مجرد فضفضه ...

[Butterfly~]

مرحبا ~​

بدخل في الموضوع على طول ... ​

اول شي احب اوجه نصيحــه لكـل بنت انهــا تتمنــى شاب وتدعي الله انه يجعله من نصيبها ..
اياكِ ثم اياكِ تدعي ان الله يجعل شخص معين زوج لك ... خلي دعائك بطريقة ثانيه ..
ربي ارزقني الي فيه خير لي .. الي يريحني و يسعدني ... اما تدعين لشخص بعينه ما انصح
فيها ابدا ...​

انا كنت احب شخص من زمان كثير وتمنيته ودعيت الله يكون من نصيبي .. وفعلا صار الي صار
وصار لنا فترة مخطوبين .. انا في بلد وهو في بلد ثاني .. بس متواصلين خلال تليفون... نت ..
او حتى مسجات .. ​

في بداية الخطوبة .. كانت عنده ظروف صعبه شوي .. بس مع ذلك كان يبين لي حبه و لهفته
علي و كان دايما يفضي نفسه عشان يكلمني :icon26:.. وبعد فترة ما تغيرت الظروف .. لكن هو تغير
صار انسان متشأئم مرره .. و لما اكلمه احس انه مجبور يكلمني .. صحيح ان هناك بعض من
قرايبنا مو موافقين على خطوبتنا .. وصارت كثير مشاكل وزعل.. لكن هالشي زادنا تعلقنا ببعض ..
وتحدينا الكل مع موافقة اهلي واهله طبعا .. هو شاب مهذب و ملتزم الحمد لله ...​

صار في هالفترة انسان ثاني .. ما نتكلم بالأسابيع ومع كذا لما يكلمني من بعد فترة طويلة
يكون كلامه مره عادي ... ويفضفض لي ..يقولي فيه مشاكل و كذا .. اقوله شو هي المشاكل ..
يقول مو وقتها بعدين اقول لك ....:sadwalk:​

يا بنات انا يكفي علي ان المسافة بعيده و هالشي مأزمني .. الحين يخبي علي و يعاملني بأسلوب
مزعج ... يعني المشاعر الي عندي احسها تموت تجاهها رغم اني حبيته من زمان وتمنيته ..​

كان المفروض زواجنا يكون في هالصيفيه شهر السادس .. بس تفاجأت لما قالي نأجله ...
انا صارلي سنة مو شايفته وهو يقولي مو الحين خلينا نأجل ... :tears: احسه ما يحبني ..​

صرت اطنشه وما اهتم فيه .. وحتى لما يكلمني اكلمه بثقل و اكلمه كم دقيقة واقوله روح ...:schmoll:
على فكره هو شمالي شرقي وانا شمالية غربية ... شو اسوي والله مليت .. :tears:​

 

[دلوعة أخوها]

هلا حبيبيتي

يسعدني اني اكون اول وحدة ترد عليج فهالموضوع لاني بصراحة كنت اعاني نفس مشكلتج

زوجي ولد عمي كان يحبني ومن وانا صغيرة لما خطبني اهله كانوا يقنعوه انه يبتعد عني هو صحيح ما قالي بس انا اعرفهم هم ابدا ما يحبوني فكيف حبوني بعد ما خطبني
كان دايما يقولي والله اخواتي يحبونج واخواتي متحمسين لعرسج وووووووو ( جذاب)

تخيلي بعد اسبوع من خطوبتنا جاته سفره ( انا احس تخطيطات امه واخواته) بس ما اريد اظلمهن
بس كل شي يدل انه هم ما متقبليني

تخيلي لما امه جات تخطبني تقول لماماتي صراحة نحنا كنا نريد فلانه له بس هو مصر على بنتكم بس ماماتي عطتهم شغلهم وقالت بنتي محد ما يريدها فإذا انتي ما موافقة انا ما بخليها تتزوجه ( ياليتني قووووووية مثل امي فديتها انا)

دليل الثاني بعد ما خطبني اذا كنت مارة رايحة داومي ما يسلمون الا اذا كنت مع اخواتي ولا إذا كنت بروحي يطنشوني وانا بعد اطنشهم

دليل الثالث ليش وافقوا على سفرت ولدهم مع انهم هوامير بس بخلاء وهو يشتغل وما فالح فدراسة لو كان فالح كان يدخل الجامعة مثلي اول ايام المراهقة يجي ياخذ مني اوراق امتحانات ولما يرجعهم لي معبر شعوره الاخ وانا بفوزج واجيب اعلى عنج

فالحين ليش حب الدراسة الا لانهم قنعوه عشان ينساني بس الحمد لله انه لما خطبني طلب رقمي من اخوه وظلينا متواصلين لحد ما رجع وملك علي
اسقرت نفسيتي بس بعدهن ما يعبرني بس ولا همني

بس الي تعبني بعد فترة صار مثل خطيبج لا يسأل ولا يطمن أنا اتصل انا ارسل ايميلات ومسجات وكل شي

بصراحة تعبت قلت خلي يولي ليش اتعب نفسي انا بعد ما قريت موضوع باوتني ربي يخليها

اهملته بعدها رجع لي يعتذر بسبب الدراسة وما بعرف شو عذرته

الملكة طولت وهم كل مرة يأجلون لعل وعسى ولدهم يغير رايه

بس تزوجنا والحين رجعت لنفس الحالة ما يهتم ويبتعد وتصدقي ما مشتاقني ويريد يطول هناك

خاصة بس سالفة الصور اني خلص رفضت ارسل له صوري

والحين ما نتكلم وما اريد انا ابدأ الحين صار لنا يوم بس صدقيني ما بطمن عليه لاني خلص مليت

أريد اعرف هل الي اسويه صح هل انا وButterfly الي نسويه صح انه اطنشهم

خاص اني قريت كتاب الرجال من المريخ , والنساء من الزهرة ان لازم نخليهم يرتحوا شوي من وينسحبوا

سوري طولت بس ما صدقت افضفض مثلج غناتي

 

[دلوعة أخوها]

وووووووووووووووووووووووويه محد رد على مواضيعنا حتى Butterfly

 

[Butterfly~]

يا قلبي عليكِ فضفضي اصلا هذا اقل شي ممكن نسويه ..
انا بس بفهم ليه كذا يسوون...؟؟ انا هالايام صايرة كله افكر انه خدعني عشان يكسبني
وبعدين تغير علي ...

انتي بالنسبة لك واضح ان اهله هم الي يحاولوا يفرقوا بينكم .. لا تعطيهم فرصة
وتقربي منه .. وانتي تقولي هو يحبك .. اذا كنتي متأكده من مشاعره لازم تنقذي زواجك لاني اعرف البعد اذا طول يبرد المشاعر ... وانا حاليا هذا الي صاير معاي ...
احس مشاعري ماتت من ناحية خطيبي ...

ان شاء الله البنات يقولون لنا كيف نتصرف لان بصراحة تعبت من هالوضع وضع التطنيش ..اعذريني دلوعة اخوها مو عارفة كيف افيدك بس حتى لو البنات ما ردوا علينا خلاص بنتم جي نفضفض لين نرتاح لووول شرايج؟؟​

 

[Butterfly~]

انا هنا دلوووعه
مثلك فكرت البنات يردون بس معليش
نستناهم =)​

 

[الاهات]

الله يعين وانا احس التطنيش زين بس مو بزياده موتراسلين دايم او تطنشين دايم خير الامور اوسطها

والله يوفق الجميع

 

[دلوعة أخوها]

تعبت وانا ادخل وما اشوف احد يرد علينا

امس ابشرك ياButterfly امس اتصلت فيه وسكر اونه يلعب كرة

قلت مو مشكلة بعدا رسل مسج وانا ما صدقت نسيت الزعل والتطنيش ورحت اتصلت

تخيلي قالي ما فاضي بروح اسبح واذاكر

يعني عنده وقت للعب الكرة ولي انا لا

زعلت مررررررررررررة لما سكر رحت ابكي لحد ما نمت