?
تسلمى ياصاحبة القلب الطيب راح اعمل بانصيحك باذن الله ومشكوره على مرورك وربنا يجزيك من نعيمه ويجمعنا فى الفردوس الاعلى??شوفي يا قلبي ما يبيله شي يبيلك فقط الأستمرار وكل شي بيتعدل إن شاء الله ..
أولاً إهتمي بإزالة شعر جسمك ووجهك دائماً ِواهتمي بإستخدام مقشرات الجسم لإزالة طبقات الجلد الميته من الجسم وعندك انواع كثيره بالسوق واذا تبين شي طبيعي ومتوفر في كل بيت هو زيت الزيتون والسكر تقدرين تستخدمينه كمقشر ..
وثاني الشي الترطيب لا تهملينه أبداً لأن سبب البقع والسواد فالجسم هو الجفاف وعندك انواع كثيره بالسوق اختاري اللي يعجبك ولمن تطلعين برا البيت استخدميلك كريم مرطب غير معطر علشان لا تتسمر بشرتك ..
وسويلك بديكير ومناكيير شهرياً اذا ما تقدرين تروحين الصالون سوي بنفسك فالبيت شوفي الطريقه من اليوتيوب وَيَا كثر الطرق ...
واهتمي ببشرة ويهك استخدمي كريم مرطب ومقشر وغسول كل شي يكون خاص بنوعية بشرتك ولا تنسي تعملين فيشل شهرياً لبشرتك مره كل شهر وتقدرين تعملين بروحك فالبيت شوفيلك اسهل طريقة من النت ...
ولا تنسين استخدام التونر للبشره من بعد غسلها علشان تسكر لك مسام الوجه ...
واهتمي بشعرك ولازم تعرفين نوعية فروة رأسك علشان تختارين المنتجات المناسبه لنوعية شعرك من شامبو وبلسم وماسك للشعر ..
والنظافة اهم شي في كل شي يعني يومياً اخذيلك شور مرتين فاليوم وطبعاً تدلعين نفسك وتأخذين شور عالأصول استخدمي شورجل تحبينه وشامبوهات حاولي تنوعين بين فتره وفتره وهالشي مفيد للشعر بعد وبعد ما تخلصين الشور دهني جسمك بكريم مرطب معطر من اي ماركه تحبينها وعطري شعرك بأي عطر مخصص للشعر تحبينه ولا زيت عطري ولا خمرية شعر ولا تنسين أماكن النبض ...
ومع الأيام راح تتعودين على هالنظام وتحسينه شي يومي لازم تسوينه وتحسين نفسك خفيفه وحلوه
تقبلي مروري ودمتي بود
موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه
جميع الحقوق محفوظة © 2024 منتديات تسوة
