محتاجه مساعدتكم..ضروري

ا

احاسيس وشعور

New member
إنضم
2007/02/13
المشاركات
68
السلام عليكم ورحمة الله وبركاته..

شحالكن خواتي..ربكن بخير..

بصراحه انا اباكن تساعدني في اتخاذ قرار ولادتيه..

انا من الامارات وزوجي يدرس بفرنسا..وهاي اخر سنه له اذا الله راد..

انا متزوجه من سنه ونص الحين..وانا حامل في الشهر الخامس..

ومحتاره وين اولد..هل اجلس في فرنسا لين بدايه السابع..وارجع اولد في الامارات..وفي هالحال زوجي مابيكون عندي..بيكون في فرنسا وقت ولادتيه..وانا بصراااااحه ما اقدر اعيش بدونه لو دقيقه وحده..وهو الانسان الوحيد اللي احس عنده بالامان..فما اتخيل اني اولد وهو بعيد عني..

والحل الثاني اني اولد هنيه..في احسن مستشفيات باريس..وزوجي يكون بجنبي..واخسر وجود اهلي واهله..

وانا مش عارفه اقرر..


لان اذا ولدت في الامارات..راح اخسر وجوده جنبي..واكسب وجود العائله..
واذا ولدت في فرنسا راح اكسب وجوده..واخسر وجود العائله..

ساعات اقول بولد في فرنسا..لان مستشفياتهم رقم 1..ورعايتهم الصحيه ممتازه..وبعد بكسب وجود زوجي عندي..وبشوف خوفه علي بعيوني..وبشوف فرحته بالبيبي بعيوني..
انا مش خايفه من الولاده الحمدالله..وعندي الشجاعه اني اولد هنيه...بدون وجود حد..لان وجود الله ووجود ريلي يكفيني..

وساعات اقول لو ولدت في الامارات بيكون اوكي..بحس بفرحة الجميع بسلامتيه وبسلامته البيبي..والكل بيراعيني وبياخذ باله مني..بس بنحرم من وجود اعز واغلى انسان عندي بها الدنيا..

والتفكير بعد وجوده معايه يضيقنا نحن الاثنين..هو يقول لي..ولدي عندي..انا مستعد اتحمل مسؤليتج ومسؤليه البيبي..لاني انا لو ما اقدر اتحمل المسؤليه من البدايه ماتزوجت..
واقدر اساعدج في كل شي..واللي تبينه..وكل الامكانيات متوفره لج عشان تولدين هنيه..بس الخوف موجود لان هذا اول بيبي..

اتمنى منكم تساعدوني..


شو رايكم..انا بصراحه احس بعمري متشتته..وااااااااااااااايد يهمني وجوده..

اتمنى اسمع اراء خواتي..
​
 
وجه نظري اجلسي عنده بفرنسا وافرحي انتي وياه بمولودكم الاول

وان كان على شغلات الحريم ممكن تكلمين اهلك ويرسلون لك
الاغراض...

موفقه يا غاليه
 
تسلمن حبيباتي على ارااائكن..

والله ماعرف..هالموضوع وايد شاغل بالي وبال زوجي..
 
حبيبتي روح لأهلك نصيحة
أنا جربت أولد بالغربة بعيد عن أهلي ندمت
نفسيتي زفت بالنفاس وتعبانة ابي احد يشيل البيبي عني
ولمة خواتك واهلك بتخفف عنك وايد
بيشتاق لك زوجك
بس ياليت يكون عندك وقت الولادة
وايد أحسن
موفقه الغالية وتولدين بالسلامة
 


عزيزتي ..

خليكِ مع زوجك بفرنسا ..

دعيه يحس بمعاناتك وقت الولاده

هذا رأيي

لكِ مني ارق واعذب التحايا
 
اولا حبيبتي الله يقومك بالسلامه

ثانيا حبيت الفت نظرك بجمله ( لان وجود الله ووجود ريلي تكفيني )

فانتبهي عزيزتي لا تشركي احد مع الله كتوكل او دعاء

وقولي وجود الله ثم فلان

وصلي استخاره دامج محتاره

الصحابه رضوان الله عليهم حتى الملح في الطعام كانوا يسألونه الله في دعائهم

بالتوفيق
 
اعرف بنات كثثير ولدوا برا مع ازواجهم بس امهاتهم كانوا

معاهم يعني لازم حد يكون معاك امك او اختك الكبيره او امه

مايصير انتي تكونين بروحك تحتاجين وحده كبيره تساعدك

والله يكتب لك اللي فيه الخير ويتمم عليك يارب
 
اذا ريلج يبغيج عنده وبيتحمل مسؤلية البيبي خليج معاه

والله يسهل عليج
 
انا انصحك تقعدين بفرنسا ...لانه اول مولود لزوجك فحرام تحرميييه من اهمممم لحظة في حياته...وكل رجال يتمنى يعيش هاللحظة ..ويعيش شعور الابوة..
استخيري وشوفي الوضع..وممكن اذا تحبين يكون حد معاك باول النفاس في فرنسا ممكن امك او امه تجيكم فرنسا وتقعد معاك كم يوم..وحبيبتي اصلا في الدول الاجنبية يعلمون المرة كلل شي عن اهتمامها بالبيبي...
 
اهلين عزيزتي


انا مثلك بس على نهاية الحمل زوجي ماترك اي وسله يبيني ارجع واولد بالبلد بس مارضيت حبيت اعيش التجربه وهو برضوا يعيشها والان وانا حامل وهو مستمتع بالتجهيز ومتشوق

وماراح يكون فيه احد من اهلي متواجد انا وهو وبس بالعكس احس انو احساس حلو وفرصه حلوه



موفقه
 
مااعتقد في حد بيعوضني عن رعاية امي ...انا لو اني مكانك مافكرت طويلا ...امي ابيها جنبي ...امي هي اللي فعلا بتسهر على راحتي ...امي وخواتي يحسون فيني اكثر ....حبيبتي هذا لانه اول بيبي تحسبين انه سهل ...ولكن انا اتكلم عن النفاااااااس يحتاج حد طول اليوم معااك وخاصه اول بيبي ....ياختي شوفي اللي يريحك انت وبس وهو خليه على جنب شوي
 
اخلج يم زوجج احسن احسن احسن
اعرف وحده زوجها بلندن ولما ودلت راحت لاهلها على اساس ترجع معاه بعدين
تعرفين شنو صار ؟؟
خلاها عند اهلها وقالها لا ترجعين الحين وتم يؤجل رجوعها اول شي قال البيبي صغير وبعدين قال بتتغربلين بالمطار وهو يرضع وعذر ورا عذر ليما اخر شي راحت له غصب عنه
اكيد ما تبين يصير جذي
عوديه من الايام الاولى على المسؤوليه والابوه
ولااااترجعين سمعي كلامي
 
على فكره لحظه ولاده البكر من اجمل اللحظات بين الزوجين لاتحرمين روحج منها ولا تحرمين زوجج منها ولا تحرمين البيبي من الصور الي تجمعكم اثنينكم لما انولد بالمستشفى
 
أختي انتي شكلج تميلين لانج اتمين هناك .. وريلج يقولج انه مستعد يتحمل المسؤولية يعني مب متوتر وخايف ..

تمي عنده اهم شي الراحة النفسية .. وان شالله تولدين بالسلامة
 
اولدي في فرنسااااااااااااااااا:icon30:

لا تسافرين ابدا هذه فرصة ان زوجك يتعود يساعدك ويشيل عنك لانك بتكونين تعبانة واكيد بيساعدك

والشي الثاني خليه يدخل معاك الولادة عشان يحن عليك ورح يتذكر دايم تعبك

نصيحتي زوجك وبناء حياتك المستقبلية اهم من وجودك مع الاهل من اجل الوناسة والبسطة ملحقة ان شاء الله عالامارات لا تستعجلين :msn-wink:
 
:icon26::no:حبيبتي نصيحة والله أخوية ومااريد فيها الا مصلحتك اولا واخيرا...اولدي عند اهلك..والله ياما نسمع من كلامهم ولما يجي الجد تلاقين جزء من الوعود...بعدين وضع جديد تماما لا هو مهيأله سابقا ولا مايحزنون ...والله ما يقدر يقوم بك وبالبيبي الا امك صدقيني ...الا ان كان امك تقدر تجيك في فرنسا هذا شي ثاني...:icon26:
 
هلا حبيبتي
يشوفي افكار

ولدي في فرنسا اذاكان عندكم ناس تعرفونهم يكون احسن علشان يساعدونك
ولا ولدي في فرنسا يومين تالي روحي حق اهلك بس علشان يشوف البيبي
ولا خلي احد يجك في فرنسا لن صعبه انك تصرين بروحك لا تشوفين هذا سهل صعبه تصرين بروحك
الله يساعدك حبيبتي ويسهل امورك​
 
صباحك ورد اختي

قبل كل شي صلي استخاره وربي بيهديك للصالح لك

انا من رايي ولاتك بفرنسا افضل لك

اول شي لانو من خلال مااسمع يقولوا اهم شي لللنفاس النفسية الحلوة وانتي واضح تعلققك بزوجك وصدقيني محبة اهلك ماراح توفي قربه منك

ثانيا زوجك هو طلب هالشي فلاتتخلي عنه

ثالثا قريبتي والدة بامريكا مرتين بناتها البكر والحمد لله ماصار لها شي

مادام ربي معك لاتقلقي من شي واذا على سوالف الحريم التليفون موجود والنت والبريد

خيتي احنا بديرتنا يكون عندنا ناس اجانب ويعيشون حياتهم بعيد عن اهلهم احنا بس اللي ندلل

زوجك بحاجتك لاتخلينه لاتخلينه نصيحة اخت ولا راح تندمي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل