محتاجه شوركم في مصيبتي

الله يفرج همك وييسر أمرك
 
ياختي ليش حاطه اهله براسك ومعطيتهم اكبر من حجمهم بالطقاق خليهم يقولون الي يبون اهم شي انك بعيده عنهم حاولي ماتسمحين لاي كان يوصلك كلام اهله عنك وخففي زيارتهم وبكذا ترتاحين ولا كأنهم موجودين .....
ياختي ترا الرجال مايحب النكد والتشكي لاتجيبيله سيرة اهله نهائي لابخير ولا شر وزين انه مايطالبك بزيارتهم كل شوي ،،،،،
من رايي انك ماتكبرين المشكله وتوصلينها لاهلك اجلسي عند اهلك لحد مايجي وارجعي بيتك اذا جاء ياخذكم وتشرهي عليه بدون صياح انه خلاك وانتي بحاجته ونفسيتك تعبانه من مرض امك ،،،
وحاولي تدورين وش الي ناقص زوجك وسويه ووفريله كل الي يحتاجه ودلعيه الدلع الخاص بين الزوجين اكيد انتي عارفته ترا الرجال اناني مايهمه الا نفسه اذا لقى الي يبي فيك خلاص حطك بعيونه واذا مالقى الي يبي والله لو كنتي صابره عليه ومتحمله مسؤلية البيت والاولاد مايشوف تضحيتك شي .....
 
اختي اتمنى اني افيدك ببعض ماعندي
اولا اتخذي موقف لان زوجك لوكان يحبك ماسافر للفسحة وامك في العناية يعني لو امه كان سافر؟؟؟؟
ثانيا اعملي لنفسك قيمة ليش الحياة كلها تضحية له ولعياله وحطي تحتها خطين لان الاب له اكثر منك
ثالثا استخيري الله في عودتك له
رابعا حاولي انك تحسسيه ان هوه وعياله ليسو اهم من نفسك وراحتك وانك مستعده التضحيه من اجل نفسك فقط
خامسا اذا انت نفذتي واعطيتي نفسك قيمه فانه هوه اوغيرة لن يهز منك شعره وسوف يخاف قوة شخصيتك
واخيرا اتمنى ان اكون افدتك وان تكون هذه مشكلة عابرة وتنتهى وشكرا
 
قريت رد وحده من البنات

قالت لج مالك الا اهلك وانا اقولك مالك الا زوجك وعيالك

ناره ولا جنت اهلك اهلك يوم يومين بيتحملوك ويتحملون العيال بس عقب

بيملون هم زوجك عشان تستقلين مش ع شان ترجعين لهم مع عيال !!

خيك ببيتك احسن لك المره مالها الا بيتها ووزوجها

وانتي طنشيه واهتمي ببيتك وعيالك

واهله مالك دخل فيهم

وانشاللهكل شي بستحسن هم بنقهرون لانه ما يتكلمينهم
 
اولا الله يكون معك
واعذريني اختي الزوج لما يكثر العتب والكلام عن اهله ينقلب ضدك يعني حاولي قد ماتقدرين ماتجيبين طاري اهله عندك ..
وبالنسبة لام زوجك اكرميها بالسلام وبس ولاتكثري زيارات لها زوريها بالمناسبات فقط ..
اما من ناحية زوجك الظاهر والاكيد انه مل من كثر ماتشتكين ولا هو يموت فيك ولا ماكان ضمك وانتي زعلانه فحاولي قد ماتقدرين تبتعدين عن كثر الشكوى لزوجك ...
ولاتحطين براسك نهائيا كلمة الطلاق ولاتنطقيها له نهائيا لانه لو اعتاد على سماعها وطلبها منك راح يسويها وانتي عارفه نتيجة الطلاق تشتت الاولاد اللي مالهم ذنب بالاضافة الى تعبك النفسي انتي ..
ولاتنسين الدعاء باخر الليل والله له سحر عجيب والحي بالدعاء مرة ومرتين وثلاث واربع وخمس .... الخ
لان الله يحب العبد اللي يلح بالدعاء اليه .. وهناك حديث فيما معناه ان الملائكة تحجب دعاء العبد عن الله لاربع مرات واذا واصل العبد بالدعاء والالحاح يطلب الله تعالى من الملائكة بان ترفع الحجب عن صوت العبد حتى يستجيب له .. فتقربي من الله تعالى اكثر واكثر فليس هناك ابر وارحم من المولى بالعباد ..

