محتاجه افكاركم للعيد..خاصه اني مغتربه.. وبعيده عن اهلي..

[@خوخه@]

السلام عليكم ورحمة الله وبركاته..
اخواتي الحبيبات...:cupidarrow:
..
اولا..
اهنئكن بالعشر الاواخر.. عشر العتق من النيران..
واسال الله تعالى ان يتقبل منا ومكم الصيام والقيام.. وصالح الاعمال..
وان يكتبنا واياكم من عتقائه من النار..
..
ثانيا ..
احبتي انا فكرت اكتب لكم .. واسالكم النصح بعد ما تعبت وطفشت.. وابغا التجديد..
انا مغتربه في لندن.. متزوجه وعندي بنت عمرها سنتين ونص.. وعندي شغاله..
وزي ما انتوا عارفين.. الغربه والبعد عن الاهل.. يزداد في المناسبات..
والوحده تحس بشوق وحنين.. زائد عن الحد..
...
فكرت اعمل جو جديد في العيد واغير الروتين بس ماعرفت ايش اسوي..
محتاره..
كنا ناويين نروح باريس .. بس حاليا الحاله الماديه ماتسمح.. وفكرنا نروح خارج لندن بس الاماكن اللي كنا نبغا نروحها ايام العيد الحجوزات فل..
يعني مافي حل الا اننا نعيد في البلد..
...
المشكله ماعندي افكار ابدا..
ما بدي العيد يجي ويروح زيه زي باقي الايام..
فكرت افكار بسيطه..
1-اشتريت مفرش جديد للسرير.. وراح ازين الغرفه بالشموع ..
2- ابخر البيت كله ببخور جديد مع عوده.. وابخر الدواليب والملابس.. وشعري ...الخ
3-اشتري باقات ورد طبيعي وازين البيت.. بالورد..
4- اروح لصالون واغير تسريحة شعري واعمل فتله وتنظيف لبشرتي وبودي كير...الخ
5-اشتري لي قميص نوم جديد لونه متانسق مع لون تغليف الهديه حقت زوجي..(للان محتاره فيها)
6-فكرت اني انزل من النت نشيد: ومن العايدين ومن الفايزين ان شاء الله..(بنات السعوديه القناه الاولى)ههههه:surrender:
...
بس هذا كله ما احس فيه تغيير.. كانها ليلة رومانسيه عاديه او يوم عادي..
..
نفس اخرج عن نظامنا وروتيننا العادي..
ابغا افكار خارجه عن المألوف..
نفسي ابسط نفسي وافرفشها على الاخر..

فكرت احجز في اوتيل واعملها مفاجأه لزوجي.. بس المشكله في الشغاله.. لازم احجز لها غرفه..:detective2:
...
بصراحه تعبت .. وماعندي افكار ابدا..
..
احس مافي حل الا اننا نروح نعيد في السعوديه مع الاهل ونرجع:clap::clap::clap:
...
والله حلاة العيد بالجمعه والاهل .. واللمه والناس..
والطراطيع والاطفال.. وصلاة المشهد..
وفطور العيد.. والطلعات والعزايم.. غدا وعشا.. ومن بيت فلان .. لبيت فلان..
..
..
انتظر همتكم.. وافكاركم الحلوه..
ولا تترددوا اكتبولي اي فكره.. انا مستعده اتقبلها .. حتى لو كانت في رايكم فكره بسيطه.. بامكاني اطورها..
بس لا تتخلوا عني..
..
انتظر افكاركم... لانه ماباقي على العيد وقت..
..
مع خالص محبتي..
وشكري لكن مقدما..
...
وكل عام وانتن واهاليكن ومن تحبون بخير وصحه وعافيه...وسعاده وهناء وسرور...
وكل عام وانتن الى الله اقرب...
..

اختكم المحبه..............خوخه

 

[كيد النساء]

خوخة بحاول أعطيك شوية أفكار إن شاء الله تفيدك
بعد صلاة المشهد ارجعوا البيت وتكوني مجهزة القهوة والحلى والبيتفور ...الخ اتقهوى وافطروا مع اغاني العيد
بعدين اطلعوا ورحوا أماكن يتواجدوا فيها عرب اومسلمين
وممكن تعزموا اللي تعرفوا على الغداء
شغلوا التلفزيون السعودي خخخ
معليش قلبي بسس هذا اللي طلع معايا

 

[some1]

والله مافي أحلى من العيد مع الأهل ،،
شو رأيك تحجزي على السعودية ؟؟
صدقيني رح تدعيلي لانك رح تنبسطي آخر انبساط ،،
وكل عام وانت والعائلة بخير حبيبتي

 

[هدهد]

روحي السعوديه ...اصلا العيد ما يكمل الا بانشوده "ومن العيادين ومن الفايزين...اهلا بالعيد اهلا اهلا اهلا بالعيد اهلا اهلا ... اهلا اهلا هييييه هيه...!!!!!!!!!!!!!!!
اذا ما كنتي حامل روحي السعوديه هذي ما يبغا لها تفكييير....روحي ولا تترددي .....:a122::a122::a122::a122::a122:​

 

[حياة الامارات]

الله يعينج عالغربيه


وان شالله البنات مايقصرن

 

[هدهد]

كيد النسا ... العيد في الغربه ..مثل اللي يلبس ثوب مو ثوبه ويحاول يقنع نفسه لان هذا المتاح ...لكنه مبتور ....صحيح نعيد على الاهل بالتلفون ... لكن غير لما اشم ريحه امي ...
ايام العيد ما اغير من القناه الاولى السعوديه ...الجو كله هناك ...بس احزن ...احزن كثيييير ...
العيد في البلد غير ..حتى الشمس ذاك اليوم غير ...وجوه الناس .. الشوارع ..طعم الاكل غيييييييييييييييييييير...​

 

[الدكتورة نبضة قلب]

افكارج حلوه يا خوختي
ممكن تاخذون الكتكوته الله يحفظها لكم وتروحون حديقه فيها طبيعه حلوه
مع كيك العيد
ونسوها واستانسوا

 

[@خوخه@]

اهلا حبيباتي..
زي ما اتوقعت منكم.. عمركم ما خذلتوني..
الله يحفظكم ليا ولا يحرمني منكم..
...
بصراحه ردودكم ونستني وفرفشتني..
ما ادري صايبني كسل.. مو من طبعي!! وبرود..
..
وحاول اقنع نفسي اني مكسله اروح السوق عشان ما ابغا امشي كثير وانا حامل..
واقنع نفسي اني ما باعمل خلطات وماسكات زي عادتي قبل العيد .. لاني مشغوله بالعشر الاواخر...
الله لا يحرمنا الاجر..
بس الحقيقه... اني مالي نفسي اعيد في الغربه...الله يعين..
...
كيد النساء..
افكارك حلوه... ان شاء الله ناخذ جوله على ادجوار رود.. ونايتس بريدج.. والمحلات هذي..
المشكله اننا شبعانين منها..
بس يلا ان شاء الله يوم العيد يكون مختلف..
مشكوره على افكارك..
الله لا يحرمني منك..
...
some1 وهدهد...
الله يهديكم بس... يعني لازم تخربوني على زوجي... وانا ناويه اكون زوجه صالحه...
المشكله انه زوجي مره ما يقدر ياخذ اجازه على العيد هذي السنه.. كلها اربعه ايام..وبس..
ولنا فتره سته شهور راجعين من السعوديه.. وان شاء الله ناويين نروح على اجازه الحج هذي السنه..
لاننا ناويين نحج..
وامكن .. افضل هناك عشان اولد في السعوديه..
وبعدين هدهد..
انا في حملي الاول.. ركبت الطياره الين ما قلت بس.. مافي خطر ولا يحزنون...
ركبت في الشهور الاولى والاخيره..اهم شئ ما يكون عندك سكر الحمل او ضغط ...او احتباس في السوائل..
هدهد...
الله يسعدك.. كلماتك وصفت حالنا بالتمام..
زي اللي يلبس ثوب مو ثوبه..
بس الحمد لله لندن مليانه عرب ومسلمين..
تخيلي .. قبل كم يوم رحت السوق وكنت ماخذه معايا المصحف قلت اقرا في الاندرقراوند...
ولمن جلست .. فتحت المصحف لقيت اكثر من شخص في عربتي والعربه الثانيه فاتحين المصاحف ويقروا!!!
افتاجأت!!!
ما ادري كيف اوصفلك شعوري!!!!
حسيت بالفخر والعزه.... والسعاده...
شعور غريب.... وقلت في قلبي اللهم اعز الاسلام والمسلمين..
...
حياة الامارات...
مشكوره ياقلبي.. جزاك الله خير..
...
نبوضه..
ان شاء الله ينتي وعدتها اخذها على الملاهي العبها..وكيكة العيد .. والله فكره ان شاء الله احجز في محل الحلويات واسوي كيكه فراوله حلوه وفخمه.. واعملها مفاجأه لزوجي..
والله فكره..
مشكوره..
...
بنات انتظر افكاركم..
اكسبوا فيا اجر..:icon1366:
لا تخلوني ابكي على حالي:icon1366:
ابي امي..:icon1366:.. ابي ابوي..:icon1366:.. ابي اهلي..:icon1366:..
واااااااااااااااااااااء

