السلام عليكم
تاريخ الميلاد ؟1988
مكان الميلاد ؟الامارات
الحاله " مخطوبه – مطلقه – عازبه " ؟عازبه
الدرجه العلميه ؟جامعيه
درجة الإلتزام بالدين ؟متوسطه
هل انتي مداومه على الصلاة في وقتها ؟ نعم
المستوى المادي للأسره ؟ ممتاز
الترتيب بين افراد الأسره ؟7
عدد الأخوه والأخوات ؟8
علاقة الوالدين ببعضهم ؟ جيده
علاقة صاحبة المشكله ببقية الأسره ؟ممتازه
هل يوجد زوج ام و زوجة اب ؟لا
علاقتك مع زملاء المدرسه / العمل ؟ جيده
هل تعاني من امراض عضويه او نفسيه ؟ لا
الحاله النفسيـه حاليا ً عند كتابة الإستشاره ؟ متضايقه
مدة المشكله منذ بدايتها حتى الآن ؟3 سنوات
نقاط ضعفك ؟ عاطفيه
نقاط قــوتك ؟ ما اعرف يعني بس شاطره في الجامعه
بكتب لكم قصتي واتمنى ان تنصحوني بس لا تعصبون علي ولا تجرحوني لان مو ناقصه اعرف اني غلطانه بس هذا اللي صار انا عمري 20 سنه
اتعرفت على واحد وكلمته ثلاث سنوات كنت اكلمه يوميا ومرات في اليوم مرتين او اكثر اتعلقت فيه وايد كل شي اعرف عنه وهو يعرف كل شي عني مرات كنا نحاول انهد بعض لان هالشي غلط وحرام واتي فترات ما نكلم بعض مثل في رمضان بس بعدين نرجع انكلم بعض اكثر فتره حاولت اني ما اكلمه شهر وبعدين رجعت له انا اللي ارجع لاني ما اقدر وبعدين هو طبعا خبرني في البدايه مستحيل ان نتزوج لان لازم هو ياخذ من الاهل وانا كان عندي عادي بس اهم شي اكلمه ما توقعت ان بيعرس الحين لان بعده يدرس كنت اتحرى ان بعدين مو الحين
المهم
قالي انا ما اقدر اكلمج لاني بملج وبعد غير رقم تلفونه عقب ما ملج
انا اعرف ان هالشي احسن لي لاني لو تميت وياه اكثر بعدين بتعب بس الحين بعد وايد تعبانه لان ثلاث سنوات احس وايد
المشكله هي
الحين صار تقريبا شهرين ما كلمته ولا مره بس خلال هالشهرين يوميا اصيح وما اقدر ارقد ولو رقدت احلم احلام اتخوف وانش من الرقاد ولا اقدر ارقد واتم اصيح وايد حالتي نفسيه تعبانه وايد احتاجه لاني متعوده كل يوم اكلمه والحين ابدا ما اقدر اكلمه مرات احس اني بموت من كثر ما اصيح
اللي اسويه الحين اقرا قرءان ودوم اسمع سوره البقره يوميا واتم استغفر قبل ما ارقد ووايد ادعي في كل صلاه
بس بعدني تعبانه حاولت اشغل نفسي في دراستي بس بعد افكر وايد فيه
بليز ساعدوني انتوا الوحيدين اللي اتعرفون مشكلتي
طلبتكم لا تتأخرون علي لاني ما اقدر اصبر اكثر من جي احس اني بموت
التعديل الأخير بواسطة المشرف:
