متى البس فستان الزفاف

ع

عروس نجد 2008

New member
إنضم
2009/11/28
المشاركات
732
بنات تكفون متى اروح للقاعة لاني اكيد بخلص على صلاة المغرب بإذن الله واطلع من المشغل واهلي الكوافيره بتجيهم البيت بصراحه مدري متى اروح واخاف اتمرمط من المشغل للبيت للقاعه ولاتنسون الحر الي جاينا مابي مكياجي يخرب :2:
والسؤال الثاني متى البس فستان الزفاف من المشغل وإلا في البيت وإلا في القاعه بس اخف اروح هناك والاقي حريم قدامي وش اسوي يالله يامتزوجات هذا دوركم انتم لانكم بتحكون عن تجربه والتصوير وين يكون في بيتنا عشان اخذ راحتي وبنفس الوقت ماودي البس الفستان وانزله لانو اخاف جسمي يعرق وتطلع ريحه :24:
الاضافر التركيب صعب تطلع وإلا عادي اطلعها بدون الم
ومتى اصلي العشاء مابي اصليها مشي حالك ابي اصلي صلاتي العاديه بكل اريحيه هل عادي اصليها بعد ماطلع من القاعه يعني بحدود الساعه 11 ليلا قبل اليوم الجديد
بنات انا ماحكيت إلا الي في قلبي وبكل صراحه لانو ماعندي إلا انتم :7:
 
اول شي حبيبتي الف الف مبروووك
ثاني شي فستانك اذا راح تروحي للمشغل لازم تلبسيه عندهم
قبل تسوي التسريحه يعني بعد ماتسوي المكياج
انا يوم خطبتي رحت للمشغل ولا اخت فستاني ولمى سويت المكياج وجت بتبدى في شعريسألتي فستانك كيف يلبس من فوق قلت ايه قالت لامي لازم حد يجيب الفستانوتلبسه احسن عشان التسريحه ماتخرب هذا وانا بس خطبه مو زواج وانتي عارفه فستان الزواج وحووسته في الابس عشان تحافضي على التسريحه مرتبه وحلوه لازم فستانك تلبسيه في المشغل وخذي الكريمات والعطر وعك قبل تلبسي عطري جسمك
انا جتني الكوفيره للقاعه وبعد ماسوت لي المكياج قالت البسي الفستان
طبعن حطيت الكريمات ودهن العود وتعطرت ولبست فستاني وسوت شعري
وبعدها الشرعه وحطت لي كريم اساس على يدي وضهري وصدري عشان
جسمك يكون موحد لونه بس بنت خالي راحت للمشغل تقول قالتلي لازم تلبسي الفستان
عشان التسريحه ماتخرب وتنحاس ولبسته ولمى خلصت جت من المشغل
علطول للقاعه ونادت زوجها وتصور في الغرفه الي بالقاعه كذا احسن
يعني لاتروحي للقاعه الا وانتي لابسه فستانك وبكامل زينتك لان ام العريس واخواته
اكيد اول مايعرفو انك وصلتي راح يجو عندك ويمكن يستقبلوك فلازم تكوني مستعده
التصوير ياقلبي في القاعه اول شي تصوري مع زوجك قبل تنزفي عشان المكياج مايخرب
من بوسات الحريم وبعدها قبل تروحي نادي اهلك وابوك واخوانك وتصورو مع بعض وبعدها روحي
صلاه العشاء ياقلبي قبل ماتسوي المكياج توضي واول مايأذن العشاء علطول صلي عشان ترتاحي
عني ياقلبي جتني الكوفيره في القاعه ومافي غيري انا وامي بس سوت امي وبعدها بدت فيني مابت
فيني الا بعد صلاه العشاء يعني توضيت وصليت قبل اسوي اي شي ومره ثانيه ياقلبي الف الف مبروك
والله يتمم عليك بخير ويسعدك في حياتك ويسر امور زواجك تقبلي مروري ووردي​
 
الله يجزاكي خير بس صعبه اناديه عشان اصور معاه استحي منه ولا ودي اسوي الحركه هذي احسها صعبه حيل
وبالنسبه لكريمات الجسم والعطور ودهن العود اخلطها واحطها وإلا احط شي شي تكفين جاوبيني
 
ياقلبي ليه تستحي عادي انتي ماعلمتيه انك راح تجيبي مصوره
لان حلاه صور يوم الزواج انتي وزوجك تكون ذكرا مرره رووعه
واذا تستحي قولي لوحده من خواتك تقول لوحده من خواته خلي فلان
يجي عشان يتصور مع عرووسته

لاياقلبي انا ماتخلطيها اول شي حطيت الكريمات تبع العطر
وبعدها حطيت دهن عود في اماكن النبض وماكثرت وبعدها تروشت بالعطر>>ههههههه
كانت بنت عمتي معي وامي عطروني بالعطر من راسي لرجلي وبعدها جابت امي
عووده حطتها على الفحم في مبخره ودخلت تحت الفستان وبخرتني كانت تريحتي مرره جنااان​
 
هههههههه ياحبي لك ياعروس من جد شكلك شايله هم الله يكون بعونك ^_^

شوفي ياقلبي لا تلبسين فستانك بالمشغل اكيد فستانك كبير وفيه ذيل وجيبون يعني انوااع الحوسه , احسن شي لاتلبسين الا اذا اذا رحتي للقاعه وركدتي عادي وشفيها اذا رحتي ادخلي بعباتك وروحي لغرفتك بسرعه حتى لو شفتي حريم لاتسلمين عليهم (انتي العروس !) ماحد بيلومك . واصلا انتي بتكونين كششششخه ماشاء الله وش فرقت اذا كنتي لابسه فستان اولا ^_^

التصوير على حسب انتي وش مقرره بالضبط , لان تعرفين المصورة بتجيب معها خلفياتها وكشافاتها فلازم تثبتين بمكان , اتوقع افضل شيء خلي التصوير في القاعه .

ما انصحك بالاظافر التركيب , انا جربتها بزواج وحده من قريبنا يوم جيت اشيلها طلعت روحي وغير كذا الصمغ مو راضي يروح قعد اسبوع كامل شكله غبي ومقرف على اظافري .


وصلاه العشاء تساهيل ان شاء الله , صليها اذا رحتي بالبيت والا بالقاعه لا تأخرينها الى 11 يمكن تنسين .

بالنسبه للعطور لاتكثرين كريمات وخرابيط , حطي مخلط فخم( انصحك بمخلط العرين من الدخيل ) ودخون وبس
انتي اصلا اذا رجعتي لبيتك ان شاء الله لازم تاخذين شاور لجسمك وساعتها حطي العطر اللي انتي مخصصته لليله الدخله مع الكريم حقه والشاور جل ^_*

الله يوفقك ياقلبي
 
ياحبي لك يابرادا ويعجبني تفاعلك دايم وصدقك بردودك وخلاص شورك وهداية الله مانيب لابسه اضافر تركيب بس ياعمري احس بخوف شديد لانو بدخل الزواج وبنزف وامه كارهتني عشان كذا لي اسبوع تعبانه من الربكه ويشهد الله يابرادا اني اتصلت مليون مره عليها بس هي قالت له قلها لاتتصل يع عليها تخيلي ومع ذلك اتصل مابي مشاكل ولاهي راضيه تغير فكرت الطلاق الي راكبه راسها عشان كذا انا ماتجرا اقول نادي ولدك بصور معاه اخاف منها

طيب وانتي برادا متى زواجك الله يوفقك ويجمعك معاه على حب وموده واحترام
 
الله يوفقكـ حبيبتي حسيت بتوتركـ وانا اقرا بالسطور
عادي ياعمري تراها تساهييل ان شاء الله،،
بالنسبه للفستان اكيد قبل التسريحه
والله يعينك على امه اذا كانت ببدايتها شانه الحرب
حبيبتي كل ما شفتيها قولي اللهم اكفنيها بما شئت،،
الله يحميك من كل شر ،،
اختـــــــــــــكـ ام سلومي *_^
 
<<همسه شووق>> قال:
ياقلبي ليه تستحي عادي انتي ماعلمتيه انك راح تجيبي مصوره

لان حلاه صور يوم الزواج انتي وزوجك تكون ذكرا مرره رووعه
واذا تستحي قولي لوحده من خواتك تقول لوحده من خواته خلي فلان
يجي عشان يتصور مع عرووسته ​

لاياقلبي انا ماتخلطيها اول شي حطيت الكريمات تبع العطر
وبعدها حطيت دهن عود في اماكن النبض وماكثرت وبعدها تروشت بالعطر>>ههههههه
كانت بنت عمتي معي وامي عطروني بالعطر من راسي لرجلي وبعدها جابت امي

عووده حطتها على الفحم في مبخره ودخلت تحت الفستان وبخرتني كانت تريحتي مرره جنااان​
أنقر للتوسيع...

ماقدر اقول لخواته ما أمون عليهم
والله يسعدك الي علمتيني متى احط الكريمات ولبخور احسب اني احطها قبل اروح للمشغل
ماقول إلا الله يعطيك لين يرضيك
 
الله يجزاكي خير يا ام سلومي والله يحفظلك سلومي ويرزقك بره وعطفه وتسخير زوجك لك
 
الله الله يوفقك حبيبتي ويتمم عليكي بخير انا لسه باقي ما عرست بس دخلت ادعيلك واقولك لا تشيلي هم عادي راح تعدي على خير وادعيلي الله يخليكي الله يتمم ملكتي على خير
 
ياحبي لك يابرادا ويعجبني تفاعلك دايم وصدقك بردودك وخلاص شورك وهداية الله مانيب لابسه اضافر تركيب بس ياعمري احس بخوف شديد لانو بدخل الزواج وبنزف وامه كارهتني عشان كذا لي اسبوع تعبانه من الربكه ويشهد الله يابرادا اني اتصلت مليون مره عليها بس هي قالت له قلها لاتتصل يع عليها تخيلي ومع ذلك اتصل مابي مشاكل ولاهي راضيه تغير فكرت الطلاق الي راكبه راسها عشان كذا انا ماتجرا اقول نادي ولدك بصور معاه اخاف منها

طيب وانتي برادا متى زواجك الله يوفقك ويجمعك معاه على حب وموده واحترام
أنقر للتوسيع...

يابنت الحلال تعوذي من الشيطان وعيشي فرحتك لاتشغلين نفسك وتندمين انك ضيعتي ذاك الوقت بالتفكير في امور تافهه والشيطان كبرها في مخك و ان شاء الله كلها تساهيل .
وترانا ياقلبي كلناااا في الهوا سوا انا انصحك وانا اردى منك زواجي في 30 رجب يعني بعد حوالي 25 يوم الله يتمم علينا وعليك ويجعل هذيك الليله علينا بردا وسلاما كما جعلت النار بردا وسلاما على ابراهيم .

واذا على امه هي انسانه كبيره في العمر حشميها لله ولاتدققين في كلامها وتصرفاتها حتى لو كانت الله يهديها شرانيه , واذا هي مسببه مشاكل الان لا تكلمينها وهي منفعله اتركيها , انتي سويتي اللي عليك وكلمتيها والحمدلله ماقصرتي , يعني المشكله فيها هي مب فيك , ولاتخافين وانا اختك ربك عالم وش في نيتك وان شاء الله مب مضيع صبرك عليها .

اللهم وفق اختي عروس نجد واجعلها من اجمل الحور في عين زوجها واهله واصرف عنها كيد الكائدين واجعل كيدهم في نحورهم اللهم امين .

 
الــــــــ1000ـــــــــــــــــــــــــــــــــــــــــــــــــــــــــــــف مبــــــــــــــروك ياقلبي الله يوفقك ان شاء الله
 
الخائفه من الله قال:
الله الله يوفقك حبيبتي ويتمم عليكي بخير انا لسه باقي ما عرست بس دخلت ادعيلك واقولك لا تشيلي هم عادي راح تعدي على خير وادعيلي الله يخليكي الله يتمم ملكتي على خير
أنقر للتوسيع...


الله يسعدك ياوخيتي ويكتبلك لي فيه الخير لك وان كان في زواجك هذا خير لك الله يعطيك تسخير زوجك وحنانه وماله وعطفه ويعطيك لين يرضيك بشرينا اذا ملكتي
 
برادا الله يكفيني واياك كيد الكائدين وحقد الحاقدين واللهم اكفني وياك بمن يحاول ان يضرنا بما تريد يارب العالمين يعني انا بتزوج قبلك بيومين الله يسعدنا يابرادا ونبرد قلوبنا بالستر
 
ياحيااااااااتي ياعروس

قسسم بالله حسيت بك اسئلتك ورا بعض مثل حالتي وقت التوتر

البنات ماقصروا معك وأفادونا

الله ييسر أمرك ويوفقك والجميع يارب
 
وابتدى المشوار قال:
ياحيااااااااتي ياعروس

قسسم بالله حسيت بك اسئلتك ورا بعض مثل حالتي وقت التوتر

البنات ماقصروا معك وأفادونا

الله ييسر أمرك ويوفقك والجميع يارب
أنقر للتوسيع...


فديت قلبك ياعمري
طيب انتي ماقلتي وين بتلبسين فستانك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل