محتاجه نصيحه .. الله يسخر لكم ازواجكم..

[moon sonnet]

هلا حبيباتي ...


كل عام وانتم بألف خير اولا ..


ابختصر لأنكم اكيد تملون التفاصيل

حصل سوء تفاهم بيني وبين زوجي .. وهو الحين مسافر..

وبصراحه الخطأ متبادل .. انا ما فهمته .. وهو ما احسن التعامل معي وطول لسانه ..

المهم ..

هو سافر بعد هالسالفه وانا عند اهلي .. آخر مره كلمني فيه بجفاف طلبت منه انا ما يكلمني الا اذا رجع لرشده .. وهدت نفسه .. وقفلت الخط ..

الحين هو ما يكلمني .. ولا انا كلمته ..

وش رايكم ..؟؟ مفروض هو يبدا يكلمني ..؟ والا انا اللي اكلمه ..؟؟


:::


المشكله .. اني اذا كلمته اخاف يفرح ويحسبني اركض وراه ..

واذا ما كلمته اخاف يكرهني اكثر ويقول هذي مغروره ومتكبره وما تنعطى وجه ( وبصراحه هذي وجهة نظره عني من اول )

ش رايكم حبيباتي ...؟ :no: مره مره محتاره ..

:::


الله يسخر لنا ازواجنا تسخير البحر لموسى .. ويهديهم .. لأن من جد ثبت بالدليل القاطع انهم " بلا عقول " !


..


محبتكم موووووون

 

[حور السلطنة]

اسمحيلي اقولج انج انتي الغلطانه
زوجج وهو مسافر يتمنى افضل كلام من زوجته مش عتاب وضيج
من رايي انج تحاولين تكلمينه

 

[غلا روحي زوجي]

ارسلي له رساله حلوووه وفيها غزل

او مقطع صوت حلوووو

واذا اتصل انسي الي صار ..... وكلميه بكل حب

لاتصرين حقوده ..... كل البيوت فيها مشادات

عااااااااااادي ابدئي انتي بالعك راح يستانس ولا تناقشون بالموضوع .... الي فات مات

وسلامتك ......

 

[@بنت ابوي@]

وانتي بصحه وسلامه وينعاد علينا وعليكم بالخيرات ..

حبيبتي مافيه مره وزوجته مايصير بينهم مشاده او سوء تفاهم بس الذكيه اللي تعرف تدير امورها يعني انتي تقولين انه الغلط مو منه هو بس لا الغلط من كل الطرفين انتي فهمتيه غلط وماعطتيه فرصه يبررلك المشكله وهو طبيعي يعصب ويرفع صوته عليك اذا هو جالس يحاااول يفهمك وانتي مو معطيته فرصه فا ياحبيبتي كبري راسك وخلي سالفة كرامتي وليه اتنزل له وهو الغلطان لاتخلين ابليس يدخل بينكم وبعدها ماراح تقدرين تظبطين امورك انتي بادري كلميه هو طبيعي ماراح يكلمك وانتي طالبه منه مايكلمك انتم زوجين مابينكم كرامه وشي من هالقبيل دام كل واحد منكم ماتعدا حدوده مع الثاني تعوذي من ابليس وانا اختك ارجعي لبيتك وكلميه قوليله انا لحالي بالبيت البيت مو شي من دونك ارجع انا مسويه لك مفاجاه وبس يرجع قوليله هاذا بليس دخل بيننا وقوليله انه كلنا ماعرفنا نفهم بعض وان شالله تكون اكبر مشاكلنا ..



ان شالله اكون افدتك ..


اختك..

 

[moon sonnet]

::::

الف شكر على ردودكم يا قمرات .. والله لاني حقوده ولا شي .... بس هو الله يهديه من النوع اللي ينبش الماضي ويكثر العتاب ..

حتى مسألة اني اكلمه والا لا مرعبتني ..


الله يسعدكم دنيا وآخره ..

 

[كارهه الظلم]

ربي يسعد البنات وردوهم الحلوووه
تعوذي من ابليس وكلمي زوجك حبيبتي من غير شر من غير شر
لايصير عليه شيء وهو { مو راضي عليكي}
توكلي على الرحمن وراضييييه .... ويابخت العفو المتسامح الله عزوجل يحبه....
بسررعه راضيه ربي يسعدكم ويسخركم لبعض يياااارب...............
ــــــــــــــــــــــــــــــــــــــــــ
{دعواتك أرجع لبيتي ولزوجي عاجلا غير أجل وبقدرة قااادر ياكريم}

 

[moon sonnet]

:::

الله يرجعك لبيتك وزوجك ويسعدك انتي والبنات اللي تفاعلوا معي يا كارهة الظلم

انا باكلمه بعد شوي .. بس اخاف يفشلني .. عموما بتعرفون ردة فعله قريب



دعواتكم يا قمرات


:::

 

[غلا روحي زوجي]

اذا خايفه من المكالمه ارسلي رساله له.......................... وصدقيني هو راح يتصل

 

[RedRose]

اذا انت غلطانه كلميه

بس اذا هو الغلطان لا تكلمينه

 

[RedRose]

والا ارسلي مسج كأنك تبغين تسألينه عن شي ,,, دوري على اي سؤال وارسليله مثلا اسأليه عن شي كأنك تدورين له وين حطه ,,, او شي يخص اولادك اذا عندكم اولاد

ومن خلال رده تعرفين ردة فعله

 

[واثقة وبقوة]

ليش هاذي اول مشكلة قصدي عرسان وماذكرتي اعيال ولاشي يعني توك ماشفتي الدنيا الزوجية زين والا من وين الضغط والسكر والقيلون العصبي وحتى افلونزا الخنازير !1!!هاهاهاهاها

المهم امزح لاتصدقين
عادي عايشين على المشاكل والاختلافات مو نهايه الدنيا
وانت وش وداك بييت اهلك ماتنرزين ببيتك وومملكتك لحد مايجي الامير الزعلان ومداه ناسي وخصوصا لوتناسيتي انت وطنشتي وصدقيني يطلع الموضوع مايستاهل

ارسلي له مسج وقولي له حقك عليه معليش بس ترجع نتفاهم بس مشتاقتلك ولحظنك وقلت انت كيف

بس مودوبه طالع تراضيه انتظري شوي بيتصل او يرسل وان مابدا عادي ابدي انت ولو بسلام ولاتجيبي للسالفة خبر كنه ماصارشي وهاذا الافضل ولمن يرجع استقبلية احسن استقبال واذاهو فتح الموضوع بهدوء ناقشية واذاقفل انسية بس لاتشيلي همه بيتصل وبيرسل وبيرد لبيتك وين بيروح

 

[halv mooon]

انسي الموضوع وكأن شي لم يكن وكلميه عادي بحب وحنان وشوق ومن هاي الكلام... اهم شي عرف غلطه وخليك متغابية عن الموضوع ولجا يفتح الموضوع قوليله الموضوع انتهى وكل واحد عرف غلطه

 

[أطيب قلب**]

أنا انصحك تكلمينه والله بيفرح بالمكالمة ..........والله يوفقك في حياتك........

 

[moon sonnet]

::


بنااات

اشكركم على تفاعلكم يارب يسعدك ويوفقكم ولا تطيحون بواحد مثله مجنني من اول يوم بشهر العسل ..!!

تدرون ؟ لو اني حاطه تفاصيل كان عرفتوا اني احسن منه.. لا والموضوع كله ما يستاهل وهو اللي مكبره ..

انا طلبت منه ما يدق علي الين تهدا نفسه .. لأنه اذا كلمني زعلان بيسمعني كلام يسم البدن ويتبلاني بشي ما صار ولا انقال .. ( عاد هو من انصار : انا الرجال اسبك ..انتي حرمة ما تردين ولا تسبين ) !!

والله ظلم .. ومع هذا نفذت نصايحكم ..

دقيت عليه من ساعه تقريبا ولا رد علي ..

::::

والله قهر .. ادعوا لي ربي يهديه تكفون .. معقوله الى الان ما هدت نفسه ..؟

 

[تيماااااج]

الزواج مافيه هو يبدا او انتي تبدين تكلمينه بالعكس في كل شي ابدي انتي راح يموت فيكي ومايقدر يستغنى عنك ومايقدر ينام في مكان انتي موفيه