مجنون من لقى مثل قلبي وعافه....(مصيبتي)

[بـكـرا أحلــى]

بسم الله الرحمن الرحيم
السلام عليكم ورحمة الله وبركاته
كلكم تتذكروني وتتذكرون مشاكلي مع زوجي واهله
1\\\بيوم ذكرى زواجنا جهزت لها قبلها باسبوعين جهزت له هديه وكنت اذكره بين فتره والثانيه بموعد زواجنا
كان يوعدني بمفاجأه ماهمتني كثر ماهمني وجوده معي لاني احسه بعيد عني
وبيومها كان صاحي للظهر وقضاها نوم لين الفجر وراحت علي الحفله وماشفت لا مفاجأه
ولاجلسة معه ظل نايم وقبل لايصحى
حطيت له الهديه عالطاوله وطلعت لما رجعت لقيته فاتح الهديه وراميها عالارض
سويت انه مافيني شي ولاتأثرت بحركاته شفته معصب سالته شفيك؟
قال : ليش منتي تحت عند اهلي؟
عصبني عصبني عصبني
حتى الفجر يبيني اقابل اهله مارديت عليه ابدا
موعد ولادتي كان بعد موعد زواجنا بايام
وعشان كذا وداني لاهلي عشان ولادتي

2\\\
ولدت بخير وسلامه كانوا قايلين لي انه ولد وتفاجأالكل انها بنت انا والتعب هدني فرحت حييييييل لاني تمنيت بنت
لكن اهله زعلوا كثير وقالوا لامي تأكدوا لايكون غلطانين
واتصالات من اهله يقولون اني ادري انها بنت بس قلت ولد عشان يهتمون بي اكثر هو حلفني اني ماكنت ادري
زعلت منه وقلت لايكون الولد جاء بالحلال والبنت بالحرام ؟
سكت ومارد علي عرف اني زعلانه منه
كنت بسمي بنتي احلى الاسامي لكن امه تدخلت وسمتها سلطانه عناد فيني لاني ماابيه وياليتها سمتها على حرمه لا على صديق زوجي
انا ماعاد اناديها الا بالجوري
وكل صديقاتي واهلي وجيرانهم ينادونها مثلي الا هو واهله
مره كتبت بتوبيك الواتس لقب باخواني وحطيت الجوري فيه ودخلت علي محادثه اخته وسالتني مين الجوري قلت بنتي
ماهي الا ثواني ولقيت اتصال منه يهاوش عالاسم عرفت ان اخته السبب
ماقلت لها شي ولاعلقت بس نبهته ان اهله زودوها بتدخلهم بحياتنا

3\\\
قبل مااطلع الاربعين بيومين طلبت منه اننا نستقر بمكان دوامه ورفض رفض تام
وحلف انه اذا انفتح الموضوع مره ثانيه فانا طالق بالثلاث
هنا اخذتني عزة النفس ورفضت اسكر الخط لين يطلقني ماحسيت الا هو مسكر الخط
وناقشته وطلبته الطلاق بالرسايل ورفض وكان باين انه شاريني
بس عندت لين طلقني
بعدها بساعه ارسلي انه متضايق وماوده باللي صار واني انا اصريت
انا مابلغت احد بطلاقي من اهلي الا اختي الكبيره
بعدها باسبوع حاول يرجعني ولاني احبه وافقت
لكن اختي قالت بلغي امي انه مطلقك وجاي يرجعك
بلغت امي وقالت مايرجعك الا بهدية يرضيك فيها
قلت انا اللي طلبت الطلاق
قالت هذا اللي عندي
اختك مارجعت لزوجها الا بطقم ذهب بثلاثين الف
انا قلت له امي تقول تعال بس تبي تتفاهم معك
وتقول ماارجعلك الا برضاوه
هنا اشتعل عصبيه وسمعني كم كلمه جرحتني
انتي طماعه واستغلاليه وتحبين الذهب والفلوس
قلت
خلاص لين هنا وكافي سكتت على كلامك كثير بس لين متى لما طلبتك هديه بشوف قدري عندك
ورفض قال بتجين بدونها تعالي ماتبين بكيفك
قلت خلاص تعال
رحت للمشغل وجهزت نفسي وانا هناك فتحت جوالي لقيت اتصالات منه
ورسايل
الشرهه مو عليك علي اللي بجيك
اللي بينا انتهى ومابلقى منك اي رساله واتصال

انقهرت منه بس مارديت عليه لين خلصت شغلي ورجعت البيت
قلت وش شفيك؟
كنت بالمشغل عشان كذا مارديت عليك
قال ماني جاي قلت اوك اللي يريحك
وسكرت
وطنشته لين صلاة الفجر وقال وش قلتي؟ اجي والا لا؟
جنني انا مو لعبه
قلت لااااتجي ماابي
ثاني يوم لقيت رساله منه اللي بينا انتهى
ارسلت شتقصد قال :انا ماابيك عفتك
طلعتي من قلبي ومالك بقلبي مكان
قلت بس انا احبك
قال اريحك؟انتي طالق
انصدمت الحين باسبوع طلقني مرتين
اتصلت بمفتي وسالته قال طلقتين متباينات
ارسلت له :رجعني لاتندم تراهن صارن طلقتين وحنا نبي ب
عض وبيننا بنت لانظلمها
ارسل لي
قال وهذي الثالثه انتي طالق طالق طالق
حسيت الدنيا دارت بي
بكيت ماحسيت الا اتصل باخوي وابكي واقوله
ويهدي بي
اهلي دروا بالموضوع
امي اتصلت بتعرف ليش كل هذا؟
قال بنتك ماابيها انا انغصبت عالزواج والحين بفتك
ونفس الكلام قاله لاختي وانه موقادر يطل بوجهي
بيجنني يوم الخميس ميت فيني ويبيني وموشايف غيري
والسبت كرهني؟
كل هذا اني رديته لاول مره بعمري؟
اخته المطلقه صارت تمشي وتبشر بطلاقي
والارمله رفضت ان اهلي ياخذون جهازي وطردتهم من البيت
والعانس اللي بالبيت ترسل لي رسايل تتشمت بي
انصدمت ليش هالكره كله وانا طول فترةوجودي ماسمعوا مني الا كل خير
الحين الشيخ افتى ان طلاقاتي 2 مو 3 لان اخر طلقتين بمجلس واحد
اخاف ابلغه ويرجع يطلق الثالثه
الحين زوجة اخوه تحاول ترجعنا لبعض
واهلي رافضين رجعتنا لبعض
واخوي يقول مالك رجعه له القصه صارت بين الرجال
دامه قال لامي واخته واختي انه مغصوب
دامكم مغصوبين ليش تتزوجون؟
وتظلمون بعض والبنت؟
محد حاس اني احبه واموت فيه
رغم اني انجبرت عليه بس حبيته
اشوف بنتي وابوسها لانها تشبه بس ولانها منه وبنته
كل خواتي مع ازواجهن واخواني مع حريمهم ومو رايحه الا علي انا
صدق اهلي بيكرموني ومو مقصرين
وبيدارون خاطري
بس مهما كان حياتي ماترجع مثل اول وحبه فيني تملك

ساعدوني
انا الحين ابيه يرجعني
اتصلت به يسكر الخط بوجهي ويقول لاحلت امي علي حليتي علي
بكيت وانا اقوله ليش تاخذني دامك ماتبيني يقول نصيب
قلت من الخطبه ليش ماتركتني دامك مجبور مارد علي

بناحتى المفتي تعاطف معي وطلب ان زوجي يتصل به يحدث عليه عل وعسى يقنعه



ت طولت حيل عليكم بس لبي تعرفون المشكله من اولها عشان تقدرون تساعدوني
تكفون بنات
وربي حالتي النفسيه حطااااااام

 

[بـكـرا أحلــى]

بنات مافي احد ؟ يقدر يساعدني؟

تكفون

 

[دفئ الليالي]

كان الله في عونك الي حصل حصل ما راح اقول انتي اخطاتي في كذا وكذا بس لا حول ولاقوه الا بالله خليتو للشيطان مجال يخرب حياتكم مالك الا من يجيب المضطر اذا دعاه اختي افرشي سجادتك وناجي ارحم الراحمين فانه بيده كل شي اذا اراد شيا يقول له كن فيكون و لاتترك سهام الليل والاستغفار وادعي اللهم اجرني في مصيبتي ولاتذلين نفسك اكثر من كذا يمكن لو ما ترجيتيه كان الوضع غير بس هو شاف انذلالك له وكبر راسه بس الله يهديه ويكتب لك الي فيه خير

 

[lamo]

اختي يكفي ذل لنفسك ذليتيها ورميتي نفسك عليه

مره وقام يتغلى عليك صدقيني كلامه متقلب من خواته

والا انت غاليه عنده اثقلي وتثيقلي بقدر ماتستطيعين

لاتكلمينه انذلي امام خالقك وراح تشوفي العجب

واتركيه راح يفتقدك ماعطيتيه فرصه واكثري الاستغفار لحديث

(من لزم الاستغفار كان له من كل هم فرجا ومن ضيق مخرجا)

والله يكتبلك مافيه الخير وكرري اللهم اجرني في مصيبتي واخلفني خيرا منها لو استمر على وضعه

 

[رازيا]

الاخوات ما قصروا
ربي يفرج همك امين

 

[زهرة123]

الله يهون عليكي يااختي اللي حصل حصل انتي هلأ ما الك غير رب العالمين وكل هذا مكتوب وحاصل من رب العالمين لو كاتب ترجعو لبعض والله ربي العالي بترجعو بس وكلي أمرك لله ولا اضلي تتصلي عليه اتركيه يومين او 3 واصبري واحتسبي امرك لله لا تكثري اتصالاتك عليه ولا تضغطيه لو بحبك صح رح يرجعلك ويتمنى رضالك لكن لاترمي نفسك اثقلي شوي
والله يكتبلك كل خير

 

[يالوردي]

عليك بالدعاء وانشاء الله بتفرج من ربك
لاترجعين الا بشروط اولهم سكنك معه عند مقر عمله
وخلي اهلك يتفاهمون معه عشان مايصير الطلاق سهل على لسانه
ماباقي الا طلقه وحده..

 

[ميوسه]

خلاص الموضوع انتهى ويكفي ذل لنفسك

الرجال مايبيك

اهتمي ببنتك ومستقبلك

ووقفي اتصالات عليه تداركي مابقى لك من كرامه

قد اكون قاسيه بس نصحتك مثل ما انصح اختي


ربي يوفقك بواحد شخصيته قويه مايتاثر باهله وتكوني حبيبة قلبه ولايزعلك ابدا

 

[ميوسه]

اختي يكفي ذل لنفسك ذليتيها ورميتي نفسك عليه

مره وقام يتغلى عليك صدقيني كلامه متقلب من خواته

والا انت غاليه عنده اثقلي وتثيقلي بقدر ماتستطيعين

لاتكلمينه انذلي امام خالقك وراح تشوفي العجب

واتركيه راح يفتقدك ماعطيتيه فرصه واكثري الاستغفار لحديث

(من لزم الاستغفار كان له من كل هم فرجا ومن ضيق مخرجا)

والله يكتبلك مافيه الخير وكرري اللهم اجرني في مصيبتي واخلفني خيرا منها لو استمر على وضعه

بالضبط متى مانسيتيه راح يركض وراك بكره اذا طنشتيه تماما

 

[معلمة متألمة]

وسعي الخاطر الأرزاق بيد ارحم الراحمين .. لا تخلين الشيطان يضايقج.. كل امر المؤمن له خير صدقيني ورى اللي صار خير انتي ماتشوفينه من الحزن.. انا زوجي كان يتلفظ باليمين ع الفاضي و الميلان.. لين ما وصل الموضوع ل هلي وصار بين الرجال وطلع من يدي و يد زوجي .. وطللقني غصب عنه تحت ضغط هلي و هله.. واللي كان يرميها علي الشيخ ما حسبها لانها بأوقات غضب غير ان زوجي كان تعبان ويحتاج رقيه.. المهم الزبدة ان طلاقي انا و زوجي رغم الحزن اللي لولا إيماني ب الباري كان انا ف خبر كان.. كان طلاقي خير لي و له سبحان الله ب طلاقي انكشفت لي وجوه ناس كثير مغشوشة فيهم و بطلاقي زوجي عرف قيمتي غير انه صار عنده إحساس بالمسؤولية اكثر من اول.. و تونا راجعين انا وياه والحمدلله ع كل حال..
انا ذكرت لج قصتي عشان تتأكدين ان ربي ارحم علينا من انفسنا و ربي ما يكتب لنا الا الخير لنا حتى لو إحنا نشوفه العكس..

ياغاليه ما اوصيج الا ب القرآن اقسم بالله انه علاج لكل مرض وفرج لكل هم و حل لكل مصيبه كلامي من واقع تجربتي انا..
الزمي قرب الباري و لا تبعدي عنه ناجيه و ادعيه و اشرحي له كل ما يجول ف نفسج.. ترى محد يملك قلبج و قلب زوجج الا هو..
لاتخلين الهم و البكا و الحزن ومتابعتج لخواته ش يسوون فيج او يقولون عنج تشغلج عن الاهتمام ب روحج و الاهتمام بالجانب الديني..
لي عتب بسيط ع تلقيبج ل خواته و نعتهم بالمطلقه و العانس و الأرمله؟! انتي بهالالقاب تستهزئين فيهم و ربي سبحانه من جعلهم مطلقه و ارمله و عانس.. ف استهزائج عليهم او ع من جعلهم هكذا؟!
اعرف انج تقصدين خواته مؤ ربي.. بس هذي الحقيقه.. إحنا نتلفظ احيانا بكلمات ما ندرك عواقبها ..
اتقي الله ياغاليه وتعوذي من الشيطان واتركيهم للباري سبحانه ترى ربي ما يظلم احد انسيهم و انشغلي ب نفسج و حياتج..

الزمي القرآن و الدعاء و الاستغفار و بتبشريننا.. و انا أقرى موضوعج تذكرت حياتي السابقه قبل الانفصال.. واستبشرت لج بالخير فقط الزمي قرب الباري فقط ف والله لن نعدم خيراً من رب كتب ع عرشه ( سبقت رحمتي غضبي)..
اتمنى ما تزعلين علي و الله العظيم انصحج مثل ما انصح نفسي..

الله يسخر لج زوجج تسخير العبيد يا رب و يلم شملكم ع طااااعته سبحانه ويحنن قلبه عليكم ويهدي هله ويكفيكم شرهم..
الزمي القران و الاستغفاااار و بتبشريننا.. بس حتى لو تنفرج هُمُومُنا مانترك الباري ابد ابد الله يلزمنا قربه حتى الممات يا رب..

 

[بـكـرا أحلــى]

انا ماستهزيء بهم لا والله
بس من مافيني،
انصدم بهم اخته الارمله كانت تطلع وتترك اولادها امانه لين ترجع

المطلقه كانت دوم تسمعني انها بتزوجه علي،واطنشها
عشانه
بس اخته هذي،العانس
ماتلفظت عليها اساسا مالي بها علاقه ابد ولاتبادل حتى مسجات
غير محادثتها معي اللي كانت اول شراره


زوحة اخوه تتصل تهدي بي،وتطلب اتصل واترحاه رفضت قلت بطنشه لين يعرف قيمتي يكفي،ذل لنفسي
قالت انا طلبت من خالتي تكلمه وقالت بتقنعه
وخواته رفضوا يتدخلون
قالن هو مايبيها

قلت عارفه محد زعلان عالطلاق
الا انتي وبس
والا كلهن فرحانات به


كانوا لما يزوروني محد يهتم وينتبه للعطور لين ماالتهب جرحي
ورجعت للمستشفى
حتى بنتي محد اهداها
وسووا قصه عالاسم وفشلوني قدام خوالي
وجيرانا وصديقاتي

يتصلون ينبهون علي ماارضع بنتي طبيعي لاجل ماتتعلق بي
كانهم كانوا ناوين على نيه

طنشت كل هذا عشان نين عشانه
وهو ولا على باله
بيجي اليوم بيمر ياخذ كرت العايله ويمشي .و
منبه اهله محد يفتح الموضوع
وخواته بعد رفضن امهم تجي معهن عشان مايضطرون يجلسون حتى لو ساعه عندنا ويصير فتح باب للموضوع

 

[زهرة123]

الله يفرج همك طيب ما في حد من عيلتك حكى معه او اتصل فيه ابوكي اخوكي انتي لا تتصلي ووكلي امرك لله عزوجل والله يعوضك خير يا رب
بنصحك تكثري من قراءة سورة الكوثر وسورة قريش وما الك غير الدعوة لله عزوجل
طمنينا عنك

 

[الليل الساكن]

الله يفرج همك وهمي مافرقتي عني اابداااااااااااا كثير وانا الحين عايشه نفس حالتك .. مالك الا الصبر والدعاااااااااااااء
وتوكلي علي الله .. يمكن انا زايده ان بداء يتكلم بشرف ويحوس بالكلام ومايعرف كبر الكلام اللي يقوله ...
لكن الله ينصرني علي من ظلمني وظلمك ... والله اكتب لك ودمعتي بعيني دخلت اكتب موضوعي والا موضوعك يتكلم عن حالاتي ...
كسرني والمشكله اني عاطفيه بقووووووه وقلبي يعشقه مع ان اغلب لحظاتي معاه تهديد ورهبه وانا ماخلصت سنه علي الزواج ...
حمدلله علي ماكتب وكلي امرك لله وقويني معاك تكفوووووووووووووووووون ادعوا لي ولها ...​

 

[معلمة متألمة]

الليل الساكن و بكرا أحلى..
الظالم له رب يحاسبه .. لا تفكرون دموع المظلوم لو ما اشتكى لله على ربي بسيطه لا والله.. المظلوم ربي بينصره حتى لو ما اشتكى .. اصلا يكفيكم قوله جل في علاه : و عزتي و جلالي لأنصرنك ولو بعد حين .. ربي أقسم بنصر المظلوم.... وهالشي كفيل به يريحكم...

لا تتركون القرآآآآن والبقرة خصوصا ف فيها من النصر و تفريج الهموم ما سيثلج صدوركم .... انا مجربه هاللذه والله العظيم انها تنسي المظلوم مرارة الظلم ب الحلاوة واللذه اللي ربي بيذوقه اياها بنصره ع كل ظالم...

عليكم بدعاء المعجزات الذي أسماه الشيخ المغامسي بدعاء المعجزات : حسبنا الله سيؤتينا الله من فضله نا إلى الله راغبون..
وعليكم بأدعية الكرب.... اقروها .. وعليكم بأذكار الصباح والمساء... والصلاة في وقتها ... و عليكم بتخصيص ورد من القرآن الكريم يوميا ع الاقل ساعه او بعد كل صلاة اقروا شوي.. اهم شي لاتنقطعون عن كلام الباري...
حياتنا ترى مع واجباتنا و واجبات اللي نعيش معاهم سواء ازواج او اهل.. تلخبط وقتنا وننسى فيها الجانب الروووحي وهو قرب الباري...

من هاللحظة جددو الايمان و سوا لكم جدول مرتب ومعاه بتترتب حياتكم وبتصير الدنيا ماتهمكم لا ظلم ولا غيره .. انا شفت من الظلم مالله به عليم ومن كثر ما كنت قريبه من الله ماصرت احس بالظلم ولا اهتم لكل ظالم يظلمني لاني انشغلت بقرب الباري وصرت ما احب الا قربه وقسم بالله يابنات اني انشغلت عن الظالمين بالقرب من الباري وصرت اشوف نصري عليهمن واحد ورى الثاني... والله يراويني بالباقي يارب ويشغلهم عني ويبعدهم عني وعن زوجي يااا رب ... ويارب يحفظ لي ديني ودينكم ودنياي ودنياكم ويارب يعلقنا بقربه حتى ننسى الدنيا باللي فيها يارب...
قرب الباااااااري عزه وسند ونصر لكل مظلوم واهل لمن لا اهل له ....
وطمنوني عليكم ....يارب يفرجها عليكم عاجلا غير اجل انتو و نبراس الهدايه وكل ضااااايق وكل من قرا حروفي...

 

[Moontear]

سجلت بس عشان ارد عليك

اخية انا حصل معي شئ مشابه مشاكل وطلقة اولا بسبب اهله وطمعه في راتبي في حين لم امكنه منه وطلقني انا فبيته وبنتي عمرها سنة و9شهور وولدي ثلاث شهور لكن اخذت وصدقيني دا النوع من الرجال ماهو شروة وانا كنت مثل حالك احبه بس يا اخية ترى الرجل عمره ما يحب حرمة ما يحترمها ولا يقدرها الان امامك طريقين: الاول انك تحاولي تستعيني بالله وتطرديه من حياتك وتتجنبي ذكره حتى لو بينك وبين نفسك وتثقي بنفسك وتتعلمي من تجربيتك ووتتاكدي بيقينك ان الله بيعوضك خير. ولاتحاولي تتصلي ولاتردي عليه ابدا ابدا ابدا اسمعيني تربحي. ثم اما انه يرجع يبغى يردك او هو كمان يطنش ويعيش حياته ولا تخافي ربي راح يوريك فيه اذا رجع لاترجعي بسهوله لاااااترجعي بسهوووووووووووووووولة لانه راح يستهون فيك. انما مرمريه رجال وجاهية وهدية وحطي شروطك حتى لو تعرفي انه ما راح ينفذها. واصبري اصبري اصبري. لو صمد فهو يستاهلك وترجعي مرفوعة الراس مايقدر يفتح عينه فيك ولو هج احسن. والله انا سويت كدا بل ازيدك من الشعر بيت حضرته كتب ورقة طلاق شهد عليها اصحابه ورجعني بورقة شهد عليها نفس اصحابه وجا دق الجرس ونزلت الشغالة اخذت البنت لانه كان يجي ياخذها يوم في الاسبوع ومرات ما يجي. واعطى الورقة للشغالة ثاني يوم رحت لمحامي ابغى ارفع عليه قضية خلع والمحامي مفروض عليه قبل ما يرفع قضية يحاول الصلح المهم الوالد راح لعمه قله انت جيت خطبت مني وانت تقوله يطلق احنا ما نبغاه ووراه الورقتين. المهم انه غاب فترة بعدين رجع وانا على وشك رفع القضية بجاهية ووعود بعد ماهدده المحامي اني ما راح اخلي عليه ولا على امه. الان عدنا الحق مانفذ الي وعد فيه كله بس على الاقل حياتنا استقرت وانا صار لي خاطر واهله كفوا شرهم عننا الي حد ما. دعواتي لك يا غالية لن تنقطع وطمنينا عليك. وتبغي نصيحتي دفييييييييييييييييييه برجلك وربي بكرمه يعوضك احسن منه انا لو مو اطفالي وكوني مابدي اتزوج ثاني ماكان رجعت

 

[بـكـرا أحلــى]

بنات طنشته من الكل قالوا طنشيه
قدرت امسك نفسي
بس اليوم بيروح لخواته بديرتهم
ارسلت اخر رساله
اذكره ببنته وان كل شخص معرض للغلط والزعل والنسيان نعمه

ماكنت عارفه انه تحت عند باب بيتنا
ماحسيت الابولد اخوه بطلبني كرت العائله
جبته له وموعارفه شيبي به
حتى ماسأل عن بنته
ولا ترك لها مصروف

مو قادره اكرهه حبيته من جد وربي
احس،بموت لو احد جاب طاري انه
بيرسل ورقتي
والا بيتزوج بعد مايطلق رسمي

 

[بـكـرا أحلــى]

بنات وحده من صديقاتي طلبت تساعدني ووافقت
ارسلت له رساله تذكره بالبنت والايام اللي،قضيناها سوى وانه لازم يفكر بعقلانيه
تقول انه حقق معاها وهي اعطته معلومات حوسه
مثلا هي،من جده قالت انا من الدمام
قالت عندي ولد وهي عندها بنت
غيرت اسمها
لكن سالها انتي مرتاحه قالت ايه لاني عزلت نفسي عن اهلي وهو بعد
تقول ظل ساكت
قالت له هي للحين تحبك وشاريتك وتبي البنت بينكم
تقول مارد ولا كلمه
قال هي متعوده تشكيلك؟
قالت حنا دفتر مفتوح لبعضنا مانخبي عن بعض شي
وهي غاليه علي وغلا بنتها من غلاتها
قالت فكر مره ثانيه ولاتظلمها بذنب الكل مشترك فيه
ولاتنسى بنتك وتربية البنت اصعب من الولد اذا مالها اب يداريها
حتى لو اجدادها
حنوا عليها مو مثلك انت وامها
تقول حست انه متضايق
بس غامض

استغربت انا نفسي
لانه رفض الموضوع ينفتح مع اي انسان حتى امه واخوه اللي رباه
ليش فتحه معها
كان محتاج شخص يفضفض له
ويقول اللي يبيه....

 

[معلمة متألمة]

غلطاااااااانه وستين غلطااااانه
ليش ترسلين له صديقتج ....؟؟؟!! انتي ف بالج انها هي السبب اللي بتردكم ل بعض..؟؟! لا حبيبتي اذا ربي كاتب ماترجعون لبعض ماراح ترجعون لبعض لو ترسلين له الديوان الاميري.. و لوترسلين له العالم ب كبره... هالشي خليج متأكده منه!!

ليش تركتي ربي وهمشتيه ولجأتي لبشر ضعيف مثلج!!! رجعتكم لبعض مش في يديها ... وانتي عارفه الرجعه والنصيب بيد رب العالمين.... ولو نفرض ربي كاتب وعقب صديقتج رجعتوا... شلون بيكون موقفج منه ومن صديقتج !! اصلا عليج اثم انج خليتيهم يتواصلون مع بعض وهم مش محارم.... شوفي كم غلط ارتكبتي وانتي مو عارفه..... والشيطان والضعف والحزن عموا عيونج عن اشياء مهمه جدا.....

تتركين ربي وتروحين ل بشر مافي يدهم اي شي!!!

ما سمعتي كلامي.... ولا قريتي البقره ولا دعتي بأدعية الكرب ولا اي شي يفيدج... وقعدتي تضيعين الوقت ب الهم والبكا واللي وصلتي له من تفكيرج وتفكير الشيطان هو انج ترسلين له صديقتج!!
ولو رجعتوا وشو اللي بيضمن لج انها بتمسج رقمه وما راح تتواصل معاه وابليس اللي بيزين لهم الحرام....
الله يهديج بس!!
اركضي للباري وبس ترى محد بيردكم لبعض الا الباري ومحد بيسخر لج زوجج الا هو ومحد بيكفيج شر هله الا الباري؟؟
ب صراحه مو عارفه اقول لج عقب اللي صار.... وما ندري وش اللي بيصير....


اتمنى تسمعين كلامي وتلزمين قرب الباري...... انا ما اكذب عليج ولا اوهمج انا مجربه قربه سبحانه ..... رد لي زوجي مع ان الكل معاااااارضين بس لان ربي كاتب نرجع ف رجعنا غصب عن الكل...!!
فهمتي قدرة ربي سبحانه!!!

الله يهديج ويصلحج ..... قهرتيني موتيني من الحره و بصراحه صديقتج لو هي قريب من الباري ماراح ترضى تسوي اللي قلتي لها عليه لانه حرام... والغايه لاتبرر الوسيله .... هدفكم ما يحلل الحرام اللي صار....

مالج يا بنت الحللال الا الباري وحده لا هلج بيفيدونج ولا صديقاتج ولا دموعج ... ربي وحده وبس اللي بيده كل شي....

اتمنى تسمعين كلامي وتقرين قران كل يوم وتستغفرين كل يوم وتدعين ربي بكل وقت وبأوقات الاجابه ..... واسمعي محاضرة اغنى فقير للشيخ عبدالمحسن الأحمد يمكن هو يوصل لج اللي ما قدرت انا اوصله لج...

قولي حق صديقتج.... تنسى الموضوع ولا عاد ترسل له ... وقولي لها انا وكلت امري لله وحده ..

و اقري توقيعي .... وافهميه عدل..... ( لان من يعتمد ع الباري فلن يشقى ابدا ...اتركي الدنيا والبشر وروحي له وحده ولاتشركين معاه اي احد حتى نفسج) ..
الله يسخره لج ويهديه ويصلحه ويكفيكم كل هم وكل شر..... يارب ويهديج ويصلحج ويهدينا اجمعين ..

لاتتضايقين من كلامي..... قسم بالله من حرتي عليج...

وطمنينا عليج...

 

[دفئ الليالي]

اختي اسمعي كلام معلمه متالمه ولا تياسي من رحمه الله و لاتعلقي قلبك بحب احد غير حب الله حتى اذا فقدتيه ما تتازمي وتنهاري وبالنسبه لصديقتك/ كان محتاج شخص يفضفض له / ويقول اللي يبيه....يعني اذا رجعتو باذن الله ماراح تتضايق وتشكي ان زوجك يتصل على صديقتك علشان محتاج حد يفضفض له ويقول الي يبيه وبكذا انتي مذنبه لانك انتي الي عرفتيهم على بعض او حتى زوجك يقولك انتي الي طلبتي انها تتدخل من البدايه يعني عادي افضفض لها وش راح يكون شعورك, و اسال الله ان يرد لك زوجك ردا جميلا

 

[يالوردي]

يخوفي تطور العلاقه بينهم صديقتك كيف سمحت لنفسها تكلم رجل غريب
حتى لوكان لصلح الشيطان حاضر
الحين خلاص لاتسوين اي شي وكلي امرك لربك وتقربي منه
فهوالقادرعلى كل شيء...