مجرووووووووووووووحه

[ام الغالين8]

اعوذباالله اعوذبالله وش هاالبشر ولله في خلقه شؤون

 

[شوكولاااته]

قلبي برسل لك ايميل مستشار نفسي وعلاقات اسريه ..

يعني تاخذين الرد المقنع والطريق الصحيح من واحد فاهم ومتخصص ..

صدقيني انا كانت حياتي على وشك الانهيار من كثر ما انزلمشاكلي وكلن يدلي بدلووة..

 

[لحن حياة]

الله يعينك و يبرد على قلبك

 

[al3aneedah1987]

أناا بقولج شي بس ماا ابغيج تزعلين مني اعتبريني اختج
انا لاحظت من كلامج نوع من السلبيه وعدم القدره على اتخاذ القرار وطيبة زاايده عن اللزوم متحوله الى سذاجه وعندج حسن نيه زاايد بعد في نااس ماايستاهلون بصراحه الله يعينج حبيبتي واسمحيلي مره ثانيه على صراحتي واعتبريني اختك مثل ماقلتلج

انتظر باقي القصه

 

[وجوووود]

الله يعينج على ما ابتلاج..
صدق عايشة في عالم غريب اي نوعيه من البشر هذيله...

 

[بنوووووته كيوت]

الله يعينك ويصبرك ويكفيك شرهم يارب

 

[ليتني احتويك]

حسبي الله نعم الوكيل فيهم كأنك مظلوووووووووووومه ...

 

[ودي اعيش بسلام]

الله يعينك

 

[وردة الحنون]

الله يعينك ويصبرك ​

آآآآخ من الظلم والقهر
ربي يصبرك بس

​

 

[ساكن بقلبي]

تسلموون خواتي والله ردودكم تبرد قلبي المحترق بانه شلون عشت وصبرت وحبيته على ايش ما ادري ..

اكمل لكم حياتي التعيسه معاهم انا متعوده ببيت اهلي انام مع اختي مع اني انا الأكبر عمري مانمت لحالي بالغرفه وببيتهم كذا مرة نمت لحالي بغرفتي والله كنت انام والليت والع ما اطفيه لما نتزاعل انا اكون هاديه ما انفعل وايد غير اني اصييح على حالي تجي امه تاخذه وتنومه عندها فوق ويخلوني لحالي نايمه تحت بالطابق السفلي حت ماعطوني مفتاح اقفل فيه غرفه النوم كذا مرة طلبت بس مايجابوني كلش والخدم تقفل امه الباب عليهم من كثر خوفها عليهم اما انا من اكون ؟؟!! مدري

اظل باليوم او يومين او 3 بدون اكل محد يسال عني

تعتقدون من يسال عني خدامتهم المسيحيه تطق على الباب بالخفيف تقول لي وانا كاسرة خاطرها انتي ماكلتي شئ

تجيب حليب فراوله تقول هذا الغدار يحبه خليه عندج والله ياحليها حبيتها هههههه

والخادمه اللي جابوها ويقولون انها لي اندونسيه مسلمه ياحليها تدرون اني اقول لامه ابيها تغسل لي الحمام ( اكرمكم الله ) ترد علي خليها تخلص شغلها بعدين اخذيها ...!!! والخادمه ما ادخلها غرفتي الا بس لغسيل الحمام فقط اما ترتيب الغرفه وتنظيفها علي انا

ولما تجيني مايظل حد بالبيت ويظل يصارخ باعلى صوته يناديها علشان تلبي له طلباته

وانا والله الحمد ماقصرت من ناحيه بشئ من اللبس والتكشخ والبخور والعطورات والمسجات الحلوة والكلام الحلوو دووم يدخل الغرفه ويرحتها جناااااان والله ما امدح نفسي حتى كبت ملابسه لما يفتحه الدخون يطلع منه واطبخ له اللي يطلبه مني حتى سيارتي استغلها اخذها مني شهر وما طالبته فيها

جوالي كان ياخذه مني وما اقوله شئ ..

بس ما لقيت منه كلام حب الا بالليل لما يبي مني شئ اهنيه يعبر شوي

يعلمني حركات ناس مب متربيه اقوله اسفه انا ما اسوي هالشئ تربيتي ماتسمح لي يقول لي عادي تاخذين حقج بهذي الطريقه :blushing:

مرة من المرات جفت جواله وقلبي نغزني وخبركم حركات حريم عرفت انه طلع وناسي جواله

خذت الجوال وقلت خلني اشوف مسجاته انصدمت صدمه صحت ماتوقعت اني القى مسجات

فيها حبيبي وحشتني ليش ماترد علي وينك كذا مسج حبيبي وحشتني

والأسم المرسل اسم قبيله في بلادي استغربت اكثر قلت معقوله واحد وبعدها دخلت على التفاصيل انصدمت من الرقم طلع رقم فتح خط بلاد امه خزنت الرقم عندي وقلت بتاكد اكثر

المهم صحكيت الجوال بسرعه وجلست اصييح على حظي وفجئه دخل علي يقول لي انتي فيج شئ قلت لاا بس تذكرت جدتي الله يرحمها

بس هو عرف اني دخلت على مسجاته واني جفت المسجات وبالليل كلمني انا مستحيل اخونج ما ادري ايش

بس انا بغبائي ولاا طيبه قلبي ولاا لاني حبيته صدقت كلامه

بس بعد الطلاق رجعت لذاكرتي قبل الخطوبه انه كان يحب وحده هناك ويبي يخطبها وامه ارفضت هالشئ


والحمد لله لحسن تربته اهلي لي كنت اعامل امه مثل امي اساعدها واطبخ معاها وابوس راسها لما نطلع مع بعض اخليها تجلس قدام مع ريلي وانا اجلس ورا هذا كله احترااام لها بس حسبي الله ونعم الوكيل جازتني احسن الجزاء الله حسيبها كنت ما اخليها تركع علشان تشيل الغرض انا اشيله لها بنفسي اقولها بس عمرها ماعملتني طبخه ولاا شئ تتعلم مني بس ماتعلمني << فيها خبث

اذا جافت شئ علي ماعجبها متقول لولدها تخلي بنتها تقول له

مرة جوني اخواني الصغار لزيارتي والغدار مب موجود ولاا يدري انه اخواني جوا

جاه من برع زعلان اخوانج ليش ما اطلعوا فوق وسلموا على امي قلت امك مشغوله حتى السلاام ماتسلم علي بتسلم على اخواني يقول من زين تبربتكم ماتعرفون السنع


انا ولله الحمد اعرف السنع تخيلوا هو يدخل بيتنا للحوش ولاا يقول لي وين امج اسلم عليها حتى بعزا جدتي ماعزى امي الحين من اللي مايعرف السنع

تصدقون لما يكون زعلان يجيب العشى لحاله وياكل قدامي ولاا يسال كلتي او لاا وهو يدري انه ماكلت

وبالنسبه لاخوانه احسهم جواسيس علي لما اتكلم مع امي وانا بغرفتي وساعات يعلى صوتي شوي

مع اخواني الصغار من الضحك والغدار مايكون موجود بالبيت وانا اسولف يوصلني مسج منه وطي صوتج @@

واخته على انها صديقتي لما اطلع من الغدار اروح لها اقول لها يالله قومي معانا ترفض مابي اقولها كيفج لانه اعتبرها مثل اخت لي بس حسافه ماتستاهل << بتعرفون بالنهايه

المهم من العرس ماجفت حد جاه يباركي من طرفهم الا وحده بس وجابت معاها هديه بس 3 ايام امه قالت لي تعال شوفي وش جابوا لج لقيت الهديه مفتوحه @@

وانا قلت لكم من قبل الأم داعيه وطبعا العيال لاا حياتهم كلها مع الأجانب حتى لبسهم وافكارهم ودووم يقولون انه المطوع او الداعي كذاب وحرامي يمكن من اللي يشفونه من امهم... اللهم لك الحمد والشكر

بس ما يقدرون يتكلم لانها مسيطره عليهم عدل

مرة يرضون اجلس مع اخوانه الصغار ومرة لااا على قولتهم مرة يجوز ومرة لاااا مرة الحمو الموت ومرة عادي ما يقولون شئ احس فيهم انفصام بالشخصيه ...

وكل شهر لما ينزل راتبي يسالني وين صرفتي راتبج وانا بطلعج من شغلج لاني مب مستفيد من شغلج

والله ولاا مرة سالته عن راتبه وراتبه ضعف راتبي مرتين من غير العلاوة الزوجيه اللي ارفعت راتبه اكثر

ومرة قالي انا مرت خالي لما زوجها يضربها تقول له حاضر سيدي << معقوله في حرمه بهذي الطريقه

ويبني اكون مثلها !!!!


والحين بقولكم شلون صار الطلاق ...

قبل الطلاق باسبوع كنا مرتاحين وهو مبسوط مني لانه دوووم افاجئه بكل ليله كانه بيبي وقلت مرة طلعني للبر راح قال لاهله وجاني وقالي هلي بيجون معانا انا ماعلقت لانه شلون بيجون معانا وامه تقول عندها امتحانات للفقه وتبي تدرس وكم مرة اطلع لها فوق اسلم ترد علي السلاام بس...ز. جفتها جذيه كانها زعلانه ما سالت وش فيها قلت خلهم تعبت وانا ادلع فيهم وصرت ما اطلع لها ...المهم

اول ما ركبت السيارة لقيت اخته جالسه بالسيارة سلمت عليها وسالتها عن اخبارها قالت تمام وبادلتني بالأسئله بعد قلت عادي مايهم

ووكنت اسولف مع الغدار واضحك واصوره بجوالي وهو يسوق واخته كلش مب معبرتني لما تسولف ماتتكلم الا مع اخوها اهنيه عرفت انها ماتبي تكلمني قلت بعد عادي وصرت اضحك بس معه اخوها واخوها لاحظ هالشئ من اخته تعطي لاخوها العصير وانا ولاا وانا كان معاي الشبس واعطيها ماتاخذ مني .. بعد ما اهتميت

ورجعنا وانا اسولف معاه واضحك تخيلوا ثاني يوم جاني زعلان ماد بوزه علي اقوله وش فيك يفلان يقولي مافيني شئ سكت عنه وبعدها بيومين تكلم وقال امج وامج وامج يؤيؤيؤ انت رايح وجاي على امي انا عمري ما اشتكيت لك عن امك واختك وقلت له كل شئ قال مستحيييييل هلي يسون هالشئ واذا سوا هالشئ مب قصدهم شئ عادي ويدافع ويدافع عنهم

قلت له انا ما اشكتي مثلك وانا احترمتهم علشانك وصك التلفون بويهي <<< صار هالشئ وانا بداومي

انا احتريت والله كلمت ابوي وقلت له يبه انا تعبانه نفسيا وابي اجي عندك ارتاح شوي واغير جوو وقلت له اتصل على الغدار واطلب منه هالشئ لانه جوالي موقف يعني يستقبل ولاا يرسل ووصيته انه مايقول له اني تعبانه نفسيا

المهم ابوي مارضى بحالي حس انه فيني شئ كبير اتصل على الغدار مارد عليه وبعدين اتصل على ابوه وقاله ابي بنتي تجيني اليوم وقول لولدك هالكلام لانه بنتي تعبانه نفسيا ..:tears:

وشوي واتصل على الغدار قالي اشكتي لابوج قلت له انا ما اشتكيت بس قلت تعبانه نفسيا ابي ارتاح

المهم قالي اخذي اغراضج ورحي عند هلج وانا مب قايل لهم انج زعلانه بس بقول اني ابيها تزور اهلها علشان ترتاح قلت له هذا مب حل انا بزورهم اذا رضيت لي وبرجع عندك يقول لي لاا << شوفوا الخبث يبني الم اغراضي واروح لبيت اهلي علشان يقول اني طلعت من بيتهم واني مابيه

والله والله اني ما ادري انه هذي نيته وانا بحسن النيه احاول اقوله ترى مب حل وانا ابيك بس بروح اقعد مع ابوي انا مب مشتكيه بشئ المهم طلعت ورحت المستشفى بعد ما اخذت اذن ابوي لاا بهذا الوقت كان على اتصال معاي دووم لانه تلفوني موقوف وماقدرت اقول للغدار وعيني انا كنت مسويه فيها ليزك من سنه وبعد الزواج صارت حمرا وناشفه من كثر الهم والصياح وساعات احس عيني بتنفجر من كثر الضغط اللي فيها واتصل فيني الغدار وانا بالمستشفى قالي انتي وين قلت بالمستشفى قال لي ماتعرفين تستاذنين مني قلت له آسفه تلفوني موقوف وعيني ذابحتني والله ما اقدر اشووف عدل

احس اني بفقد عيني وصك التلفون بوجهي وشوي ابوي اتصل فيني وقالي فتحت تلفونج والحين ومتى بتجين لي قلت لين اخلص المستشفى والدكتورة امسكتني شوي لانه ضغطي كان نازل وطلعت ورحت لابوي وقعدت معاه لحد بعد المغرب وكلمتني امه وقالت لي متى برتجعين قلت لها الحين قالت لاتتاخرين قلت ان شاء الله ابوي قال انا بوصلج بيتهم وخلي سيارتج عندي لانه بالليل ومنطقتهم بعيده

قلت لابوي اوكيه رحنا بيتهم ونزلت وشفت امه وسلمت عليها ودخلت غرفتي وكشخت وتعدلت له اتصل فيني قالي انتي لحد الحين مارجعتي البيت خلج برع لاترجعين قلت له انا.. وصك الجوال

لانه ماجاف سيارتي بالبيت يحسبني برع وشوي اتصل قالي وين سيارتج قلت عند ابوي قال لي قولي لابوج يرجع وياخذج قلت له مايصير انا مابي المشاكل انا رجعت لك ليرد انا مابيج اطلعي من البيت قلت انطر لين الصبح واقول لاهلي كنت احاول اهديه لانه معصب قلت اكيد بيقوم الصبح وبينسى او بيهدى راح واتصل على امه وقال لها مابي اشوفها الحين تطلع من البيت جات امه لي تقول لي دام الغدار قالت لاترجعين البيت ليش رجعتي قلت لها مافيني شئ يخليني اترك الغدار مشكلتنا نقدر نحلها وهو مايبي الحل معاي كانه متسبب علي انا ..

قالت لي انتي نامي بالصاله وخليه ينام بالغرفه لين الصبح نشوف الحل نمت بالصاله وماجفته لحد الصبح قام وطلع راح عند اهله وانا ظليت بدون فطور ولاا غدا ولاا عشى

وقبل لايطلع جاه وقالي عطيني جوالج خذه مني وراح ثاني يوم حاولت اكلمه نتفاهم مارد علي لحد الظهر قال لي بتفاهم معاج بشرط تسمعين كلامي بدون ماتناقشيني قلت له مايصير انت تبي تحرمني من هلي ليرد ويقول مب حارمج بس تسمعين كلامي المهم تصالحنا ورضيت بس علشان حياتي تمشي ورجع لي الجوال

كلمني العصر وقالي كلمي ابوج وقوليه اني باجي اخذ السيارة كلمت ابوي وقلت له قال لي لاا سيارتج انا باجيبها لج لاني ابي اشوفج قلت للغدار هالكلاام رفض وقالي تونا متفقين تسمعين كلاامي

قلت ابوي رجال كبير خله معليه يجيني وبعدين انت اخذ سيارتي لانتزاعل علشان السيارة

عصب وقال كلمي ابوج ولاا انا مب راضي عليج انا انهرت اهنيه صار لي كم يوم اصيح دون اكل اغمى علي وهو يكلمني جاني بسرعه لانه حس انه فيني شئ وهو اصلا كان طالع برع

واتصل على امه وامه اتصلت على امي علشان تجي تشوف وش فيني

لقوني على الارض طايحه شلني وصلني للسجادة لانه الارض سيراميك واتصل فيني ابوي بنفس الوقت قالي وش فيج قلت له مافيني شئ انا اصيح اخذ الغدار الجوال مني وكلم ابوي وقل ادبه عليه وقال له لو انك رجال تعالي << صج مايستحي

طلع علشان ياخذ السلااح وبيروح لابوي انا اهنيه مسكته وماكان فيني حيل وجاه ابوه وامه امسكوه

وامه تقول ابوج السبب وابوج السبب بيخرب بيتج والله محد خرب بيتي الا ولدج وعقله الياهل وتحكمج انتي فيه مع بنتج

حسبي الله ونعم الوكيل المهم رجع ودخل الغرفه عندي وجلس على السرير وقال لي ابيج تسوين اللي بوقلج عليه وقال اذا ما اتصلي وقلتي لابوج انه مايتدخل بحياتنا فانتي طلااق ب 3 انا ما انتبهت عدل للطلااق لانه حالتي كانت صعبه وما ادقق قلت مايصير اقول لابوي هالكلام وحاولت اهديه واذن المغرب قلت قوم خلنا نصلي علشان تهدى النفوس قال انا كافر اليوم وماني مصلي حاولت اهديه بس مافي فايدة

بنفس الوقت ابوه متصل على ابوي ويقوله بنتك تمثل وسوت نفسها طايحه وبنتك تبي زوجها ماتبيكم وقابل ابوييوم سمع ابوي كلاام ابوه انه مابي ارجع لاهلي طبعا كلااهم هم عطاه مفتاح السيارة واخذها الغدار حسبي الله ونعم الوكيل

