محتآجه نصآئحكم ..!

[عذبة الأطبآع]

السلآم عليكم ورحمة الله وبركاته​

أسعد الله أوقاتكن بكل خير...​

بصرآحه يابنات محتآره في أمري ومحتاجه نصائح أخويه ...​

أنا متزاعله مع زوجي لنا شهر ونص مانكلم بعض لدرجة وصلت اني طلبت الطلاق بس فكرت في بنتي وتراجعت بعد ماطلبته وطلبت أبوه ..!​

المشكله منه ومن اهله ومن ظلمهم المهم ماابي ادخل في تفاصيلها لأن الأسبوع الجاي بيكون الصلح بحضوره وحضور ابوه وعمي أخو ابوي وابوي بإذن الله ..​

رآح يآخذون أقوالي واقواله وادعولي تتيسر اموري ويرد لي زوجي ردآ جميلآ نادمآ ع ما فعله بي يارب ..​

أنا اعترف اني غلطت وهو غلط وتعرفون مشاكل السنه الأولى .. بس المصيبه مايظلمني ويفتري علي عند اهله واهله يظلموني ويتدخلون بحياتي..​

أفكر في بنتي وربي ...​

المهم اني عرفت ان نمط زوجي غربي وكنت اجهل عنه أشياء كثيره دوبني عرفتها من منتداكم الرآقي .. كنت أجهل سبب الأشياء اللي يسويها ..​

قررت اني اتغير واراعي نمطه ... الله يسعدكم أبغى نصائح زوجات الغربي وكيف استعيد حبه لي بعد هالمشكله الكبيره ,,مع العلم بأني جنوبيه ..
مشاكل السنه الأولى اللي توصل للطلاق .. في أحد مثلي ومشت حياته أحسن من قبل ؟؟الله يسعدكم ريحوني​

وكيف اقابله يوم الصلح ؟ أطلع بكامل زينتي واناقتي :20:؟؟​

الله يسعدكم ويجزى القائمين ع هذا المنتدى خير الجزاء لأني أستفدت منكم كثير ...​

دعواتكم ربي يحنن قلبه علي ويرده لي رد جميلآ ويجعلني الحب الأول والأخير بحياته ...​

جزآكن الله خير​

 

[عذبة الأطبآع]

آآآآب

 

[شهيدة الشمالي]

مرحبا حبيبتي وربي يررد لك زوجك أحسن من الأول وسبحان الله (رب ضارة نافعه) وعسى أن تكرهوا شيئا وهو خيرا لكم. يمكن الله أراد تصير هالمشكله الكبيره بينكم اللي كبرت لدرجة تدخل الأهل من طرفك وطرفه علشان كل واحد فيكم يعرف أن الحياه الزوجيه فيها كثير مطبات وعوائق تتطلب من الطرفين الحكمه والتروي ومعالجتها بهدوء وصبر علشان ما تكبر بهذي الصوره وتخليك انتي وزوجك في هذا الوضع النفسي الغير مريح أبدا وبصراحه حبيبتي دور الزوجه هو الأهم في كل مشكله تصير بينكم لأن الرجل انفعالي بطبيعته ويمكن تصدر منه تصرفات تنرفز وتقهر بعد بس الزوجه الشاطره هي اللي تحتوي المشكله وما تخليها تكبر يعني اذا ضاقت بك الأمور على الأقل اسكتي وحاولي ما تكبري المشكله اذا ما عرفتي تصغريها والمشكله مع الوقت راح تقل حدتها اذا ما أثرتيها بس في المرات القادمه -لا قدر الله- خلي المشكله محصوره بينك وبين زوجك وما تدخلي أهلك الا في أحلك الظروف وبالنسبه للمرحله القادمه حاولي ما تقلبي المشكله وتعيدي تفاصيلها على زوجك ولا تكثري عليه اللوم والعتب بس حاولي تثبتين له انه فهمك غلط وما تقوليها في وجهه بس حسسيه بتعاملك الطيب بالحسنى معه وبما يرضي ربك منك لان طاعة الزوج ومكانة الزوج ما هي بسيطه يا أختي وخلي نيتك صافيه وخالصه لوجه الله في طاعته وبتشوفي كيف ربك بيجازيك خير لأن في النهايه هذا أبو بنتك واذا أسعدتيه بتسعدي معه وحاولي لا تدققي على أخطائه وشوفي ميزاته. وربي يؤلف بين قلبك وقلبه وحاولي قدام أهلك وأهله انك تذكري بالخير محاسنه وتمدحيه بما فيه من صفات وتبيني قدامهم ان هذي وسوسة شيطان وراحت لحالها وانك واثقه ان أبو فلانه(زوجك) طيب وزين ولا تذميه قدامهم صدقيني بتكبري في عين زوجك وعين أهله وأهلك بعد. وبالتوفيق وبشرينا بعد الصلح

 

[الجروح]

ربي يرد لك زوجك ردا جميلا ويصلح ما بينكم​

 

[عذبة الأطبآع]

الله يجزآك خير يالغاليه ..

أنا أعترف اني عصبيه ولما أعصب أطلع كلام يسم البدن..

بس في هالمشكله غير كنت نفاس ونفسيتي زفت وكان مقصر علي وع بنته ...

صدقيني ندمت ع اشياء كثيره..

تعرفين السنه الأولى كل واحد ع طبعه ومايتنازل ..

أشكرك من أعماق قلبي يالغاليه وربي يوفقك ..

بإنتظار النصائح من اخواتي الباقيات..

 

[عذبة الأطبآع]

أشكرك أختي الجروح ع الدعوه الصادقه..

جزآك ربي الجنه ووفقك لما يحب ويرضى...

أبغى نصائح من أخواتي أرجع زي زمان في قلبه .. أخاف يتغير علي ويكرهني مع اني مظلومه وربي ..!

 

[شهيدة الشمالي]

لا تخافين ما راح يكرهك اذا وصل له حبك واحترامك ولمس منك انك تغيرتي للأفضل علشانه وهو بعد مع الوقت بيتغير وبيصير مثل ما انتي تريديه بس بالطيب واللين وما تستعجلي النتائج يعني الصبر ثم الصبر والهدوء وما تنتظري منه تقدير فوري لتعاملك معه وحاولي تتحكمي بعصبيتك لاني أنا عصبيه مثلك بس بالتدريب قدرت أسيطر على انفعالاتي لأني تأكدت ان العصبيه ما لها الا نتيجه وحده وهي الخراب والندم وبس وحتى لما أكون مظلومه بعصبيتي أتحول الى ظالمه واركب نفسي الغلط واصير غلطانه وأندم. واعلمي يا أختي ان كل زوجين وخاصة في بداية زواجهم يتعرضوا لهزات منها خفيفه وتمر بسلام ومنها عنيفه وتحتاج وقت وصبر الى أن نصلح الأضرار الناتجه عنها يعني حاولي تنسي زوجك كل المشاكل اللي مرت عليكم وحاولي تفتحي معه صفحه جديده يحس من خلالها انك انسانه جديده تبي تحافظ على بيتها وزوجها وأعيد وأنصحك مره ثانيه وعاشره ومليون ان أسرار ومشاكل الزوجيه حاولي تحصريها بينكم وحتى بالنسبه لشكلك الخارجي حاولي تغيري فيه شوي طبعا للأفضل علشان يحسك انسانه جديده من الداخل والخارج وكوني في أحلى حالاتك بعد الصلح يعني كأنك عروس وتكشخي آآآخر كشخه خليه يندم على فراقكم وبعدكم عن بعض. وربي يكتب لك الخير يا رب ويبعد عنكم الشيطان

 

[صفير_البلبل]

أنا زوجي غربي ونصائحي لك كالآتي:

- الغربي اهم شي عنده ربعه،، اذا كنت تريدين تسعدين معه فتقبلي ان أعلى اولوياته هم ربعه ووقته لربعه وماله لربعه. وانت كل ما سايرتي ربعه ورحبتي بهم في بيتك تكبري في عينه.
- الغربي يحب المرأة القوية المستفلة. فانت توضفي او قومي بعمل خيري أو عمل عبر الانترنت.
- الغربي يحب يتباهى بزوجته وعياله عند اهله وزصدقائه. فكوني امرأة متميزة لتكسبي قلبه.
- الغربي يحب التغيير ويحب التجديد وعنده تقبل عجيب للامور الحديثة.
- أهم نقطة: الغربي يحتاج الى الاحترام والنفخ، امدحي فيه وانفخيه واخبريه بانه مالك قلبك وفؤادك ومصدر سعادتك وهو من تعيشين من اجله الخ. لا تسفهيه ولا تتجاهليه ابدا ابدا ابدا بيروح كل تعبك خسارة.

**نصيحة عامة** لا تفتشي ورا زوجك فالشك من الشيطان ومن تدخل في ما لا يعنيه وجد ما لا يرضيه. ان انستي منه برود فزيدي في المودة ولا تهمي نفسك وتجرحي قلبك بامور هو ماخذنها تسلية عابرة. جدا جدا جدا نادر ان يترك الرجل زوجته لامرأة أخرى، وعندما تحصل يكون لان زوجته جرأته عليها بالاتهام والشك والنكد. لا تكوني انت تلك الزوجة.

بارك الله لك واتمنى لك التوفيق.

 

[hghldvm]

الله يعينك زوجة غربي شمالي عليك بالصبر ثم الصبر ثم الصبر ولا تعتقدين بيوم انة يقول انا اسف ولا انا غلطان لانة مكابر واعتذارة بافعالة لا باقوالة والله يعينك عليةالحياة حلوة بس نفهمها ونفهم الغربين لانهم صعبين ويحبو المغامرة والتجديد الله يسخر لك زوجك ويردة افضل من الاول ويسخر ازواجنا يارب**

 

[انفاس بلقيس]

الله يرد لك زوجك ردًا جميلا .. عزيزتي مافي رجــل ابدا كامل اكيد مثل مافيه اطباع سيئه تجدين اطباع حسنه نحاول نركز على الثانيه ونتجاهل الاولى .. ولانضعها في المركز الاول


بعد الصلح باذن الله لازم تحطون خطوط حمراء لك وله .. تدخل الاهل في الامور الشخصيه
من اولى الامور واهمها .. يعني كل شئ كان يسبب المشاكل بينكم اتكلمو فيه وحطو له حد..
​

ياعزيزتي نصيحتي لك عن تجربة كل امرأة سعيده ..​

* لاتحاولين تعاندين ابدا .. طبع العناد من اكثر الاطباع اللي تبعد الزوج ..
*احترميه حتى يحترمك .. لسانك حصانك ..
*عند اهلك او اهله لاتبينين اذا كان بينكم شئ .. وتصرفي معه عااادي .. باختصار خليكي صندوق مقفول ..
*لاتحاولين تثبتين وجودك بتنفيذ قراراتك .. حاولي تنفيذها ولكن بسياسه..
* لايطول الزعل بينكم .. فيتعود على البعد..
* واخيرا ياعزيزتي عيشي بسعاده لايضيع العمر بزعل ومشاحنات وبالأخير المرأة هي من تخسر .​

بلقيس انفاس تتمنى لك السعاده الدائمه ..​

 

[عذبة الأطبآع]

أشكر كل من مرّ هنآ وعطر متصفحي برد رآقي...

الله يجزاكن الخير ويوفقكم ويسعدكم في الدارين يارب..

الله يسعدكم أبغى أعرف نقطة ضعف الغربي؟؟ وهل في وحده حالها مثلي؟؟ يعني صار عليها مشكله كبيره أول سنه ورجعوا لبعض عادي وألا رآح يتغير علي؟؟

وربي قلقااانه!!!

أدعولي الله يسعدكم ربي يسخر لي زوجي ويرده لي رد جميل نادم ويحنن قلبه علي يااارب ...!​

 

[الخط الفاصل]

الله يفرج همك ويجمع بينكم على خير
يارب ياقادر على كل شي اجعل محنة اختنا منحة تتغير حياتهم بفضلك وجودك للأحسن ياركريم.

 

[الخنساء المعاصر]

العصبيه تدمر الحياة الزوجيه اضبطي اعصابك ترتاحي في حياتك لان الرجال قوامون على النساء
والمراه تاوي الى ركن شديد
بالهداوه والتفاهم يلين الرجل ولو كان كالصخر لان الماءلانه مرن يشقق الجبال

 

[عذبة الأطبآع]

الله يجزاكن خير يالغاليات ...

جُل الشكر لكن ...

وربي يسعدكم في الدارين يارب,,

بإنتظآر من هي كانت كحالي وتغيرت حياتها للأفضل يارب ؟؟ وربي خايفه أخسره ومانرجع زي قبل

 

[ايام]

لاتجهدين عمرك في البحث عن من هي كحالك ،،

كوني حالة متميزة تستطيعين مالم يستطع غيرك ان يعمله ،،

واجعلي استعادة زوجك لك وحبه لك هدف ،،،واعملي عليه ،،،،

هذا هو المهم ،،،

الله يسخر لك زوجك ويرده لك ردا جميلا

 

[عذبة الأطبآع]

خآآآآآآآآآآآآآآآيفه خصوصآ انه من النوع اللي ماينسى واذا زعل علي عاتبني ع كل غلطاتي من البدايه...

أبي اعرف نقطة ضعفه؟؟

ابي نصايح وقت الصلح وش اقول ؟؟؟

بجد خاايفه وماعندي احد كبير استشيره الا انتم يااخواتي