محتارة بين امي وزوجي....!!!!

[طيف العمر]

خواتي العزيزات سااااااااااااااااااعدوني في حل مشكلتي اللي بين امي وزوجي

انا صار لي 6 سنوات متزوجه وقبل مطلقه وعندي 4 من طليقي بس المشكله ان امي مب مرتاحه من

زوجي الثاني وتقول انها خايفه منه وما تنام الليل وتعبانه وانا خبرتني صديقتها عن الموضوع

زوجي ما يبغي شي منها وهي مفتكره انه طمعان في فلوسها وبيتها واملاكها وشوفوا اللي يضحك لدرجة

تفتكر انه بياخذ البيت منها وبيسجله باسمه رديت عليها وقلت لها نحن وين عايشين علشان تقولين

هالكلام وبعدين مافي حكومه والا عايشين في العصر الحجري .... مع انه رتب وغير اثاث القسم اللي انا

فيه معاه في بيت الوالده شفتوا والله :tears::sad_1: لا وشافته وباركتي لي على التغير بس في الليل هبت فيني

هبه وقالت لي ليش ما تستشيروني في تغير البيت وزوجك يتصرف على كيفه :questionmark::questionmark: وكلمت صديقتها

وقلت لها انا بطلع من البيت وكلمت امي وردت عليه ان هي بترتاح اكثر اذا هو طلع من البيت ويوم خبرته

قال لي امج ليش مفتكره انا طمعان فيها :questionmark: بس انا محتارة في عيالي ما اقدر اخليهم وانا اطلع لبيت

ثاني لان اذا عرف ابوهم بياخذهم عني للابد ............ ساااعدوني كيف احل المشكله :questionmark:​

 

[زخات المطر]

الله يفرج همك يا اختي
انا مافهمت ايش قصدك بالضبط
يعني انتي وزوجك ساكنين في بيت امك ولك متزوجه 6 سنوات
وعندك عيال من زواجك الاول
طيب ياختي اش له تكلمين صديقة امك كلميها على طول
وقولي لها وفهميها انك حريصه موت على عيالك وودك تعيشين معهم ومعاها ومع زوجك بنفس الوقت
وهالشئ مايصير لاي احد
وان شاء الله قلبها يحن عليك ويرق مهما كان انتي بنتها وزي عيونها
بس فيه شئ
ماله داعي تعلمين زوجك بردة فعل امك ابدا عشان ما يحقد عليها ويتحسس منها
انتي سددي وقاربي
يعني جيبي هدايا لامك وقولي من عند زوجي
وعند زوجك بيني ان امك تحبه وتعزه وتعتبره ولدها وزي كذا
والله يسهل لك