متي يختلط مريض كورونا بالناس؟

[راجيه الرضا]

مساء الفل عليكم جميعاً ..

شوية مفاهيم مُحدثه من CDC الأمريكية ١ ديسمبر ٢٠٢٠ عشان انتشار كورونا ، وبما إن تقريباً معظم بيوت الأحباب والأصدقاء يا إما مصابين يا مخالطين فمهم أوى نعرف المعلومات البسيطه دى ربنا يحفظ أحبابنا امين :

* ناس كتير بتسأل عن مدة العزل .. لو جالى أو حد أعرفه أعراض حراره ورشح وزكام و شكينا فى كورونا مثلاً ؛

* إمتا ينفع المريض يختلط بالناس من غير ما يكون مُعدى ؟

"مرور ١٠ أيام من بداية ظهور أول عرض بشرط التحسن + مرور ٢٤ ساعه على اختفاء الحراره بدون الحاجه لأى خوافض حراره ."

* هل المسحة إجباريه ؟

مش شرط إطلاقاً عمل المسحه لأنها قد تستمر إيجابيه رغم تحسن الأعراض و عدم العدوى ولكن إذا طلب الطبيب المعالج مسحة لأسباب يراها يتم المسح .

* لو عمل المسحة وطلع ما زال إيجابي رغم مرور ١٠ ايام وتحسن الأعراض ؟

لا خطر فى اختلاطه بالناس إلا إذا طلب الطبيب المعالج لأسباب يراها غير ذلك .

* لو تأكدت أو شكيت فى الاختلاط بحاله مصابه بكوفيد فترة العزل اللى انعزلها إيه تحسباً لظهور الأعراض عندى لو كنت اتعديت منه ؟

١٤ يوم كاملين بعدها يمكنك الاختلاط بالناس .

* فقدان حاسة الشم والتذوق قد يستمر لشهور بعد الإصابة فلا يشترط الانتظار للتحسن الكامل بالذات فى هذا العرض.

د.أحمد الخطيب