ولاتنسيني من خالص الدعاء
 
الله لا يحطني بموقفك بس بقول الي جاء في خاطري

رووووحي لاهلك وريحي شهر ولا اثنين بدون اتصال له ولا رساله ولا رد على اتصالاته

ولا تاخذين عيالك معك زوجك عارف انك تهددين بدون تنفيذ اختي اذا ماتبغين تطلقين ليش تهددين

اذا رحتي لاهلك لا تقولين شي من الطلاق ريحي نفسك اذا احد قال شي قولي هو قال دبري نفسك

ماابغى احرضك على زوجك وحياتك بس انتي اسلكي طريق ماقد جربتيه يمكن بعد العون من الله ينفع

الله يسخره لك ويريح بالك هذا والله اعلم
 
اللهم آفرجهاا


انا ماابغى الطلاق مو عشانه او عشان نفسي الا عشان هالمساكين مالهم ذنب

الان محتاره ارجع بدون اي نقاش

معقول كل هالقهر انساه ومن اول مايتصل اقول تعال ؟؟

تركني بايام انا محتاجه له والان اعديها له ؟؟

انا ماطلبته يترك اهله او يقاطعهم بس كمان مايرضى لي الاهانه

وش ذنب بنت الناس تنهان يبغون عيالهم لايزوجونهم


والله العظيم وشاهد من فوق سبع سماوات اني اكرمتهم جميع وعاملتهم مثل اهلي

بس طلعوا مايستاهلون وقد مااحاول ابدأ معاهم من جديد ماقدرت


لاني مو شايفه رغبه منهم كمان


من جد تعبت منهم


كيف استرد كرامتي واكسب زوجي واهله بس بدون اهانه لي


زوجي شمالي غربي
 
بنات ادعوالي بظهر الغيب ان الله يسخره لي هو واهله


والله ماابي شي من الدنيا الا الاستقرار والاحترام
 
اختي الغاليه
في البدايه اختي ام النورين كلامها مره رائع ومنطقي
ثانيا الرجل الشمال الغربي رجل محب ورائع بمعنا الكلمه لكن لازم تكسبيه وتخليه لك والله يالغاليه لو قدرتي عليه لكان عشتي سعيده طول عمرك
اولا اهله شي مهم في حياته لجل تكسبيه لازم تمسي العصى من النصف على قولت المصرين خلك حكيمه (يعني يوم خالتك قالت لك قدام الحريم خلي فلان يكلمني قولي زين لكن انا ماشفته اليوم هو موب عندك من اليوم )يعني بدق الكلام تقدرين تاخذين حقك وزياده لكن لازم تكوني مستعده لهم ولدفاع عن نفسك باسلوب الحكمه والحيله
ثالثا زوجك لازم تكسبيه لا تقولي اكرهه لا الي جالستي معه 15سنه الحين ما تبيه ليه الاستسلام ليه من البدايه تخليه يدور غيرك لازم تكسبين المعركه وتخليه لك لك لوحدك بس (قراتي قصة ام بسمه وقصة برود ومطروام الوليدكلهاحكم وطرق تستفيدي منها)
اول شي ابداء فيه قولي وداعا للبكاء لازم في طريقه غير البكاء تجيب نتيجه انسيه ولا تبكين لو وش ما صار بك
ثاني شي غيري شخصيتك 360درجه (سوي طريقة الدكتور الراشد كرري جمله معينه مثل ابي اغير نفسي كرريها 21مره مدة14 وكوني ملتزمه لا تنسيها وكنك تكلمين نفسك وبحزم ترى ولا تتغيري عن تجربه انا قرتها هنا في المنتدى والله تغيرت عليها
وفي موضوع قديم كيف عن العشيقات وطريقت حياتهم ابي احاول ادوره وارسلك الرابط رائع مره مره
اختي تغيري وطنشيه خليه يحتار وش فيك متغير خليه يركض وراكي ويسال وش فيها وش الي غيرها خليه يحتار فيك
استطنعي السعاده حتى لو مقهوره وتبي تبكي لا غيري مزاجك (كلي شكلاته)لكن خلك سعيده قدامه وتكلمي بروقان وسعاده وهو للعلم يبي يحاول يغثك لانه موب متعود عليك كذا طنشي طنشي بقوه ولا تهتمي فيه جا ما جا انتي فيه وبدونه عايشه وممشيه اموره
تبي تروحي لامك روحي دقي على اخوك او اهلك وريح لها وارسليل له رساله ان اولادك في البيت كلم احد من اهلك يجلسوا عندهم انا بروح (وطبعا لا تتركيهم لا خذي اجازه من مدرستهم لظروفك يعني يومين كذا )وخليه يدق عليك ولا تردين ابدا
اختي هو له 15 سنه هو متحكم فيك يوديك شمال تروحي ويوديك يمين تطيعين
هو يحبك متمسك فيك لكن يرفض سلبيتك وظعفك وقلت حيلتك خلك قويه حازمه بيعيها مره في حياتك وشوفي
وللعلم الشمالي تقدري عليه بالحيه وكيد الحريم وانتي شكلك جنوبيه (لانك حساسه )وانتي لوتقدرين عليه صدقيني لانك اذكى منه
اختي هو بعيد عنك الحين اجلسي وروقي وفكري زين (تخطيط لحركة الهجوم ههههههههه)شلون تبي تكسبيه
وترى والله من تجربه الحمد لله غيرت في زوجي اشياء كثير مره من المنتدى وغيرت طريقتي والله انه تغير وصارمشاء الله عليه موب كامل مره فيه عيوب لكن قدرت اسيطر عليها الحمد لله
وانتي بعد تقدري تغيريه لا تستسلمي ابدا وانتي قويه وانا متاكده انك قويه ورح تقدرين عليه
 
اختي حصلت لك الموضوع الي قلتلك عليه موضوع رائع من جد واقرائيه بتروي وهدواء واقرائيه مره واثنين وخذي منه كل شي انا هذا الموضوع غير حياتي كلها للاخت سمرلاند (جزاها الله الف خير )
http://www.niswh.com/vb/showthread.php?t=21949
 
رجع زوجي بالسلامه وجاء ياخذني من بيت اهلي ولا جاب طاري شي


بس احس فيه شي غريب مايبي يطالع فيني

وقالي اذا امك تعبانه خلك عندها شهر مو مشكله ؟؟؟؟؟؟


قلت له ليش تبغاني اطلع من البيت وانت اللي كنت تحاسبني على وقت الاولاد قالي عشان امك

مره جلسنا نسولف قالي انا ملاحظ مانتي مرتاحه بالبيت فيه حاجز بيننا روحي غيري جو عند اهلك بكل بساطه

قالي بعد متى الاجازه الرسميه

قلت نهاية الشهر الداخل قال تمام قلت ليش

قال ابغى اوديكم عند اهلك قلت ليش

قال لانكم تشغلوني وانا مشغول



خلاااااااااااااااااااااااصة الكلام احس فيه وحده بحياته ويبي يصرفني

مع اني قلت له اذا فيه وهذا اللي انا حاسه فيه قولي انا اقرر حياتي قال انتي تدورين مشاكل بس


يااااااااااااااااااااااااااااااابنات تعبت ان ناظر فيني احس شي بعيونه لدرجة ان ركز فيني احسها تتشارق بالدموع ويلف وجهه عني

اجي اقول روحي مثل ماقال وحطيه قدام الامر الواقع

وش رايكم انتم ؟؟؟؟؟؟؟؟؟؟؟؟
 
تعبت من البشر قال:
رجع زوجي بالسلامه وجاء ياخذني من بيت اهلي ولا جاب طاري شي


بس احس فيه شي غريب مايبي يطالع فيني

وقالي اذا امك تعبانه خلك عندها شهر مو مشكله ؟؟؟؟؟؟


قلت له ليش تبغاني اطلع من البيت وانت اللي كنت تحاسبني على وقت الاولاد قالي عشان امك

مره جلسنا نسولف قالي انا ملاحظ مانتي مرتاحه بالبيت فيه حاجز بيننا روحي غيري جو عند اهلك بكل بساطه

قالي بعد متى الاجازه الرسميه

قلت نهاية الشهر الداخل قال تمام قلت ليش

قال ابغى اوديكم عند اهلك قلت ليش

قال لانكم تشغلوني وانا مشغول



خلاااااااااااااااااااااااصة الكلام احس فيه وحده بحياته ويبي يصرفني

مع اني قلت له اذا فيه وهذا اللي انا حاسه فيه قولي انا اقرر حياتي قال انتي تدورين مشاكل بس


يااااااااااااااااااااااااااااااابنات تعبت ان ناظر فيني احس شي بعيونه لدرجة ان ركز فيني احسها تتشارق بالدموع ويلف وجهه عني

اجي اقول روحي مثل ماقال وحطيه قدام الامر الواقع

وش رايكم انتم ؟؟؟؟؟؟؟؟؟؟؟؟
أنقر للتوسيع...

يا حبيبتي أنا أرى موضوعك بسيط وزوجك طيب وأنا مع الأخت ام النورين لأن كلامها منطقي ورائع والشمالي غربي ما هو متسلط ولا عنيف ولا عنيد، تجيبيه بالمحبة والدلع والسياسة
إذا كنت دائما هيك أهلك وأمك ودافع عني، تظنين أنه يدافع عنك أمامهم
الله يهديلك زوجك ويريح بالك، لكن أستغرب فيك ، كيف ما تبغي الطلاق ، وقاعدة تنكدي على نفسك طول هاذ المدة ومعك عيال
يا بنت الحلال أسرعي وما تتأخري علىحالك، ما تروحي عند أهله لكن شو فيها لو أرسلت هدية بسيطة إلى حماتك مع زوجك ،بمناسبةأو بدونها
ربما تنفعك هذه القصة أنا ماما كانت تعبانة كثير مع جدتي الله يرحمها، لكن عمر ماما ما جرحت جدتي بكلمة، بالعكس كان كل ما يجي بابا من السفر ويجيب غلة وفواكه وهدايا، كانت تفتح شنطة السيارة وتحط من كل شيء يوم يكون ذاهب لزيارتها وهي معانا في نفس المدينة، كان باب يعرف تصرف أمي، فما كان يسمع كلام جدتي ويحاول يهدئ من نرفزتها ،وعمرو ما أتهم ماما بشيء في أهله، ويوم قبل ما تموت جدتي طلبت تشوف ماما وطلبت منها السماح وقالت قدام العيلة كلها أنها الوحيدة التي لم تسمع منها كلاما جارحا طيلةحياتها
زواجه من المسيار دليل على أنه يحبك وما يريد يجيبلك شريكة تقاسمك فيه
يا حبيبتي ما تروحيلهم ،لكن هاديهم بأبسط الأشياء والرسول وصى بالهدية، أنا أول مرة شفت حماتي ، وما كنت جاهزة لها، لكني أعطيتها هدية بسيطة وفرحت بها، وكل ما أروح لها أخذلها شيء وحلويات وادعي لزوجك وتقربي منه
الله يفرج عنك
 
ماتنفع الهديه لو تنفع ماقصرت

اذا اهديتهم معناته انه مو مقصر معاي هم يبغون الزوج يهين زوته ومايعطيها شي
لو يدرون اننا بنسافر ماتسمعين غير الدعاوي منهم عساكم ماترجعون حتى اللعن تسمعينه

اشتاق يدعولي بخير انا وعيالي مافيه

تصدقون انها تسب ولدي الكبير تقوله ان لما تكبر اكبر مغزلنجي بتكون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وتقول اصلا مافيك خير وخوالك الفلاينه

