امل الصالح ياهلا فيك وفي ذوقك باين عليك فاهمه انااحب الالوان وافهم فيها وفي التنسيق وحابه اغير الصاله وغرفة النوم وغرفة الضيوف لكن البويه محيرتني شوي عاجبتني البويه الساده ونفسي اضرب جدارين ساده وجداريين يام ارسم عليهم او ورق جدران وعاجبني حركت الخطوط الي في الجدار ومحتار ايش اسوي اشوف في المسلسلات الكويتيه انه البويه الساده حقتهم فيها لمعه انا نفسي زي كذا مادري هيه على حسب الماركه ولا نوع مخصص وش هي البويه الؤلؤيه الي تقولي عليها ياليت توضحيلي اكون شاكرة لكي
هلا يالطيبة
اسفه على التأخير
والله ياقلبي ماافهم بالديكورات والتأثيث للأسف !! انا اعاني من النتيجة السيئة للمساتي ..
كل شئ على حده يجنن وحلو
ولكن الكل على بعضه شين و مافيه ذوق ... ياقلب لاتحزن :icon1366:
الافكار اللي قلتها للاخت صاحبة الموضوع هذي معلومات كونتها هالفترة لاني ادور على بويات وغيره
بالنسبة للدارج هالحين تراه السااااادة
وبالنسبة للرسم على الجدران تراه الموضه هالحين الناس هابين فيه ..
وفي النت نماذج تجنن وكمان في محلات البوية افكار تحفة وتهبل
البوية اللؤلؤية هذي من محلات (( جوتن )) هي محلات مخصصة للبوية وتوزع على المعارض
وهي فعلا كأنها لؤلؤ يعني الغرفة تتلامع
وفيه بويات جديدة تهبل اسمها الروشن بس ماهي سادة ولكن لمعتها جنان (( اللون الواحد يعطيك لمعة اكثر من لون ))) والله يالابيض منه انه يجنننننننننننننننن
فيه بوية غالية وتاخذ العقل ولكن مكلفه وغير عملية يعني لو خربت مافيه امل يعدلونها لك اسمها(( الخيال)) كل لون احلى من الثاني <<< ابعدي عنها ولاتفكرين فيها ..بس روحي وتفرجي عليها من باب العلم بالشئ
___________________________________
ورق الجدران هالحين هو الموضة .. زميلتي حاطه منه وتقول عليه ضمان خمس سنوات وشئ عليه ضمان عشر سنوات ويتقبل المسح بالماء والصابون ..
هي تمدحه بس انا ماجربته وماادري عن تجارب من سبقوني
جيبي من الحلو الزين وكمان لازم العمالة تكون متمكنه عشان تفرده لك مضبوط على الجدار بدون ماتطلع فقاعات هواء
شوفي ومتعي ناظريك بالصور اللي طلعتها من النت ... ترى كلها ورق جدران
وهالصورة اللي تدوووووخ .. هذي الالوان والا بلااااااااااااااااااااااش
ترى ممكن تخلينها رسم على الجدار ... بدل ورق الجدار