وجات امي بعد ما كلمتها امه اول ما ادخلت جافت ويهي انصدمت تقولي ليش هالسواد اللي حوالي عينج وليش عيونج حمرا انتي شفتي نفسج بالمرايه قلت لها يمه انا تعبت من المشاكل صار لي كم يوم ماكلت قلت ليش هالحياة اللي عايشتها سكت قلت لها مابي الطلاق

المهم جاه هو وقالي تذكري اللي قلت لج عنه اهنيه امه وامي اعرفوا بسالفه الطلاق امه اتصلت على شيخ وعطت ولدها التلفون علشان نشوف الحكم قال الشيخ اذا مانفذت الكلاام البنت تعتبر طالق وحرام تجلس معاه انا قلت ابوي محد بعوضني عنه اما هو اللي يهينه بزوجه ثانيه قالت لي امه اخذي اغراضج ومابي شئ يذكره الغدار فيج لميت اغراضي وهو طلع بعد ماعطاني مفتاح سيارتي وقال خلااص انتي طالق
ابوه شال اغراضي لسيارتي وامي معاي وابوي جاه ياخذي لانه عرف انه رفضت قال ابوه لاتاخذين اغراضج كلها راح نحاول نصلح الموضوع اخذت ملابسي كلها ماعدا اغراضي الباقيه المهم اتصلت في الغدار بنيه صافيه وقلت له ارجع للبيت انا طلع خلااص قال لي ارجعي وانا بنفذ اللي تبينه قلت له خلااص .. انا طالعه ..

رحت بيت اهلي وبعدها دخل ابوي علينا وجلس يصوت علي وانا وقفه قدامه انصدم لانه ماعرفني شكلي متغير تخيلوا نزلت 12 كيلو في 3 شهور بدون رياضه من الهم ..

واتصلت امه على امي انه ولدها حلل وزع اكل للمساكين مع انه امس الشيخ قال مافيه تحليل الطلاق واقع

وتقول خلينا نحل المشكله ردت عليها امي ولدج يحسب الطلاق لعبه ومايعرف يتصرف بالحياة الزوجيه
جان ترد على امي تقول لها انتي جيتي واخذتي بنتج من بيتها وانتوا الخسرانين ..@@ امي انصدمت منها وصكت التلفون بوجههاا

واتصلت امه علي بشغلي وقالت انتج مب مطلقه مارديت عليها لانه بالدوام معاي موظفات

وظليت اسبوع هو بس يحاول يطرش لي ايميلات انه ارجعي ومدري وشو باني طلعت بنفسي @@ من بيتهم

حسبي الله ونعم الوكيل وتخيلوا هو طوول الأسبوع وين كان !!

كان مسافر يغير الجوو ويبني ارجع له بروحي للبييت

انا قلت لامي خلاااص مابي ارجع لهم لانه حسيت براحه ببيت اهلي تخيلوا زاد وزني 6 كيلو خلاص اسبوع مع اني ما اكل وايد بس راحتي النفسيه ولله الحمد

المهم امي اتفقت مع عماتي يروح يبجون باقي اغراضي وراحوا اول مرة طلع الغدار وقال لهم انه مالها اغراض عندنا قالت عمتي المحكمه بتحكم بينا

وطلعوا وبعدها بدقايق اتصلت امه علي وتقول خلي امج ترجع تاخذ اغراض لانه من حقج واتصلت على امي وقلت لها ارجعت بعد ما اشاورت ابوي بس ابوي خاف حس انه في شئ قال روحوا اوان بكون برع بيتهم ارجعوا اهلي دخلت الأم وقفلت الباب عليهم وجابت عيالها كلهم الصبيان 3 وبنت

وطاحت ضرب بامي واختي << وانا اخبر فيها ديسك مدري من وين جابت القوة هذي وبنتها تسب وتقذف على بالكلام اني احب واحد واكلمه وانه عندنا دفتر مذكرات لي حسبي الله ونعم الوكيل انا اكلم رجال واحبه ليش صبرت على اخووج وين رجولت اخوج وليش ساكت عني ..

وتجي الام تشيل الحجاب عن اختي وتكشفها قدام عيالها الصبيان ترى امي واختي مافيهم شده بانهم يضربون لانهم مب متعودين ولاا متربين علي هالشئ وعماتي كبار يحاولون يشلونها مايقدرون لانه امه طويله وعريضه حسبي الله ونعم الوكيل

المهم عمتي اتصلت على ابوي وابوي طلب الشرطه وجاوا الشرطه ولاا بعد عيالها طالبين الأسعاف لامهم هي اللي تضرب ومدعين على امي انها جات تضربهم وانها اقفلت الباب عليهم

المهم طلع التقرير الشرعي امي كدمات بظهرها وجسمها وبراسها واختي نفس الشئ

اما تقريرهم هي شموخ بالوجهه شوفوا الفرق !!

حسبي الله ونعم الوكيل

وللين الحين القضيه معلقه بالنيابه ابوه قايل للضابط انه امي كانت تركض الا تبي تاخذ الغدار لي

من زينه والله مب رجال لو تعرفون وش لبسه البنطلون لو ويست والجل بشعره الخشن ودووم يحلق الشنب ولعبته المفضله بلاي ستشن حتى صرت اتعلم من اخواني والعب معاه علشان مايقولي غبيه

وانا رفعت دعوى تثبيت الطلاق ونفقتي اللي ماعطاني اياها من يوم الملكه لحد اليوم

والله ينصرني عليهم ....يارب وابي داعواتكم لي

وكلمه اخيرة لاتستغنين عن حقج عند ريلج المهم حقج

انا عرفت هالشئ من خلال هالمنتدى بس ماعرفت شلون اخذ حقي

والحمد لله الحين وعيت علي نفسي وابوي متحسف على اللي صار معاي كان يحسب انه رجال يقولي اكتشف انه الا هو ولاا ابوه يعرفون معنى الرجوله ..

والأم تقول انه داعيه قدام الناس ولاا تعرف اصلا وشو الدين لعشان اعرفت شلون تبي عيالها واظلمتني

الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد الله الحمد لله الحمد لله
الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد الله الحمد لله الحمد لله
الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد الله الحمد لله الحمد لله
الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد الله الحمد لله الحمد لله
الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد الله الحمد لله الحمد لله
الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد الله الحمد لله الحمد لله
الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد الله الحمد لله الحمد لله
الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد الله الحمد لله الحمد لله
الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد الله الحمد لله الحمد لله
الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد الله الحمد لله الحمد لله
اني افتكيت منهم ومن ظلهم ورجعت سالمه لاهلي

واعوا لي افتك منهم ...

ويحفظني من شرهم ...

يارب حسبي الله ونعم الوكيل اان ابي حقي من ربي العالمين لانه اقوى واعظم منهم​

واي شئ جديد راح اكتبه لكم لحد ما احصل وقة طلااقي

آمين يارب ​

 

[ساكن بقلبي]

الله يفرج ليج اختي ويسخر ليج زوجك ويجعله فعلا( ساكن بقلبي ) مثل ما سميت نفسك..يا رب و يبعد عنج الهم والغم وضيق الصدر ويشرح صدرك ويسر امرك ويبعد عنج الحساد ويجعل كيدهم بنحرهم ..يا رب العالمين عليك بالدعاء وكثرة الاستغفار وحاولي تهتمين بزوجك زيادة وانت وشطارتك المنتدى مليان عسى الله يشرح صدره ويفتح قلبه ليج وتصيرين اغلى شي عندة بالدنيا

لااا مابي ارجع له كتبت ساكن بقلبي سجلت بالمنتدى وقت الخطوبه علشان اتعلم واتثقف منكم

والحمد لله استفتدت منكم بالليالي الرومانسيه وطبقتها وماقصرت معاه نهائي ولله الحمد

وتسملين اختي

 

[ساكن بقلبي]

أناا بقولج شي بس ماا ابغيج تزعلين مني اعتبريني اختج
انا لاحظت من كلامج نوع من السلبيه وعدم القدره على اتخاذ القرار وطيبة زاايده عن اللزوم متحوله الى سذاجه وعندج حسن نيه زاايد بعد في نااس ماايستاهلون بصراحه الله يعينج حبيبتي واسمحيلي مره ثانيه على صراحتي واعتبريني اختك مثل ماقلتلج

انتظر باقي القصه

صح انا دخلت بيتهم بنيه صافيه علشان اعيش مرتاحه بدون مشاكل واقوم بواجبات الغدار

ماني زعلانه على كلامج بس زعلانه على نفسي قصرت بحقي وايد

الحمد لله قدر الله ماشاء وفعل

هم نيتهم يبعدون ابوي عندي وامي بعد بس الحمد لله علاقتي بابوي ارجع احسن بوايد

وانا ابوي لما جلسنا ونتفاهم طلع انهم كان يسون فتن بينا حسبي الله ونعم الوكيل

 

[ساكن بقلبي]

الله يعينك ويصبرك ​

آآآآخ من الظلم والقهر
ربي يصبرك بس

آمين يارب
وشكرا لردودكم

 

[عزتي بإيماني]

اولا اهنئك على قرارك الصائب بطلب الطلاق
لانه لايستاهلك ويقدرك ومثل هذا ما يجي الا بالعيين الحمرا
ثانيا نصيحتي لك
لاتتنازلي عن حقوقك في النفقة حتى ولو كنتي موظفة
خليه يتأدب ويعرف يقدر الانسانة الي قدرته وقفت معه
واحمدي ربك انك ما حملتي منه والا كانت النتائج لاتحمد عقباها

اسعدك الله ورزقك الزوج الصالح

 

[بحرينية وافتخر]

الحمدلله افتكيتي منهم الله راح يعوضج بلي احسن منه ان شالله
اول مرة اشوف ناس ماعندهم لا ذمه ولا ضمير بالشكل هذا
احسه فلم صدقيني لانه هالتصرفات نشوفها في الافلام والله دنيا غريبة عجيبه الله يمهل ولا يهمل

 

[al3aneedah1987]

الحمد الله انج افتكيتي منهم بس لازم تاخذين العبره والدرس من الي صار فيج لانه مو كل مره بتسلم الجره حبيبتي
واحنا اا بنتظار اخر اخبارك

 

[واثقة]

الحمدلله على قضائه..





سيندمون عليك كثيييرا..


وأعان الله كل زوجة ابن ستأتيهم...

 

[ساكن بقلبي]

اولا اهنئك على قرارك الصائب بطلب الطلاق
لانه لايستاهلك ويقدرك ومثل هذا ما يجي الا بالعيين الحمرا
ثانيا نصيحتي لك
لاتتنازلي عن حقوقك في النفقة حتى ولو كنتي موظفة
خليه يتأدب ويعرف يقدر الانسانة الي قدرته وقفت معه
واحمدي ربك انك ما حملتي منه والا كانت النتائج لاتحمد عقباها

اسعدك الله ورزقك الزوج الصالح

زووووج ثاني لااااااااااااااااااا انا ابي افتك منهم

ما راح اتنازل ان شاء الله عن حقي نهائي وباخذهم منهم لانهم يموتون بالفلس

وحوبتي باذن الله ماراح تروح بعيد عنهم

 

[ساكن بقلبي]

الحمدلله افتكيتي منهم الله راح يعوضج بلي احسن منه ان شالله
اول مرة اشوف ناس ماعندهم لا ذمه ولا ضمير بالشكل هذا
احسه فلم صدقيني لانه هالتصرفات نشوفها في الافلام والله دنيا غريبة عجيبه الله يمهل ولا يهمل

الحمد لله والشكر لله هذا درس لي ولاهلي وخصوصا ابوي في هذي الأيام محد يزوج بناته ويتنازل عن حقوقهم اسلوب الشيمه هذا بزمن الغوص لما كان الرجاجيل لهم كلمه وحده ماتنكسر اما الحين شبابنا مزاجيين

والله والله والله لو تدرين متى انا انتبهت لنفسي بعد سالفه الشرطه

صحيح دينا غريبه ناس عايشه بس علشان تخرب بيوت ناس ​

 

[ساكن بقلبي]

الحمد الله انج افتكيتي منهم بس لازم تاخذين العبره والدرس من الي صار فيج لانه مو كل مره بتسلم الجره حبيبتي
واحنا اا بنتظار اخر اخبارك

:shiny:

خلاااص لاازواج بعد اليوم اعيش عند اهلي معززه ومكرمه لاا الذل والمهانه ببيت ثاني

الحمدلله على قضائه..





سيندمون عليك كثيييرا..


وأعان الله كل زوجة ابن ستأتيهم...

صح الله يكون بعونهم لانه فيهم نقص وانفصام بالشخصيه

ولاا احنا باي زمن يطلبون مني اقول للغدار حاضر سيدي:santa_1:
بكل الأحوال اذا ضربي او سبني

​