الذى قال وقوله الحق ادعونى استجب لكم ان يفك كربك

ويزيل همك....أقرئى موضوع الأخت مستغربه عن ادعية تسخير الزوج

الله معاكى....بشرينا عنك
 
والله خايفه هو لما أدق عليه يرد علي وأنا إتصالاتي مو كثيره مره كل 3أيام بس من يوم الخميس اليوم ألي كلمت فيه عشيقته مايرد على إتصالاتي وأرسلت له رساله إني مشتاقه أسمع صوته ولا عبرني وهذي أول مره
أكلمها أخاف مكلمته وقايلتله والله إني أتصرف بدون عقل زي المجنونه مره أقول مابيه وأقول لأهلي هالكلام ومره أنهار وأبكي وأقولهم أحبه وأبيه برجعلي حاسه بذنب وتأنيب الضمير كل ماكانوا مبسوطين يلقوني أبكي وأخرب عليهم أخرها البارح أبوي حجز لنا إستراحه وعزم بس إلي يعزون علينا وأنا أرتاحلهم علشان أنبسط إلا قبل العشا أتذكر كل شي وأقعد أبكي وأروح بدون ماحد يحس أدق على أخوي يوديني البيت كلام عشيقته جرحني تخيلوا تقولي أنتي إلي رحتي وخليته فضلتي الدراسه عليه تقول خليني صريحه معك أنا لما أكلمه أقوله بصراحه زوجتك ماتستحي على دمها تاركتك ومفضله الدراسه عليك أنا لو مكانها ماأتركك أبد
 
ياصديقتنا الغالية صدقينا الحريم كلمهم عدل هدية احسن لج والله هي مستاهل ضفرج انتي ميتة وتحاحتين وهو عنده ثانية وشلون ترضين على نفسج هي الشي بس عشان المصروف الى يعطيج وويلعب عليج من وراج وياليت من وراج انتا عارفة ووصابرة علية---------
صدقيني احسن ان ماعندكم اعيال اتركية غير اسفة علية احسن لج
 
غريبه غريبه اليوم كلمني ويستأذني أنه بيسافر يومين مع ربعه مادرى المسكين أن أهلي

يبون الطلاق بصراحه رحمته وقلت يمكن الرجال تاب وماعنده سوالف بطاليه

غرقني كلام حلو وأنه راح يجيب لي أحلى الهدايا وأنه مهما صار أنا حبه الوحيد وأنا الوحيده

إلي يبي منها عيال لأنه واثق إني راح أربيهم صح وأنه لو كلم كلامه كله لعب وتريقه وأنتي تعرفين

وش كثر تعبت لحد ما أخذتك



بجد مستغربه كلامه وما حسيت بشي حسيت برود وما صدقته بس كسر خاطري
 
حبيبتى انتى توك ببدايه عمرك وش تستنين منه ينقل لك مرض خطير تتعبين طول عمرك امك معاه حق الانفصال افضل لك واذ رجعتى له اول شي تشترطين انه يسوي تحليل --
 
اختي ماادري ايش تستني زوجك 1-كذاب...2-زاني...3-مدخن ...4-شاذ...5- الوازع الديني عنده ضعيف

اختي الهدايا والفلوس وتسديد الفواتير مو اهم شي في الدنيا اهم شي خوف الله سبحانه اذا الانسان يخاف الله

اعرفي ان حياتك كلها سعاده لكن انسان زي هذا ايش تبغي فيه يااختي خافي على نفسك بكره بعيد الشر ينقل لك الايدز ولا

مرض من الأمراض الجنسيه المعديه

وترى زوجك جالس يضحك عليك بالهدايا والكلام الحلو ليش ماياخذك معاه من حقك انتي كمان تتمشي وتنبسطي

يااختي لازم تحطي حد لسفراته وتخلي اهلك يتفاهموا معاه وزي مانصحوكي الأخوات اشتركي في استراتيجيات التعامل

مع الزوج الخائن وهو ماقالك بااجي اخذك من عند اهلك بعد شهرين الا وهو ناوي انه يسافر...

ياقلبي لا تذلي نفسك خلاص يكفي اتخيلي لمن اتصلتي عليه وهو يكلمها ايش تتوقعي قالها زوجتي حبيبتي متصله

استحاله اكيد قالها ابشع الأسماء والصفات مو لأنها فيكي لا عشان يرضيها ويحسسها انه يحبها ويكرهك بالله انتي

تتصلي ويطنشك مايرد عليكي عشانها ايش تبغي اكثر من كذا اصحي لنفسك قبل ماتخلفي ويجيكي كتكوت ولا كتكوته

ديك الساعه من جد يكون فاتك كل شي ويسير صعب الانفصال اقرأي قصة بائعة الايدز للأستاذه ناعمه وشوفي كيف

جا المرض لحوريه صاحبة القصه وفكري الف مررره قبل ماتتصرفي ونصيحه لا تكلميه وفي نصايح كثير كاتبتها الاستاذه

ناعمه في القصه للي زوجها يسافر للزنى ولا تقنعي نفسك ان زوجك سافر يتمشى لأنه سافر وهو ماتاب...

اختي عذرا اذا كان كلامي قاسي لكن والله اني اكتب وابكي صحيح الحب يخلينا نسامح لكن مو في شي يغضب

ربنا ويدمرنا ويدمر صحتنا والله انك اخت لي في الله وعشان كذا نصحتك...

اختك...القلب الرؤوم...
 
نفس قصه اختي كل اللي يسويه فيهاوتقول احبه ومااقدراتركه والحين مطلقهاطلقتين وتقول ابغى ارجع له وهويقول ماابغاك تخيلي يضربهاويشك فيهاويشك ان في علاقه بينهاوبين اخوي وملابس للعيدوالمناسبات مايشتريلها وبيتهاكانه بيت شحادين وولدعمي بعدصدق ان الاقارب عقارب الله يفرج همك وهمها
 
نصيحه لك يااختي الحقي نفسك مادمتي باول الطريق لايصير فيك مثل اللي صار فيني جلست معه22 سنه احاول اغيره واقول يمكن يعقل ويتعدل ومافيه فايده وهالحين انا مطلقه بعد ماياست انه يتعدل وتمادى طلبت الطلاق وحرمني من عيالي حسبي الله ونعم تاوكيل وترى ابو طبيع مايجوز عن طبعه
 
شكرا لكل من ردت علي ونصحتي أو دعت لي الله ينول كل وحده فيكم إلي ب بالها


أنا أحس نفسي هاليومين مرتاحه للإنفصال بس خايفه من الطلاق أحسه صعب خصوصا أنه راح أكون أول
مطلقه بالعائله وفي ناس راح يفرحون علي كثير لأنهم يغارون منا وخواتي إلي من بعدي أخاف يتأثرون وما ينخطبون
وأتمنى لوكان عندي بيبي ولا ثنين علشان ماأفكر بزواج مره ثانيه أصير بس أربيهم وأهتم فيهم أبي أصير أم بجد أغبط كل
مطلقه عندها أطفال يملون عليها حياتها وتنسى الهم والزواج نهائيا
 
حبيبتي ما عليج من الناس ....اهم شي راحتج ....استخيري ...واستشيري شيوخ دين ....وذا كان الانفصال الحل ....لا تحاتين ....مرات يكون الانفصال راحة للانسان من العذاب
 
الله يفرج همج ويصلح حالج ويعوضج بواحد احسن منه

استخيري والله يكتبلج اللي فيه الخير

من وجهة نظري دام ماعندج منه عيال فالاحسن انج تنفصلين بلا مشاكل بلا عوار راس
واللي رزقج بهالزوج قادر على ان يرزقج باحسن منه توكلي على الله .. والله ماراح يضيعج
 
ما ادرى احس صعب كذا
فجأة تقولى ابغى اتطلق
اولا انتى ما بينتى له انك عرفتى كل شىء وحذرتيه
وخيرتيه بين انه يتلرك هذه السواليف او حياتك معه
لكن تتصلى عليه وتحبى فيه وفجأة تقولى ابغى اتطلق !!!!!!!!!!!
بينى له زعلك قولى له انك عرفتى كل شىء وخيريه بينك وبين تغريد وغيرها
واشترطى عليه لو رجع لسواليفه هذه شروط قوية واهمها تحليل كامل طبعا والدك ووالدك يكونو بالصورة وهم اللى يحذره
ما شاء الله على امك صدق تعرف مصلحتك
ابوك هو اللى يكلمه ويحط حد للموضوع سفر والبنات وكل شىء على نور
خليك قووووية وابتعدى عن العواطف ما بتنفعك
لا تخافين بتحسين بتوتر فى الأول لكن بعدين بتصير حياتكم احلى من العسل وكل واحد يعرف حدودة
اذا ما نفع فكرى فى الخيار الثانى الطلاق
ما انصحك بأطفال فى هذه الفترة
من قال ان المطلقة اللى عندها اطفال ما تشتاق للزواج
لا تشتاق هذه فطرة بنى ادم
لكن الأطفال هم الضحية يعيشون فى شتااات
واللى ودها تتزوج لكن تفكر فى اطفالها وتصبر عشانهم
حينها تقول ياليت ما جبت اطفال

وعليكى بصلاة الأستخارة وانصحك قوى نفسك قوى قلبك وخلى عنك الضعف والعواطف
خليها لحين رجوع زوجك لك انتى
وانت فقط
 
اختي الغالية اانتي الي معرو قلبج احس بس فس السالفة المال وكلمة مطلقة صدقيني هي الي مثلة نعمة انج ماجبتي منه اعيال عشان ماتتولين مسوؤليتهم طبعا بيطيح كلشي على راسج فرحمي اعيالج ونفسج ووتطلقي احسن لج او اابتعدني عنه فترة طويلة يمكن يتوب والله المستعان
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل