$. مجبوس الهامور << محبوب الجميع .$

البيت السعيد**

البيت السعيد**

New member
إنضم
2009/01/03
المشاركات
603

بسم الله الرحمن الرحيم،

والسلام عليكم ورحمة الله وبركاته،

هذه طبخة سويتها قبل شهر الله،​

وحبيت أنزلها لكم، :2:
مجبوس الهامور
​


المقادير (بتكون على حسب الكمية المطلوبة):

سمك هامور
ثلاث بصلات متوسطة ومفرومة
ثلاث فصوص ثوم مفرومين فرم ناعم
حبتين طماطم كبار مقطعين مربعات وبحجم صغير
حبة جزر كبيرة مقطعة
حبة فلفل بارد كبيرة مقطعة مربعات
علبة صلصة طماطم
تابل وإسبنت مفرومين
بهاراتج المفضلة عني حطيت (بهار بحريني مخلوط + سنوت + كركم + هيل مطحون + رشة نعناع مطحون + رشة ليمون أسود مطحون + رشة دارسين + وكم حبة مسمار وحبة الحلوة)
- عيش مغسول حسب الكمية المطلوبة،​





الطريقة:

- أول شي إبهري السمج، وإقليه قلي خفيف جداً في الزيت، وشيله،
- أحين احمصي البصل في نفس الزيت وضيفي الثوم وبعدين الآلو،
- بعد دقايق ضيفي الجزر والطماطم والفلفل البارد
- حركيهم لين ما حسيتي بدا الماي يطلع، حطي الصلصة مع البهارات والملح وخلطي الجميع وبعدين رجعي السمج، وضيفي كوب صغير ماي، وخليه ينطبخ على خفيف،
- ردي شيلي السمج،
- وقبل العيش ضيفي التابل والإسبنت،

- أحين ضيفي العيش المغسول وكمية من الماي تكفي يا دوب تغطي العيش، لا تغرقين الجدر بالماي، وحطي زيت، وعلى نار هادية، من يبتدي العيش شوي يستوي، خلي السمج فوقه وردي غطي الجميع وصكي الجدر بالألمنيوم وحطي النشافة تحته


والنتيجة مجبوووس هااامور عجيييييييييييييييب، توني بصور إلا ولدي بيقص السمجة، ​

​
​


وعليكم بالعافية



​
 
الله يعطيك العافيه
ماااااااااشاءالله يفتح النفس
 
سلمت أناملك الذهبية على جمال طرحك
وننتظر جديد أبدآعك بشوق

 
روووووعه ماشالله عليج ,,, قمة التعذيب ,,, بس فيه سؤال ؟؟؟ ايش هو التابل ؟؟؟ ماعرفته!!!​
 
روووووووووووووووووووعة يعطيك الف عاااااااااااااااافية ...
 
تسلم الأيادي ماشاءالله تبارك الله شكله روووعه ويفتح النفس
يعطيك العافيه يالغلآ ​
 
تسلم الأياادي
شكل الهامور والرز لذيذ ماشاء الله مبين انج طباخة ماااهرة
 
يسلمووووو حبيبتي
واللي زيدها ولدج .. ماله صبر الا ونتف السمجة هههههههه ضحكني يذكرني باللي عندي ... عليكم بألف عافية ومطرح ما يسري يمري
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل