محتاجة جدول ينظم حياة اطفالي تعبت !!!!!!

[ديمة سحاب]

كيفكم جميعا ..

تعبت مع ابني ذو الثلاث اعوام في مسألة الاكل والسبوح والنووووووم !!!
والنظافه اجاهد معه والان انظم لعائلتنا فرد جديد اخته ذو الثلاث اشهر وببتدي ااكلها بعد شهر وانا موظفة وابني بالروضة وكاسر خاطري احسه عايش حياة عزوبي سهرنا سهر رقدنا معنا جدوله غير مرتب احاول ارتبه وارتب حياتي معه ساعدوني ساعدنا الله ياريت لو جدول ما ابي اقصر بأكله وكل ما يخصه.. اهو و اخته
يعني ابي شي يساعدنا نظم وقتنا يكووون شامل حياته ..

 

[ديمة سحاب]

بجد تعبت ارجو التفاعل معي ...
صدقوني ضايعة ابي تجاربكم وخلاصتها ...

 

[ريمـــا]

الله يعيننا ويعينك اذا احد رد عليك انا اي استفيد مثلك لاني والله اعاني من اخبطه النوم ويا بناتي الله يحفظهم

 

[ريمـــا]

ابي استفيد
لخبطه النوم

 

[كلبوزة هانم]

حبيبتي ديمة سحاب الله يخلي ولدك لك وبنتك ويحفظهم لك يارب
طفلك صغير على السهر وكمان عنده دوام الصبح ............ياحياتي ههههههه أكيد بيكون مش رايق ويبكي من صباح الله خير .......طيب الحل تقدري تعشيه بعد المغرب وعلى صلاة العشاء ينام وتكون قاعدة تمشي عليها كل يوم حتى لو بتسهري مع زوجك أو بنتك تسهرك في الليل .......وأيام الإجازة جهزي له عصير وساندوش صغير بعد ما تصلين الفجر إذا قام من نومه في أي وقت ياكلها
أما السبوح تقدري تحطي في البانيو مويه دافيه وحطي معاها كور ملونة وألعاب بلاستيكيه وخليه يلعب فيها شوي قبل لا تحمميه وإلعبي معاه....... شوي شوي بيروح الخوف
الأكل وما أدراك ما الأكل لا تجبريه لأنه ممكن يعاند زياده لأنه يمكن يبغى يلفت إنتباهك له لأنك إلتهيتي بأخته والدوام وووو..... ونسيتيه
وبين الوجبات عصير فواكه طازج أو قطعي تفاحه أو أي فاكهة ثانيه بشكل حلو في صحن وحطي معاها عسل أو قشطة أو قليل سكر مرشوش عليها بس وناديه يأكل معاك بأي أسلوب يجذبه مثلا من الأسرع اللي يخلص الصحن أو من الأقوى أو من اللي يساعد ماما ويخلص الصحن أو من اللي يبغى يأخذ وجه ضاحك ( وهو عبارة عن جدول لتعديل سلوك الطفل كل سلوك حسن يوضع للطفل وجه مبتسم وكل سلوك خاطئ يوضع له وجه حزين........... ولا تدققي كثير على الأخير يعني فوتي أحيانا)صدقيني الجدول مفعوله خطير في تعديل السلوك سواء الأكل أو النوم أوالإستحمام والعناد .......وإمتدحي أفعاله الحسنة كثير .....يارائع يامبدع ياذكي وأتركي العصبية معاه لأنها تزيد الطين بله وخليه يحب أخته مثلا قولي يالله شوف حبيبي مسكينة ماتقدر تتحرك لازم نساعدها نجيب لها الحليب عشان تكبر ونحممها وخليه يساعدك يجيب أغراضها أو يمسكها .....وإن شاء الله ماتشوفين إلا اللي يسرك

 

[ميس ديو]

ما قصرتي الغالية
كلامك بعضه اطبقة بس دون تنظيم وتثبيت ...
ويا ريت لو فيه نصايح ثانية