مع ان اهلي الكل يحبهم ويحترمهم ومشهود لهم بالصلاح والخير

احسهم اعداء مو اهل هذولي

اولادي يقولون احنا مانحب جداني بس يخاصمون

لو تشوف علي شي جديد تهاوشني لاي سبب اهم شي تطلع حرتها في ولو قدام الف حرمه

طبعها مو معي بس لا والله مع كل الناس


بس حتى حمواتي تعاملهم كذا بس ازواجهم معاهم ولا فكروا لا بأمهم ولا بخواتهم

بس زوجي كاسرني بزواجاته وتعامله

يقولي اعرف انك مظلو مه وعشان كذا بطلقك وانصرك


بالله هذا نصر


بصراحه والله اغصب نفسي عليه ماعاد اثق فيه

احس اني قدمت كثير ولا شفت نتيجه

لو بس اعرف انه صاحب كلمة حق هانت مصيبتي

بس لا خير منه ولا من اهله


علموني ليش تزوجت اجل
 
ياألله والله أحس بغصه وحرقه في صدري عليك وشلون صبرتيييي15 سنه والله إنك حبيبه وطيبه ياقلبيييي
الزبده هو أكيد يبي يصرفك في الإجازه حركاتهم مايخلونها الله يفرج لك ويعينك ويفتحها عليك..
 
طنشي اهله
تدري عماتي وجدتي كانو يعاملون امي زي الخدامه
ويضربونها والله العظيم كانو كلهم عليها يضربونها
كانت جدتي تقول لبوي عيالك كل واحد من رجل مماهو لك ..استغفرالله
كانو تهمونها بشرفها .ويوم يرجع ابوي كانو يحشونه عليها ويضربها
ماكان لها احد وابوي كان بدوي راعي ابل بنجد وهلها بالاردن
اجلست 4 سنين ماشافت اهلها
كانت تضربها عمتي وتهج لجيرانهم توصلهم كل وجهها دم من الحجر
سقط 4 اطفال من الشغل كله عليها هي تشيل بيت الشعر لحالها
وهي تبنيه هي تحطم تخبز تعجن تطبخ
كانت تخلف بالبر ماحد يوديها الطبيب ماكنو يهتمون بها
كانت تحطب وهي لها يومين ولاده اااااااخ
قسم بالله شافت الويييل ..
اذا خلفت تقولها جدتي (الحرمه لاخريت بريت) قصدها اذا ولدت خلص
تقوم مثل الحصان تشتغل

وصبرت امي يوم كبرو عيالها اخذوهم للمدرسه
وخلوها بالبر ماتشوفهم غير بالعطله
وتعالي شوفيها الحين صارت راعيت البيت
وعماتي صار فيهم امراض الي سرطان بالرحم
والي انفك بطنها ولـ وال وجدتي عجوووووز لاتنش ولا تكش
بس للحين لها لسان بس ماحد يرد عليها
وللحين امي تعاملها احسن من بناتها تحفظها الله يكرمك و تشيل من تحتها توكلها بيدها
تغسل ملابسها
تسوي كل شي لها (وهي عذبتها ورتها الوييييييل)
ابوي تزوج 4 حريم على امي بس كلهم يهربون من الويل الي يشوفوه من ابوي وعماتي
وماصبرت غير امي
والحين شيخه يوم كبرو عيالها صارت شيختهم كلهم (الله عوضها

والله والي يخليلي بنوتاتي هذا شي من كثيييييييير اشياء صارت لمي
فحمدي ربك وسكتي يا اختي


((لابد ماتطلع شمس وتغير الاحوووول))
البركه بعيالك
ادعيلي بالولد الصالح انا ام لـ6 بنات:(​
 
الله يكون في عونك و ضعك صعب مدام الامور وصلت كذا لازم اهلك يتدخلون وعساهم يارب فاهمين ويقدرون وضعك لان احيانا الاهل مايساعدون بنتهم ويتركونها تواحه مصيرها لوحدها اويكونون خمقى ويعقدون الامور !! حتى الرجل يحسب لاهل زوجته الف حساب والي ماعندها اهل مسكينه يوريها الويل لانه عارف ان مالها غيرها والان انتبهي لنفسك وروحي لامك واذا جاء طويل العمر تفا همو معه وانت قويه والله يسخره لك ولعياله .. واهم حاجه الوسيط الي بينكم يكون حكيم ويحسن التصرف علشان ماتتعقد الامور . وفعلا خبيبتي احيانا اشوف وحده عارضه مشكلتها وقلبها يتقطع تجي وخده تعطيها الحل السحري البسي واكشخي موقهررررر!!
 
لا حول ولا قوة إلا بالله..
أختي عليكِ بالإستغفار الدائم والدعاء والصبر...ولا تنسي سهام الليل فإنها لا تخطيء..
سلام ملكي :icon31:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل