محتاجة لرأي أخواتي وأمهاتي البلقيسيات.

[الامل باقي]

اولا مبروك الوظيفه لاتتركيها حنا ندورها وانتي تبغي تفرطي فيها
استخيري ربك والله فيه الخير يجيك ان شاء الله-واستغفري كثير اقل شي1000 مره باليوم
وزعيها على اوقات معينه عشان تسهل عليك او بعد الصلوات
المهم انا من رايي لاتخلين وظيفتك ومو بعيده عن زوجك روحي له كل ماتحصلي اجازه ولاتخليه ينساكي واطلبي منه مصروفك انتي وبنتك شهريا وان شاء الله يجيك النقل يقريبا ياربوحاولي تتصلي فيه دايما وخليك راعية حركات معاه ووناسه صدقيني هاذا اللي يبون الرجال استغلي كل الفرص اللي تجيك وانتي عنده وانتي ادرى بمكر النسا
الله يوفقك ويسعدك

 

[نضوج أنثى]

حسب كلامك إنه كان يبي يطلقك طبعا هالأمور بيد الله لكن دام جاتك وظيفه تأمنين فيها مستقبلك من غدر الزمان لاتفرطين فيها لو راحت الوظيفه ماتتعوض واحرصي إنك تنزلين كل اسبوع او اسبوعين بالكثير وقبل ماتروحين اتفقي معه انه مصاريفكم مايوقفها والبيت مايتصرف فيه عشان يكون على بينه من البدايه واهم شي تستخيرين وتتوكلي على الله

 

[@لورا@]

حبيبتي والله إني متحنيه وأبي أتروش ودخلت عشان
شوفين يالبلقيسيات في إقتراحات أحس إنها شوي كبيره مثل المصروف كلامكن صح بس بالبدايه لاتقوليله أبي مصروف لأن يقول تشرط وهي تبي تبعد اولا ثانيا راح يحس إنك ماديه وتبين تحكمين
الرأي إنك تروحين والحمدلله إنتي مدرسه وش تبغين تونسي بفلوسك وإرتاحي بلا جارات بلا وجع رأس وجيبي شغاله ولا تنسين الأهم إنزلي كل إسبوع بكامل أناقتك ولا تفرطين بنزولك نصيحححححححححححه

 

[أم الأقمـــــار]

طيب مافكرتي بشي

هو مستغني عنك وانتي بوظيفه الحين فما بالك بدون وظيفه بعدين !!

صراحه من كلامك عنه باااااااااااايع مره

ولو منك اروح وظيفتي واتركه ولا اسأل عليه واقارب زوجك لا تخلطي فيهم عشان ماتوصله اخبارك

حتى لو اتصل لاتردي عليه قولي انتي بعتني خلاص

عشان يشتاق لك ويجيك

الراتب لايدري عنه وقولي ماسلموني

ولما تعدي فتره بلغيه انك اخذتي قرض واشتريتي ارض وان نص الراتب يسدد البنك

بنتك عوديه يعطيك مصروف لها واذا رحتي تشترين لها شي قولي عطني فلوس باشتري لفلانه بيجامه .....الخ

لو مايعطيكم الا قليل كملي من فلوسك ولاتعلمينه بس اهم شي يعطيك لها ويلتزم

.
.

الله يوفقك

بس الوظيفه لاتتركينها الحين حاجه ضروريه جدا