محتاجه للمشوره بليز

بسمةغرور

بسمةغرور

New member
إنضم
2011/05/07
المشاركات
2
مرحبا يسعد مسائكم
انابدخل بمشكلتي فورا
انامتزوجه ولي 8شهور من تزوجت والحمدلله عايشه تمام التمام
بس عندي مشكله انوزوجي مو حاسس فيني دايم يطلع كثيرمع اصحابه
ويتركني بالبيت لحالي مفضل اصحابه علي واذا عارضته بطلعاته يقولي ماعندي وقت اطلعك
اناموفاضي ودايم يطلعني انا الغلطانه ويزعل مني ويطلع
وانا احترت وربي ماادري وش اسوي تعبت مررررررررره
وصرت دايم اطلبه يخليني اروح لاهلي لاني مليت من العيشه معه
جاوبوني بليز لاتتركوني كذا
 
ياختي هدي بالك اغلب الازواج كذا
انتي من ناحيتك اشتغلي على نفسك ولاتخليه اكبر همك
لما يرجع البيت حببيه بالجلسه معك سولفي ووسعي صدره وونسيه وخلك خفيفه ضل
مو تصيري نكديه ومتضجره حتى لو انك منقهره لاتبيني له لانه مايهمه الرجال بطبعه اناني
يعني مابتستفيدي شي من لما تبيني له القهر بعكس لما تبيني له الرضا والترحيب فيه
اشتغلي على نفسك واغصبيها على الرضا ومن تشوفيه هللي ورحبي فيه وسولفي له كلام يوسع الصدر وسويله مساج ودلعيه لاتناديه باسمه كله دلع في دلع غرقيه خليه يوله على الجيه بدري لبيتك
والله يبرد قلبك​
 
علقيه فيك بتصرفاتك بدلعك وحسن أستقبالك له
ارسليله مسج اشتقتلك وأهم شي تكون مبسوط البيت بدونه ظلام ومن هالمسجات الحلوه يمكن تنفع معه وحده من قريباتي كانت مثل وضعك وغيرته كانت ترسله مسجات دلع وتتحرش فيه بالمسجات الخاصه والجريئه ويروح ركض لبيت
سويله اجواء حلوه اعزيمه بكوفي اومطعم
يمكن انتي ماتتكلمي كثير ورسميه معه خليك شاطره وشوي شوي لين تغيرينه واصبري
اختي كانت نفس وضعك والحين مايفارقها ابد ترك الاسترحات وغيرها
اشتري كتب من المكتبه عن الحياه الزوجيه وطوري نفسك
والله يسخره لك
 
ياحبيبتي قوليله انك تخافي تجلسي لوحدك ، وانك تشتاقيله من اول مايشبر من الباب ، وأحس انه البيت موحش من دونك ومن هالكلام الحلو // يعني وصليله رساله انه البيت لايطاق بدونك ياحياتي.

لكن حبيبتي من خلال الخبره في هالحياة ، الرجال غالبا في بداية زواجهم يكونون كذا ، ، ومع زيادة التقارب وطول العشره ويا الزوجه ، وتوفر الراحه والسكينه في بيت الزوجيه رح يرتبط بالبيت شوي شوي مع مرور الوقت ، ترا مب سهل على الرجال يفارق اصدقائه بين ليلة وضحاها، وقلتلك مع مرور الوقت رح ينسلخ عن ربعه ، ورح تكون لكم انتو أولوية الاهتمام.....وخاصة مع قدوم الاطفال رح يرتبط بالبيت اكثر .

 
اهلين غااايه وشكرآ لاهتمامك لي وسؤالك
وااله ماصار شي جا وحكى معي لكن كلمتين مني وطلعت من عنده بصراحه هو طيب لكن أنا من داخلي مابيه وهاذا اللي متعبني
 
سعوديه3
وغايه كفو ووفو
اعملي بنصايحهم ان شالله تفيد
الله يعينك
 
حبيبتي اغلب الازوااااج كذا
يبغى بيت وزوجة عشان اذا رجع البيت يلقى الطبخ والنفخ وزجه على سنقة عشرة ويبغى يعيش برى عيشة العزابي يعني مو يدخل ويخرج ويمشي
الله يكون في عوننا بس
 
جددي بين فتره والثانيه
والاتستنين منه شي
واذا غلط لا تعتبينه
بقول انت سويت
كذا وكذا
لافولي تصرفك
ضايقني
يعني علشان مايقلب الطاوله عليك
بيني احساسك مو انتقادله
واتمنى لك حياه مستقره
 
ذكرتيني بأول زواجي كنت نفس حالتك بس مليت من كثر ماازعل واروح عند اهلي
قررت اعيش لنفسي ادلع نفسي واعيش يومي مثله بالضبط تعرفت على بنات وصرت اروح عندهم ويجوني وحتى جاراتي اسير عليهم
بس مثل مايطلع ويمبسط انا امبسط وافلها بعدين حملت وخففت طلعات صارت وناستي على النت اضيع وقتي بأشياء مفيده تعلمت الفوتوشوب وصرت اشغل نفسي

لين يومك وانا على نفس الحال

تعلمي انك تسعدين نفسك وتعيشين يومك حلو
حتى لو ماطلعتي جهزيلك جو رايق دلعي نفسك باللبس واجلسي تفرجي على افلام وجهزيلك سناكز وخرابيط صدقيني يروح الوقت بسرعه ومنها انك تكونين رفهتي عن نفسك حبيبتي
تجاهليه بس طبعا ماتقصرين بواجباته ابد وصيري رايقه عشان ينجذب لك


الله يسعدك
 
اسألي مجرربة ... انا ماارة بنفس الي تمرين به بالضبط

والحين لي 10 شهور من الزوااج وتغير كثييييير

أول شهور من الزواج كان الوضع لااا يطااااااااااااق ... يعني وربي ما اباالغ اذا قلت لك اني مافرقت نفسي عن ايام العزوبية طووول الوقت مع اهلي ماعدا وقت النوم

وبكيييت وتهاوشت معه ومااافي فاايدة

تركته على رااحته .... لكن في اموور بسيييطة كنت اسويها ممكن تكون هي اللي اثرت عليه

كنت دااايما اقوول له اني مو متعوودة انحبس بالبيييت واني كل يووم اطلع يوم كنت مع اهلي .. واني من تزوجت وصرت اجلس بالبيت نفسييتي تعبت وماعاد اتحمل هالوضع

ودااايما اقول له اني اخااف اجلس لحااالي واستووحش البيت وانا لحالي ... فكنت اقول له ياما توديني لأهلي اذا جيت تطلع أول تظل معاي ... وفعلا ظلينا كثيييير على هالحال ... لاحظت بعض المرات اذا صار بيطلع وقال لي تبين تروحين لأهلك ؟ مرات أتعذر بالمذاكرة فأقول له ماقدر اطلع بظل هنا ..... لاحظت انه ماا يطوول بالطلعه لأن في باله أني جالسة لحالي وخايفة

الشي الثالث ... صرت مااااطلب منه اي مشواااار ولا اي شي .. وكل شي احتااجه اطلبه من اهلي واخواني الله يخليهم لي ... وصار يشوفني اطلع وانبسط ... لاحظته شوي شوي ... صار يوصل البيت قبلي ويتصل وينك ؟؟؟ ..... ومرات يشوفني داخلة بأغراض ويسأل من وين ؟ اقول له كنت محتاجتهم وتوني تفرغت اطلع مع ابوي اشترهم .... وهكذا
لحد ما يوم من الايام كلمني بصراحة ... ليش ماتطلبين مني شي ؟ ليش ما تخليني اقضي لك مشاويرك واغراضك بدل اهلك
وصااارحته يومها أني يحز بخااطري كثير أني اطلع مع اهلي الاسواق واشوف كل وحدة يدها بيد زوجها الا انااا جاية مع اهلي كأن ماعندي زوج ... بس وش اسوي ماعاد احب اترجاك واطلب منك أكثر من كذا لاني ماتعودت اطلب من الشخص كثير ... أهلي بكل بساطة اذا احتجت للشي ما يحتاج اطلب منهم اكثر من مرة

وفعلا تحسن وتغييير كثييير بعد ما صرت اكلفه بكل طلباتي واللي خاطري فيه ... السهرات برى البيت خفت ... الطلعات ماقول لك اختفت ... كل يوم يطلع بس طلعات خفيييفة وسريعة ماتتجاوز الساعه ونص ... مرات اكتشف أن طلعته ماكانت لأصحابه .. يكون طالع يقضي مشاوير لي وللبيت


أختي كل رجال يتغيير للأفضل ... كل اللي تحتاجينه الصبر ثم الصبر ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل