متى يبدأ زوجج يتغير ويفكر يخونج ؟؟؟؟ .. تعالي شوفي..

[سلامي26]

​

متى يبدأ زوجج يتغير ويفكر يخونج ؟؟؟؟ ​

موضوعي اليوم جدا جدا جدا مهم .... للي مش متزوجة . والمخطوبة . والمتزوجة
وكل وحده تبغي تكسب زوجها وتكون مرتاحة ..
ابغي تركيز وانتباه ... واي وحده منكم مرت بهالمواقف ... لا تقول ياريت أو فات الاوان
ابغي كل وحده يكون عندها اصرار وعزيمة لان ( الزوجة سكن ) سماها رب العالمين سكن للزوج​

نبدأ​

​

بعد بلوغج ووصولج لمرحلة الزواج كانت اتجيك حالات غريبة في الاحاسيس منها
الخوف احيانا او الفرح او الحزن على اسباب غريبة وارتباكات وهذا كله بفعل الهرمونات
لان لها دافع قوي جدا في تغير حالاتج النفسية .
البلوغ المبكر لدى الفتيات تساؤلات عديدة

ومن المهم وايد ان ( الوالدة ) او (الاخت الكبيرة ) يكون لها دور اساسي في تهيئة البنت قبل الزواج
للحياة الجديدة ... بس للأسف نحنا كمجتمع خليجي نلقى انفسنا نستحي نكلم بنتنا عن ليلة الدخلة
ونستحي نتكلم في الامور اللي لازم تصير واللي لازم ما تصير.. وهني يكون اساس المشكلة الاولى.

​

فلنفرض انج بعمر 19 او 20 .. وتقدملج عريس من عايله محافظه وسألتوا عنه وكل شي مشى حسب الاصول. وتمت الخطبة .
​

اول جلسة مع خطيبج شو بتقولين وشو بتلبسين وشو بتسوين وشو وشو ؟
الوالده وقتها شو كان كلامها لج ؟​

هل قالت لج البسي مخور وشيلة واحيانا بعد عباة ..
​

ولا تحطين مكياج مرة بس كحل ( عشان يشوفج طبيعية )
​

ولا تجلسين قريب منه لانه عيب
واذا قعد يطالعج اطلعي ولا بنخلي اختج ولا اخوج الصغير يكون معاج ( عادات وتقاليد )
​

ولا بخبخين وايد وتتعطرين وترششين .
وخفي الجلسة واكسري عينج ولا تتكلمين وايد . الخ الخ الخ الخ ....؟
​

ونلاحظ انه هذا في فترة الخطوبة يعني قبل الملكة !!
ف يصير بعد هالمحاضرة واحد من الاثنين :
( العروس مابغاها دقه قديمة ومرة ماتتكلم وتستحي ولا شفت شي منها )
( بعدني بفكر ولين هذاك اليوم بيقارنها ويا فلانه وعلانة وبيختار ) ​

زين اني اول شي حق اللي المفروض يصير عشان نمشي في الدرس خطوه خطوه..​

1- العريس ما جا بيتكم وكلم امه وهاي لحظه مهمه في حياته لانها بتحدد مصيره ومصير عيال المستقبل الا لانه يبغاج او شافج او حد قاله عنج وعن اخلاقج.

​

2- مستحيل مستحيل اي عريس يدخل الباب وما يكون سامع او عارف عن العروس
يعني لا قدر الله لو كانت مب زينه وشينه ما بيدخل من الاساس بيتكم.

