محتاجه رايكم بليز ادخلو

[smoood]

السلام عليكم
ارجوكم ساعدوني فانا في حيرة من امري

انا متزوجه من ثلاث سنوات ونصف ولم يحدث حمل في هذه الفتره
عملت كل التحاليل اللازمه للهرمونات وكلها سليمه ولله الحمد
الا انني اعاني من ضعف بسيط في التبويض وتحاليل زوجي
سليمه ماشاء الله
المهم انا فكرت اني اسوي اشعة صبغه هل تنصحونني بها
لاني خاااااايفه منها وابي تجاربكم معها وهل تنفع مع الكل
وماهي اضرارها
تكفوووون لا تطنشون موضوعي
الله يوفقك ويرزقكم ماتمنون

 

[قطرية]

اختي انتي من وين عشان اعرف عند منو تسوين التحاليل .. قصدج تحاليل الصبغه ولا الابرة
اذا على الابره الحين مايسمونها الملونه الحين يحطون مجرد ماي يشوفون اذا القنوات مسدوده او شي وممكن في حالتج تاخذين ابر منشطه او كلوميد بس يعتمد على حالتج الصحيه

 

[smoood]

هلا حبيبتي
انا اخذت كلوميد وابر منشطه بس سبحان الله ماصار شي
انا من السعوديه عنيزه

 

[قطرية]

عيل مالج الا تنتظرين وتسوين الابر كم مره على ماتضبط لان انا كنت نفس حالتج بس مع حملي الثاني وماخليت شي لمدة سنه سويت الابره اللي تبين اذا القناه مسدوده او لا وطلعت اوكي ومرتين سويت تلقيح صناعي وكنت ناويه اسوي انابيب وسبحان الله الشهر اللي خذت فيه راحه وشلت كل شي من بالي حملت يعني ترى على النفسيه بعد لاتحطين في بالج وقت العلاقه ان لازم تحملين وخلج على ايام الدوره 12 13 14 وان شاء الله يصير حمل

 

[يفداني بقلبه]

الضعف ينصح معه بالمرامية لانها منشطه
واشعه الصبغة زينه وماسمعت ان لها اضرار حتى انا ناويه اسويها ان شاءالله

 

[انتوا سموني]

استخدمي المراميه او البردقوش وقت الدوره

صدقيني هالوصفه مجررربه وتنشط المبايض

ومثل ما قالت لك اختي

شيلي فكرة الحمل من رااااااااااااااااسك

لأن مجرد تفكيرك فيه يزيد هرمون الحليب عندك <<<<<< مانع للحمل

اشغلي نفسك بأي مشروع بسيط تلهين فيه

وبإذن الله تلاقين الدوره منقطعه عنك وتبشرينا انك حامل

الله يرزقك بالذريه الصالحه في العاجل غير اجل​

 

[smoood]

مشكورين يالغوالي والله ضايق صدري وماادري شسوي

بس ودي اسال هل سعر الاشعه غالي مره؟

 

[ربي ارزقني]

توكلي على الله وسويها انا سويتها والحمد لله بعد شهر حملت كلفتني 400ريال

 

[رقة القـلب]

الله يرزقك يارب
​

 

[أم رامــا]

الله ييسر لك أمرك ويرزقنا وياك بالذريه الصالحه عاجلآ غير آجل

 

[ضي..]

سعرها عندها فالامارات 500 درهم او 700 درهم

وهي ما تعور وايد وزيينه وايد لانه تبين لو عندج انبوب مسكر لا سمح الله
ف انصحج تسوينها حبيبتي

واهمممممممممممممممممممممم شي
ما تفكرين فالحمــــــــــــــــــــــــــــــــــــــل توكلي على الله والله النفسيه تلعب دور انا كل شهر وقت اقتراب موعد الدورة كنت افكر وايد وكلما احس باعراض الدوره اقول لا يمكن حمل
بس الله ما كتب نصيب للحينه
والحمدلله اني الحينه ما افكر فالحمل نفس قبل يعني صار عادي عندي الحمدلله ع كل حال
بخصوص التبويض .. انصحج تتابعين التبويض مع الدكتوره بعد ما تسوين الاشعه .. و شوفي هي شو بتعطيج

الله يرزقنا كلنا الحمل السليم المعافى يارب قريب