محتارة وماني فاهمة شيء

[مبدعه جدا]

السلام عليكم ورحمة الله


كيف حالكم جميعا ؟


بدون مقدمات ابكتب لكم صفاتي انا وحدة نمطي جنوبي غربي وحساسه حيل وماحب الزن وطيبه بس اذا عصبت قشرا (يعني يطلع الوجه الاخر )

زوجي شرقي جنوبي و اخلاقه ماعليها بس مدلل حبتين و شعبي حبتين ماعنده حركات ولا يطيقهن اصلا وروتيني مايحب التجديد

المهم انا دائما اقراء بالمنتدى انه المراءة لازم تكون قويه و ذات قرار بس انا ماني عارفه كيف


اضرب لكم مثال لو كنت ابي حاجه معينه وقال لا خلاص انسى الموضوع ماحب ازن هل هاذا يعتبر ضعف شخصية وثاني مثال اذا شاورني اي انسان مو بس زوجي اقوله كيفك سوي الي تبي هل نفس ضعف شخصية يعتبر

للعلم انا راضيه بوضعي يعني مرتاحه بطيبتي وعدم اصراري بس اخاف يجي يوم واندم لانكم تقولون ان الرجل مايحب الا المراءة القوية و بعد اخاف الامر يطور وحقوقي تضيع خصوصا انه عندي ضرة (ماحب هالكلمه بس عشان تفهمون ولا احنا نسميها جارة )

ياليت تفيدوني واكون شاكرة ولا تقولين ابحثي تكفون ادري المنتدى مليان مواضيع بس ماعرف ابحث بمحرك البحث حقكم يطلع لي مواضيع مالها اي علاقه بموضوعي يعني الي عندها موضوع مفيد ياليت تحط الرابط واكون شاكرة لها
:3:

 

[لغيرك لاتخليني]

اناااا مثلك ان قال لاا بشي محب ارجع ازن على رااسه...وان قال ايش رايك اقوول بكيفك
هاااااااذاا مايدل ضعف شخصيتي بل بلعكس قووويه بس انااا محب ادووش رااااسي بشي..بس اذا مااعجبني شي اقوول لاااااااااا

 

[ماني من ناس]

تبدين رايك وتقوولين لكم مطلق الحريه بلي تختاروونه يناسبكم
عن زوجك انتي اعرف فيه

 

[اخر ايامي]

انا كنت مثلك حتى انه اذا قال وش تبغون عشى طبعا من المطعم اقول مدري او جيب اي شي او اللي انت مشتهي وبعدها صار مايسالني ويجيب من راسه واحيان اكون مشتهية شي لكن لاني ماتكلمت يجيب غيرة واذا طلبت شي ورفض مع انه ابد مايرفض لكن احيانا كذا يقولها حتى لو هو بيجيب لي الحاجة
بعد مامرضت تغيرت شخصيتي وصرت ازن لين يجيب لي الحاجة واذا شاورني بشي اعطية شوري قبل كنت اقول بكيفك على راحتك لكن هذي الشخصية احسها نفرت زوجي مني في بعض الاحيان واحيان ويفسرها على انها قلة احترام وهو قبل ينقهر اذا قلت على راحتك بكيفك والله من جد هالرجال مدري وش يحسون فية الله يعيننا عليهم

 

[مبدعه جدا]

والله مشكله ماحب الزن ماطيقه وعندي كرامه مدري وش تيي وتردد فضيع وخوف
يمكن لان عندي تجربه سابقة وطلاق

 

[اخر ايامي]

طيب عندك تجربة زواج سابقة المفروض تكوني تعلمتي منها يعني عرفتي وش الرجال يحب وش يكره صحيح الرجال يختلفون لكن الاختلاف بسيط واغلبهم نفس تفكير بعض

 

[مبدعه جدا]

طيب معليش انا تجربتي ماطولت وحتى زوجي الحالي اراد الله وحملت بسرعه وتعرفين تعب الحمل
ياليت تفيدني وتقولين لي وش يحب الرجل وش يكره ودي اذا طلعت من نفاسي اغير من طباعي للاحسن وجزاك الله خير