محتارة .. شورو علي

[Elyas]

صباح الخير .. او ظهر الخير بالأصح
بنات ممكن اخذ رايكم في مويضيع اذا سمحتو ....:24:

الصراحه انا محتارة في شي من فترة خطيبي كلمني و خيرني بين خيارين :
الاول اما نسافر ونروح شهر عسل و الثاني اني اسوى عرس ... وهقني
المهم انا ابي اسوي عرس وخصوصا اني حق الملجة كانت الحفلة كلش بسيطة وفي بيتنا و في نفس الوقت ابي اسافر ما ابي اقعد في الديرة ... بل


قولو لي شنو تشورون علي ... الله يسخر لكم ازواجكم

ومبارك عليكم الشهر و الله يعوده عليكم كل سنة

 

[مهره أصيلة]

لو كنت مكانك شهر العسل
والعرس حفلة صغيرة اهلك واهله

لو اخترتي شهر العسل بتسافرون مع بعض وتعيشون بعيد عن اهله واهلك ومنها تنسجمون مع بعض وتتعرفون ع بعض اكثر
لكن العرس من اليوم الثاني بتروحين لاهله واهلك وسلام ومبارك ماراح تلتقين فيه كثير وكلها كم يوم وتدخلين المطبخ وتقطعين البصل ولا كانك عروس والا هو مع اصحابه عازمينه

اختاري شهر العسل واستخيري الله وشاوري ماراح تندمين ​

 

[أسماء زكي الدين]

وأنا رأيي ممن رأي "مهرة أصيلة" ... وأيضا شهر العسل بيظل ذكرياته لآخر العم أما الحفل فبتظل تعليقات المعازيم على العروسة والعريس ...

ولا - لا قدر الله - إذا في حد وسط المعازيم عينه قوية يخبط بها العرسان .... الله يحفظ يا رب ...


وبصراحة العرس للمعازيم والعروسة والعريس ما بيشيلوا غير الديون والهم ....

يا اختي خذوا الفلوس وسافروا احسن لكم ...


ربنا يتمم لكم على خير منه وبركة

فكرة ليه مل تسمعي هو رأيه ايه؟

يعني قولي له انت ايش تختار وليه ؟!

اتعرفي على وجهة نظرة.​

 

[مطرية]

نفس رأى الاخوات

شهر العسل أحلى

 

[saniaend]

اياً كان اختيارك ربي يتمم علي خير ويسعدك
مبارك عليك الشهر الكريم

 

[كريستيان]

شهـــــر العسل ي عســــل
آحسن غيري جوي
ايامها ترى ماتعوض

 

[حور الأثرية]

مع المشرفة اسماء ومهرة

 

[هديل001]

والله ياقلبو شهر العسل ايامها ماتنسى لكن العرس ليلة وتنتهي بالتوفيق يارب​

 

[خطوات أميرهـ]

مثل ماقالو الأخوااات شهر العسل أحسن من القيل والقال والعرس لو تفرشي لهم الأرض ذهب لايعجبهم العجب ,,الله يوفقك ويسعدك ويكتب لك الخير حيث كان .

 

[مصعب الشفق]

لاحول ولا قوة الا بالله

 

[سموالذوق]

انا اقول شهر عسل لا تفوتينه والعرس هو للناس مو لك يعني ما راح تنبسطين فيه شهر العسل افضل والفلوس الي بتنحط في الزواج انبسطي فيها بالسفر

 

[انسانه متفائله]

اختاري شهر العسل

 

[انسانه متفائله]

لان شهر العسل بتقعدون مع بعض وتتعرفون على بعض اكثر وبعيد عن ضجه الاهل والعرس زي ماقالو حفله بسيطه بي اهلك واهله

 

[ليتك تفهميني]

اممممممممممممممم انوقع شهر العسل .. يكفي مظاهرات و تصنع لناس عيشي لنفسك يا حلووووووووووووووووه

 

[um_rqawy]

اممم انا رايي مخالف معا بعض الاخووواات انتي بتسافرين بتساافرين سوووا شهر العسل ولا غيييييييييييييييييييييييييييييييره انا عندي ليله الزواج مافيني نفسها ليله العمر اهي مره بالعمر وانا مجربتها والله وناااسه لاتفووتين العرس خلج حالج من حال هالعراايس وخاااصاا انج تقوولين ملجتج بسيطه ع الاقل فرحي وانبسطي بليله العمر لانج اذا ماسويتيها صدقيني بتندمين والسفر لاحقه عليييه وطبعاا الراي الاول والاخيييييييييييييييييير لج ...
هذا الكلام من وجهة نظري وانتي حره ..

 

[Elyas]

مشكورررين حبيباتي على الردود .. تفكيري مثلكم بس اللي مخليني اتردد مثل ماقالت اختيum_rqawy خايفة اتحسف بعدين و يحز في خاطري و في نفس الوقت ابي اهلي يفرحون فيني خصوصا اني اول وحده تعرس في العايلة .. احس اني اظلمهم جذي

وانا خذت راي زوجي .. طبعا اهوة على قولته الخيار راجع لي .. بس اهوة اكيد يبي السفر يقول السفر وايد احلى...

عن جد محتارة مع انه الموضوع عادي بس ما ادري شاسوي ...

 

[dandoon]

برأيي حاولي التوفيق بين الإثنين:
عرس مافيه بذخ.. حفله حلوة تجمع الأهل والأحباب وتلبسي فيها الفستان الأبيض ......
وشهر عسل تكاليفه محدودة.. في كثير بلاد ما تاحتاجين فيها لمصاريف عاليه...

وبالأخير شوفي إنتي رغبتك الشخصية.. وحققيها وتأكدي إنك مارح تندمي أبدا إن شاء الله

 

[Elyas]

هذا اللي قاعدة افكر فيه أختي dandoon وباحاول انه يصير ... تسلمين يالغلا

 

[bitujisbcg]

very nice hotels in israel you can read about

very nice - thanks dan hotels in israel | hotels in israel tel aviv | kosher hotels in israel

 

[سمفونية الأحلام]

مع الأخت dandoon حاولي تكونين في النص واكسبي الثنين
حفله بسيطه جدا اهلك واهله وسافروا بعدين يعني التكاليف هي هي نفسها بس قسميها على شيئين
وربي يوفقج ويسعدج ياااااااااااارب ويصير اللي فيه الخير لكم​