​

3- الشرع الاسلامي حلل انه يشوفج الشوفة الشرعية هذا عشان تتم الخطبة
ف انتي بتدخلين ومتغطيه من فوق لين تحت ولا شي في وجهج ابدا ومنزلة راسج وفريق واقف معاج
يعني بيشوفج انتي ولا بيشوف اللي وراج ... بيستحي اصلا .. وبيطلع وانتوا الاثنين بتقولون نفس الكلمه ( ما شفتها زين .. ما شفته عدل ).​

4- المفروض يا غناتي انج تلبسين لبس ساتر بس يبرز جمالج
​

- وتحطين مكياج خفيف جدا ما يغطي لون بشرتج الاساسية ولا يغير معالم شكلج.​

​

- تتعطرين وتدخنين بشي بسيط ماعليه ما فيها شي.
​

تااااااااااااااااااااااااابع

​

 

[rara2]

يسلمووووووووووووووووووووووووووووووووووووووووووووووووووووووووووووووووووووووووووووو

 

[لمسة حنين]

شكرا علي هذا الموضوع متابعينج

 

[ليمونه المينونه]

يمكن لانج اماراتيه شراتي وعارفه شو يصير عندنا احس انج نقلتي حالتي

فايام الملجه كنت البس تنانير وشيله
ومرات جلابيه وشيله بيت بس بعد عشر دقايق تقريبا افصخها
واتعطر واتكحل وبس

ما اتجرا اسوي شي غير هذا اخاف امي تنتقدني

وما كنا نقدر نيلس بروحنا يا يكون حد من اخواني الاولاد يالس او امي

وما اكون يالسه قريبه منه اكون مقابله واذا قريبه في مسافه بينا

بس الحين ندماااااااااااااااااااااااااااااااااااااااااااااااااااااااااااااااااانه على هذا
لان احلى شي ايام الملكه

 

[سلامي26]

نكمل

الشوفة الشرعية





- تدخلين مع اخوج العود ولا ابوج ولا امج يوصلونج للمجلس وتشوفينة عدل ويشوفج


وهي كلها جلسة 5 دقايق ( بيسلم عليج وبيسألج اسأله عاديه هو عارف اجابتها بس يبغا يشوف اسلوبج يوم تتكلمين ويسمع صوتج )


وبتطلعين وانتي شايفتنه عدل وهو شايفنج عدل وسامع صوتج وشايف اسلوبج .


وهذا الصح من حيث الشوفة الشرعية .

طيب نجي الحين للملكه وبختصرها شوي.


بعض الاحيان تكون فترة الملكه جدا بسيطة شهر بينها وبين العرس


واحيانا لا...و ممكن تكون سنة وسنتين لين العروس تجهز وتخلص دراسة وغيرة







في هاذي الفترة لازم انكم تتكلمون فترة طويلة وتتواصلون بتلفون وتشوفون طبايع بعض


وتكسرين حاجز عيب واستحي

ويوم العرس وبعد العرس.







انتي في فترة الملكه معاه تكونين تحت امتحان قوي يا تكملين فيه يا تنسحبين بعدها.


لان بتوضح قدامة الصورة ..:c018:. لبسج اسلوبج تعاملج معاه قدام اهله واهلج ورواحكم .


بيشوفج عصبيه

ولا حنونه :a200:وممكن تلاقينة يمثل عليج بعض الادوار عشان يختبرج ولازم تكونين ذكية




شو هاي الادوار ؟




دور انه مشاغب ويحب سوالف البنات او يقولج ماضيه اسود

( يختبر غيرتج ) ما يغايضج







دور انه مريض وتعبان

( يختبر اهتمامج ) ما يتهرب








دور انه مشغول ومضغوط من الشغل

(يختبر صبرج ) ما يتحجج







دور انه ماعنده يصرف ويوفر للعرس ويحاتي :e136 يختبر معانيج ) مب بخيل يبغا يشوفج مادية ولا تحرصين على حلالكم.





دور انه ما يعرف العطور وما يحب الماركات وما يعرفها ( يختبر دلالج ) و ردج له يكون انته اللي تحلي الشي مب تضحكين وتقولين في حد ما يعرف الماركات هاذي نبرة التكبر والتعالي:e076:.







وغيره كثير وكثير .... لا تتسرعين في ردج عليه وكوني حليمه ودوده حنونه كريمه مهتمة مستمعة نضيفة تقية محتسبة :c018:.. لا تكونين اتكالية وثرثارة ومتكبرة وبخيلة وجامدة وابيهه وعنيدة.

​

تاااااااااااااااااااااااابعوني ....:thumbdown::thumbdown:....

 

[سلامي26]

شكرا على التفاعل لكن انتظرن تتمة الموضوع

 

[يفداني بقلبه]

متابعين ياقمرهم كلهم
موضوع شيق جدا

 

[سلامي26]

بعد الزواج

والحين محور الدرس عشان تتجنبين خيانة الزوج لج وتغيره عليج ​

خلاص انتي الحين زوجة فلان بن فلان ​

تزوجتوا وسويتوا احلى عرس وكان احلى يوم ( ليلة العمر)​

​

ساكنة لوحدك ولا مع اهله .....​

​

.... زوجته يعني عروس مب يوم ......العمر كله................. لازم تكونين عروس
انتبهي حبيبتي​

​

مش اول 3 شهور وبعدين خلاص تبدين تقللين من اهتمامج فيه وفي نفسج . ​

وردج يكون
...انا مب ماخذه راحتي لاني في بيت اهله ​

...لاني ما البس واكشخ الا في الغرفة ​

...استحي اظهر جدام اهله بكشختي بيفهموني غلط​

...انا حامل وتعبانه وهو لازم يهتم فيني.​

...انا عندي جهال ومش ملحقه اهتم بنفسي ولا فيه ​

يعني بختصار ( الرجل مثل الطفل ... كل ما تهتمين فيه . كل ما يتعلق فيج اكثر )​

​

اتركي جميع الاعذار وحطي قدامج زوجج وكيف تسعدينة سواء عندج عيال ولا ما عندج.​

ارجعي لموضوعي السابق ( تحبين زوجـــــــــــــــك ........)​

واقري الموضوع مره ومرتين وافهمي .​

كل ما يقل اهتمامج في نفسج وفيه كل ما تدفعينه شوي شوي انه يروح يدور هالعاطفه برا​

وكيف اتعرفين اذا انتي فعلا قصرتي واهملتي نفسج واهملتي زوجج ( بدا يخونج ) ​

​

واذا فعلا لقيتي هالافعال متوافرة في زوجج لا تلومينه لومي نفسج بالدرجة الاولى ف لا تختلقين مشكلة​

انتي سببها لالالالالا ... صلحي الموضوع بأيدج انتي ورجعي كل شي لطبيعته حتى لو كان صعب ​

:c028::c028:

( كل شي في الدنيا صغير ويكبر ..... الا المشكلة تكون كبيرة وتصغر )​

​

تااااااااااااااااااااابع .. حبايبي​

:a200:

 

[سلامي26]

نكمل ياحبايبي كل ماكمل فقرة اشوف الردود واضحك واقول مافي صبر

​

الاسباب الاولى المهمة لدوافع الخيانة وهي اسباب ( عامه )​

1- التحضر​

2- التفكك الاسري​

3- غياب احد الزوجين ​

4- الانتقال من مجتمع الى اخر​

5- الهجره ​

6- السكن في المناطق العشوائيه​

7- عدم التكافؤ الزواجي​

8- الفقروالدخل المعيشي​

9 - اختلاف العمر والمستوى التعليمي ​

10- انعدام الثقه بين الزوجين ​

11- انعدام الوازع الديني ​

تراني مش انا اللي جبت هالاسباب هذا كلام العلماء النفسيين حبيباتي
:a144::a144:

نشرح بعض النقاط:​

1- معظم الخيانات الزوجيه تستوي يوم تصير العشرة باهتة وبارده وروتينيه ... ومن هني يبدا الرجال يبحث عن الرومانسيه الي اختفت من حياته ويدور على الحرمة اللي بتعطيه اللي ما عطته اياه زوجته ​

​

2- بعض الرجاجيل يوم يرزقهم الله اول طفل يقل اهتمام زوجته فيه وتعطي كل رعايتها واهتمامها لطفلها مما يترك انطباع نفسي عند الزوج بالحاجه فيحاول ان يسد حاجته خارج اطار الزواج .​

