محتاجة لكم فلا تكسفوني

[غرور أميرة]

السلام عليكم
حبيباتي ارجوا من الله ثم منكم مساعدتي
ربما تكون استشارتي بمكان مو لها لكن رجاء اعذروني للضرورة والحاجة الى الاستشارة
انا عندي شغالة اندنوسية حاطه غرفتها بمستودع بالسطح طبعا انا مرتاحه كذا لانه يحسسني باالاستقلالية
المهم كنت كل فترة اطلع افتش اغرضها وانظر وش قاعدة تسوي
جاء امس باليليل ع الساعة 11قلت يابنت اطلعي وشوفي وش تسوي طلعت وادخل وماالقاها بغرفتها ادور زين مالقيتها لابغرفتها ولابحمامها ولا بالسطح هنا انا خفت نزلت تحت ودقيت ع زوجي وعلمته بالسالفة وقال الحين بجي رجعت مره ثانية لغرفتها لقيتهاجالسه واسالها وين كنتي قالت انها عند شغالت جيرننا ناطه مع سور الجدار ورايحه لها طبعا هوشتها ونزلتها المطبخ وقفلت عليها جاء زوجي وهوشها
طبعا هذي مو اول مرة تروح عندها اكثر من مرة
زوجي يحط الحق علي يقول مدلعتها انتي ماتخلينها تشتغل وتكرف
المشكلة بيتي صغير وتخلص ترتيبه وتنظيفه بسرعة يعني مو ذاك الشغل
وبصراحه ماقدر استغني عن الشغالة لاني ادرس وصعبة اجمع بين دراسه ووطفل وبيت وزوج
بليز بنات عطوني حل كيف اتعامل واتصرف معها
اناحيل خايفه ليكون عطت الشغالة الثانيه شي من اغراضنا وتسوي فيه شي من سحر وغيره والله من امس ماذقت طعم الراحه

 

[رازيا]

اتعوذي من الشيطان ودائما حصني بيتك بالاذكار واقرئي الاذكار الصباح والمساء وبعدين خصصي يوم واحد مثلا الجمعة للشغالة تطلع فيه ساعة او ساعتين لا تنسي هي بشر بعد مثلنا ومحتاجة تروحي وتشوف بنات مثلها تتكلم معهم المهم شغلي سورة البقرة يوميا في البيت

 

[مهاجرةبإحساس]

أسأل لله ان يبعد عنا وعنك كل مكروووه...
كما اسلفت الاخت رازيا خصصي لها كم ساعه بإحدى الايااام..
واياك واستخدام العنف معها ..
اتبعي وصايا سيد الخلق صلى الله عليه وسلم في التعامل مع الخدم.. فما هم الا بشر مثلنا.. دعتهم الحاجه للعمل لدينا
عليك بتحصين نفسك واهل بيتك... ورددي اللهم اكفنيها بم شئت..

 

[المتفائله بالخي]

اياك والتعامل بقسوه مع الخدم
خلك رحيمه معاهاااا
والله يفرج همك

 

[غرور أميرة]

رازيا والمهاجرة بإحساس والمتفائلة بالخي
الله يسعدكم ويوفقكم ويجزاكم الف خير

 

[دانة الشام]

أنا مع كلام الأخت رازيا ...أنا كنت اصطحب شغالتي مرة في الأسبوع لبيت إحدى صديقاتي أو أخواتي اللواتي عندهن شغالات من نفس جنسيتها وكانت تعود مبسوطة وسعيدة ولاتضطر أن تفعل شيئا من وراء ظهورنا.!!!!وعندما كبروا أولادي وخف الشغل عليها شغلتها بتعلم اللغة العربية والتجويد لذلك لم يكن عندها وقت فراغ لتفكر بأشياء سيئة ولم يكن عندها دافع لتحقد علينا مثلا...على كل حال الاحتياط واجب وأنتي داومي على الاذكار وقراءة سورة البقرة يوميا والصدقة مفعولها رائع في رد الضرر عنك وعن بيتك وعائلتك بإذن الله...

 

[رازيا]

الله يفرج همك لا تنسي اهم شي شغلي سورة البقرة يوميا في البيت وادعي دائما اللهم اكفينيها بما شئت

 

[غرور أميرة]

الله يوفق كل من رد علي لكن هل اخليها ترجع تنام بغرفتها اللي بالسطح او اخليها بالمطبخ تنام انا قلت اخليها فتره ثم ارجعها بس عشان أدبها شو رايكم؟؟؟؟

 

[قلب حماده]

واااااي يااقلبي بس طفل وجايبه شغااله
احسو بدرررررري على الشغاااله

 

[دمعي على خدي]

تعوذي من الشيطان وكوني ارقي نفسك ...

 

[حزينه حد الجنون]

حصني نفسك وبيتك وزوجك وعيالك وربي حافظك وحاميك

 

[ღ اُمـ رامي ღ]

الي يجيب الهم لروحه يتوقع كل شي يصير
عموما خلج مراقبتيها اذا مصرة عليها ولو اني ماايد ابد الشغاله اامنها على بيتي واولادي اوووووووف شي صعب جدا ​

 

[مايار]

والله لاتحقد عليك اذا نومتيها بالمطبخ ياما شغالات سحروا بسبب المعامله القاسيه انا نصيحتي قولي لها لان انا حبي انت انا ف خووووووف عليك اذا ف روح عند شغاله ثانيه انا ف خووووووف اذا مرة ثانيه انت ف طبي ف سور خوف ان تطيحين او تنجرحين لازم تحسسينها انج خايفه عليها وتحبينها لان الشغالات مايون بالقوه بالسياسه امي كل تعاملهم كذا تخاف من شرهم ولا كانت قبل قويه وكل مايطولون عندها يمشون وقامت تسايسهم وصاروا يحبونها

 

[مايار]

قوالو ا اللهم بارك على امي
لان العين حق

 

[غرور أميرة]

قلب حماده أنا لو ماكنت محتاجه لشغاله ماكان دخلت بيتي لكن ظروفي اقوى مني
وشكرمن كل قلبي لكل من أسدى لي بمشوره