محتاجه افكاركم للعيد..خاصه اني مغتربه.. وبعيده عن اهلي..

[بسكوتة]

يالله تصدقي
أنا أفتقد الجلسة مع بناتي وزوجي من ليلة العيد واول يوم وثاني يوم

من وقت مايجي العيد واحنا من عزيمة لعزيمة

فانا اقولك انتهزي الفرصة وخلي العيد ذكرى حلوة وشي سبيشل بالذات مع زوجك

خلي نفسيتك عال

وفكري في المساكين اللي زيي والله ما اتهنى في العيد وعلى بال يفضى لي الوقت يكون العيد خلص

رتبي السفرة كانه مسوية عزيمة وخرجي طقم الضيوف اذا عندك يعني عارفة مغتربة

حطي مناديل ملونة على طاولة السفرة

البسي واتدلعي جهزي بنتك بعيدية لابوها وطبعا انت مايحتاج

تعرفي الافكار طايرة لكن اذا لقيت شي ثاني راح ارجع لك باذن الله

وعيد سعيد مقدما

صح لاتنسي تسجلي تكبيرات العيد وتفتحيها من الفجر والله تقشعر

ممكن تتفقي مع جاراتك اذا عندك مسلمين تزينوا الشارع قدام بيوتكم زي الاجانب في الكرسماس منها دعوة ومنها تفرحوا اطفالكم ويعرفوا انه احنا كمنا لنا عيد كبير نفرح فيه

 

[aldana]

أقول خوخه ايش رايك نبدل أنا وياكي ... تعالوا السعوديه عيدوا وانبسطوا ...
وأنا وزوجي نجي نعيد في لندن هههههههههههههه ...

 

[أندلسية]

خوخة حبيبتي ..
للأسف ماراح أعطيك أفكار جديدة لأنك ماشاء الله ماخليتي حاجة ماقلتيها..
لكن حبيبتي احيانا الواحد هو اللي يعطي نفسه الانطباع السيء والتفكير السلبي..
ليش ضايق صدرك..
إذا حلقة وحدة مفقودة عندك .. الحلقات كلها موجودة..
أعرف الكلام هذا مو غريب عنك..
لكن أحيانا الواحد يأسر نفسه بدائرة ظروفه..
وينسى يستمتع بيومه..
هو عيد 1428ماراح يمر عليك العمر كله..
استانسي من الخاطر وونسي زوجك وبنتك..
وعلى رأي الدانة عدي حالك أنك سافرت علشان تستمتعي بالعيد مع زوجك..
اللي حابة أوصله أنك مهما سويتي وملتي جدولك دامك حاطة فبالك أن هالعيد ماراح يكون حلو عمره مايكون حلو..
يالله حبيبتي جهزي أغراضك وأستمتعي واستانسي وفليها فاليوم يوم الجوائز..

وعلشانك غيرت خيارات مجلدي لأني كنت ملغية التواقيع ورجعته لاجل أشوف الموضوع اللي قلتي لنا عنه بالحب إلى الأبد..

بالتوفيق والفرحة والفوز

 

[متفائلة]

لم أقرأ رد البنات كلهم ولكن راح أقترح عليك برنامج أخى عندما كان في بريطانيا مع أهله للدراسة,

أولا مبارك عليكم العيد وتقبل الله طاعتكم

اذهبي الى صلاة العيد مع الزوج والخادمة أيضا حتى تشعري بجمال العيد من بدايته وأجد اللى

ما يصلي العيد بالمصلى ولا كأنه صلى العيد له نكهه أخرى عجيبة

كما باستطاعتك بعد ذلك الذهاب الى مكان احتفال المسلمين بتلك المناسبة الطيبة

وأخذوا معاكم شكولاته ووزعوها على الجماعه هناك واستحضروا ادخال السرور الى قلب اخوانكم المسلمين .

باستطاعتك السفر الى سكوتلاندا يمدحون الطبيعه هناك أو جنوب بريطانيا بيدفورد

على ما أعتقد المهم غيري المكان وراح تستمتعوا أكثر ..

على العموم باستطاعتك حجز فندق في يوروا ديزني وفي نفس الوقت تستمتعوا بالألعاب

وأعتقد التكلفه من محل اقامتك أرخص واايد والله يعافي الفيزا ما تقول شىء ^_^

موفقه غالتيتي

 

[متفائلة]

لم أقرأ رد البنات كلهم ولكن راح أقترح عليك برنامج أخى عندما كان في بريطانيا مع أهله للدراسة,

أولا مبارك عليكم العيد وتقبل الله طاعتكم

اذهبي الى صلاة العيد مع الزوج والخادمة أيضا حتى تشعري بجمال العيد من بدايته وأجد اللى

ما يصلي العيد بالمصلى ولا كأنه صلى العيد له نكهه أخرى عجيبة

كما باستطاعتك بعد ذلك الذهاب الى مكان احتفال المسلمين بتلك المناسبة الطيبة

وأخذوا معاكم شكولاته ووزعوها على الجماعه هناك واستحضروا ادخال السرور الى قلب اخوانكم المسلمين .

باستطاعتك السفر الى سكوتلاندا يمدحون الطبيعه هناك أو جنوب بريطانيا بيدفورد

على ما أعتقد المهم غيري المكان وراح تستمتعوا أكثر ..

على العموم باستطاعتك حجز فندق في يوروا ديزني وفي نفس الوقت تستمتعوا بالألعاب

وأعتقد التكلفه من محل اقامتك أرخص واايد والله يعافي الفيزا ما تقول شىء ^_^

موفقه غالتيتي

 

[قلب حر]

.. هلا خوخة ...
الظاهر انا اللي صرت في الغربة ..خخخخخخخخخخخخخ
تصدقين قاعدة في البيت لوحدي ..من بعد الصلاة للحين .. المغرب..
اهلي في منطقة ثانية ... وبالعادة اول يوم نعيد عند اهل زوجي ... لكنهم فاجأوني بانهم حزينين على قريبة ماتت عندهم ... وجدول عيدهم كله تغير ... اهيءاهيء .. وجات على راسي انا ... واطفالي زعلانين ..
الحمد لله ...
قاعدين نسمع اناشيد ونرقص .. هههههههههههههههه
ونشرب قهوة ونا كل شوكولاته .. وبكرة ان شاء الله بروح لاهلي ...
ويااااااااارب تكوني استانست ... ونسيت الغربة ...

 

[بدار]

بس الحمد لله لندن مليانه عرب ومسلمين..
تخيلي .. قبل كم يوم رحت السوق وكنت ماخذه معايا المصحف قلت اقرا في الاندرقراوند...
ولمن جلست .. فتحت المصحف لقيت اكثر من شخص في عربتي والعربه الثانيه فاتحين المصاحف ويقروا!!!
افتاجأت!!!
ما ادري كيف اوصفلك شعوري!!!!
حسيت بالفخر والعزه.... والسعاده...
شعور غريب.... وقلت في قلبي اللهم اعز الاسلام والمسلمين..
...

لا إله إلا الله..
والله اني حسيت بشعورك !

فعلا عزة عزة ..

محبتي لك وربي يسعدك ويوفقكم يا رب

بدار

 

[@خوخه@]

كل عام وانتم واهاليكم وكل غال عليكم.. بصحه وعافيه وخير وسرور..
واعادة الله علينا وعلى الامه الاسلاميه بالفرحة والسرور والعزه والنصر والتمكين..
واعاده على بيوتنا وجميع بيوت المسلمين بالحب والهناء والسرور والافراح..
...
اشكركم احبتي على كلماتكم التى ادخلت السعاده الى قلبي..
ولونت عيدي بالوان الحب الاخوي الصادق..
اسعدكن الله جميعا كما ادخلتن السعاده الى قلبي..
...
اعذروني على تاخري في الرد..
ولكني انشغلت قليلا في اخر يومين من رمضان ولم ادخل النت.. ويوم العيد الى اليوم وانا مريضه جاتني انفلونزا شديده انا وابنتي وزوجي وشغالتي كمان.. والحمد لله على كل حال..
هههههههههه
...
ورغم ذلك كان العيد مناسبه حلوه على غير ما اتوقعته..
حسيت انه مو بس انا كل اللي نعرفهم ومغتربين يحاولوا باقصى ما يستطيعوا يخلوا العيد جو وناسه وسرور..
والحمد لله عدت علينا الايام حلوه وسعيده..
بس كان ناقصنا جمعة الاهل.. وبكيت يوم جابوا العيد وانا اتمنى اسلم على يد امي وابوي ..
...
في الصباح كان الفطور في بيت ابويا.. وكل العائله اجتمعت عندنا لانه بيت الوالد هو بيت الكبير..اكبر اخوانه..
وماشاء الله جلست ساعه ونص وانا اكلمهم شخص شخص.. حتى الاطفال الصغار .. وكلمت الشغالات كمان..هههه
وبعد الغدا شفتهم على الماسنجر في الكاميرا..
..
وثاني يوم كان حفل كبير للسعوديين .. رحنا وانبسطنا على الفقرات حقت الحفل كانت روعه.. ومن الحفل جو اثنين من صاحباتي على بيتي وسهرنا سوا..
...
ثالث يوم ماشاء الله كانت في عزيمه كبيره في بيت واحد معانا .. وانبسطنا واتونسنا.. واجتمعنا عدد كبير جدا..
..
رابع يوم اخذنا بنتي ووديناها الملاهي.. ورحنا اتغدينا بره.. ورجعنا البيت وفي الليل جو اصحاب زوجي واتعشوا عندنا..
...

يعني الحمد لله العيد كان حلو.. بس اللي عكر مزاجنا هو الزكمه والكحه اللي هدت حيلنا والحمد لله..
كل الاخوات با استثناء..
مشكوره على مشاعركم الطيبه.. وافكاركم الحلوه..
الله لا يحرمني من تواجدكم معي دائما..
...


اختكم المحبه.............خوخه

 

[روزميري]

الله يصبركن على الغربه

الغربه مب غربة المكان الغربه غربت الروح يوم ماتلاقي صديق في لبلاد حاولو تكونون صداقات وزيارات وبتحسوا انكم في داركم متجمعين

اما بخصوص افكار انا كاتبه بعض الافكار في صفحه

شوفي الصفحه === افكار رومنسية

 

[@خوخه@]

وااااااااااااااااااااااااو..
روزميري...
انت روعه..
..
قرأت افكارت وضعت في عالم من الرومانسيه اللامتناهيه..
افكارك خيال..
مشكوره..