محتاجه لنصائحكم لاتحرموني منها لا حرمكم الله من جنته

  • بادئ الموضوع بادئ الموضوع (meme)
  • تاريخ البدء تاريخ البدء
M

(meme)

New member
إنضم
2008/12/15
المشاركات
44
السلام عليكم والرحمه

اخباركم ان شاء الله مرتاحات يابلقيسيات

امممم

هذا اول موضوع لي في قسم الاستشارات

يمكن موضوعي مو استشاره ...!!

ماادري ايش يكون موضوعي

مالقيت له مكان انسب من هالقسم :)

المهم

موضوعي ياطويلات العمر

ابي مشورتكم :(

زوجي عصبي وعند اي فعل او اي كلمه

على طول يعصب ويتنرفز على اتفه الاسباب ويقول كلام ماله دااااعي ابدا ابداا

احيانا يجرحني بالكلام ....!!!

لو تدرون على ايش يهاوش ...!!

عادي جدا احطله فطور واذا ماعجبه مايقول ببساطه ماعجبني ياقلبي

لا يضرب بالصينيه ويتأفف خلاص ادري انه راح تجيني نوبة هواش ويصير يدور الزله

والمشكله بعد هذا كله بعد ساعه ساعتين يجي ولا كأنه مسوي شي

وانا من داخلي اغلي ومقهوووره ولما مااعطيه وجه واسوي زعلانه مايتأسف لا يقوم الدنيا مررره ثانيه علي :(

تعبت منه وربي كل ماقلت ابي احاول معاه من جديد يرجع يدور اي سبب اي زله

علشان بس يهاوش صرت اتجنب اتكلم معاه او اتناقش معاه بس علشان مايعصب

او يتنرفز ...!!!

المهم.. طولت عليكم

الزبده في موضوعي

ودي افاتحه في موضوع

ودي هالعطله هذي الجايه الاسبوع

اروح مع اهلي لمكه ودي ابعد عنه لو اسبوع

ابيه يحس بقيمتي ويعرف مكانتي :(

بس مو عارفه كيف افاتحه بالموضوع

لاني عارفه مهما تكلمت ومهما قلت

كل شي يصير فوق راسي وراح يعصب وراح يرفض..!!

وانا اللي راح اكلها :(

انا ماودي يرفض ودي بشكل مو طبيعي اني اروح مع اهلي

ودي اخذ فتره نقاهه عنه ابي نفسيتي تزين لو شوي

لااازم بالاسبوع نتزاعل 4 او 3 ايام

ابيه يفهم ويحس

انا انسانه مو أله :(

انصحوني محتاجه لنصائحكم

كيف اتعامل معااااه وكيف اخليه هااادي ومو راعي تجريح بالكلام

والشي الثاني

كيف اقوله او افاتحه بموضوع سفر اهلي وان ودي اسافر معاهم

امس بس قلت له وش رايك نروح مع اهلي ..!!

على طول من غير نقاش قال لا لا لا انا مشغول حيل هالاسبوع الجاي :(

قولولي وش اسوي...!!! معااااااااه

ودي مثل هالحريم لا قلت له شي يقول سمي او اصبري راح اسويه بس مو الحين

مو على طول لا ومن غير تفكير :(

اتمنى القى نصايح حلوه عندكم...!!!

واللي تلقالي حل ادعيلها بكل وقت ان ربي يحققلها اللي تتمنى

والله يزرقني ويرزقكم الجنه يارب

اختكم:

(meme)
 
فديتك والله انا على عصبيت زوجي قدرت امتص غضبه احيانن واحيانن والله اروح فيها بس انا اقلك خذيه بالدلال والدلع حطيه فوق السحاب لو انه مايستاهل وقول والله انك ماتقصر ومن هالكلام الزين وبعدين على موضوع السفر ه خلك بجوك الحلو وقوليله انا عارفه انت لو عندك فرصه انك توديني مع اهلي كان ماتقصر بس اكيد مشغول لكن انا فيني غلقة خاطر مادري من ايش قلت اروح معهم لمكه على الاقل اخذ عمره واحس اني ارتاح لاخذيت عمره وهايطي عليه واجد كود يخليش تروحين قلبي وعقلي معك >>>>>>انا مايخليني انام عند اهلي >>ياليت انصح حالي
 
انا افكر انك تضبطين عمرك لسالفه ذي مع ورده حمراء ىحبيبي ابي منك طلب

قولي له ابي اشوف اهلي بدلع ؟؟؟؟ الخ
 
ياقلبي افتحي الموضوع عادي هو اصلا معصب معصب بكل الحالات
وقولي ودي اخذ عمرة تكسب فيني اجر ومن هاالكلام لاتقولين ودي اروح اغير جو
عشان مايجيب سالفة ثانية والله يعينك
وعندك وعندنا خير
انا اذا طلبتة مايقول لا يقول انا سواق عندك يعني كلهم كذا
مدري حنا يعني شغلات عندهم
الله يهديهم كلهم
 
عامليه كطفل صغير
واطلبي منه انك تروحين مع اهلك في لحظة صفاء وهدوء مع شوية دلع .
اهم شي تختارين الوقت المناسب
الله يسخر لك زوجك​
 
انت كل ماقال شي وافقي عليه علشان ماتصير مشكله ويحس انك مو ضد راي بكل شي وقولي على رايه انه صح موضروري تقتنعي به
انا اشوف اذا انت كل شوي تعاندي وتخالفي راح يرتاح لما تسافري ويحس انه تنفس انصحك استخيري مره واثنين
 
شوفي زوجك ايش الطريقه الي تجي معاه
اما انك تاخذيه بالمسايسه زي ماقالت اختي شهدونه
او انك تجيه بعد مشكله وتعملي فيها منهاره من البكى ونفسك واذا تكلم معاك ومن بين دموعك قولي خلني اروح عند اهلي شوي اغير جو وارتاح انا تعبانه ونفسي ضايقه احس اني بموت من الضيقه والحزن وانت خلك ترتاح مني ومن مادام كل شي موعاجبك وقاعده اسبب لك متاعب انا مااتمنى ابتعد عنك لكن محتاجه اغير جو البيت

يعني الحكايه كلها تمثيل بتمثيل اما تمثلي دور اللوعه او تمثلي دور المهمومه والغلبانه
زوجك بأي طريقه تمشي معاه الامور استخدمي الطريقه المناسبه
 
بالنسبة لروحة مكه انا لو منك اخلي الوالدة او الوالد يطلبه تروحون معهم واكيد هو بيقول مشغول فيقولون له طيب بس هي تروح معنا
اكيد بتقولي انه راح يعصب عليك ويقول انتي اللي وصيتيهم ما عليه صراخ وتروحين احسن من تجلسين وبرضو صراخ
اما عصبيته مالها الا دواء خليه يحبك يحبك يحبك بأي طريقة وراح تشوفي كيف بيتحول لحمل وديع
بتقولي هو يحبني اكيد هالشي بس لو يكون اعلى بيكون احسن واحسن راح تتعبي حتى تلاقي مفتاح لزوجك بس لا تيأسي
 
والله عملت معاه

سويت دلع سويت اسلوب سويت حركات رومانسيه

بس ذيك اللحظه يصير عسسسسسسسل واسلوب بعدها بكم ساعه

يرجع مثل اول :(

واصير اندم اني عملت له هالشي او فكرت اني ادلعه ...!!!

لكن شورتكم وهدايه الله ابي اسوي اللي قلتوه الليله واشوف ولو اني ادري وش راح يقول

فديييييييتكم والله

وعسى ربي مايحرمكم من جنته

وعسى ربي يحقق لكم امانيكم

ويسخر لكم ازواجكم ويجعلكم قرة عيونهم يارب
 
وبالنسبه اني اقول لامي او ابوي

ييؤ يؤ يقوم الدنيا علي

مااقدر ابدا ابدا اخلي اهلي يتدخلون

صحيح طيب وحنون بس عصبي جدا جدا

وش يفيدني انا الطيبه والحنان اذا كان عصبي وكلامه مو موزون

وكل شوي يجرح فيني :(

الله يهديه ويصلحه بس ويهدي الجميع
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل