محتاجتكم يازوجات الجنوبي!!!!!

  • بادئ الموضوع بادئ الموضوع جمانه222
  • تاريخ البدء تاريخ البدء
ج

جمانه222

New member
إنضم
2009/06/26
المشاركات
617
السلام عليكم......
تكفون اخواتي ابي مساعدتكم,,,اختي زوجها جنوبي ورافض يعطيها فلوس تشتري اغراض العيد لهل ولعيالها!!!
بحجة انه مامعه فلوس وهو راتبه ضخم بس يقول راحت في الديون والاضاحي!!!ويقول عيالك مو محتاجين لبسيهم من اللي عندهم!!
وسبق وسواها فيها وماعطاها وهو الله يهديه مو ملتزم!!وعياله آخر اهتماماته..اختي تقول ماهمني نفسي اهم شي عيالي وحتى ملابس داخليه وجكيتات شتويه ماعندهم!!
هذي السالفه..آه يااخواتي اللي قاهرني ان ظروفهم زينه وراتبه ضخم بس بخيل معهم!!وغير التعامل السيئ الله يعينها,,قاعده اكتب وانا مقهوره لاني مااقدر اسوي شي لها وماعندي فلوس وهي محلفتني مااقول لاحد بالسالفه ,,,وهي دائما كذا تكبت داخلها ولاتسوي شي بس تاكل في نفسها ورافضه تعلم عليه اهلي!!
اللي عندها حل تدلني عليه واللي ماعندها تدعيلها ان الله يسخره لها ويهديه,,>>>آآآآآآه مقهوره!!!!!
 
نسيت اقولكم حنا عندنا في العيد اجتماعات ومناسبات وكل اقاربنا يجونا,,,,الله يعينها ويفرج همها..
 
طيب اهو عادي عنده عياله يروحون لناس بخلااقين
يارب يعينها بس طيب ماعندها شي تلبسه
لها ولعيالهااا يعني تمشي حالها فيه
واذا احد علق اساسا الاجتماعات تكون بستراحات ومخيمات
خليها تقول مابي ملابسهم تخرب في التراب والطين
والزوج خليها تقول ماراح اطلع يوم العيد لاحد وتصير جازمه في
كلامه ...يمكن ينفع
من جد احس الموضوع صعب
اهوو لو مامعوه كان تهون بس عنده ....
حسبي الله ونعم والوكيل
ولا تتستر عليها خليها تعلم احد من اهلك ويجلس معه جلسه رجال
خليه يعرف قدرها ​
 
يعطيك العافيه ع نصايحك عيوني,,,اللي قاهرني رافضه تقول لاهلي!!تقول ماتبي فضايح وهو طاح فيها تعود على اهانتها ..
 
الله يعينها ويساعدها
مادام رافض
تجلس في البيت وهي معصبه ولاتخرج ولامكان يعني تحبس نفسها هي وعيالها
ولاتحسسه بالعيد بتاتا
كانه يوم عااااااااااااااااااااااااادي
علشان يحس وينقهرررررررررررررر
انا عارفه ان هادا الشئ صعب
لاكن تجبر نفسها على كدا علشان يتادب
 
الجنوبي عاطفي مية بالمية

تستدر عطفه بان تمثل عليه انها تكلم وحده منكم وتخبرها انها ما بتقدر تحضر العيد معكم
لان ابو فلان عنده ظروف وصعبة نحضر وتخليه يسمع

وهو جالس يشرب شاي
تلبس بنتها مثلا ثوب من ثيابها وتقوله ايش رايك يصلح للعيد ؟؟
انا قاعدة ارتب ايش بيلبسون وابي اشاورك

تسال البنت مثلا وين جزمة الفستان ؟
ماعندك جزمة له يوووووه

وزي كذا تسوي بملابسها تستدر عطفه
 
ذكرى الخير وآمال غير,,اشكر مروركم وارائكم الله يسعدكم,,
في انتظار البقيه.
 
ياغالية الجنوبي مايجي بالعناد والصراخ

وزي ماقالت آمال هو عاطفي جدا خليه تضرب على الوتر الحساس

الجنوبي يهمه عياله في المرتبة الأولى ومستعد يضحي عشانهم بالغالي وغريبة زوج أختك..

خليها تكلمه بهدوء وحنان وبالعقل كيف يرضى بهالوضع لعياله برد ومافي جاكيتات جاكيتات؟؟

توضح له بيمرضون بدل مايلف بهم المستشفيات خلي ياخذبها لفة للسوق

خليها تستخدم أسلوب التحزين وإن شاء الله يشفق ويحن قلبه..
 
الله يهديه ويحنن قلبه عليهم
المعروف عن الجنوبي حنووووووون تجيب ملابس عياله القديمة وتلبسهم قدامه وتقول شوف احكم انت على لبسهم هذا يصلح حق عيد بكل هدوء وبنبرة حزينه
والجنوبي يحب المدح فتدخله برضوا من هذي الناحيه انت ما تقصر والناس اذا شافوا لبس عيالك بيقولون ماشاءالله على ابوهم مو مقصر معهم
لكن اذا فيه طبع البخل الله يعينها هذا صعب علاجه لازم تدخل اهلها قبل ما يتمادى اذا شافها ساكته
 
انا اشوف انها تحاول مرة ثانية تطلب بدون اصرار اذا رفض تسكت ويوم العيد اذا كانت متعوده تروح لاهله تروح عادي وتخلي عياله لابسين صيفي "معليش بيمرضون بس تتحمل" اذا شاف عياله يتنافضون من البرد عرف هو وش مسوي غير تعليقات الناس لازم احد بيعلق ... اما هي تلتزم الصمت لا تجيب طاري العيال بردانين والا مابردو والا تعبوا لانهم مالبسوا هذاك اليوم لا خلاص احسن شئ يشوف نتيجة تصرفاته بعيونه وان شاء الله يتأدب ومايعيدها
بالنسبة لطلعة اهلك مو ضروري هذا العيد تكون موجودة اهم شئ تسلم على امك وابوك والاخوان يعني لا تحضر جمعات عشان ما تنحرج..
"الله يفرج عن كل مكروب يارب"
​
 
غريبه
متأكده انه جنوبي؟
الجنوبي ابدا ما بخيل
بالعكس يقدر الماركات ويحب يظهر بمظهر لائق هو وعيلته قدام الناس!!


نفس ما قالت (امال غير) اعتقد احسن حل تسويه اختك تخلي نفسها بارده مثله وتقوله العيد ما يعنيلي شي دام انت بعد ما حاس فيه..
 
اشكركم جميعا على تفاعلكم معي,,
ياحبيباتي انا اقولكم يقول مامعي يعني الفلوس طيرها على الديون والاضاحي وعلى خرابيطه!!
يعني دائما هالحركه يسويها اول مايجي الراتب يبعثره وبالنهايه يقول مافيه لمصاريفكم!!هي اصغر عيالها نونو تقول مره مخليه يومين بدون حليب!!
هو اهتمامي بالمظهر وتعود عليها تقصر على نفسها وتلبس عيالها احسن لبس...
اللي تقول خليه يحس اذا شاف تعليقات الناس هو ماهمه لانه ينزلهم ويروح للاستراحات حتى اهله قليل يجلس عندهم! هي اللي بينكسر خاطرها..
 
وش رايكم تقول ابقوله اني كلمت امي تشتري لعيالي ملابس!
انا حذرتها ماتسويها لاني اعتقد الموضوع بيجوز له وهم وارتاح منه ولا وش رايكم؟؟
 
الله يعينها ويفرج كربتها اهم شي لاتدبر فلوس منك او من اهلك علشان مايتجرا اكثر
 
لالالالالالالا انتبهي ماينفع لاتقدم له الحلول البديلة هو مسؤول عن عياله إذا سوت كذا خلاص يتعود على إنها تدور حلول خارجية وهو مرتاح حتى لو ماعنده فعلا خليه هو يتصرف ولازم تصر على رأيها بس بهدوء وبدون مايحس إنها مصرة يعني تقنعه إنو هو اللي يبغى كذا مثلا تقول له أنا عارفة إنك تحب أولادك يكونوا أحلى شي ومميزين في العيد وإنك ماتقصر معاهم وحتى هي ليش تقصر على نفسها مادام زوجها مبسوط نفس الطريقة تسويها لها ولأولادها ليش تقبل إنها تكون أقل وهي مو ناقصها شي بالعكس ترى يفرح إذا شافها هي وأولادها مرتبين ومميزين في اللبس حتى لو ماقال
أهم شي خليها تتدارك الموضوع بسرعة لا يتعود وتسير مشكلة دايمة وتصعب وبعدين ماتقدر تحلها
وأنا من رأيي ماتدخل أحد لأنه يحب مظهره وصورته قدام الناس تكون حلوة فخليها تحاول تحلها بنفسها وإذا مرة تعقدت تدخل أحد بس يكون أحد حكيم وناصح وتعرف إنو زوجها يثق برأيه ومايطلع الأسرار
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل