محتارة قبل الخطوبة بسبب اعمارنا

[اريج8]

السلام عليكم ورحمة الله وبركاته


تحية من كل قلبي لجميع عضوات هذا المنتدى الرائع والشامل

انا يا اخواتي بنت عمري 30 عاما بالضبط وبكر وهو 31 عام


وتقدمت احدى الاخوات لخطبتي لاخوها وطبعا هي من المدينة وانا بالرياض وعن طريق صديقة ثقة

وتعرفنا على بعض وكل شئ وشافت صورتي مع اخوها وامها واعجبوا فيني وكل شئ والحمدلله


طبعا المشكلة عندي موضوع العمر بصراحة


هو يقول انه مايهمه ابدا وعادي واهم شئ انني عجبته وكذا

وانا شايله همه بكل امانة

يعني الرجل يتمنى اولاد حسب كلام اخته ان شاء الله 4 وانا عمري الان 30

متى انجب ومتى استريح ومتى ننبسط انا وياه ونعيش حياتنا


احس ان العمر فاتني يابنات وجالسه ابكي لانه شخص مايتعوض ووسيم ووظيفة حلوه واخلاق ويبغاني لكن انا متردده وخايفه


مهما كان غصب عن الواحد انه يتأثر وممكن نوصل لسن معين ويكون جسمي تعبان مع الولادة اذا الله اراد ان شاء الله

متوترة وخايفة محتاجتكم

ارجوكم شوروا علي


اتوكل على الله والا ارفض الولد واخليه يشوف وحدة اصغر وانا اتحمل حظي ​

 

[اليمه حياتي]

حبيبتي لاتفكرين بالعمممر فكري كيف حياتك بتكون معاه
واهم شي التفاهم ويكون الرجل عاقل ويحس فيك
استخيري ولاتتسرعين

 

[الخجوله33]

ياقلبي انتي
وافقي
إذا استخرتي وارتحتي
انا تزوجت وعمري 29 وجبت ولد ب30 والآن عمري 32 وبجيب الثاني ان شاء الله
العمر مو مشكله بحالتك
لساتك صغيييره
انا من شافني يقول شكل عمرك بالكثير 20 ومحد يصدق عمري أبد
ماشاء الله
اجل لو تزوجتي وعمرك 35 او اكثر وش بتسوين
وبعدين في حركه طايحين فيها الحريم
يجيبو واحد ويجلسو كذا سنه مرتاحات وبعدها ياخذو حبوب من الدكتوره عشان يجيبو تؤأم
وحده منهم جابت 3 تؤأم مره وحده ماشاء الله من هالحبوب
يعني لو تركتيه بتفوتي على نفسك فرصه للزواج بعمر حساس
حرام ترفضيه بهالعمر
متى ناويه تتزوجي اجل
اتوكلي ع الله ووافقي
انا مريت بتجربتك والحمدلله
حتى زوجي قال ابغا 4

 

[اريج8]

انا خايفة يا حبيباتي

شايله هم فترة الولادة والفترة اللي مفروض نعيشها سوا انا وهو ننبسط فيها

مدري ليه احس ان عمري ورطه خصوصا واننا مثل بعض بالكثير سنة بيننا !!!

احس اذا الله اراد وجبت 4 زي مايبغى جسمي يتعب وسني يكون كبير وكذا ومايكون في فترة نعيشها سوا ننبسط

 

[الخجوله33]

لاتحملي ع طول .. اجلسو سنه مووو أكثر
جيبي الاول بعدها ارتاحي سنتين وجيبي الثاني ووقفي سنوووات والاثنين لاحقه عليهم
انا والله نفس وضعك وزوجي اكبر مني بسنه ونص
نصيحتي لك وافقي إذا تبينه واستخرتي
لأن لازاد عمرك اكثر وبدون زواج هنا فعلا تكمن المشكله
وووووافقي ياعسل
لاتحطي عمرك عقبه
وتسوي مصيبه من لا شي
طيب اقولك عن وحده من قريباتي .. تزوجت وعمرها 30 وجابت الآن 6 ولسى ورده ماشاء الله والله العظيم ماكأنها انجبت أبدا ماشاء الله ومرتاحه مره مع زوجها ماشاء الله

 

[الخجوله33]

وهي الآن ببداية الاربعين وتعطينها بالكثيييير 30 سنه ماشاء الله
حبيبتي اروووج لاتشيلي هم
والله لو طولتي اكثر بتكون مشكله بجد

 

[-وجد]

توكلي على الله ولا تنسين الاستخاره انا اعرف كثيير من قرايبنا اعمارهم 29 وبعضهم 30 واكثر وما معاهم الا ولد واحد او بنت

 

[الله يفرج علينا]

السلام عليكم ورحمة الله وبركاته


تحية من كل قلبي لجميع عضوات هذا المنتدى الرائع والشامل

انا يا اخواتي بنت عمري 30 عاما بالضبط وبكر وهو 31 عام


وتقدمت احدى الاخوات لخطبتي لاخوها وطبعا هي من المدينة وانا بالرياض وعن طريق صديقة ثقة

وتعرفنا على بعض وكل شئ وشافت صورتي مع اخوها وامها واعجبوا فيني وكل شئ والحمدلله


طبعا المشكلة عندي موضوع العمر بصراحة


هو يقول انه مايهمه ابدا وعادي واهم شئ انني عجبته وكذا

وانا شايله همه بكل امانة

يعني الرجل يتمنى اولاد حسب كلام اخته ان شاء الله 4 وانا عمري الان 30

متى انجب ومتى استريح ومتى ننبسط انا وياه ونعيش حياتنا


احس ان العمر فاتني يابنات وجالسه ابكي لانه شخص مايتعوض ووسيم ووظيفة حلوه واخلاق ويبغاني لكن انا متردده وخايفه


مهما كان غصب عن الواحد انه يتأثر وممكن نوصل لسن معين ويكون جسمي تعبان مع الولادة اذا الله اراد ان شاء الله

متوترة وخايفة محتاجتكم

ارجوكم شوروا علي


اتوكل على الله والا ارفض الولد واخليه يشوف وحدة اصغر وانا اتحمل حظي ​

استخيري واتوكلي على الله لاتفكري في العمر اذا كان نصيبك بتاخذينه وترى في صغار اتزوجو ولا خلفو وفي كبار والله رزقهم ..

 

[ساجدة لربي]

استخيري واتوكلي على الله لاتفكري في العمر اذا كان نصيبك بتاخذينه وترى في صغار اتزوجو ولا خلفو وفي كبار والله رزقهم ..

صح وانا شوفت وقدأم عيني الله م عافنا يارب والا تبتلينا
بجد نعمة الخلفه غير ربي لايحرمني ياري جيبيهم كول بعد سنه وارتاحي مره وحده
خطتي ان شاء الله مستقبلا اتوكلي على ربي واقدمي

 

[بريق اﻷلماس]

وافقي افضل لك دامك عاجبته وماهمه العمر وأهله راضين فيك خلاص وايش المشكله وبعدين فارق بينكم سنه إن شاء الله أفكاركم متقاربه وتتفاهموا مع بعض وحدة تزوجت في سن 20سنه وما خلفت ربنا ماراد لهم وسافرت هي وزوجها كل مكان للعلاج كدا دوله حتى علاج شعبي سوته وماراد لهم ربنا مابعرف السبب بصراحه بس تقريريبا بعد 15 سنه وهي بالثلاثينات وسبحان الله حملت وجابت بنوته حلوة العام الماضي صبرت وزوجها صبر وربنا أعطاهم لاتخلين العمر حاجز بينكم دامهم راضين أنسي العمر واللي ربنا كاتبه لك بتاخديه إن شاء الله والله يكتب اللي فيه الخير ويسخر لك ماتتمنيه
موفقه إن شاء الله

 

[اريج8]

انا قصدي يابنات هل جنسيا المرأة بهالسن قادرة تعطي اقل شي 17 سنة قدام ؟؟؟

 

[أسيل ،]

ياقلبي انتي وافقي بس ولاتفكرين بالاشياء ذي ! اعرف وحده عمرها 32 تزوجت وولدت ثلاث مرات بينهم فترة راحة 3 سنين ، تووكلي ع الله بس اذا كذا تفكيرك متى نية الزواج اجل !
الله يوفقك ويسعدك ياقلبي

 

[أسيل ،]

بالنسبة للسؤال الاخير يختلفن الحريم !
فيه وفيه

 

[بريق اﻷلماس]

يختلف الجنس من مرأة لمرأة في من يكون عندها رغبه عاليه وطبيعيه والبعض عكس ذلك لاتفكري في هذا الشي ألحين أول شي تزوجي وبتعرفين نفسك
في أشياء كثيره راح تتغير بعد الزواج البنت غير والمتزوجه غير في عندها تغيير في الهرمونات واالمبايض وحجمها ومدى نشاطها وغيرها

 

[الحائرة أم أنس]

ياأختي توكلي علئ الله أنا خالتي تزوجت 34سنة وجابت أربع بنات ماشاء الله وبينهم 3سنوات والله الحمد لله الأن ما كبرت ولا حست بشيء وعايشة طبيعي ياأختي لا تفكرين كثير تزوجي وتوكلي علئ الله وإن شاء الله يرزقك توأمين في الأول الله يسعدك يا رب وإمحي فكرة العمرك من رأسك