محتارة من للي بيصير معي

[حنونةالحنونة]

انامحتارة من اللي بيصير اولااتكلم عن نفسي انسانة ماحب المشاكل واذا احد عملي مشاكل اسحب عليه وعندي قاعدة الباب يللي يجيك منوريح سدو وستريح يعني مثلاعندي سلفة عاملتلي مشاكل ياماكثرها وبصراحة سحبت عليها وعلاقتي بيها الحين شبه معدومة الحمدلله وزوجي عاجبه الوضع لانو هوشايف الشي دا بنفسو اهل زوجي ماانزل عندهم وقت الغدا الاوفي ايدي طبخي يعني مانزل فاضية ابد الانادرااذاكان ماعندي مقاضي اطبخها.وغسل واكنس معهم بيتهم اهانات ام زوجي ابلعها واسكت وافوضها لله اخوات زوجي شغلهم من تحت لتحت وساكتة
الحمدلله شي ماتوقعتو صار من فترة عمات زوجي راحو لامي يمدحو اكلي وهم فعلا لما يجو يطلبو من اكلاتي اسويها لهم ومع دا حماتي تتصل لامي وتشكي بنتك ماتسوي شي وهي كذابة..اما سلفتي طردتهم من البيت وهددتهم ياهي ياهم في البيت ام زوجي لما تكلمها تردعليها سلفتي انتي موامي عشان تمنعيني من الشي يللي بسويه تنزل لحماتي ويده فاضية كل يوم تشكي لزوجها عن اخواتو اخواتك فعلو واخواتك عملو وعادانا ماقصرت فيني شوهت سمعتي عندهم مع العلم انها كانت سلفتي تجي لعندي وتسب وتتكلم فيهم ولوحماتي اتصلت لامها وقالت بنك سوت حماتي تلقى انواع التهزيئ من امها وبعددا كلو اشوفهم يحترموها ويجلسو معها وانا كاني صفر على الشمال ولاكانهم يعرفوني نفسي اعرف ايش هوا العيب والمشكلة يللي فيني عشان اصلحو

 

[نووووفه]

ان شاء الله ما فيك ولا عيب بنت اصل ومحترمه وهذا يدل على حسن تربيتك
العيب منهم هم
بعض الناس ما تجي الا بقلة الكرامه ولا يحسبون للشخص المحترم اي حساب
الله يكون بعونك
​

 

[chorook]

ولا تتكدري ولا شيء مثل ماقالت الاخت لا تحزني اعملي باصلك ووكلي امرك لرب العباد

 

[معاداحبك]

موفقة
الله يعطيك علي قد نيتك

 

[مزايا انسانه]

ياعممممري
لاتحزني ولاتتعبي
انتي انسانه اتعاملتي معاهم بااصلك وتربيتك الطيبه
لكن في ناس للاسف في هذا الزمن مايستحقو المعامله الطيبه لانهم مايقدرو الا الانسان القوي
بصراحه احنا في زمن اذا لم تكن ذئبا اكلتك الذئاب
انا مااطلب منك انك تكوني ذئبه لاابدا
انما حرصي منهم شدة الحرص
انتي علشانك طيبه واخلاق يحت.......عفوا على التعبير
لكن انتي ارفع من كذا بكثير
فقط هذا تعبيرهم العكسي
واما سلفتك علشان قويه ومستقويه على ماقالو ماشيين عدل معاه
عموما اتعاملي معهم بااصلك لاكن انصحك لوجه الله انك لازم تتطوري من نفسك علشان تحفظي كرامتك
لازم ياعيوني تحبي نفسك وتدلعيها واذا ماحبيتي نفسك محد راح يعبرك
اهل زوجك كفايه زيارتهم الخفيفه والتعاون البسيط
اما تخدمي وتكنسي .....عفوا علشان كدا يهينوك والله صدقيني
انتي السبب انتي قللتي من قيمة نفسك لناس ماتستحق
عزي نفسك وخففي زيارات وخففي مساعدات
وكل شئ يجي بالتدريج
وبعدها تااكدي انك حترتاحي
اهم شئ زوجك وخدمة بيتك
انتي تزوجتي زوجك وليس اهله
وموفقه يالغلا ​

 

[دلوعةزوجي]

حبيبتي ان شاء الله انك كفو وبنت رجال وتعملين الشي اللي ربي يبيه واللي بيجازيك عليه
بأرد عليك من واقع تجربه
الحمدلله انا مثاليه مع اهل زوجي لدرجة ماتتصورينها ووفيه وبنت اصول والاقي اشياء تكدر خاطري
واشوف سلفتي مو ذاك الزود مع اهل زوجي بس محترمينها وبالاصل هم مو محترمينها لا يالغاليه هم يتحاشون المشاكل معاها
يعني ياقلبي اهل زوجك فقط يتحاشون مشاكلها ومايبونها تفرق العايله ويكنون لك كل حب واحترام
وفقك الله واعانك على عمل الخير​

​