 

[قلب حر]

حياااااااااااااااااااااااااااااااااااااااااااتي .. والله الغربة نااااااااااااااااااااار ..
بس ابي اذكرك ان الفرحة بالعيد اكثر ما تظهر في ان الله وفقنا للصيام والقيام .. ومنحنا هذا اليوم لنفرح فيه .. فانت خلي هالشعور بداخلك ... راح تغمرك فرحة غير ..واتخيلي نفسك من الذين توزع عليهم الجوائز من الله ... وانا لو مكانك صراحة بحاول اشوف لي مكان فيه عرب ومسلمين وتواصل معاهم .. يهنوني واهنيهم .. وممكن تعزمينهم على قهوة وشوكلاته ..هههههههههههه المهم تستانسين ... اييييييييه واكيد انت راح تكلمين اهلك انصحك انك تعبرين عن مشاعرك بشدة ..قولي مشتااااقة لكم ..والعيد ماله طعم من غيركم ...(بس لا يسمعك زوجك خخخخخخخخخخخ) تخففين عن نفسك ..وتعرفين مشاعرهم هم كمان .. واسمعي اناشيد فرح وارقصي ..بس شوي شوي ..هههههههههه ..والله حلو الرقص في العيد ..وخلي بنتك الله يسعدها ترقص .. والله راح تستانسون .. وادخلي النت .. ممكن تلا قين احدج من الحلوين هنا نسولف سوا ...
وياااااااااااااااارب تتيسر امورك وتسعديييييييييييين وتكونين من المقبولييييييييييييييييييييين .. امين

 

[قلب حر]

وكل عام وانت بخييييييييييييييييييييييير

 

[هدهد]

خوخه .. لا تلوميني ...كنت انا احتاج اللي يواسيني في هذا العيد ... نفسي انزل .. ما اقدر ...زوجي مزنوق في الدراسه ..لكن الحمد لله ان العيد اما يوم السبت او الاحد يعني اجازه ..تصوري لما كنت ادرس ..داومت لانه بسابطه ..كذا على بلاطه ...كان ...عندي ...امتحاااااااااااااااااان!!!!!!!!!!!!!!!!!!!!:icon1366::icon1366::icon1366:

 

[عبوره]

احس اني شلت هم بقوه لااني على وجه سفر لمده طويله ووالله دمعت عيوني حسيت فيك........ الله يجمعك بااهلك على خير

 

[@خوخه@]

هلا اخواتي..
كم احبكم في الله وردودكم تنعشني..
...
اختي قلب حر..
صادقه في كلماتك: (ان الفرحة بالعيد اكثر ما تظهر في ان الله وفقنا للصيام والقيام .. ومنحنا هذا اليوم لنفرح فيه .. فانت خلي هالشعور بداخلك ... راح تغمرك فرحة غير ..واتخيلي نفسك من الذين توزع عليهم الجوائز من الله )
اللهم اجعلني واحبتي... وكل من يقرأ كلماتي.. والمسلمين والمسلمات.. من الفائزين الربحين.. امين..
مشكورة على كلماتك.. ان شاء الله اول يوم العيد في حفل اجتماع للسعودين.. وراح اروح.. وكثير من اللي اعرفهم راح اشوفهم هناك..
بس تعرفي كلها كم ساعه ونرجع.. ما ادري انا مو طماعه.. بس هذا مايكفيني..:icon1366:
نفسي اطرطع بالطارطيع..
شكلي متوحمه على الطراطيع...(خايفه طفلي يطلع ارهابي لا سمح الله هههه)
مشكوره على ردك.. وبالفعل ردك اسعدني..
...
عبوره..
يا حياتي انا.. ربي يعينك على الغربه ويصبر قلبك.. ان شاء الله ..
اهم شئ اول ما تسافري تقولي اللهم اني اسالك خير هذه البلد وخير اهلها وخير مافيها واعوذ بك من شر هذه البلد وشر اهلها وشر مافيها..
ان شاء الله بعد العيد راح انزل موضوع عن اهم الدروس اللي استفدتها من غربتي.. ان شاء الله تستفيدي منه.. واي سؤال انا حاضره...اعتبريني اختك..
دعواتي لك بالتوفيق..
...
هدهد..
يا حياتي خلينا نفرفش شوي..
اسمعي..
بعد الفطور كنت ابغا اتفلسف على زوجي :smoke1:.. رحت اقتبست كلماتك خخخخخ وبكل جديه وحزن
قلتله: تعرف اللي يعيد في الغربه زي اللي يلبس ثوب مو ثوبه.. ويحاول يقنع نفسه انه كل شئ تمام بس هو مو مرتاح..
قالي: طيب لا تلبسي ثوب البسي بنطلون:c028:<<<< الاخ دمه خفيف وانا مالي نفس
ههههههههههه فشلني..
...

انتظر افكاركم وردودكم الحلوه..
لا تحرموني منها...
احبكم في الله...
اختكم...................خوخه

 

[هدهد]

هههههههههههه خوخه ... الظاهر ان كل الرجال من نفس الطينه...
زوجي كذا لما اكون في جد الجد .. يحولها مزح بااااااااااااايخ ..ليه ؟ الباشا ما يبغى يعكر مزاجه ....
انتي بس قولي له حتى البنطلون مش بنطلونه!!!!!!!!!!!!!!!!!!!!

 

[@خوخه@]

حبيباتي...
انا رفعت الموضوع لاني طمعانه في ردودكم..
اذا ممكن ما تبخلوا علي بالنصائح..
او حتى افكار بسيطه..
...
انتظركم مع ردودكم الحلوه..
محبتكم.......خوخه

 

[@خوخه@]

هدهد...
بلييييز فضي الرسائل الخاصه في صندوقك..
باحاول ارسلك بس الصندوق ممتلئ..
بسرعه لانه الموضوع عاجل ومهم..

 

[aldana]

يا حياتي يا خوخه ... هونيها وتهون ...

أنت عليك تستعدي لتهيئة أجواء العيد ...وكأنك في بلدك ... على قد ما تقدري ...

وأهم مافي العيد ريحة البخور والقهوة العربية ...

وحلويات العيد لا تنسيها ...

وفي الليل بعد ما ينام زوجك وبنتك ... حطي في غرفة الصغيرة بلالين وهدايا ... خليها تفرح بالعيد وتفرحكم معاها ..

ورتبي غرفة نومك ... وزينيها قبل ما تنامي ...

وفي الصالة أول ما تصحي رتبي الحلويات وترمس القهوة ...

وحطي قناة السعودية على الصلاة بالحرم مافي أروع منها بالعيد . تعطي إحساس جميل .


بعدين شغلوا كاميرا الكمبيوتر ..وسلموا على أهاليكم لايف .. وانتوا مبسوطين ...ووريهم استعدادك الحلو وكأنك معاهم..

أهم شي حبيبتي تكونين مبسوطة ...ولا تنكدي على نفسك ...هذي أيام وتمضي إن شاءالله على خير ...

وكل عام وانتوا بخير مقدماً

 

[نفيلة]

مراحب

خوخة قلتي انه العيد ما يحلى الا بالمة طيب
ما عندكم اصدقاء في الغربة ولا عائلة تعرفوهم
اذا عندكم اقترح عليك تعزميهم على قهوة بعد الصلاة تجهزي حلويات العيد و الصالة ترتبيها و تزينيها
و ممكن تعملي هدايا صغيرة للاطفال اذا عندهم او للحريم
و تحطي المبخرة و العطور في الصالة علشان يتبخروا الرجال
و اذا كثير فايقة و رايقة و اللي حتعزموهم عندهم عيال ممكن تعملي لهم مسابقات او لعب بسيطة ينبسطوا منها و تنبسطي معاهم و تدخلي الفرح في قلوبهم

في اناشيد للعيد لابو خاطر حلوة بعد

 

[(أريج الورد)]

الله يصبر نا على نار الغربه

:icon26:اه
ياقلبي خليتيني ابكي
وهدهد بعد كلامها في الصميم

اليوم زوجي يقول بافتح بيتي والي بيجي حياه الله
بنسوي الغدا الساعه 10 الصبح والساعه4 في غدا في البارك
بس عشان نجمع في بيتنا
وبس هذاني ادور فرصه اروح على السوق اشتريلي لو بدله احس بالعيد انا وعيالي

قلتله اسفه ماراح اطبخ وانا مستشوره شعري ولابسه ومتعدله
قالي كل شي في الفرن في لصحون لقصدير الكبيره وبس

قللت له ابي نشتري حلويات
وهو يبي يصرف دولارات للصغار
ونبخر البيت بالعود
زوجي حمسني
تعالي ليش ماتجون عندنا والله البيت بيتكم تعالو بس لاتشيلون هم شي :icon30:خليني اشوفك فيس توفيس وناسه

وماشالله جيراني سعوديات ماشالله طيبين وحبوبين
اكيد ماراح يعوضونا عن الاهل بس كلنا نصبر بعض

على قوله وحده زوجها زي زوجي كل يومين عازمين احد في البيت
تقولي مادري عن ازواجنا يفكرون نفسهم حاتم الطائي ههههههههههههههه
ماشالله عليه زوجي كريم
صرت زيه عاداني كل مايشوف احد تعال بيتي :icon30:

عاد يلا انتظرك ....حياكي الله ياخوخه اني وهدهد
تعالو معا كتاكيتكم :fish:

 

[نفاف دبي]

كل عام و أنتو بخير مقدما .. الله يعيد عليكم العيد كل سنة و كل حول و أنتو مع أهلكم و ببلدكم يارب..

أختي خوخة بالنسبة لطراطيع على قولتكم ما أعرف كتبتها صح ولا غلط ( نحن نسميها شلق) أختي مرة عيدت بلندن و كانت ساكنة بأجود رود ... قالت إنهم الصبح كانوا ينقعون شلق .. روحي هناك و شوفي و استانسي ..

و الخوات ما قصروا بالردود .. و إذا كان عندك جيران ليش ما تعزمينهم عندج على أي شي حلو و قهوة .. أو سوي فوالة العيد يعني فطور العيد والله ما أعرف بالسعودية شو تسمونها بس نحن مثلا لازم نسوي هريس الصبح أو بلاليط يعني الشعيرية ... مع فواكه و معجنات و بيتي فور و شوكليت .. و إذا ما كانوا جيراتج عرب و مسلمين .. تقدرين تسوين لهم توزيعات صغيرة .. تحطين فيها أي فئة نقدية مع شوكليت أو مثلا بيتي فور ولا غريبة مغلفة بورق سوليفان و تحطيهم في بوكس و توزعينها عليهم على أساس إنها عيدية .. خليهم يتعرفوا على المسلمين و حبهم و كرمهم و عاداتهم .. عسى الله يهدي قلوبهم على ايدينك .. و إنت بتحسين بأجواء العيد بتوزيع العيدية .. عسى الله يفرحكم و يدخل الوناسة على قلوبكم يارب