محتاجتلكم حيل // عروس كرهت حياتها

لا يا اختي عاد مرضه النفسي بصوب والتهاون بالصلاة بصوب

تتخيلي أن وأنتي تطرحي مشكلتك أنا اتخيل كذا زوجي >> واني بعدي ما عرست

ما اتحمــــــــــل ابد هالغباء المفرط في هالشخص

شو اللي يحد يشيب شعر راسك عشان هاللي محسوب زوج

التحقير ببيسه ومابقى إلا يصفعك

سبحان الله ولله في خلقه شؤون ولا ذرة أحساس به
واعتقد الصحبة السيئة اللي يمشي معهم لها دور


ياعمري روحي بيت أهلك وسلي على قلبك مايسوى تراب نعالك

يضيع شبابك عنده

ولا تنسي قيام الليل والله ان قلبي أنحرق عليك

الله يفرج همك وينفس كريك يااااارب
 
اخووااااتي مشكوريــــــن عالردود

والله انها هونت علي وانا في قمة ضيقتي

ومثل ما قالو رب اخ لم تلده لك امك < ماراح انسى وقفتكم معاي

وصدقوني مريت بتجربه مره وفعلا حطيــــت في بالي اغير شخصيتي كلها..

انا استخرت وشاورت وحطيت نقاط الضعف كلها في قائمه وان شاء الله رب العالمين يكون معاي ويسهلها علي

وباذن الله راح احط لكم كل شي بالتفصيل

دعواتكم...
 
استخيري وروحي لاهلك ولا تعلمينهم شي بس حليلها انتي وياه بالفون

وخلج قويه وواثقه من نفسج..وحطي شروطج عليه ع الاقل يعرف قدرج
 
حبوبه نصيحه خليه يويلي وتركيه وروحي بيت أهلج لا ترخصين في عمرج لأنج إذا أرخصرتي في عمرج هو بعد بيرخص فيج شوفي انا صارلي موقف يمكن بسيط انا كان زوجي لما يجيه أحد من العيال يبكي وقوله ان امي ضربتني علشان يراضيه ويسكته يجيني ويضربني بس ضرب ما يعور بس شوف أني ضربتها علشانك وأسكت والله ثم والله تعرفين أيش سويت لبست عباتي وقلت له أنا رايحه بيت أهلي وخل عيالك عند إذا انت تضربني علشانهم أسمحلي الشيخ مالي قعده عندك والله اته تحسف وندم وقالي انتي أهم من العيال ومن يومها لو يشوفني أضربهم ضرب وأكسرهم ما يقول شيء .........

حبيبتي سنعيه وبينيله ان عزة نفسج أهم من كل شيء لان صراحة زوجج ما فيه خصله جميله الوحده يمكن يقول باصبر عليه نصيحة لما تروحين بيت أهلج لاتكلمينه في التلفون ولا تردين عليه وقولي حق أهلج انا ماراح أرد له الا لما أحط النقاط على الحروف ولازم يكون هذا الشيء قدام أهلج يعني إذا يبي يتفاهم تفاهمي معاه قدامهم وجيبي الأولي والتالي لا تخلين شيء وقوليه أنا بنت قبايل ولا أرضى على نفسي ولي خلاني أصبر عليك ترى هذا طيب مني مش خوف منك وقولي عن الصلاة لهم ولا تخشين شيء نصيحة ترى بعدين بيقولون لج ليش ما قلتي وقوله تدري ليش ما خطبت عند خلاتك لآنك تدري انه بيرفضونك لانهم عارفينك من فوق الله الله ومن تحت يعلم الله وإذا وصلت الامور لطلاق أخذي الطلاق أتطلقين وأنتي عندج طفل واحد أحسن من أثنين
 
............استخيري الله بعدين قرري الي الله يخيره لك ..ونصيحتي لك بقلك احقريه ولا تعطينه وجه واثقلي عليه وعيشي حياتك كان مو موجود بعض الناس لاركضتي وراه يشوف نفسه ولا حقرتيه يجيك ركض
 
حسبي الله ونعم الوكيل


ليش هالظلم اصلا هو لو مايباج ليش خطبج بالاساس ازوجج


فديتج ياقلبي وربي اني حبيتج من القلب اعتبرج شرات اختيه الغاليه



ماعليج منه فديتج طنشيه ولا تعورين راسج وقلبج ع واحد مايستاهل



اهتمي بعمرج وصحتج ولا تكدرين بعمرج


اتغيري لاحسن كثري من الاستغفار والصدقه صدقيني حياتج بتتغير للاحسن ((الا بذكر الله تطمئن القلوب))





الله يسعدج دنيا واخره يبعد عنج كل ضيج وهم


الله يسرلج امورج يسخر قلب ريلج لج يارب


 
ترتيلة حب قال:
انفاس الرحيل

مشكوره حبيبتي على الرد وذكرتيني بشي انا ناسيته وهو الاستخاره
انا قررت انهي كل شي من غير لا اصلي الاستخاره
الله يذكرج بالشهاده
ويهنيج ويكتب لج ايام جميله وسعيده في حياتج وزواجج

ادعيلي يالغاليه والله اني محتاجه الدعاء
أنقر للتوسيع...

ما خاب من استخار ولا ندم من استشار فكيف تقولين انه انا قررت ان انهي كل شيء بدون لا اصلي الاستخارة يعني انك لن ترضي بما كتبه الله عليك هل تعلمين بأن هذا لا يجوز ؟؟؟
 
حبيبتي والله عورتي قلبي
تقلبت المواجع عندي ذكرتيني باول ماتزوجت انا كنت نفسج وظروفي كانت العن من ظروفج

بس نصيحتي لج الساكت عن الحق شيطان اخرس

كنت اسكت له واجد من هواش على اتفه الاسباب وكنت بعد حامل في بدايه زواجي وتعبت من الوحم ومايقدر ولا يرحم وكل يزف ويهاوش وكان اهو بصوب وامه بصوب كل اتشيشه وهو مايروح ولا يجي الا بامرها ومانفع فيه السكوت
والله حبيبتي الزمن هذا ماينفع فيه الا القويه اهي الي تعيش وشفت قدام عيني حريم وقويات والله ازواجهم عندهم مايقصرون معاهم ويعاملونهم يادهينه لا تنكتين وانتي اول شي استخيري ربج ولا تسكتين عن حقج وعلى اي اسلوب بيئي يقوله وقفيه عند حده

بس تدرين والله الحين صارلي اربع سنين مع زوجي وليلحين على خلاف معاه واقولج الحل
وانا مالقيت حل لحياتي
كم كنت اداوي من كان مجروح
واليوم ادور من يداوي جروحي

الله يسخره لج يارب ويسعدج ويسعدنا معاج
 
تسلمووون عالردود

انا حاليا في بيت اهلي

ومثل ما يقولون بو طبيع ما يجوز من طبعه يتصل فيني بس عشان يغثني ويسكر التلفون

الله المستعان
 
استخيري واكثري من الاستغفار وسوي اللي قلتي عليه
ترتيلة حب قال:
اللي ناويه عليه الحين اني احطه قدام الامر الواقع ومجرد ماروح لاهلي ببلغه اني ماعاد ارجع وبطلب الانفصال لان اللي هذا اوله ينعاف تاليه لا حشمني ولا خلالي كرامه
ولا حشم اهلي اللي يوجبونه ويرزونه بصدر المجلس والذبايح توصل لين عنده حتى لو بزياره عاديه ..


ردوو علي وبردولي قلبي
أنقر للتوسيع...
عمري ماشجعت احد على كذا بس اللي قلتيه مره مو سهل هذا والله بينهيج وينهي عمرج معاه واذا قدرتي تتصلي على شيخ او المصلحين الثقه فلا تترددين
 
مانتبهت انك ببيت اهلك الحين بس اللي الى الان مصر على موقفه واضح انه مورجال كلش لا وبعد مريض ومعقد الله يفرجها عليج
وصيتي لك ادعي ولا تتركين الاستغفار قايمه قاعده
 
الحمدلله اللي الله انجاك منه ..انت ياحبيبتي بنت ناس راقين وتربيتك عاليه وهو للاسف مو كفو لك ولا لاهلك ..لكن الله يعوضك بمن هو خير منه ..تفاءلي وحبي نفسك ولا تنزلين قدرك واهم شئ استفيدي من هالتجربه وخليها تقويك لا تنهز ثقتك بنفسك ولا تتوقعين ان الطلاق نهاية الحياه ياما مطلقات تزوجوا شباب عزاب صالحين ومنهم كمثال اخوي الله يسعده زوجناه شابه مطلقه بعد زواج ثمان سنوات من رجل عقيم وهي تنحط على الجرح يبرى وحاطها في عيونه وهو مايعيبه شي لكن اخترناه عشان اخلاقها وقوة شخصيتها وجمالها ماشاء الله عليها ومانعاملها على انه سبق لها الزواج ابدا والحين حامل الله يهون عليها....
وانصحك ماتردين عليه عشان مايغثك بكلامه حافظي على مشاعرك وسمعك من اي تجريح ورددي انا انسانه رائعه وقويه واكبر من هالاشكال وتأكدي ان هذي خيره لك واظبي على الاستغفار والدعاء والله يحفظك ويسعدك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل