محتاااره وخايفه اخذ ذنبها

[حبي ميدو]

بصراحه بدون مقدمات انا محتااااره وخايفه من عقاب ربي
انا عمي كان بيخطب وحده بس هي من النوع القوي ومتسلطه وعمرها كبير يمكن 28 وبعدين خفت ان ربي يعاقبني واكون قطعت نصيبها وخليته يخطبها بس رفضته عشان راتبه قليل وعشان اسباب لها وبعدين تراجعت وخلت ناس توصل له كلام انها تبيه خلاص بس بعد ماانتشر عند كل الناس انها رفضت عمي وانا بصراحه اعز عمي هذا وخليته يخطب وحده طيبه وترضى وتتحمل اي شي بس من درى انها تقول مستعده اتحمل اعيش معك بااقل شي تراجع وده يرجع مره ثانيه يخطبها المشكله انو هي سمعت انو خالي راتبه زاد وكمان اغلب الناس لاموها عشان عمرها كبير وعشان مافيه شي عمي غير انو راتبه قليل
الحين وش رايكم اخليه يرجع يخطبها ويذل نفسه مع اني ابدا مو مرتاحه لها وكمان عشانه خطب وصعبه يتراجع عن خطبته وانا خايفه اخذ ذنبها لان عمرها كبير بس انا اقول انا اول ماخليته يخطبها الا عشان مااخذ ذنبها وش رايكم

 

[نــور عـيـونـه]

مافهمت يعني هو خطب وحده عمرها 28سنة ورفضته وخطب غيرها ولكن الأولى تراجعت و وافقت عليه وهو يفكر يفسخ خطبته الحاليه ويرجع لها

8
8

صح اللي فهمته ؟؟ وين انتِ من الموضوع هذا كله ؟

معليش مافهمت وضحي اكثر !!


نـــور عــيــونــه

​

 

[الأستاذه حكمت]

خليه يسوي اللي يبي لاتتدخلين ولاتقطعين نصيب احد الا اذا هوبنفسه طلب رايك.

بعدين وشفيك تكررين هالجمله(عمرها28يعني كبيره)خخخخخخخخخخ

بالعكس توها في بداية شبابها...

 

[doonat]

انا من رايي قوليله مواصفاة الخطيبه الي هالحين خاطبه00ومواصفاه الخطيبه السابقه وهو يختار والعمر ماله دخل احيانا الكبير يكون يفهم اكثر ويقدر الدنيا اكثر ----بس الراي الاول والاخير لعمك

 

[نــور عـيـونـه]

اللي عليكِ إنك توصفين أخلاق البنت بالحق وبس

وهو يصلي استخاره والله يكتب له اللي فيه الخير


نـــور عــيــونــه

​

 

[موزتين]

انا مع كلام الخوات

 

[ايمي الدلوعـــه]

ان كان لها نصيب في عمك بتتزوجه وان كان للثانيه نصيب بتاخذه

وهو بياخذ اللي تناسبه وانتي كوني بعيده عن الموضوع وان استشارك قولي انا مع اللي بتختارها انته

الله يوفقك لاتشيلي هم كل شي بالنصيب

 

[رازيا]

خليه يستخير قبل الخطبة

 

[حبي ميدو]

انا قلت له استخير بس هو من النوع العاطفي مرررره بس وصله كلام ان الاولى خلاص صارت تبيه ومستعده تعيش معه بي ظرف صدق وعاش بخيال معها مع اني متاكده هي مو كذا من النوع الي مايقدر الظروف والبنت قررررررريبه مني مره واحسه بينظلم فيها والثانيه مره حبوبه وعلى نياتها وتحب الكل وامها مره طيبه ومدري وش اسوي هو شخصيته جنوبي ومتردد وبكل شي يستشيرني وهو نفسه محتار يقول مو حلوه بحقي اتراجع عن خطبتي وارجع اخطب وحده رفضتني وبنفس الوقت يقول حرام تلقينها حبتني وتبيني ارجع اخطبها وش اسوي اخاف اضر عمي وكمان حت عماتي وجدتي لانها مره قويه ومتسلطه واخاف اخذ ذنبها

 

[ادور حلول]

الله يسهل له بعد مايستخير

 

[كحولة]

يا اختي هذي عشرة عمر وهو الوحيد اللي يقدر يقرر اللي في صالحه ، خليه يستخير ويتوكل على الله ولا تتدخلين بقراره عشان ما ايي في الاخر ان صار شي يرد اللوم عليج ، انيت شرتي عليه في الحالتين والقرار له هوه وحده.

 

[بلقيسيه كوول]

انا من رأيي بما انه خطب الان فينتظر رد الناس عليه موحلو في حقه يخطب وبعدين ينسحب بدون سبب برضه الثانيه بتكسر خاطره اذا اذا تراجع في الخطوبه ورح يكون موقفه بايخ حتى لوقدر الله وماتمت الخطوبه الاولية وراح خطب عندناس ثانيين رح تكون سمعته انه يخطب ويتراجع وانت الي عليك اذكري مميزات كل واحدة وهو يستخير وممكن يستشير احد ثاني من قريباته عشان ماتكون الخطبه كلها على راسك وربنا يخير له مافيه الخير

 

[حبي ميدو]

بلقيسيه كوول مشكوره انا بسوي برايك وفعلا مو حلو بحقه هو خطبها ورفضت والثانيه وافقو عليه حتى هي بيكسر خاطرها وبخليه يشاور غيري ويشوف

 

[مجنونه زعلاته]

من الاصول والرجوله دامه هذيك انتهيتم منها بكلمه لا أريده ........... اذآآ انتهى الموضوووووووووووووووع كليا وماعاد ينفتح .








ودامه خطب وحده ثانيه خلاااااااااااااص بالعقل اصلا كبيررره وعييييب في حقه وحق اهله انه بعد ماخطب الثانيه يفسخ مره ثانيه ويرد للأولى واللهي عشان البنت رجعت لعقلها وفكرت زين ....

وشوفي حتى لو انه ماخطب وحده ثانيه .... معليش هي قالت لا خلاص انتهى الموضوع ... والا من هالحين تبي تمشيه شوي موافقه اشوي لا ماني موافقه والله العالم وش بتقول بعدين ( رفضتك وخطبت وحده ثانيه ولمن وافقت رجعتلي !!! )










باختصار مااويد انه يرجع للي رفضته وانتهينا .

 

[حيرة قلب]

ما يصير يتراجع عن خطوبته هذا حرام بعد في البنت اللي خاطبنها الحين .. المفروض ما يفكر في الأولى لنها مصلحجية تدور مصلحتها و بس .

 

[بسكوت بالقشطه]

دام انه خطب الثانيه خلاص يستخير ويتوكل على الله والله ييسر له ان شاء الله

 

[عطر ( وَ ) عود]

انا مع رأي الاخت مجنونه زعلانه ...

البنت الثانيه مالها ذنب خله يستخير و يتوكل و يكمل مع الثانيه و الله يكتب له اللي فيه الخير ...

و قولي له العاطفه ما تنفع خله يحكم عقله لأن هذا زواج و فيها بناء بيت و حياه و أطفال ...

و دامها طيبه و حبوبه ان شاء الله خير لكم ...

موفقه يا الغلا =) ​

 

[دانه العيسى]

وشنو ذنب البنت الي خطبها ..؟؟
خايفه من ذنب وحده رفضته ولاانتي خاايفه من ذنب الي صارت خطيبته ..
الاولى ربي ماقسم لها معه نصيب .. وولد الناس مو لعبه زاد راتبه حلى بعينها
والبنت 28 سنه مو كبيره ..
وعمك عوديه ياخذ شوره من راسه ... مو صغير يقدر يصلي ويستخير
ويستشير .. لكن لايرمي هالاختيار عليك بكره صار ماصار ماراح يقولو الا انتي الي ورطتيني



ربي يسهل امرك ​

 

[الزوجة الصابرة]

انا مع البنات

 

[LALA2008]

اهم شي يستخير