​

3 - الرجال بطبيعته يحب ان يكون جذاب ومرغوب دايما فيوم يشوف الزوجه ما مسوتله سالفه لو على ابسط المواضيع يوجه انظاره لوحده ثانيه عشان يثبت جاذبيته وانه مازال مرغوب فيبدأ يعيش نزواته مع البنات عشان يسد حاجته .​

​

4- مرات يكون له الرغبه في انه يرجع ل ( الشللية ) ربعه يعني الطايشين واللي ما تزوجوا. يرجع بذاكرته لأيام الطيش والامبالاة والسهر والوناسة ( يكرهه المسؤولية )​

​

:a037::a037:

5- احيانا يواجه الزوج متاعب في الشغل . يعني لا يقدرون شغله في الادارة ولا يرقونه ولا يكافؤونة . ويرجع البيت ويشكي لزوجته ويلاقيها مب فاهمه شي او مرات تقوله تستاهل او حتى تسكت وما تعرف شو ترد،وعشان يثبت لنفسه ان مطلوب وان الكل يقدرة يتجه للخيانة ويتعرف على فلانه وفلانه ويشكيلهم .​

​

6-اذا الزوجه ما تحترم زوجها ولا تقدره ولا تشعر برغباته وميوله سواء الفكريه او العاطفيه او الجنسية . بيدور الاحترام والتقدير وتلبية رغباته الفكرية والعاطفية والجنسية عند الغير.​

​

7- اذا كانت الزوجة مخليه زوجها محط سخرية ودايما تنتقده في تصرفاته ( انت ما تعرف . انت غبي . مالك شخصية . اتكالي . مالت عليك . )) او ماتحترم اهله وتكرههم لانها ساكنه معاهم او انها فاضحه الدنيا ومش مخليه حد ما قالتله عن مشاكلها الزوجيه. بدون تفكير بيدور عن الحرمة الي تحترمه وتقدر حياته وخصوصيته وحافظه اسرار بيته في غيابه.​

​

8- يوم الزوجه ما تفتكر ولا تسمع اصلا لمتاعب زوجها ومشاكله بيتجه لغيرها عشان يحقق هدفه ويخفف اعباءه ويلاقي اللي تحظنه وتسمعه.​

​

9- حرمان الزوج من ابتسامة زوجته يوم تستقبله وتودعه او تلاقيها ماتسعى انها تخلق جو من المرح والمزح والفكاهه يوم يكون معاها. ​

​

10 - عدم اهتمام الزوجه ببيتها ورعايتها لشؤون زوجها الخاصه مثل مواعيد نومه ملابسه اناقته ..الخ​

​

........................ تابعي الموضوع​

 

[gloryaa2009]

روووععععة حبيبتي متابععععععاك بشغف

 

[سلامي26]

نكمل

- اهم الاسباب اختفاء المشاعر المتبادله والحميمه وعدم التوافق الجنسي او البرود الجنسي الشائع عند معظم النساء





اذا صدرت منج هالمواقف كلها او حتى وحده منها ( بتكونين فتحتي باب الخيانة )


فتحملي النتيجة سواء خانج او ما خانج بادري انج تصلحين الغلط .






طييييب كيف اعرف اذا زوجي بدا يخوني ولا بدا يفكر يخوني

عشان تعرفين اذا كان يخونج ولا لا ... بتبان عليه هالامور :


1- الغياب المستمر وبشكل مفاجىء







2- تغير في الطباع والعادات







3- التطنيش او عدم المبالاه







4- الكرم الزائد او الحب الزائد







5-التغير في الشكل والمظهر







6- الاهتمام الزائد بالصحه والرشاقه وبنوعيات الطعام







7- اظهار اهتمامه باشياء لم يكن يهتم بها قبلا







8- الانفعال السريع والغضب بدون اسباب







9- افتعال الشجار باتفه الاسباب







10-رسائل القصيره من الجوال ورنين الهاتف







11-الغموض وعدم الصراحه في ابداء الاسباب







12- تغير حالته ورغبته الجنسيه







13- الاهتمام الزائد بالعمل والحرص المفتعل





-عدم التزامه بمسؤليات المنزل كأب








تاااااااااااااااابع​

 

[سلامي26]

نكمل

هذه بعضا من المظاهر والدلالات الي يمكن من خلالها تحسين بوجود عنصر الدخيل في حياتج مع الاحتفاظ بخصوصيه كل علاقة زوجيه واختلاف الاسباب او المظاهر حسب عمر وسلوك تصرفات الزوج !! قبل ما تفكرين في الاسباب فكري بعمره وطبيعة شغلة عشان ما تظلمينة.

شو الحل ( زوجي يخوني )


كيف نتعامل مع مشاعرنا بعد الخيانه . ؟؟ ​

من ابتلي بهذا الداء فعليه ان يعلم جيدا ان معظم العلاقات التي يصيبها حدث جلل وقاتل مثل الخيانه لا يريد اطرافها الفراق .. بعد الصدمة .. وهنا تأتي مسألة التكيف التي بالعادة لا تكون سهلة على الطرفان ... البعض يحتاج الى شهر والبعض الى اشهر والبعض الاخر الى اعوام حتى يخرج كل مشاعر الوجع والالم بفعل التدمير الذي حصل في العلاقة ...

وهمسه في اذن المرأة لمعالجه هذه المواقف :






1- احـــزني وازعلي وصيحي لانها (صدمة):مب معقول انج تتظاهرين بالبرود او تتمالكين نفسج وزوجج يخونج .. فترة الحزن مهمة وايد والحزن الثنائي الطرف ... الخائن والمخون اثنينهم لهم الحق يزعلون ويحزنون. الحزن بعد الخيانه فيه مشاعر تشبه موت انسان عزيز عليك فيه حزن عميق وغضب وكلما اعطى الطرفان هاي المرحلة وقتها في الحداد كانت امكانية انتقالهم لمرحلة العلاج اسهل ..




2- تحلي بالصبر والهدوء والثبات فالمشاعر هنا تكون حارة وصعبة ومليانة بنار الخيانه فحاولي تخلين المواقف هادية لين تهدأ النفوس وتتضح الامور وتقدرين تحددين الضرر الي صارلج








3- اسمعيه شو بيقول وتعلمي حسن الاستماع مثلما تحسنين الكلام... قولي الي عندج بهدوء وخلي زوجج يقول اللي عنده عشان يحس بذنب ويعتذرو تعرفين وجهة نظره







4- حددي الضرر الذي حصل للعلاقة الزوجيه :




ان الخيانة لها ردة فعل مختلفه بين كل زوجين ... البعض يشوف انه بمجرد حدوث الخيانة فان العلاقة قد ماتت وانتهت ... وعليها السلام !! (تقوله طلقني)





والبعض الاخر يرى انها تحدث شرخ مؤلم في علاقة الزوجة بزوجها.. والبعض يرى ان العلاقة بتصبح افضل وانها تعلمت درس واللي صار لمصلحة الطرفين عشان ينتبهون.








وطبعا الحوار بين الزوجين واعادة تقييم المشكلة والاهتمام بتجديد حجم التلف وكيفية اصلاحه امر مهم وايد.عشان كذا نسأل و السؤال يفرض نفسه على الطرفين (( ليش صارت الخيانه .؟؟؟؟)))

وهذا التساؤل مهم للطرفين انهم يفهمون ليش صارت الخيانه عشان كل واحد منهم يقول وجهة نظره ورأيه وتشخيصه لان في كل خيانه هناك باب او مبرر حتى وان كان صغير او تافه للاخر . يمكن ان يكون سبب وجيه للخيانة وكلما تعمق الطرفين في تفصيل مشاعرهم الحقيقية قدام بعضهم وكشف الاسباب كلما كان المجال افضل لاعادة العلاقة وبناءها من جديد.

5- تجنبوا ترمون اللوم المتبادل و حاولوا تلاقون الحل للمشكلة الاساسيه و ناقشي الموضوع مع زوجج بهدوء دون عصبيه عشان توصلين للأسباب الي خلته يخونج. وحاولي تفهمينه وخاصه اذا شفتيه( ما) اعتذر وتأسف .


6- تكلمي معاه عن مستقبل العلاقة الزوجيه والافضل انج تتفقين معاه ان زواجكم مهم عشان العيال وانكم بتحاولون تخلونها تستمر بالتعاون وتصلحون عماركم.. وتكلموا عن عيالكم وانهم مالهم ذنب في اللي صار.







7- ابدي تتكلمين عن كل الامكانيات والاختيارات وناقشي كل اختيار بروحه وشو راح تكون نتيجتة فاعليته بهدوء مش بصريخ.:e076:.و في حال اختلفتوا في وجهات النظر .. امسكي اعصابج وهدي وتذكري انها جلسه عشان الصلح والتفاهم.​

وبعد ماتحددين الاختيارات واختبار فاعليتها حاولي ترتبينها.. مثلا :



ان يقولج قبل ما يطلع من البيت وين بيروح ومتى بيرجع !!


خليه يحدد مدة طلعته من البيت مثلا يقولج انا بطلع من الساعه كذا لين الساعه كذا !!


انه من يدخل البيت ماله داعي يتكلم في الموبايل لانه الوقت وقتكم انتي والعيال وبس !!


وطبعا هناك اتفاقات غيرها ..انتي تحددينها في حال اكتشفتيه يخونج وتبين الموضوع يتصلح.




في النهاية قبل ما تفكرين بشروطج كوني منصفه ولا تذلينه لانج كشفتيه يخونج وتقولين بأدبه وبتشرط وبخليه يسوي كذا وكذا .





ترا قبل كل شي 70%من سبب خيانته لج (انتي ...)


واذا كنتي حابه تصلحين الموضوع وحياتج الزوجية عشانج وعشان عيالج وانا ادري ان الخيانة جدا صعبة :frown:... حاولي تهدين يوم تكتشفين الخيانة ولا تذلينة خاصه اذا كان ندمان.






لانج لو بالغتي في ردة الفعل بعصبية وتكسير وتهديد واذلال.. بيعاند وفي لحظة تسرع بيروح للي كان يخونج معاها وبيندم انه اعترفلج وصارحج وبيواجهج بزواجه وعادي يقولج تبين ترضين وانا متزوج غيرج بارك الله فيج وانا باقي عليج ما تبين نفقة العيال بتوصلج ودخلنا بالمعروف نطلع بالمعروف.

:e136:
لان الرجال مستحيــــــــــــــــــــــــــــــــــــل لو كان غلطان يحب انه الحرمة تذلة


ف اذا اعترف بغلطه واعتذرلج اقعدي وتفاهمي بهدوء عشان ما تحرقين كل شي وتندمين ...

والله يبعد الخيانة وبنات الحرام عن ازواجكم امين


ويرزق كل بيت وكل زوجة وزوج السعادة والاستقرار النفسي والعاطفي امين


انتبهي حبيبتي لزوجج واهتمي في نفسج و ( فيه ) ولا تزعلين على كل شي وتعاندين.


الزوج ولي وسند وذخر ورضاه عليج ترفعه الملايكة لرحمن .
وسامحونا على الاطالة
مع حبي

وتوتة توتة خلصت الحدوتة

ادعولي بالثبات​

 

[شرنقه حب]

عزيزتي سلامي 26 موضوعك رائع بسسسسسسسسسسس فيه شغلة ودي اوضحها ان بعض الرجال متخلفين وهم قلة *ولله الحمد* يحبون المراه المستحيه الي بتقطع من الحيا؟؟ الي شوي وتروح فيها من الحيا والحشمه الي فيها..ما يحبون الي تلبس قصير وتمشي مشيه القطه؟؟؟ والعطر بيصك الراس من كثر ماهي متعطره...
لا تفهميني غلط ما انتقد موضوعك بالعكس انتي قلتي عيييييييييييين العقل لان اغلب شبابنا يحب يشوف خطيبته في قمة الدلع والذوق وما راح ينتقد عليها ابد
بس الي اقصده ان كلللللللللللللل وحده بتنخطب تشوف طبيعة الرجل من ناحيه المدينه الي عايش فيها طبيعه اهله, اخواته كيف يلبسون, لان في الغالب الرجال يكونون معجبين با اخواتهم اكثر ....وبالنسبه لي والله اني ندمممممممممممت عدد شعر راسي على السحا وعلى اللبس الي كنت البسه فترة الخطوبه كنت جدا مغطيه حالي تقولين لابسه شرشف صلاه؟؟؟؟
وتحياتي للجميع

 

[سلامي26]

عزيزتي سلامي 26 موضوعك رائع بسسسسسسسسسسس فيه شغلة ودي اوضحها ان بعض الرجال متخلفين وهم قلة *ولله الحمد* يحبون المراه المستحيه الي بتقطع من الحيا؟؟ الي شوي وتروح فيها من الحيا والحشمه الي فيها..ما يحبون الي تلبس قصير وتمشي مشيه القطه؟؟؟ والعطر بيصك الراس من كثر ماهي متعطره...

لا تفهميني غلط ما انتقد موضوعك بالعكس انتي قلتي عيييييييييييين العقل لان اغلب شبابنا يحب يشوف خطيبته في قمة الدلع والذوق وما راح ينتقد عليها ابد
بس الي اقصده ان كلللللللللللللل وحده بتنخطب تشوف طبيعة الرجل من ناحيه المدينه الي عايش فيها طبيعه اهله, اخواته كيف يلبسون, لان في الغالب الرجال يكونون معجبين با اخواتهم اكثر ....وبالنسبه لي والله اني ندمممممممممممت عدد شعر راسي على السحا وعلى اللبس الي كنت البسه فترة الخطوبه كنت جدا مغطيه حالي تقولين لابسه شرشف صلاه؟؟؟؟
وتحياتي للجميع

اشكرك حبيبتي ( شرنقة الحب ) على التفاعل وعلى الاضافة

مع كل هذا لازم البنت ماتتجرد من الحياء والخجل اللي ربنا خلقه فيها
والبنت اصلا بطبعها خجولة

 

[حرم السيد ماجد]

مووضووعك رااائع جدا

الله يوفقك لكل خير ويفرج همومك

ويثبتك على طاعته يا رب

 

[سلامي26]

آآآآآآآآآآآآآآآآآآآمييييييييييييييييييييييييين

 

[سلامي26]

فووووووووووووووووووووووووووووق

 

[دمعة منسيه]

 

[مغريه]

موضوع حلوووووووو واااااااااااااااااااايد
ويوعي الحريم من الغفله والنوم بالعسل
الله يوفقج ويرزقج وجزاج الله خير:icon26::icon26:

 

[شوفتك جنتي]

مشكوره
موضوع حدا حلو
والله مجهود تشكرين عليه
بس والله مب دايم يكون التقصير من المراه
والله ان اكثر الحريم وخاصتا في وقتنا هذا يحاولون يتمسكون بازواجهم
بشتى الوسائل والطرق بس الرجال ماهمهم
خذيني مثال بصيت اقوم من الصبح افطر عيالي واخذلهم دش ولبسهم احلى لبس
وانا اروح اخذ دش واضبط نفسي وبعدين ارتب بيتي
يقوم طويل العمر مايبي احد يكلمه ولا احد يكون قدامه على طول يلبس ويخرج من البيت حتى لو كان ماعنده عمل وبعدين يرجع وقت الغداء ياكل ويبدل هدومه طبعا اكون مجهزتها ومرتبتها
يلس ويخرج من غير ولا كلمه وعلى هذا طول اليوم