محتاجتكم حبايبي الحقوني بالحل

[شهرزاد555]

صباح الخير ياحلوووات ابغى خدمه انا اول مره اشتري لاب توب وبعض الحاجات تصعب علي والي ترد تشرحلي بالتفصيل وياليت كل خطوه تشرحها لي بالصوره ابستفسر منكم بحاجات كثيره بس لاتطنشون ارجووووكم اولا انااسمي بالمنتدى شهرزاد555واستغرب ان فيه اسم نفس اسمي يرسل بالمنتدى وحبيت اغيره وضغطت تتغير اسم المستخدم وارسلت الاداره ارسله بانه جاري تغغييره بس الى الان ماغيروه ثانيا كيف انسخ او ارسل صور ومقاطع من النت الى الجوال ثالثا وضعت الخلفيه صوره واذا قفلت الجهاز وفتحته تضهر الشاشه سودا يعني ماتثبت الصوره على الجهاز رابعاا جهازي ارسلته لمحل كمبيوتر ولما فتحته تطلع رساله ثابته على الشاشه تزييف البرامج اشلون اخفيهاااا الله يعينكم علي واتحملوني وجزيتم خيراااا

 

[سيدة ( أعمال )]

مرحبا بك أختي في قسم الحاسب والله يبارك لك في اللابتوب وأحنا إن شاء الله في خدمتك أنت وجميع البلقيسيات ..

بانسبة لتغيير الأسم أنتظري شوي وراح يغيرونه إن شاء الله ..


بالنسبة لكيف ترسلين من الابتوب إلى الجوال فيه كذا طريقة ..

أولا ممكن تشبكين الابتوب بالجوال عن طريق وصلة تجي مع الجوال نفسه ..

ثانيا إذا كان اللابتوب فيه فتحة ذاكرة ممكن تدخلين ذاكرة الجوال في اللابتوب وتنسخين اللي تبين وتلصقينه فيها ..


ثالثا ممكن عن طريق البلوتوث إذا كان جهازك فيه بلوتوث ..


وكيف ترسلين بالبلوتوث أول شي لازم يتوفر المقطع في اللابتوب يعني تحفظين الصورة أو المقطع في جهازك وبعدينتضغطين بالزر الأيمن وتختارين إرسال إلى >>>بلوتوث وطبعا لازم يصير البوتوث مشغل في كلا الجهازين ..

وبعدها اسقبلي في جوالك ..ممكن تطلع كذا نافذة عشان يتعرف اللابتوب على الجوال وكذا وإن شاء الله تقدرين تضبطين وضعك ..


مشكلتك الثالثة أتوقع والله أعلم إن الويندوز حقك نسخة تقليد لازم لها سيريال عشان تطلع أصلية ..


معليش شرحي عى السريع لأن ما معي وقت ..إن شاءالله أفدتك ..