محتارة .........أنا ولا الراحة النفسية

[أملي بالله]

السلام عليكم ورحمة الله وبركاته

أتمنى من الإستشاريات الدخول والتعليق ...

أنا معلمة غير رسمية ...تعرض علي الوظيفة بداية كل كورس ...وبأمكاني الرفض أو القبول

متزوجة وعندي ثلاث أطفال

بالوظيفة أطور نفسي وأكون أكثر ثقة ...أنال احترام الجميع ...وبالذات أهلي
محتاجة للمردود المادي ..واني اصرف على نفسي ..
فيها يرتفع مستواي لمستوى غيري ...وبالذات اخواني وخواتي .ماابي اصير اقل منهم مستوى

انا ناجحة بوظيفتي بالرغم من اني اشييل همها كثير واكون مشغولة كثير ..طول يومي مشغولة بالتحضير
وما اعرف احضر اي كلام ...لازم يكون شغلي متقن يمكن لاني مستجدة وماعندي خبرة طويلة
على هذه الحالة ..كيف اقدر اهتم في بيتي واولادي وزوجي
لازم أجيب شغالة ...... وانا ماابي ..والسبب ..

موكثرة مشاكلها ...وبس
السبب للاسف زوجي الملتزم اللي وافقت عليه وانا اطبق قول الرسول صلى الله عليه وسلم :اذا جاءكم من ترضون دينه وخلقه زوجوه..

من بداية زواجي عرفت انه غير تقي اوبالأصح يحب السمعة ..مااقدر اظلمه واقول مرائي ولا منافق.. علمه عند الله..لكن ماكان مثل ما تمنيت ..كرهت نفسي وعمري ..وكرهته
لكن .شلت النظارة السودة..وركزت على محاسنه ...لاني ماابي اكون مطلقة ..
لما جتني الوظيفة أول مرة جبت شغالة نيجيريه ..وكنت حريصة انها ماتمر ولاتحتك بزوجي ..لاني مااثق باحد ولا احب اكون غبية ..لكن زوجي لامني على تصرفي ...وقال اني اخليها تشوف نفسها ..وهي ماتستاهل

وزوجي فعلا يهمه اللون ..اختلفت معها وانهيت التعامل معها ..
الكورس اللي بعده كنت حامل ودورت بالمكاتب عن سريلانكية نقل كفالة ..وكان زوجي اللي ينزل وكل مرة يقول فيه وحده لكن ماتبي تشتغل تبي تسافر ..وانا مصدقته

لما يأست ورضيت بالاندونيسية اللي كنت مستحيل اوافق عليها .....لكن ظروفي اجبرتني

وافقت على وحدة لانها كانت كبيرة بالسن وحنطاوية وقصيرة مثلي ...لكن انا احلى منها

المصيبة هي ان زوجي المطوع ...عفوا قصدي الملتحي ...يحاول اغراء الخادمة ولفت انتباهها

يغير والباب مفتوح ...يتحمم ويفتح الباب يطلب الفوطة وجنبه العاري واضح لي وللخدامة

يطلع بدري ويسبقني للشقة الصغيرة اللي مافيها إلا الشغالة وطفلين اكبرهم 4سنوات

الشقة اللي حنا فيها صغيرة مرة ..وانومها بغرفة بالسطح ,,وبقية البيت لاهل زوجي
اخذ اجازة بحجة محلاته ..

واكتشفت ان العيال مرة يلعبون بالسطح ومرة عند عمامهم وهي البريئة تنظف المطبخ
والبريء الثاني قاعد على الاسهم وكلهم بالشقة الصغيرة
أهل زوجي مهم متعاونين معي ....بالعكس لانهم يخافون على سمعة ولدهم الملتحي ويحطون اللوم علي
وفيه تفاصيل كثيرة ماعندي وقت اقولها
الشغالة نقلت كفالتها وانا بالشهر التاسع وتركت الوظيفة بحجت التعب
ورفضت عرض الكورس اللي فات بحجة الولاده
اللحين انا انتظر اتصال من ادارة التعليم ..أوافق ولا لا
اذا وافقت ..
اقدر ادير البيت والعمل بدون خادمة ؟؟
ولااجيب شغالة سرلانكية

ودي اشتغل واجيب شغالة واشوف نفسي مثل الناس ..لكن مااثق بزوجي ابدا
ساعدوني الله يخليكم ..ابي حلول منطقية

ولا ارفض الوظيفة ..مع العلم ان زوجي يستغلني ماديا ..بالحيلة

 

[قلم اخضر]

كيف تقولين تبين الطلاق وفي نفس الوقت تخافين عليه حبيبتي راحتج ابدالج وشغلج بيفيدج اكثر واذا اليوم الخيار متوفر لج توافقين على الوضيفه ولا لأ فالسنه اليايه او الي وراها ما بيكون هذا الخيار متوفر
يعني ضمني وظيفتج وريحي نفسج بمالج انتي وعيالج وريلج حطيله حد وواجهيه اذا صارت مشكله يعني اذا تعرض للشغاله بشي واجهيه جدام اهله يعني ما اتوقع انه كل اهله اذا كانو معاكم في البيت بيوقفون وياه واذا صارت دخلي اهلج يعني لا تتحججين بالعيال والطلاق هاي الأشكال من الرياييل ما يوصل تفكيرها للطلاق
باختصار :-
اولا قبلي بالوضيفه
ثانيا يبيلج شغاله وخليها تكون عندها عيال عشان تهتم بالياهل
ثالثا الغلط حطيله حد ولا تخافين منه هذا النوع ما يخوف
رابعا اذا تجرأ وسوا شي لج او للشغاله حطيله حد باهله او بهلج
الله يعينج

 

[الأترجة]

كان الله في عونك

أنا بعد وراي دوام , وسي السيد ماخذ إجازه سنويه

كيف بيصير الحال , والبيت فاضي

والله بلشه

 

[ام رواضي]

الله يكون في عونج والله يسهل امورج

 

[أمل كبييير]

ما اجدري حبيبتي شو اقول
انتي خايفه على سمعتج والا على سمعة زوجج والا شو ؟؟
انتي من الاول كشفتيه وعرفتيه ما بقول السبب في الشغاله لا .. هو عنده استعداد في اي وقت للخيانه يعني بتقعدين طول العمر حارس عليه
بعد لو تموتين عليه من الحب يمكن بيكون عذر
شوفي حبيبتي ريلج تهمه السمعه والعبي على هالخيط خلي سمعته قدام عينه بطريقه غير مباشره
وانتي شوفي نفسج واشتغلي وقبل لا يبدا الدوام فكري في طريقه انه ما يستغلج ماديا يعني ادخلي جمعيه قوليله احد من اهلج مكحتاج سلفيه وبتساعديه لين ما يحس انج مستقله ماديا

بس تقعدين حارس طول العمر لزوج ممكن في اي لحظه وبكل سهوله يتخلى عنج وبعدين تعضين اصابع الندم على الوظيفه اللي اتخذتيها لنفسج وبرضاج ولا فيها راتب ولا استقال

الله يسرلج امورج ( وصلي استخاره )

 

[أملي بالله]

مشكورة على الردود والتفاعل


لكن نسيت اقولكم ..اني طلعت من الشقة الصغيرة لبيت واسع علي ..وصعب تنظيفة

وبقية التفاصيل أكملها بعدين

 

[ليل الشتا]

الله يكون في عونك
من رأيي ما ترفضي الوظيفة إذا كنتي محتاجه لها وفي نفس الوقت أهتمي بريلك وعيالك حاولي تلمحيله أن الشغالات يسون بلاوي إذا حد تسبب فيهن وذكريله قصص أو انه إذا حد تحرش فيهن أو مال لهن ينشرن الخبر وكل شغاله تتكلم مع أصحاب البيت اللي يتشتغل فيه وبكذيه بيخاف على سمعته..
ودامك تشوفي كذا قوليلها بيباي وجيبي بدلها سيرلانكيه وتولي بروحك الطبخ والافضل إذا الشقة صغيره بنفسك قومي بأشغال البيت ولا تستعيني بشغاله..
الله المستعان

 

[فلفلة]

انا مع رشيقة
اذا حرستيه هالمرة ما راح تحرسينه طول العمر

وظيفتك بند ولا استثنائي؟؟

اذا استثنائي رغم ان المبلغ اللي راح يطلع مبلغ جيد لكن
حتى شهادة خبرة ما راح يعطونج ، اذا على بند تمسكي فيها
وانا عارفة كيف اوضاع الوظايف صعبة الحين ..

شوفي اولوياتج ووازني بين الامور
وتحرزي من الشغالة زين حجبيها زين ودايما هدديها ,, وحكي لها قصص ، وحدة سرقت وقطعوا يدها ووحدة تعرفت على عامل ودخلته البيت وانسجنت ، وحدة قالت لزوج المدام احبك وبعدين صارت حامل وقتلها وهكذا

واذافيه مجال وديها عند امج الصباح
وباقي اليوم عينك عليها وخليها ما تطلع قدامه قدر المستطاع
وييبي وحدة ثانية من اختيارج تكون بالمواصفات اللي تبينها

الله يعينج

 

[أملي بالله]

اشكر كل من رد علي وتفاعل مع الموضوع

اللي تسألني على ايش تخافين ......أنافعلا تهمني سمعته ..ولاابغى افضحة لاني احسه ضحيه

وهو فيه صفات كثير زينه ويعاملني بلطف ويحبني ويحترمني ..ومن بداية زواجي ماقصر معي كان مدللني وطلباتي أوامر ...ومتعلق فيني مرة وهذا اللي خلاني اتغاضى عن زلاته ..

وانا حاليا مااكرهه بالعكس ..عندي استعداد اتعلق فيه لو تغير واصلح سريرته

انا اقول يمكن كان اول حياته ملتزم وانتكس وخاف من ردود فعل الناس

او ان التزامه كان ضغط من ابوه ..وماقدر يتراجع

انا دايم احس انه مقهور غيره يسوي بلاوي ....ومحد يلومه ..وهو محروم اي شي يسويه محسوب عليه

كل جيله يسافرون ويغازلون ..ومحد يلومهم ...يعتبرون تصرفهم طيش شباب ..وهو الكل يلومه على اتفه سبب

وهذا اللي يخليني اغير نظرتي له
انا من زمان ما اعتبره ملتزم ...اتعامل معاه على انه شخص عادي ..

وبهذي الحاله يعتبر احسن من غيره ...اللي مدمن واللي داشر واللي فاشل بالوظيفة واللي مو اجتماعي ولايقدر يواجه المجتمع ..كل هذي الصفات موجودة عندنا ....واعتقد كذا انه بيكون افضل من غيره

 

[أملي بالله]

اللي مثله ما له متنفس الا البيت معزول فيه عن الناس ...وانا اذا دخلت الشغالة ..اساعد ابليس عليه
وانا اخاف الله ..وابي اكون عون له على الطاعة ..ماابي اخسره وبنفس الوقت ماابي احطم نفسي

انا فكرت بحلك يافلفلة وهو الحل اللي ارتاح له
اني اجيب شغالة واوديها من الليل عند اهلي هي وبنتي ...بس برضوفيه مشكلة

امي مريضة الله يشفيها ..مستحيل احملها مسؤلية او هم ..
وفكرت اوديهم لبيت اهله ..بس امه عندها اطفال وماتلحق ..هذاغير انه اطفالها شريسين جدا ومايتعاملون الابالضرب

وبالنسبة لوظيفتي استثنائي ....لكن أقدر اخذ خبرة ...اخذتها العام

 

[شيخة الحلوات]

الصراحه قلبي معاج والله يكون بعونج ..................... بس ابي اعرف الريايل شو يترس عينهم بس يبون حرمه وبس شو ماتكون .........زوجتك اللي تتزين لك وريحتها كل عود ودهن عود شو تبون بهاي الاشكال
بس الله المستعان على البلاوي والله يجملج بعين زوجج ويجمله بعينج
ويبعد كل البنات عنه وذكريه بالعيال قوليله عندك بنات واولاد ما تخاف كما تدين تدان............وبس

 

[روعة روح]

اعتقد اذا كان مع عيالك الشغاله عادي لو دودينهم عند امك او امه

والله اريحلك

 

[زي العسل %]

الله يكون فى عونك

 

[ام شوق]

كان الله في عوتك

 

[لحظات الم]

إياك ان تتركي مجال للخلوه بينهما مهما كانت الأسباب
فرج الله همك

 

[أملي بالله]

محتارة كل يوم لي راي ..بحط لكم الحلول وساعدوني ايها اختار :

1- اقدم على شغالة سرلانكية واخليها تنام عند امي من الليل .........لكن بالاجازات بتنام عندي وراح يذبحني القلق .....لاني انام بدري ومااحس باحد اذا نمت ..ولما اصحى اشك انه استغل نومي ....جتني الحالة ذي العام .....وصرت افز من نومي ادوره ..ونفسيتي تعبت

2- اجيب غسالة اتوماتيك تجفف الملابس ..وتطلعها مكوية ,,واستعين بالله واجيب اي اله تساعد بشغل البيت ..وادخل عيالي روضة وحضانه ..واسويلي جدول اقسم فيه وقتي ...
بس اخاف اني مااقدر لان عيالي يحتاجوني بكل وقت ....لكن الميزة بهالنقطة الراحة النفسية

وانا شفت من زميلاتي بالعمل اكثر من وحده رافضين الشغالة وبيتهم مليان اطفال ....شي يحمس .............بس اخاف انهار

3-نفس الحل السابق ..واذا تعبت اجيب شغالة بالساعة اوحبشية ..لكن هالحل مكلف ماديا

4- اريح بالي وعمري .....وانتبه لبيتي وعيالي ....واخلي الامور على الفطرة ..واخليله الوظيفة ..والله لا يهينه يدفع لي ............وهذا الحل مريح .بس يخوف لان الدنيا دواره


ارجوكم ساعدوني ...اي حل اختار وانا بروح استخير ..وبعدين اشوف ردودكم
انا اميل للثالث ...بس اخاف مااتحمل
عجلو بالردود ...مواعدني اليوم بالغسالة ..اشتريها ولا اقوله يقدم لانه مايقدر على الثنتين

 

[عزيزة نفس]

أعتقد ان الحل المناسب هو
شغالة باليوم من بعد العصر الى الليل يعني متى ما خلصت شغل